tissueeee's Profile

見佢門面幾靚俾佢呃左入去試。紫菜飯捲，$40，一啖食落去就知擺左好耐，好唔新鮮，仲有d酸縮臭味！啲飯好爛，又冇任何調味，似食緊普通爛白飯，口感極差，而且完全冇一丁點麻油香氣，鹽都唔覺有落，真係好crazy!其他配料亦一樣冇任何調味咁，如甘筍同蛋，好似搵水白烚又冇落鹽，極度"淡貿貿"，塊紫菜都係冇味，簡單一句真係好難食，我平時都係食清淡口味嘅人都完全頂唔順，未食過咁難食嘅韓式料理，你隨便喺屋企自家製都冇可能整成咁！…Read More

呢餐真係夠經典，我呢世人從未食過咁離譜嘅一餐，唔知呢間小店開店之前到底有冇過煮食經驗？我認為稍有丁點煮食常識嘅人都做唔出呢種驚世杰作！1.濕炒海鮮河 $55如圖所示，實際為"上湯浸河粉"更離譜是，啲蝦係霉！啲蝦係霉！啲蝦係霉！啲河粉我更是一d味都食唔到，我以為自己係咪鼻塞！而河粉口感亦浸到溶溶爛爛！呢碟野我食左幾啖已倒落垃圾桶！(下圖是我倒走啲湯)2.泰式春卷 $48一打開見到已經唔開胃！油浸春卷，成舊都係濕的，放左舊落口都覺得好核突，唔知食緊啲乜！🤮🤮🤮🤮3.泰式炒飯(豬) $52放左一啖落口即講粗口，啲飯係濕嘅！好似岩岩新鮮煲完爛飯就落鑊係咁意兜兩下咁！而且個飯係冇味嘅！(利申我平時係食淡口味嘅人)間鋪已經喺街市入面，價錢又唔平，煮啲咁嘅野食俾人，你自己都唔會放得入口，我真係想問一句你有冇良知？本人真誠告誡，各位街坊切勿以身試法！！…Read More

好耐之前幫襯過一次，同樣係XO醬豬扒炒公仔麵，果次係超級鹹， 鹹到食唔落。事隔好一段時間，諗住可以俾多次機會再試下，點知竟然仲衰過上一次！個公仔麵本身係已經煮到發晒嗰隻，所以之後炒完都係淋過乜咁，一丁點咬口都冇;調味方面，一丁點XO醬都食唔到，佢應該係唔記得咗落！只係勁重嘅老抽同豉油味，仲要係超重手， 鹹到痴線！呢間野嘅廚房佬到底係咪全部都係零經驗嘅廚房學徒嚟？稍為有些少居家煮食經驗都冇可能煮成咁！仲要賣成$64，呢間野真係可以永久blacklist！…Read More

話説我之前都睇到呢間勁多負評，但當日趕時間想求其醫肚，先知道佢啲負評並非浪得虛名。入到去呢樣冇果樣冇，落單個女人仲要串+冇禮貌，我就求其叫個乳豬飯。轉頭呢個好冇禮貌嘅女人(戴眼鏡長頭髮)擺碟乳豬燒肉雙拼飯上枱講左句"燒肉係驚你唔夠食"，我睇住碟飯得果三、四舊乳豬，我問佢"你咩意思，咩叫驚我唔夠食？你即係話原本嘅乳豬飯就係得呢幾舊？？"呢個女人答唔出但仲要惡過你"係驚你唔夠食，你唔鐘意食(燒肉)我咪同你收返走佢囉！"呢個女人真係痴左線，我個乳豬飯$6x，你未問過我就換左一半$5x嘅燒肉比我，仲話你唔要就同你拎走啲燒肉佢，咁你係咪至少個飯要同我減返廿蚊呀！燒味佬見到我哋擾攘就出嚟同我哋解釋，乳豬今日賣哂得返呢幾舊，所以搭咗燒肉比你。如果燒肉唔岩食，可以換其他比你(好聲好氣的)呢個女人你一開始直接啲講，好似燒味佬咁，其實大家都會將就下，加上我又趕時間自己唔夠乳豬賣，唔同人講，換左啲平燒肉落去，仲要態度咁差、施捨俾我咁講"係驚你唔夠食！"真係著到我！最後忠告，呢度嘅食物味道只係好一般，平平無奇嘅街市飯盒咁，根本對唔上個偏高嘅價錢！其次，態度、經營手法更加非常之差，咁多負評真係唔係冇原因！呼籲各位無需以身試法！(照片係我食左兩啖覺得要上嚟寫食評先醒起要影的)…Read More

之前食過都知呢間野味道非常一般，因為住樓上貪方便同埋都想俾多次機會再試一次其他野。。。馬拉盞豬頸肉炒米粉，首先，係凍嘅！我叫完個外賣已經十分鐘落到去，之後又即刻上返樓，所以唔係我路程遠整凍食物。喂你咩原因整定左啲食物都好，至少都要整返熱先出餐卦？？其次，味道亦係好難食，濕塔塔嘅，一啲獲氣都冇！杯芒果沙冰仲攞膽，勁快融，融出嚟果啲水係激似維他芒果汁(其實我飲落直頭覺得係一模一樣！)，完全係一啲鮮芒果都冇加過落去！唉其實如果冇心做好食物，真係好浪費一個咁好嘅鋪位！樓上街坊上…Read More

劣食🤬🤬叫咗個外賣下午茶雞絲扎肉湯粉加春卷等咗25分鐘都未有，樓面亦冇入廚房跟跟最後我唔想等淨係攞走個湯粉，都算啦，返到去打開見到個湯底都覺得伏，咁似味精粉沖出嚟嘅湯嘅飲一啖，激似係泰國果隻mama味精米粉嘅味！！！！！！！！！！！！！！食多兩啖仲覺得有啲似食緊超力銀絲米粉！食完勁口渴！！！賣成48蚊，凍飲仲要加$6！ 價錢喺將軍澳嚟講唔係貴，但係你俾啲咁嘅野人食，學咩人講良知呀？(佢門口貼住拒絕安心出行又點點點，我認為你唔識煮野食又賣啲即食麵質素嘅嘢嚟開店賺錢，其實自己又何嘗唔係冇良知？)…Read More

呢碗折咗都要$57嘅蕃茄通粉(不連飲品)，真係驚為天人。一打開就睇到係家樂牌快熟通心粉嚟，個湯杰撻撻，食一啖exactly係地捫果隻蕃茄濃湯嚟，撈嚟撈去都見唔到一丁點嘅新鮮蕃茄肉或蕃茄皮，我食完仲要勁口渴(我冇飲過一啖湯)。雞翼只係普通滷水醃仲要overcook煮到啲肉勁梅，牛肉亦非常一般！呢碗咁嘅垃圾賣成六十幾蚊（原價），四十蚊都絕對俾多。佢同kfc早餐果碗蕃茄湯通真係有90%似！我真係好想問一句你哋有冇良知？唔怪得知而家已經冇人食…Read More