kwokontsang's Profile

放工唔想自己煮，餐廳又諸多制肘食得唔開心，所以去左紅磡廣場入面一間想食左好耐嘅餐廳買外賣。安格斯漢堡包($88)-三個字—”不得了”，塊漢堡係即搓，成吋半厚，充滿牛肉味，又多肉汁，好味到痴晒線！軟殼蟹忌廉蘑菇意粉($85)-以為個軟殼蟹係精粹，原來個意粉先係，creamy到呢~蘑菇又多，當然，個軟殼蟹都好好食，份量大又炸得啱啱好！老闆仲親手沖左個用奶開嘅熱朱古力俾我做餐飲，好人同warm到我估唔到！呢個價，邊度有，疫情下更加要幫襯！…Read More

呢間cafe之前去過，小食已經覺得唔錯。今次黎食晏，去到發現超平！一個餐有野飲都呢間cafe之前去過，小食已經覺得唔錯。今次黎食晏，去到發現超平！一個餐有野飲都係七十蚊左右，啲野食比出面啲泰國鋪頭更好食！今次叫左炒金邊粉，絕非一般用茄汁hea炒，似足泰國街頭食嘅風味~佢仲有大量手工啤，但等下次食晚飯先試啦~除野食之外，由於呢間鋪頭其實好大，坐得相當舒服，又近車站，二樓仲可以用黎搞party，有曬board game飛鏢，呢間野真係冇得輸！…Read More

見個門面都ok就走入去試下，叫左滷肉飯同清燉牛肉麵，首先講滷肉飯，其實飯嘅質素都非常緊要，但好明顯佢係hea煮，用嘅係台灣米，但爛到一個點....有d似粥...再講d滷肉，味係夠，但肉係乾嘅，好食嘅滷肉飯係可以食到一粒粒嘅飯之餘，仲可以食到滷肉嘅油香，肉嫩，味濃嘅感覺，可惜，呢度係食唔到至於牛肉麵，麵底係可以，牛肉都ok，但湯底似係加左水嘅牛肉湯，唔係話佢唔夠咸，而係d牛肉味淡到就快食唔出，如果有去過台灣食清燉牛肉麵嘅朋友應該明白，湯頭係應該充滿牛肉味…Read More

Seldom have chance to eat around Admiralty during lunchtime. Today my colleagues brought me to this pretty cosy restaurant to taste their burgers.There are many types of burgers, but I picked the classic one as I think that it should be enough to fill up my stomach ><The Classic burger is huge! Thickness of the beef was around an inch! When I bited into it, there was juice coming out from the beef! There was a strong flavor of beef which cannot be tasted in normal burger shops~! As I chose medium, the meat was still tender and juicy and once you started eating it, you couldn't stop!Definitely this restaurant is a choice in Admiralty for both lunch and dinner. …Read More

好耐未黎好景,今日要同人傾野,所以就揀左呢間黎食飯坐下~呢間餐廳個格局係一間酒店,星期一同四夜晚都會有live band,但奈何今晚冇 ><三個人就叫左三個courses,一個沙律,一個pasta,一個薄餅,因為有人揸車所以唔可以飲酒~先黎"燒帆立貝雜菜油醋沙律",隻帆立貝好大隻,再加左少少燒汁o係面,好好食,而下面o個d沙律亦都相當有水準,油醋o既份量岩岩好,唔會好似出面d餐廳咁俾得o個幾滴你...沙律o既份量亦都好大,夠曬三個人食~!值得一試隻帆立貝~再黎"三文魚露筍墨魚汁天使麵", 份量同樣唔細,三文魚都好足料,每一下會食到三文魚,天使麵好難煮得好,成日都會好爛,呢度煮得唔錯,天使麵仲有咬口,再加上有微香o既墨魚汁,成碟天使麵好有趣!!完全冇偷工減料!最後係"夏威夷薄餅",成塊薄餅佈滿左火腿同芝士,鍾意食芝士o既一定要試下,個薄餅烤到好脆,餅仲有juicy但個底就係脆o既~雖然佢得8吋大,但由於佢有好多料所以都唔薄,三個人食都好飽肚~總括而言,呢間餐廳d食物都有唔錯o既水準,價錢都尚可,下次可以黎呢度飲埋啤酒,咁就爽喇~…Read More

