nneateat's Profile

放工最愛打邊爐。同朋友食餐好既就緊係去牛大人 @ 今次揀個極上和牛吃到飽套餐，價錢平平地都幾扺食。鴛鴦鍋就揀牛大人秘方麻辣鍋小辣同台灣鳳梨雞鍋。朋友介紹台灣鳳梨雞鍋一定要叫少爺啤，個味真係好夾㗎。我地點左多款牛牛，包括安格斯特選牛板腱，美國PRIME極級肩里肌，SRF美國黒牛後腿肉，手切封門柳，同澳洲和牛M5牛肩卷。我最鐘意食安格斯特選牛板腱，肉味夠曬濃，而同事推介既百配鵝脆腸都高質，洗得乾淨，淥幾下捲曲之後就食得，口感爽脆，忍唔住叫多幾碟。滑方面就叫左澎湖花枝漿，同真味牛肉漿。海鮮有叫鮮甜海蝦，都幾大隻，不過要開殼。新鮮沙白都好大粒下。有叫麻辣鍋又點少得私房鴨血？都係任食㗎。除左肉類海鮮係電話落單，其他好多都係自助形式，出面自己拎。而減樽裝茶用左環保既金屬杯裝住，質素都仲keep到。而自助區有幾十款唔同既丸同菜，選擇都好多下㗎。今日大家食到攬住個肚走，朋友話下次再試下佢地既招牌牛骨湯。…Read More

放假去食野，Cafe Roma 都係好好既選擇，環境靚，氣氛好，又可以感受下陽光，我同朋友仔都食得開心。🙂午餐只係$88，夠扺食。前菜係意式卡布里沙律配水牛芝士，大大片水牛芝士真係揼本，扺過自己整，仲有番茄同火箭菜，新鮮又清新。😉主菜就揀左香脆煙燻豬臉煙肉青豆燴意大利飯，豬臉肉經煙燻後冇咁油，食落仲幾爽脆㗎，口感夠曬特別。🤭朋友就叫左同樣係$88既午餐，有餐湯同煙花女意粉。意粉個名夠曬創意，其實係有車厘茄、橄欖、水瓜柳同鯷魚，配埋微辣既番茄汁，調味都好好。👏🏻朋友個仔就叫左兒童餐，有義大利雜菜湯，夏威夷薄餅，雜果，藍莓芝士餅，提子汁。豐富到作為大人都想叫一個。👶🏻餐廳service 好，價錢又平，食物水準都好好，值得再食。…Read More

黃大仙食乜好？食粢飯！豆乳狂人黎左黃大仙啦你又點可以唔去？🥑牛油果鰻魚玉子粢飯鰻魚既香味加上牛油果既smooth口感玉子既香甜慢慢出黎加上香酥脆豬肉鬆🦐牛油果吉列蝦青瓜絲粢飯比牛油果鰻魚玉子粢飯口感更好而且更清新🍪Oreo 奶蓋珍珠布丁朱古力控必食除左oreo同奶蓋仲有濃厚質感既朱古力豆乳凍另上既oreo 脆脆食前一刻先灑上面係超讚既貼心位🥭多芒楊枝甘露楊枝甘露食得多但新鮮芒果肉鋪滿既真係好少餐廳會提供整杯甜品都好足料柚子肉同芒果夠甜🍨和風白玉芋圓最啱喜歡煙韌口感既人上面係白玉同芋圓加上粒粒紅豆下層係原味豆乳凍甜度低，食完唔驚月巴巴🥰…Read More

呢幾日帶埋一家大細黎啟德新商場Airside，樓上既美食廣場FOODMUSE價錢親民質素好，配合埋Food Department手機應用程式，提供餐廳種類同位置等資訊，方便實用。我地係古早台居叫左牛三寶肉燥飯同香酥大雞扒肉燥飯。飯菜上得幾快，就算企滿人大約10分鐘已經有，牛肉好入味，香濃口感好，雞扒就夠大舊，炸得夠膽，好有台灣風味。餐廳食物份量好大，一定夠飽。飲品叫原色奶茶同珍珠奶綠，呢2杯絕對係台飲經典，完美還原台灣口味，仲可以減甜添。朋友就叫左俏鳳凰同大家一齊食，有一夥蕃茄肥牛粉，同苗家紅酸湯肥牛粉。蕃茄湯底好真材實料㗎，真係有足足一個蕃茄，而家紅酸湯底就係我地既至愛，辣中略帶酸，又唔會太濃味。肥牛質素都好ok㗎。最後跟主食半價既黑糖桃花淚，酸甜好滋味，非常推介大家去食。…Read More

