aikoshuen's Profile

喺海港城行街見到呢間近期成日俾人打卡嘅曲奇🍪店梗係即刻買來試吓😍 因為時間都晏 所以得返三隻味可以買咁就一於買晒三隻味🤣 同喺地鐵站買開嘅Mrs.Fields比一拎上手呢間舖嘅曲奇餅明顯重手大件好多😍😍😍 啱晒做下午茶☕️1.Chocolate Chip($40)⭐️⭐️⭐️⭐️係一個非常香濃嘅朱古力味食落甜甜地亦都有少少鹹味唔會係死甜味😍 而且朱古力味唔會冚過左本身曲奇嘅牛油香👍🏻2.Double Chocolate($40)⭐️⭐️⭐️⭐️食到兩種唔同嘅層次朱古力味道亦都係唔會太甜 但係食一塊就飽晒😂3.Brownie Filled($40)⭐️⭐️⭐️⭐️⭐️反而最鍾意係食呢一個黑糖味三塊曲奇入面 最香係呢一隻味呢隻黑糖唔會太甜 除左keep到牛油香味仲另外帶出到黑糖嘅香味👍🏻👍🏻👍🏻 呢一隻食多塊我都OK🤪依間啲曲奇🍪全部外脆內軟😍食落去嘅時候朱古力會溶化 重點係美式曲奇嘅精髓就係食落會煙煙韌韌👍🏻👍🏻 而且食到呢間嘅曲奇餅牛油好香！…Read More

今日又係尖沙咀食晏今日同朋友食呢間拉麵店🍜 呢間舖頭要人齊先可以入去 所以喺門口等咗一陣侍應安排咗吧枱俾我哋見到入面環境都乾淨👍🏻 我哋每人帶咗各一碗唔同嘅拉麵另外加兩個小食同埋飲品1.醬油味玉叉燒拉麵（標準）⭐️⭐️⭐️⭐️ 第一啖當然試佢個湯底，味道幾清新大部份出面嘅醬油拉麵都比較濃味但係呢間相對非常之清唔似一般好重味精嘅湯底 份量亦都非常飽，鍾意食清清地嘅可以一試2.黑醬味玉叉燒拉麵（標準）⭐️⭐️⭐️師傅一拎到我哋面前 我哋三個共同聞到係出前x丁嘅味道😅 飲落個湯底更加似⋯⋯ 而麵身冇乜特別 朋友覺得比百幾蚊食呢碗拉麵唔係好值😅3.麻辣味玉叉燒拉麵（標準）⭐️⭐️⭐️呢一個湯底相對另外兩個比較濃郁飲落去湯底都係一陣好普通嘅麻辣味唔算做得好出色到小食方面：1.骰子肉⭐️⭐️⭐️睇住廚師喺我哋面前燒熟 食落味道還可以 但係舊肉真係太乾身 2.炸雞⭐️⭐️ 呢個真係要彈一彈😅 五件雞 食落有兩件唔係好熟食到仲有啲粉係口入面最後三個人埋單六百幾蚊所以我覺得其實呢間拉麵店有米芝蓮一星真係有啲名過於實⋯ 我覺得有好多好過佢好多嘅拉麵店可以選擇…Read More

尖沙咀無飯帶の上班族😂成日都要週圍搵午餐食。今日同朋友簡左流尚坊11樓嘅Co-Dining Space12:25上到去已經坐滿左八成可見間餐廳都幾受歡迎🥰想食晏早少少嚟拎位/OpenRice訂位穩陣今次我就揀咗11號餐+餐湯+一杯榛子咖啡今日餐湯係南瓜忌廉湯🫕 不過不失⭐️⭐️⭐️🔅11號餐:安格斯牛肉烤菇漢堡+黑松露醬薯條⭐️⭐️⭐️⭐️⭐️CP值超高嘅漢堡😻😻 首先個漢堡非常足料！非常之高！一個女仔一啖真係咬唔到成個包😂中層嘅牛肉食落好重牛味 完全冇雪藏味👍🏻👍🏻而件大蘑菇亦都唔會燒過龍食落仲有本身菇嘅汁 唔會乾爭爭👍🏻👍🏻 其他仲有蕃茄芝士再加埋佢哋特製嘅醬汁覺得呢個漢堡非常有水準😍 另外其實我本身唔太鍾意食薯條 但係佢哋整嘅薯條配黑松露醬真係好好味😚 最後當然食得晒啦🤪❗️$92蚊咁高質絕對食得過❗️…Read More

