mm1101's Profile

呢間客家菜開咗好多年，一直未有機會試。今次就專程約朋友放工後食宵夜！三杯豬腸煲：每枱都會點呢個煲仔菜，上枱熱辣辣。豬腸個皮好脆，有咬口，比較濃味送飯一流！炒花生苗：樓面姐姐推介，出面啲餐廳少有。用咗啲豬肉碎同少少辣椒嚟炒。啲花生苗真係有一粒花生喺度，不過比較硬。而花生對落嘅部分食落就有啲似芽菜。味道都係比較濃，配白飯👍🏻白切走地雞：雞肉唔算嫩滑，有啲部位仲比較難咬。不過隻雞唔肥，而皮下有充滿住啫喱狀嘅骨膠原，但呢半隻要二百幾蚊我下次就未必會叫餐牌仲有好多菜式，應該要一大班人嚟食叫多幾款嚟試…Read More

經過見到裝修幾特別，就入去試下。一座低就送上小食，原先以為係蝦片，但食落覺得有啲淋咗就冇再食...呢度食嘅主要都係雞同埋都有啲串燒可以揀，餐牌上面嘅選擇唔多。試咗炙燒雞叉燒湯粉絲，一上枱湯頭都幾清淡下，配料有芽菜椰菜等等。雞叉燒喺其他店鋪比較少見，食落肉質幾嫩，老闆話係用慢煮方式烹調，熟咗之後再燒返個表面👍🏻如果覺得味道唔夠濃可以加啲招牌辣醬同埋甜豉油。份量女仔就就岩岩好，偶爾想食清淡少少嘅話都係一個唔錯嘅選擇…Read More

每次想食中式糖水就會諗起合成！！今晚專程入九龍城食飯同埋食呢間做飯後甜品～我最鐘意食佢地嘅清心丸，喺出面嘅糖水鋪真係好難搵到有呢款配料，就算有都冇佢呢度咁出色，入口咁煙韌。清心丸係由薯粉整成，其實食落冇乜味，係潮州糖水特有架！近排天氣轉涼所以就叫咗個熱雪耳蓮子清心丸，蓮子都煮得好淋，加上雪耳嘅爽口同清心丸嘅煙韌..一碗有哂唔同口感男朋友就貪心地叫咗碗凍嘅椰汁紫米蓮子清心丸加湯丸..因為糖水係凍但湯丸係熱...所以佢地係分開上，感覺好似加湯丸有啲多餘咁....不過佢地嘅湯丸係黑芝麻口味，個皮都好薄，係好食嘅！至於個紫米就冇咩特別喇…Read More

之前喺九龍塘讀書成日落嚟九龍城食飯，清真牛肉館就係當年其中一個飯堂！清真牛肉館嘅牛肉餅係必食！牛肉餅上枱熱辣辣，個皮好薄，第一啖咬落去真係要小心啲因為佢個饀係會爆汁架！好juicy食落去牛肉一啲都唔鞋，一定要試！另外仲叫咗清真炒麵..其實就係咖哩牛肉片炒油麵，味道比較濃同埋食到底原來都好多油下....:(仲叫咗個蔥爆牛片，味道都係比較濃同少少咸，但啲牛肉同大蔥一齊入口食落都幾好味，不過最好配返啲口味清啲嘅面飯中和下。…Read More

呢間cafe係第二次嚟食，Cafe係半自助形式，先搵咗位之後再去cashier落單。叫咗嘅食物就會由餐廳職員送埋位。今次叫咗蕃茄忌廉蟹肉寬條面。寬條面煮得岩岩好，入口彈牙。而蟹肉份量好多，用料充足，入口啖啖都有蟹肉，食得出啲蟹肉係一絲絲，唔會霉。配埋個蕃茄忌廉汁味道酸酸地好開胃，加上啲蟹籽入口卜卜聲，再有埋啲黃椒同車厘茄，食食下就忍唔住成碟食哂👍🏻另一款叫嘅係北海道帆立貝明太子意粉。上次嚟都食過真係要encore!! 個意粉食落creamy, 調味方面主要都係明太子本身嘅咸鮮味。意粉一樣煮得好彈牙，而兩粒帆立貝有煎過好香口，加埋啲木魚乾，醬汁濃郁出面其他餐廳都冇佢整得咁好食！Cafe仲有唔同嘅茶可以order, 店員仲會配上一套好靚嘅西式杯碟享用，不過今次我就冇試到，下次可以叫返一壼嘆返個下晝！…Read More

友人生日，揀咗食呢間泰國都好出名嘅藍象～一入到去就覺得好浪漫好有情調! 仲安排咗坐窗邊位見到有海景👍🏻食物方面我地4個人叫咗青木瓜柚子蝦乾沙律-酸酸甜甜仲有啲微辣，係一個開胃嘅前菜小食拼盤-有沙爹雞同豬，炸蝦餅，咖哩黃金包同馬可，馬可都係第一次食 配菠蘿都幾得意餃子-賣相加哂分！入面包咗少少肉碎，但皮有啲厚食落有成口粉嘅感覺大蝦金邊粉-隻蝦真係好大隻，食落好新鮮。金邊粉味道比較淡。總括而言，呢度環境幾好，食物都唔錯，值得一試！…Read More

座銀主打雞湯底嘅拉麵。第一次嚟我揀咗雞白湯拉麵($138)，朋友就揀咗雞沾麵($148)。落單等咗大概15分鐘，食物就上枱了。雞白湯拉面上放咗炸過嘅牛蒡，浸落湯吸滿咗雞湯好好味。碗內有一大塊豚肉和雞肉，真係非常大片，望落都好嫩滑。最特別嘅係湯好綿密，好似打過嘅奶泡一樣，入口滑身。拉麵軟硬剛好，亦十分彈牙。雞沾麵嘅材料同雞白湯拉麵相同，不過湯底就再濃啲同咸少少。個人覺得湯麵比較好味，食耐咗湯底會開始有啲凍。店內嘅女洗手間仲好貼心咁提供咗免費牙刷、牙膏、漱口水等用品方便客人使用。呢啲貼心服務都令間餐廳加分!!…Read More