平時好少黎沙田圍,但今日接人放工,又放得早,就黎呢間西餐試一試~入到黎環境非常之唔錯,坐得好舒服,一D都唔迫,又比較靜,好岩食飯傾計~兩個人叫左三個starters, 第一樣叫三式普切塔,個名唔係好知點解,但其實係多士上面加上各種o既配料,包括蕃茄莎莎,煙三文魚他他同羊奶芝士,本人超鍾意食羊奶芝士,呢度o既羊奶芝士"羊"味十足,仲有少少溶,加埋個包超好食~凱撒沙律配煙三文魚 - 煙三文魚份量絕對唔少! 羅馬生菜都好新鮮~再加上個sauce,成碟沙律好新鮮,煙三文魚好原好好食~香辣蒜片啤酒煮蜆 - 一上菜o既時候已經聞到好香o既啤酒味~蜆肉都非常新鮮,加上辣辣地,會愈食愈想食~用啤酒煮呢個方法真係好特別!薯仔麵糰配辣肉腸加巴馬臣芝士 - 平時好少食薯仔麵糰,因為唔係度度都會整,呢度用左辣肉腸去煮佢,甜甜地,好好o趙,令本來冇咩味道o既薯仔麵糰成為左一碟美食西班牙燒乳豬 - 呢個係全晚最好食o既一道菜,皮燒得非常之脆,好似食薯片咁!但裡面o既肉仍然好軟滑,亦好夠味道,份量非常之多,值得再試~!…Read More

作為中大人,酒店開左咁多年都未食過,今次終於有幸入黎開下眼界~FAMILY DINNER!北京填鴨三食: 一定要叫o既~不過淨係影左其中一食 ><侍應會好細心咁介紹俾你點食法, 當中d皮超級超級脆,o係香港未食過咁正o既北京填鴨,比起d老字號,好好多!松露魚:松露真係有一片一片咁加入去,好豪爽!!!未試過食魚係加松露,超級好食!! 又係必叫之選~~糯米蒸蟹: 隻蟹一定有特別揀過,真係多膏到嚇死你>< d糯米索曬d蟹汁,無語倫比~總括而言,價錢雖然係唔平,但食物質素極高,一世人一定要食一次~~!…Read More

間野開左一排,次次經過都爆多人,今日準時收工就特登黎食一次!黎呢度梗係要試下佢D手工啤,揀左1842 Island,如果鍾意有回甘味道o既朋友,呢隻啤酒好岩你,飲完一啖之後會有一陣回甘,相當有趣~~(其實唔係好似啤酒><)炸薯條: 超好食,最緊要係粗,仲要份量超多,食唔曬!燒腩食sandwich: 聽落好特別,所以即刻揀左,雖然超有罪惡感,但d燒腩皮脆脆咁包o係入面,真係未食過咁過癮o既sandwich!…Read More

黑白布街近期開左好多甜品鋪,間間都想試一次, 今晚見冇人排呢間,所以就走左去食~~香蕉法式班戟配雪糕: 個班戟煎得唔錯,入面D料超多,冇偷工減料,超級飽,個雪糕就麻麻地,唔係太重綠茶味,可以改善下…Read More