尖沙咀食乜好？食最近大熱既酸菜魚都好喎之前成日覺得好多間餐廳既酸菜魚都唔夠酸而家終於搵到間多酸既就係上海婆婆335啦～🐟鬼馬酸菜魚（小辣）超正既菜式魚既味道好鮮口感嫩滑切得夠薄吸收曬湯底既香味仲跟埋脆卜卜既油炸鬼估唔到點酸菜湯咁好味除左有窩筍同蓮藕片底下仲有薯粉～🍜上海粗炒係🐸🐸最近食過最好味既粗炒調味世一肉絲都好細嫩份量十足㗎🍨雪糕高力豆沙 (4粒)口感鬆軟味道清雅既皮包住香甜豆沙同雪糕雪糕可以揀2款口味個人認為菠蘿味出色過雲尼拿味…Read More

天氣熱就會想飲野想飲真材實料既台飲？你一定會鐘意茶佬 @🥭芝士芒芒飲過最真材實料既芝士芒芒新鮮製造既芒果份量勁多略帶口感就算走左糖都完全唔酸上面既芝士質地濃厚帶微咸🍎超級水果四季春推介飲品唔同生果都有有少少熱情果籽令野飲更有口感四季春帶清甜既香味好啱夏天店仲送埋叉仔方便食埋入面既水果🧀芝士黑糖珍珠奶茶珍珠奶茶既茶底夠濃奶同茶既比例平衡 珍珠口感甚佳🐸🐸鐘意同上層既芝士撈埋甜中略帶咸既味道真係冇得頂茶佬係由幾個男性開既店成日見到老闆親自落場整野飲好用心呀～鋪頭仲有新鮮水果賣仲會成日推介唔同既新產品㗎等我下次試下佢地既🍑蜜桃甘露先…Read More

7月黎啦～不經不覺又過左半年，同朋友黎到十和田總本店，傾下大家最近發生過咩事。叫左個超上壽司拼盤，跟餐有埋湯同蒸蛋，我同朋友都好鐘意食佢既茶碗蒸，熱辣辣，夠嫩滑，仲要略帶香甜，次次黎都食佢㗎。而湯既質素都幾高，唔會好咸。輪到主角壽司拼盤，上枱果刻一見到就勁開心，有肉質細緻既吞拿魚赤身，口感勁好既部位黎㗎～赤蝦勁鮮勁濃味，好高質素。海膽係全份壽司最正既，甘香無比，而且相當creamy。三文魚籽粒粒企身，夠曬新鮮。而壽司採用既赤醋飯，係參照傳統江戶壽司既造法，酸度適中，同平時食到既唔同㗎。…Read More

夜晚打邊爐愛上了龍鳳呈祥 @ 特別係佢既炒蜆煲月雞煲醬調味個味match 到爆呀～🐣雞煲醬炒黃蜆煲超受歡迎既卜卜蜆加上港式經典雞煲醬黃蜆冇沙，隻隻大粒又鮮甜走辣都已經超yummy🐮龍鳳呈祥牛肉拼盤必需要強調佢啲牛肉係超靚部位揀得好好食落既牛肉香係有甘甜味既拼盤包括手切牛肉，花雕牛肉，牛舌，牛胸爽，牛栢葉，雪花肥牛，牛肉粒強烈推介大家叫🐟新鮮魚卜又係經典，食落淋得黎唔腥有竹纖吉爆魚卜先好落鍋呀～🥟即制經典沙嗲牛肉餃 (6粒)絕對係回憶既味道即包既傳統經典口味餃爆汁沙嗲超香牛肉帶少少筋增強咬口必食🥬龍鳳呈祥豐盛雜菜拼盤俾心型串串蘿蔔吸引左帶另一半黎食一定氹死人啦🥰🍋自家製陳年甘桔配Zero 可口可樂咸檸七走七轉zero 經典風味不變😌…Read More

