cheukmanyam's Profile

平日會一個人來食，菜式很地道，份量也很足！起碼佢價錢絕對對得住佢嘅菜式。環境裝潢設計很內地，夠大間，出菜速度正常。唔記得影低下酒冷盤及剁椒蒸魚頭（有烏冬）。肥腸雞煲份量很足，嗌咗少辣，如果我食，中/大辣會更惹味。小炒有鍋氣，辣椒炒豬頭肉，香蒜炒臘肉，炒花菜必試。所有菜式都喜歡食，一定會再嚟食，下次想試試另一啲小炒。另外，佢哋有冰粉送，去門口自己加啲花生糖水。最後可加入佢哋嘅即時通訊群，show單有九折。*有加一…Read More

食材新鮮，烤得好好味，員工服務親熱，價錢合理，值得推薦的香港燒烤小店，細細間，但氣氛不錯。海鮮貝殼類烤得好鮮甜，主打生菜包值得一試，串燒牛肉好正，值得encore可以食多幾串，炒粉麵夠鑊氣，羊架好肥美。第一次與朋友來食，下次會再來。…Read More

未食過呢間，行過女人街2號見有間新舖，送汽水，舖內乾淨，所以入來嗌咗個招牌魚頭粉試試。原本想試魚頭一人套餐，但要到15號才正式開張，暫時未有提供。食完覺得碗粉味道夠地道，小食可以一試，喜歡食魚可以再加魚件。辣度比較辣，中辣大約為三哥的大辣程度。本人對魚粉不是太喜歡，如果有得河粉底/或素面底更好。價錢唔算貴，加多三樣配菜/小食（見圖），埋單133蚊。總結，魚頭唔錯，夠鮮味，喜歡食魚頭嘅人可以來食。另外店員熱情，招呼唔錯。…Read More

嗌咗個炒臘肉，但中晒伏，我未試過會因為難食到要在Google寫負評發洩。啲臘肉咸到死，本身我都食得咸、食得重口味但都食唔到落去，啲臘肉煙韌到死，咬極都咬唔到。 同阿姐投訴，佢講啲臘肉係本身好咸🥱🥱我第一次食臘肉咩....再投訴臘肉好煙韌，因為啲臘肉佢厚切，又無洗下啲肉先，令到無咁咸再炒。如果佢有水煮去咸和薄切，再用大油爆炒，令到臘肉香口啲，便唔會咬唔爛，唔會咁咸。 認真建議唔好食呢個小炒，一定後悔。個廚師好差，阿姐應對好hea。 ########################### 因為上面個餐我真係食唔到，所以再加個農家小炒肉食。因為之前來過呢間嘢，嗌過小炒肉食，都不過不失，係用腩肉炒尖椒，有啲鍋氣。但點知今次又再中伏。我敢講，一定換咗廚師了。 今日用嘅豬肉係冰鮮豬肉柳，不是腩肉片。呢個都不是問題，但佢明顯用水煮處理過啲肉柳，加咗一啲似韓式辣醬嘅醬料。 結果因為疑似個廚師趕貨起菜，我食落口時，可以食得到豬肉柳內的水份咇出嚟，與完全似炒完先加嘅溝唔埋一起嘅韓風辣醬！！及生到似剛放落鍋便起菜的配菜及青椒... 未試過食過咁差嘅農家小炒肉...失望！ 但值得一讚嘅係個廚師嘅創意，韓式湖南農家小炒肉。可惜嘅係廚藝唔爭氣，炒唔出好味道嘅效果。 唔會再來呢間嘢。…Read More

第一次會想寫下評論，希望介紹一下地道嘅小食俾大家。呢間主打係腸粉新鮮即整，平時我嗌支豆漿，（佢哋請師傅自己磨的豆漿）加一款腸粉，（種類比較多，仲有個撈面都好好食）價錢經濟實惠，（加埋多一個美味嘅睇仔包都係40幾蚊）最緊要辣椒油好正，（絕對要試下呢間的自製辣椒油，好香口）可電話落單，大約15分鐘左右有得拎。呢間係我食過最好食嘅腸粉！試過幾款唔同的腸粉了，均無失望過。如果想試下唔同嘅早餐，可以選擇呢間試下。（要作夠200字先可以評某啲評分？會唔會有啲多呢？）…Read More