提早一個星期book outdoor位食水煙.當有早一日因為有少少微雨🌧下午餐廳打嚟reconfirm 我哋坐入面定出面但係對話過程有少少唔愉快⋯⋯ 因為佢同我哋講一有少少雨就要走⋯ 唔可以轉返坐入邊⋯⋯（我哋同行六個人就諗緊⋯如果我哋嗌完嘢食又落雨咁點算😅）打電話黎個職員都係話：就算有嘢食入面有位都要即刻埋單走💩🔔搞到我哋全班成晚都提心吊膽祈求唔好落雨🥲🥲6:45去到發現未有太多嘢食可以選擇 所以我哋係大部份都係叫小食 食物方面不過不失⋯ ⭐️⭐️全晚我哋非常之讚Shisha⭐️⭐️ 有幾種唔同嘅口味揀 而且水煙師非常細心同極之專業！得閒就會幫我哋拆會唔會有炭味同埋會唔會濁！呢一樣喺其他食水煙嘅地方真係未感受過👍🏻👍🏻 而且水煙師非常之詳細解釋俾我哋聽Shisha唔同嘅專業知識👍🏻👍🏻👍🏻👍🏻👍🏻 …Read More

男朋友一早book咗位試食呢間天穴🤩 入到黎當然比出邊嘅維港景吸引啦👍🏻我哋嗌咗佢一個Testing set 另外再散叫唔同嘢食。刺身拼盤：⭐️⭐️⭐️⭐️⭐️ 可以話係我香港食過最高質嘅刺身完全感覺日本嘅味道🤩🤣 仲要全部厚切！而且勁鮮甜！嚟到一定要嗌呢一個刺身拼盤 一定唔會後悔🥰🥰🥰 之後叫咗個甜蝦蓉黑松露壽司⭐️⭐️⭐️⭐️⭐️ 亦都係冇得彈🤩🤩 甜蝦蓉打到非常之滑 仍然都係鮮甜嘅而家用黑松露配搭佢亦都非常之好味！最後嗌多咗個甲羅燒配三文魚籽鍋飯⭐️⭐️⭐️⭐️ 非常足料！每一啖食落口都有三文魚籽但食得太多野最後先食飯所以我覺得有小小膩Testing set冇特別記得有啲乜嘢😂 但係侍應每一個部份都講得非常之詳細！每一條魚應該配搭乜嘢食 食邊樣嘅先後次序都講得非常之好❤️ 當晚亦都嗌左一支燒酒一路飲一路食完全係彌補到飛唔到日本嘅傷感😂…Read More

遲左幾星期先打食評但仍然好深刻印象❤️提早一星期喺網上面book位Remark左慶祝生日🎂早一日餐廳會有人打嚟reconfirm Booking頌問需唔需要喺甜品到寫Happy Birthday 好貼心❤️❤️❤️去到安排左正常夜晚先坐得嘅舞台前位置俾我哋打卡一流👍🏻 佢每日嘅Menu就好似一份外國報紙咁寫晒日期另外仲可以比客人拎返屋企留為紀念☺️ 當日同行三人當日頭盤我就揀咗：慢煮三文魚三文魚籽紅心蘿蔔配微辣柚子沙律汁⭐️⭐️⭐️⭐️⭐️ 三文魚煮得非常之滑沙律汁非常開胃另外一位就揀咗：炸牛肉薯餅配沙律⭐️⭐️⭐️⭐️ 個皮唔會太厚 炸得啱啱好而且牛肉味夠 主菜：慢煮羊鞍肉 羊肉汁煮珍珠小米配栗子及芹菜頭⭐️⭐️⭐️⭐️⭐️ 呢個主菜我簡直可以比200分！羊肉非常滑 而個珍珠小米吸收晒所有精華 唔會太硬會過分黏！超級超級好食😚😚😚同行另一位朋友揀咗：香煎板腱肩肉配薯條⭐️⭐️⭐️⭐️⭐️ 同樣地佢嘅肉做得非常之好但配薯條我覺得唔係太match😂😂況且個薯條唔係好食🤣 我覺得可以轉配其他要比較好甜品方面冇乜特別 但係都係好食的😝朋友好鍾意佢哋杯咖啡🤩🤩🤩 係一杯超香濃嘅咖啡 味道非常之好我唔係好識飲咖啡但係都飲得出非常之濃👍🏻 下次有機會我一定會再嚟😋😋😋餐廳入邊俾你打卡嘅地方超多無論係走廊、隔離廳、甚至廁所都係一個打卡位📸📸📸 去到兩點幾大部份人走咗我哋繼續影相侍應都都歡迎🥰🥰…Read More

