露亞's Profile

為食妹同為食仔認證，香港暫時最好食嘅冰🍨男朋友一直好懷念韓國嘅牛奶冰，今次搵到間九成似嘅，超開心☺️焙茶冰 $85 ⭐️⭐️⭐️⭐️⭐️好有驚喜👍🏻茶味香濃，配埋其他配料剛剛好，唔會太甜。芋圓煙靭，珍珠好有黑糖味😋個base仲有仙草添！牛奶冰 $80 ⭐️⭐️⭐️⭐️雖然價錢少貴，不過份量好夠，少少食嘅兩個人share就剛剛好😊見唔係好多人幫襯，所以專登寫個食評支持下💪🏼💪🏼呢間小店絕對值得帶朋友仔黎試下架！…Read More

公司附近新開嘅小冰室，食物環境都很不錯👍🏻十一冰室喺一條小行仔入面，唔認真睇都真係會錯過。裝修係復古風，位唔算多，大概只有二十個左右。自選粉麵點左蕃茄雞扒米粉（其他選擇仲有牛扒/豬扒/雞翼）🍅蕃茄湯非常濃郁，滿滿營養嘅感覺🐣雞扒同雞蛋煎得幾好 無overcook同事叫左蔥油豬扒飯🥚配滑蛋同蔬菜，唔會淨係得肉🍚大大碗飯同豬扒，分量夠男仔食，女仔就可能要少飯啦~埋單每人$63.5,港島區Lunch黎講算唔錯。😬…Read More

喺市區嘅大型書店，依家已經真係買少見少。好似灣仔呢間有三層樓高嘅三聯已經唔多。有時想靜靜地睇下書飲杯野，三樓嘅cafe係一個唔錯嘅選擇！如果要講價錢的話，一個茶包一壺水40幾蚊，就一定唔抵㗎啦。不過有個地方俾你舒舒服服，花一個下午黎睇下書，chill下，算係咁啦。有時唔係下下都要計住個性價比嘅😬另外，見隔離枱食意粉同沙律，賣相都唔錯喎，見到餐牌意粉都係$52，唔算貴，加野飲會有discount，下次會想再黎試下。…Read More

厚福街呢一個食店林立嘅美食街，真係品質差少少都做唔住架。今日只係得大半個鐘嘅時間，諗住求其食一餐，點知都遇到驚喜揀左晚餐蔥油雞飯，塊雞扒差D大過我塊包包臉❗️煎到香噴噴，加埋隻蛋，真係好好送飯。想唔肥都幾難☹️另外凍檸茶都好抵讚👍🏻 依家好多餐廳嘅水吧都好求其...反而呢度茶底夠濃，夠凍，個杯唔會油琳琳。飲咗廿幾年，有無心機沖一定飲得出啦😬其實有時都唔係一定要食大餐嘅~簡簡單單咪好囉支持小店❗️支持冰室❗️一定會再返嚟幫襯~…Read More

利東街茶狼開左之後，sorry...天仁，Starbucks真係無哂吸引力茶狼一大重點係個杯，D茶嘅顏色同D水果都係設計過嘅！加埋利東街咁靚，裝修又靚，平時唔係點影相嘅隱藏版港女都忍唔住手影返幾張另外，茶狼非常聰明，最個月都有季節限定。岡山水蜜桃又有，夕張哈密瓜又有，keep住你個新鮮感。不過野飲40幾蚊一杯真係唔平，都係間唔中飲下好啦。人流方面，Lunch time (尤其1點左右）真係好多人。放工時間買就好好多。:)…Read More

星期五最期待一定係透透氣，食餐好嘅。日本野不二之選一定係一遊！Lunch time12點00分一定要跑落去拎位。因為你會發現12:10-13:30呢段Lunch高峰期，就Keep住有十幾廿人喺門口排隊架啦⋯我自己就最常叫嘅係刺身定食，D魚件件都厚切，三文魚係最肥美嘅腩位！重點一定係 海贍帶子甜蝦！Lunch有呢D野食真係覺得自己有D奢侈 hehe提提大家Lunch time 12:45前埋單免收+1。埋完單飲埋杯野行返上去就啱啱好啦。:)…Read More

不嬲對「小清新風」嘅餐廳都有少少偏見，覺得d野食一定係得個樣，好睇唔好食架啦...但呢間旮旯真係令我好驚喜，改觀哂喎!點左個冬陰公意粉，本身諗住試伏就玩大D...點知一D伏都無意粉個個即叫即炒👍🏻熱辣辣香噴噴酸辣醬汁非常開胃👍🏻大蝦煮得幾有心機, 另外分開煎嘅，唔係雪到冇味嘅透明蝦👍🏻麵入面D配菜，時間控制得啱啱好，仲係綠色嘅👍🏻加少少錢有埋前菜甜蛋，沙律菜，甜品同咖啡。貪心嘅朋友表示非常滿足！…Read More

平時喺港島區返工，D餃子閒閒地都5-60蚊得八隻，真係叫多個油菜都肉赤架!所以平時最鍾意就係放工落深水埗搵野食想食清清少嘅時候，第一時間就會諗起山東餃子！水餃一睇就知道係每日新鮮人手包架啦。入面有肉汁，菜肉比較都好合理。唯一可以更好嘅地方就係個湯底，依家好多其他舖頭都轉哂用老火湯底架啦，湯都可以飲埋就更吸引啦但呢個價錢黎講（$36/10隻淨餃/5隻水餃麵）收貨有餘架啦:)另外麻醬四季豆都係$20大大碟，最啱我地呢D長期缺乏蔬菜嘅外食族。…Read More

記得學生時代經常幫襯丸記（當時應該仲係叫九記) ,今日難得經過 一於就入去回味下啦！！諗都唔諗就叫左最愛嘅海南雞脾飯，真係估唔到過左咁多年再幫襯，D雞都仲係keep到咁滑滑 ，d味一d都無唔同到，加埋泰式醬汁，最啱依家咁熱嘅天氣食！非常開胃跟飯仲有雞湯送，唔好睇佢螢光黃色咁⋯其實都幾好味，又唔油！入面舊蘿蔔深得我心，又甜又無渣。除左海南雞飯，其實蕃茄牛腩飯同豬脾飯都好好食架！可惜一次食唔到咁多野，唯有下次再黎幫襯啦…Read More

首先 食物係好評嘅👍🏻莞茜餃同粟米餃非常推介 用料新鮮 蔬菜有甜味👍🏻湯底都好足料嘅感覺🤤有少少似屋企煲嘅粉葛湯👎🏻服務態度差到幾好食都唔想再幫襯明白嘅Lunch time係忙嘅⋯但呀姐全程呼呼喝喝 指揮交通咁落單當聽唔到外賣等半個鐘都無人拎出門口 要自己入去問先發現全部放哂喺度無人理如果老闆可以正視下呢個問題 我會再黎架如果唔係 無必要賣個外賣都要受氣囉🤷🏻‍♀️價錢： $61 （雙拼10隻粟米加莞茜餃） 少貴…Read More