18ma's Profile

叫咗個豐富2人套餐 , 個套餐有兩碗燉湯加兩個小菜同白飯 , 我哋叫麻婆豆腐同梅菜蒸肉餅 , 只外加40幾蚊要咗個蒸菜 , 打開盒睇第一眼已經覺得差 , 家人食咗一啖已經話要叫過第二間外賣，個麻婆豆腐點睇都原辣水加豆腐喇 ,豆腐就好似無煮過咁就咁撈落去 , 至於個梅菜肉餅簡直難食到呢, 硬嘅肉餅我就食得多 , 但食落梅到無牙都嫌佢淋嘅都係第一次，衰d講公立醫院都好食過佢，至個要加錢嘅菜，細盒唔再講仲要好似隔夜菜翻熱咁，結果通通掉晒落垃圾桶真係可一不可再。…Read More

朋友飯聚上openrice睇吓有咩好食，見呢間食評唔錯又有得訂位於是試吓，間餐廳賣點係露營feel bbq，覺實環境氣氛幾好，食物質素唔錯，而且服務都好好，侍應會主動教我哋d餐具點分，幫我哋換燒烤網幾次，我哋叫咗個清酒煮蜆，咁啱佢埋嚟執枱嘅時侯，見我哋有兩隻蜆無肉嘅，佢都會立即補返比我哋，今時今日仲有咁嘅服務態度真係值得讚。講返食物～我哋6個人bbq就叫咗全牛特選拼盤、燒肉拼盤、阿波酢橘雞翼、伊比利亞豬肋條、雞腎、醬油帆立貝、青酒煮蜆、杏鮑菇、菠蘿。另外叫咗黑醋冰蕃茄沙律、青蘋果紫薯沙律、枝豆同生菜。飲品就叫咗鮮生薑梳打、富士山柚子梳打同黑啤。佢個燒肉拼盤、全牛特選拼盤、阿波酢雞翼同伊比利亞豬肋條真心好食，食物調味適中唔會太咸或太濃味，肉質嫩滑彈牙有肉味，醬油帆立貝比想像中好，無雪味有濃濃鰹魚汁味，雞腎略嫌細粒有筋，清酒煮蜆無特別但唔差。青蘋果紫薯沙律有驚喜，紫薯蓉配青蘋好食，我同朋友都喜歡。相反黑醋冰蕃茄沙律就遜色咗，蕃茄好大隻但只切開4件，其實廚師可考慮吓開6件會易食d同入味d。最後到飲品～我外出食飯經常都會飲柚子梳打，但好多時都會超甜可能因為多冰，但呢喥杯富士山柚子梳打就唔會太甜，酸甜啱啱好好飲。最後～用餐時間是限時100分鐘的，因為朋友聚會會好多講，起初都擔心會食得好趕，但成餐飯由頭到尾都無提你時間、無人催你埋單，最後我哋應該食超過100分鐘，當然可能嗰時仲有枱，但我在第二間餐廳就算無客，都會依然提你時間及準時送客，所以呢間餐廳整體真係唔錯，無論食物定服務都值得再去食。…Read More