早咗大約一個月book位幫媽咪慶祝生日🎂特登Request左坐窗邊同埋生日慶祝🪅Book咗3:30食💕入到去侍應安排咗一個比較中間嘅地方.我就問返佢可唔可以轉返去窗邊位.佢話要再三核實本身坐窗邊嘅客人會唔會嚟先至安排俾我. 中途等咗10分鐘但係完全冇人會比茶嘅Menu... 隔咗10分鐘後佢話冇得轉🥺 咁唔緊要啦我就叫佢俾個Drink Menu.. 揀好晒茶最後突然之間又有得轉窗邊😂 轉左去窗邊位之後影咗兩張相 大約3:45到佢就落廉😱😱個人認為可以晏多少少先 始終大部份人去到都想打卡影相📸️至於食物方面： 兩個前菜-蝦沙律🥗 蝦鮮甜的 幾開胃 ⭐️⭐️⭐️⭐️火腿芝士牛角包🥐 可能整好咗一段時間包已經唔鬆脆 但係不過不失的 ⭐️⭐️⭐️到主角： 底層鬆餅🥞 有2款味道（原味&提子冧酒）+三隻醬俾你點檸檬醬幾清新 ⭐️⭐️⭐️⭐️⭐️ 另外兩款分別係士多啤梨果醬同高脂忌廉冇乜特別 但係夾埋幾好食⭐️⭐️⭐️ 鬆餅我整體可以俾⭐️⭐️⭐️⭐️ 到中間嗰層鹹點： 整體佢哋鹹點都做得幾出色⭐️⭐️⭐️⭐️少鹹味 慢慢食完呢層都飽飽地‼️‼️唯獨有一個係青豆撻幾意外‼️本身我非常抗拒食青豆！但佢夾埋又唔錯👍🏻烤牛肉青瓜三文治⭐️⭐️⭐️蛋沙律煙肉漢堡⭐️⭐️⭐️⭐️煙三文魚卷⭐️⭐️⭐️鵝肝慕絲大黃酥⭐️⭐️⭐️⭐️最後頂層甜點 好欣賞佢整得好精緻📸️賣相好靚之餘佢入邊仲有內餡做夾心⭐️⭐️⭐️⭐️⭐️⭐️ 呢個下午茶頌包左出邊嘅自助甜品吧有10款嘅雪糕雪葩 馬卡龍 幾款水果同黑松露朱古力🍫生果我冇刻意試 黑松露朱古力好香濃 而且入邊仲係實心嘅添💕⭐️⭐️⭐️⭐️ 馬卡龍：有唔同嘅味道 而且唔會整得太甜👍🏻粉紅色配返士多啤梨夾心 黃色就配返檸檬夾心👍🏻⭐️⭐️⭐️⭐️⭐️ 橙酒斑戟 ： 個橙酒比較偏酸 如果唔鍾意食酸嘅人我覺得都係叫佢唔好落漿會好啲🤣⭐️⭐️⭐️ 雪糕雪葩： 呢度嘅味道好特別 所以一定要試吓！鹹蛋肉鬆味： 我覺得真係比較鹹⋯好似食咗個超鹹肉鬆蛋捲落口咁樣⋯⭐️⭐️⭐️芒果糯米飯味： 呢個好特別！食到芒果同糯米飯兩個味道好分明！而且有少少食糯米飯嘅咬口😆⭐️⭐️⭐️⭐️⭐️ 檸檬雪葩:自問食得酸野嘅我 一放落口 好似食緊某個日本牌子嘅酸糖咁😂😂 酸到個樣即刻變晒😖😖 但係溝埋另一款嘅焦糖海鹽味 就中和返晒🤪絕對唔建議就咁食😇 如果兩溝比分嘅話可以比⭐️⭐️⭐️⭐️⭐️其實個環境幾舒適如果下次同朋友嚟都可以試吓再嚟一次😛…Read More

Book左位12:30食午餐💕 位置系海運最前面(出境樓上)因為未黎過，比較難搵少少，搞到遲左20分鐘🤦🏻‍♀️好彩都安排左個令位俾我地望海境😊同朋友每人叫左個DIY Sushi Set，擺面好靚岩哂相機食先😂😂再配海境一流😛食物方面 覺得刺身未算好高質好鮮，但以翻午餐黎講都算可以😊熟食方面都不錯！個雞炸得好Juicy！臨走頌話俾我地知晚餐星期一有半價優惠😍即約下星期晚黎試個美人鍋壽喜燒💕…Read More