小草十八怪石鍋米線，餐廳冷氣夠，米線食到最後一啖都仲熱，係旺角，交通方便仲要平，你試過未？小龍蝦鯛魚炸醬米線，湯底揀左唔係好辣既香辣金湯，味道係類似港式既香辣車仔麵湯底，2隻小龍蝦非常好味，鯛魚好爽脆，加4蚊就食到，好扺㗎～朋友叫左肥牛生菜炸醬煲仔麵，配酸菜魚湯，湯底酸度唔會好高，配炸醬都好夾，生菜份量多，肥牛質素都好高。食完米線再食串燒。叫左燒茄子，羊肉串，雞肉同海蜇。餐廳燒肉質素甚高，肉質好滑好juicy，價錢又ok。而燒茄子既炸蒜味好重，夠曬香呀～…Read More

行完街去左新南苑食返餐好野晚市牛牛餐 4人有勁多野食湯底揀左自制麻辣湯同南瓜公仔蜆湯南瓜公仔既黃色人人公仔好得意靚到要影相post ig 刺身質素幾好選擇都多有鮑魚，蝦等等係餐廳既推介美食佢地既招牌麻辣雞煲係任食㗎麻辣味唔算好辣麻香味吸引雞件大大舊啖啖肉唔會煮到老套餐仲有一份酸菜魚可以食份量十足，都幾好味打邊爐既牛係中上等級價錢平質素幾好咬落有肉味又少筋小朋友黎到仲可以自製熊仔樽裝冷泡茶大人又有得睇波仲見到有獨立房間連卡拉OK小朋友話下星期要再黎一於再帶佢黎先…Read More

一到門口就已經畀佢哋嘅壁畫震驚咗係人手一筆一畫而成🎨配合埋場內live music 好有藝術氣氛呀～今次食左多道菜式，先黎前菜🦀Fresh Snow Crab Leg with Chill Angel Hair Mix with White Truffle Oil & Caviar凍天使面白撈松露油鱈場蟹腳黑魚子超有驚喜嘅菜式未食過咁甜嘅蟹腳天使麵超滑超好味🦐Seared Boton Shrimp炙燒牡丹蝦大隻甘甜口感細滑加埋脆脆米餅令口感層次豐富🥭Uni Toast x Tora Mango Salsa日本馬糞海膽多士 X 拖羅芒果莎莎超脆身既牛沖多士同海膽勁夾海膽細嫩鮮甜，完全唔苦餐廳食材好揼本而芒果拖羅莎莎都好特別用芒果既果香帶出拖羅鮮味真係好夾㗎～🐟Hamachi Sashmi Wrap油甘魚花苞厚互油甘魚刺身 配上蘑菇同醃蘿蔔加埋旁邊既wasabi醬好睇又好食🥦Cauliflower Fresh Oyster Chowder椰菜花鮮蠔周打湯非常creamy 鮮味滿滿入面仲有蠔surprised🥬Chef Special Daily Soup廚師推介係傳統既意式雜菜湯可以清新一下味蕾再食更多好野🐽Kagoshima Pork Belly 鹿兒島豬腩仔二重奏話咁快黎到主菜一件係半肥瘦豬腩仔另一件就迫曬啲油出黎食落係香到令人震驚略帶甜既調味亦非常出色🐟Salt Baked Toothfish from France日式海鹽焗白鱈魚魚用昆布包住再加上厚厚既鹽焗製而成食材採用貴價既優質白鱈魚肉油脂豐富🍰蛋糕（綠茶、朱古力）當中綠茶蛋糕既甜品碟系餐廳同業餘陶瓷藝術家既作品黎係餐廳入面都會搵到佢地既其他藝術擺設🥂餐廳仲有Wine Pairing 同 Sake Pairing提供紅酒白酒汽泡酒都有㗎…Read More