入東涌探個女順便行吓街食埋飯，個女搵咗兩間餐廳比我揀，我就選擇咗呢間試吓，其實餐牌食物款式唔多，但有選擇障礙嘅我都揀咗佢個$560嘅set，起初以為佢個set只有一個main course、一個小食、一個甜品，我哋3個人本身都唔大食，所以諗住叫多個小食和飲品，點知點餐時發覺原來我睇錯咗，個set係有兩個main course嘅仲要包埋兩杯飲品，結果我哋3個人淨係食個set都食到好飽仲要有幾件雞帶走主菜我哋叫咗醬油白切肉蛋包飯和部隊鍋拉麵，個蛋包飯好好食，飯底炒得夠乾身又惹味，個蛋超香超滑，白切肉一d都唔膩咬落好爽口。至於個部隊鍋拉麵我就覺得遜色咗少少，唔係個麵唔好食而係個湯底好淡，我本身都唔係食好鹹嘅人，但佢個湯底比起屋企煮嗰個辛x麵差d囉🤣小食我哋揀咗炸雞拼盤，叫拼盤因為可以揀3種咪(有原味、洋蔥味、芝士咪味、甜辣味、蜜糖味和柑橘味比你揀)，我哋叫咗洋蔥、甜辣和蜜糖，本來想叫柑橘但賣晒。講返個雞炸……個雞好大碟嚟到熱辣辣，無骨的全肉，食落唔錯肉嫩有雞味唔油膩，3款醬汁都好食，但我比較喜歡有骨嘅炸雞最後係個焦糖芝士蛋糕牛角包窩夫，講真的其實我點餐時，除咗知道有個甜品有窩夫之外就嘜都唔知，我本身唔係咁鍾意食甜品(但我會整蛋糕的)，但呢個甜品一啖食落去就食到好濃嘅芝士味，而個窩夫底就好脆，雖然係焦糖但唔會太甜 ，軟滑嘅芝士蛋糕加埋個香脆嘅窩夫底好夾，真心覺得好好食，連我呢個唔多鍾意食甜品嘅人都停唔到口飲品我哋個女叫咗杯唔知咩花茶😝我就叫咗杯好靚嘅青檸梳打餐廳呢期主題係Hello Kitty，雖然我唔係Kitty Fans，但d嘢食唔錯有機會會再去食。…Read More

同女女食晚餐，第一次光顧這家食犀肆，walk in雖然唔駛等位，但現場都坐滿人，食物種類都豐富價錢唔算太貴，我哋3個人叫咗6樣嘢，份量啱啱好都食得飽，我哋叫咗櫻花蝦烏醋燒茄子、鹵肉伴台灣A菜、肉鬆皮蛋蛋餅、糖心蛋鹵肉飯、酸辣牛肉麵和三色鹽酥雞，另外叫了黑糖苦瓜汁和蜂蜜苦瓜汁。整體味道相當唔錯可以話好食，櫻花蝦烏醋茄子甜酸度適中開胃，肉鬆皮蛋蛋餅超好食，酸辣牛肉麵味道好好，我哋揀咗刀削麵麵質好彈牙，三色鹽酥雞唔油膩，有三款醬汁好食，鹵肉飯同鹵肉伴A菜都唔錯，至於兩杯苦瓜汁呢，我哋原先想要蘋果苦瓜汁的但賣晒，所以先轉了這兩種口味，其實都唔係差嘅，不過蜂蜜苦瓜汁飲唔到出蜂蜜味，另一杯黑糖苦瓜汁就好似加糖廿四味咁囉🤣，整體嚟講係good嘅，食完都會想再去食。…Read More

今日同朋友仔食晏，佢提議食呢間，果然無介紹錯，呢間嘢有好多款套餐都好抵食，價錢介乎$60-110左右，午餐更加抵食都係$55，所有餐都有沙律菜、麵豉湯同蒸蛋跟埋，最後仲有粒雪米糍添。講返我叫咗嗰個壽司定食配細牛肉烏冬套餐先，先講個牛肉烏冬雖然得一塊牛（仲再半隻蛋），但塊牛一d都唔差軟熟又有牛味，烏冬就更加要讚好彈牙，湯底味道唔錯係我鍾意嘅味道，壽司一樣唔錯刺身夠新鮮而且仲好鬼大嚿添，個餐$89食到我好鬼飽🤣。我朋友就叫咗個三段魚生飯$84，一樣唔錯，但論價錢我覺得我個餐抵食d😆。其實個是日午餐都唔錯㗎，今日係滑蛋豬軟骨飯同三色丼飯（三文魚，、希靈魚同八爪魚），我見隔離枱叫咗都唔差好大碗，有機會要再嚟食過……唔錯！…Read More