店鋪門面 - 好大杯"啤酒"o係門口,一定唔會搵唔到~店內環境 - 牆上擺設有好特色,特別係中間句說話餐牌- 價錢其實比其他德國餐廳略平少少~一黎到緊係叫啤酒飲~呢度d啤酒唔貴,最緊要係用返各自品牌o既杯,飲起都開心d~雖然話價錢比其他德國餐廳略平少少,但其實食物質素好過其實好多~!德國咸豬手配酸菜及薯仔沙津 - 個豬皮脆得黎唔硬,入口好似食薯片咁,d肉都好juicy,雖然係有焗到,但完全搵唔到over 左o既地方!第一次食到咁完美o既咸豬手! 不得不提係佢個自製honey mustard,超好食,本身佢得一小碟,我地特登問可唔可以俾多d因為點得太多太快~個侍應都好好人俾多兩碟我地~德國香腸拼盤 - 德國餐廳必食之選!薯角炸得岩岩好,香脆內嫩, d香腸亦到好有少準,下次應該叫盤大d o既~如果平時覺得德國餐廳o既酸菜太酸o既朋友,呢度o既就好岩你,因為佢係比出面o既酸菜略為冇咁酸,易左入口~…Read More

D2 Place開左好耐都未黎過,今晚放工特登黎行下,聽人介紹呢間餐廳幾有水準,所以就試下~餐牌:餐枱:炸薯條 - 本身本人就好鍾意食粗嘅薯條,佢炸得好好,仲有鹽嘅份量都落得岩岩好,最正嘅係佢有三種醬俾你點,當中嘅黑松露醬真係超級正,好有菇味! 第一次食薯條係點有黑松露嘅醬~!黑松露意粉 - D麵煮得剛剛好,唔太硬,成碟意粉都係用菇去調味,已經好足夠,本身黑松露已經好香,再加上牛肝菌,食落去更添菇味~!正~~水牛城雞翼 - 唔食得辣嘅人好岩~本身甜甜地,微辣,好野味,如果有啤酒就一流~~但可以令隻雞翼再脆D,咁就perfect~…Read More

之前都成日聽人講話呢度個景好靚,今日經開就專登上黎食~因為第一次食,所以淨係叫左兩樣餸,兩樣餸個造型都好靚,唔食得都睇得~第一樣係朝陽醬肘肉,其實有D似上海鋪食到嘅肴肉,不過呢個大件D,同埋肉嘅成份多D,而家冇咁肥膩,咸味做到岩岩好,讚!第二樣係豆腐餃子,單係個造型都已經值回票價,佢用一片薄豆腐,入面釀入蔬菜涵,鍾意食素嘅人一定好鍾意食~食肉嘅朋友例如我,都覺得呢個煮法好有新意,好清新!…Read More

未試過食呢間o既下午茶,發現原來只係食一個餐,就可以$120叫半打生蠔~所以父親節係黎呢度食下午茶~叫左兩個set,首先係辣肉醬寬麵,個sauce好濃好正,d麵都仲係彈牙~炸魚薯條就差dd,d魚有d腥...薯條就好好食,好脆~至於個生蠔拼盤,如果你唔係對食蠔有咁高要求的話,唔係一定要食Gillardeau的話,呢個拼盤真係好抵,有三種蠔,濃淡,爽軟,咸甜都有包括到,認真唔錯~!…Read More

現祟山落成左咁耐都未試過o係度食野,聽人介紹呢間野好好食,就特登端午節黎食下~先黎海南雞,雞肉肥美,連瘦肉都做到好軟,好有味,讚!再黎巴東牛肉椰漿飯,呢間鋪頭好有誠意,係用左坑腩到做,特別易咬,而且相當夠味,d椰漿飯亦做得好香!豬肉沙嗲串燒亦係另一意外驚喜!好易入口好juicy,個沙嗲醬應該係自己整o既,所以好好味,好特別~但奈何冇牛肉或羊肉沙嗲....成晚比較唔好o既係個喇沙,個湯雖然已經比出面好多鋪頭濃,但仍然係差少少…Read More

唱K都可以食好野~好多年前試過一次o係呢間唱,都覺得佢d野幾好食,所以咁耐冇唱就特登揀呢間黎唱佢有好多choice,好多野都想食,不過最後都係揀左三樣豬骨湯拉麵,其實拍得住出面d拉麵鋪o既味道,但d麵就lum左dd好似扁左d章魚燒,味道完全一樣,佢可以加多d菜令佢更似燒餅...份量比較細,所以我覺得貴左少少,但所有野都煮得好好食,特別係個豬頸肉,超爽超好食~…Read More