新年買左咁多野要食平得黎又啖啖肉既晚餐點可以唔去餃掂？@🥟至尊松茸豬肉餃（煎餃）微脆既薄皮加上滿肉既餡料仲有松茸醬可以掂鮮味突出，物超所值煎餃既湯會另上㗎🥟壽喜燒牛肉餃強烈推介香濃牛肉加上咸甜燒汁味道偏濃超好味🥟雙拼湯餃大白菜元貝推介元貝，鮮度高又啖啖都有元貝ga非常扺食而白菜餃質素都不俗🍜淨麵冇諗過咁大碗麵淨係食麵都夠飽唔係講笑想食麵既建議叫餃子麵最後飲返杯🥛凍豆漿人均100頭食到超飽…Read More

灣仔新開既永8舫酒店級數，價錢ok特別係點心方面製作方面絕對花左唔少工夫每人仲有一碗🦈翅同半隻🦞焗龍蝦啖啖矜貴足料又超好味淨係食呢2樣已經超回本🥰點心方面係即叫即蒸夠曬熱而且食物都係少油既非常適合關注健康人士無限量任叫🧆黑蒜燒賣最令人難忘既菜式黑蒜味超濃冇諗過仲可以突出埋豬肉既鮮味食到停唔到口🍐啤梨黑豚鹹水角原本🐸🐸唔食鹹水角不過呢款就一試愛上了微甜有少少煙韌既皮爽口既內餡唔會食到成口油🦐娘惹海皇卷脆皮得黎滿滿海鮮入面既蝦仔好爽口呀🐷山珍松露腐皮卷同樣相當出色比海皇卷再脆啲推介🦐頂峯蝦餃不得不食皮薄得黎蝦肉滿滿🐰兔仔奶黃餃用蝦餃皮包住奶黃餡夠曬特別，絕對有驚喜另外有其他美食係自助形式有各式小菜，生果糖水可以係出面拎夠曬方便…Read More

好耐冇食墨西哥菜！同fd去旺角Mobin @ 先呢間真係一直都keep到超好水準佢係超受歡迎既樓上Cafe黎㗎想去既記得一定要卜位墨西哥蕃茄芝士脆批（豬手肉）唔好睇少呢個pizza香脆超薄批放滿左勁多餸各樣食材既味道同口感都好突出好過好多西餐廳芝士忌廉煙肉炒意粉芝士勁多熱果陣仲做到唔錯既拉絲效味除左啖啖都食到芝士煙肉香都幾突出意粉口感甚佳俄羅斯蜂蜜千層蛋糕強烈推薦既滿滿蜂蜜香蛋糕絕對唔係死甜加上好smooth 好細滑既cream一試愛上了Tepache Soda 發酵水果氣泡酒係冇酒精既Mocktail黎㗎幾得意既飲品除左有菠蘿片仲有菠蘿蓉…Read More

準備聖誕要食返餐好既Getaway @ 一定滿足到你🦐Red Prawn Sashimi with Thai Sauce 泰式醬汁加上超鮮甜既特大紅蝦刺身食材非常揼本味道絕佳🦪Hokkaido Scallop with Salmon Roe 薄切帶子刺身，加上海膽同三文魚子另外加上少量柚子汁感覺新鮮🐟Half-Fried Red Tile Fish with Lemongrass Cappuccino平時高級日本餐廳食到既立鱗燒放到西式餐廳度鱗既部分薄脆魚肉油脂都幾足調味夠曬創意，絕對值得一試🦐Giant River Shrimp with Mix Cheese Pasta大蝦除咗肉質結實仲有好多膏意粉芝味濃郁🥬Thai Lettuce Wrap in Taco Style crossover左既泰式生菜包辣度唔算好高特別之處係生菜下面加多層薄餅都真係幾夾㗎好食過普通生菜包🍋Pecan Tart with Lime Sherbet鐘意食nuts既必叫撻爆多果仁口感脆脆食完食雪芭都幾爽🥥Coconut Mascarpone Parfait with Mango Jam椰香味好重既芭菲富熱帶風情🥃Wood's your name 滿滿煙燻味既Whiskey加少少earl grey同蘋果香未飲先醉🤤🍸WanderlustVodka，椰子，帶柑橘香味好啱女仔…Read More