6月去staycation時已經想試，但當時天氣太熱所以無去，今次又嚟中環staycation，去山頂玩完專登坐巴士回程，就喺天星碼頭落車行過去，一去到見到舖面好有日本feel，我同老公坐吧枱，正正對住碼頭睇住d人落船好得意，我哋點咗我最愛嘅鰻魚飯、老公就要大阪牛肉飯，再點了枝豆、鹽燒牛舌和燒菠蘿，兩個飯真係好好味，鰻魚唔係淋patpat嗰種，d皮咬落都有d彈，飯同汁都好味好味到我成碗食晒，我平時好少食飯😂，牛肉飯d牛肉有d似牛腩，但煮得好好食唔韌，鹽燒牛舌唔淋又唔韌啱啱好好食，個燒菠蘿就有d失手燒濃咗d，皆因阿老板應該同客飲得太興奮唔記得睇火😂，舖頭飯就得兩款，但小食同串燒都有十零款，另外仲有日本酒類飲品選擇，眼見都有d客人喺喥飲吓酒傾吓計，講真天氣涼涼喺喥食吓嘢都幾舒服，有機會要再嚟食😋…Read More

去staycation無意中見到呢間電視介紹過嘅老字號於是就試吓，由於過咗食晏時間，所以佢話牛腩、爽腩、牛沙瓜同牛脆骨都無，於是我哋就叫咗碗牛什麵、雲吞麵同油菜，不過過咗十零分鐘之後，又突然話有牛腩，同枱另一pair客人點咗，但就話d牛腩好硬，我眼見都覺麻麻地，幾想叫佢比我影相呀😆, 食肆環境其實唔駛點多講，街邊大排檔我諗除咗上咗年紀嘅人會覺得有d回憶之外，都無咩值得讚揚，講返碗麵……我個人食麵好著重湯底同麵質，碗麵一到一定先飲啖湯，但講真除咗鹹真係食唔到咩味，麵質就真係幾爽口彈牙又無鹼水味，但牛什同雲吞就真係一般囉，牛什唔知係個湯底太鹹關係定點，就係食落無咩味囉，雲吞唔差但又無咩特別咁囉，可能佢話賣晒嗰d真係好好食呱，但睇食評見其他人話嗰d每日都只係得兩碗，所以如果想專登嚟食嘅都要諗諗先喇。…Read More

我住新界區銅鑼灣唔多熟，真係唔知邊間好食，上openeice睇呢間評價都幾高，又有得網上book位於是一試，本身揀$244嗰個餐因我哋唔想食炒飯，但服務員好好話可以幫我哋將飯轉菜，因比多$50有半隻龍蝦，於是我哋就要咗$299個餐，蒸海鮮前先飲個足料燉湯，咸蛋黄炒蟹同乳鴿，呢幾樣已經好好味，連我個咀尖嘅細佬都讚不絕口，服務員全程幫我哋蒸海鮮，嗰半隻龍蝦啖啖肉有羔仲好鮮味，服務員果然無介紹錯，蜆同蝦都超甜蝦又爽，蜆雖然有5、6隻蒸唔開，但服務員主動叫我哋唔好要換過比我哋，佢哋真係一d都唔老土，換返嚟果d都係大大隻，扇貝不過不失、魚好多骨膠原，係帶子細隻d都同蒸過咗火😆, 成個餐都算多嘢食，食埋粗糧同菜其實已經超飽，本來諗住唔食糖水，點知一喥到原來係鮑魚海帶綠豆沙，黐線㗎…隻鮑魚又係爽到呢😋, 總之成餐都有驚喜，臨走真係引唔住比個like佢哋呀。順帶一提…如果鐘意飲酒嘅可以join佢哋個$48蚊酒類任飲(有紅、白、啤酒任揀) …Read More

家姐食過置樂嗰間話好味，所以上次同我嚟試黄金海岸呢間，上次食燒蟮煲仔飯、牛肋條煲仔飯、黄金栗米沙律、白汁大蜆、燒北寄貝、魷魚一夜乾和串燒，當日樣樣都勁好味。朋友見我話好味，於是喺第二日(兩個星期前) book定位一齊再嚟食，朋友滿懷希望想一嘗傳說中超好味嘅燒蟮煲仔飯同牛肋條煲仔飯，但好可惜……味道不似預期，我都感到好失望，蟮係新鮮肥美的，但飯就淡茂茂又太濕，牛肋條就要用差嚟形容，唔知係趕收工定唔同咗廚師，因係last order之後落的，d牛肋條一d都唔juice又乾又濃濃地，完全同前一次差天共地，希望餐廳留意吓，無論食材幾好幾新鮮，如果唔可以保持烹調水準就會浪費咗食材…Read More