miayw_foodie's Profile

呢間法國菜真係好超值，價錢親民唔在講，員工服務態度好好，去咗高級餐廳嘅感覺。環境乾淨舒適。食物質素又高，今次食得好滿意。前菜蟹肉牛油果他他打開味蕾，蟹肉鮮甜與牛油果的綿密完美融合，底層脆片增添口感層次，清爽不膩。南瓜湯質地濃稠細滑，入口滿是南瓜的香甜，還帶著淡淡的奶香，暖胃又舒服。 主菜表現亮眼，法式烤黃雞外皮酥脆，一刀切開肉汁瞬間流出，肉質嫩而不柴，搭配的香草醬更提鮮；阿根廷安格斯肉眼牛扒選了五分熟，外皮焦香，內部粉紅多汁，牛肉香濃醇厚，嚼起來充滿肉感。 飲品和甜點也很好吃，Melon Silk蜜瓜味清新，口感絲滑；Sparkling Peach Sunrise帶著桃子的果香和氣泡的清爽，颜值與味道並存。法式蘋果撻外皮酥脆，內層蘋果酸甜軟糯，搭配上香草冰淇淋，酸甜平衡，是完美的收尾。 …Read More

呢間餐廳名付其名，食材新鮮材料出眾，冇諗過環境都咁一流，仲有九龍城寨feel，坐喺度好似大排檔咁但係又不失佢嘅高雅，重點係佢啲食材真係夠新鮮非常之靚嘅材料，我未試過打邊爐打到咁滿足㗎，呢間係值得一去嘅好地方，亦都唔算太貴，牛拼盤全部都係用最靚嘅牛。新鮮鮑嘅水餃雲吞全部大大粒夠口感味道一流。鮮粉腸唔苦脹卜卜夠新鮮。鵝腸爽脆彈牙。最搞笑係油炸鬼讓蝦滑都好有特色。新鮮手打丸可以自選雙拼或三瓶以上。鮮雞件雞件夠滑流。鮮雞子大大粒夠哂新鮮。牛柏葉爽脆。仲有個紫菜響鈴卷味道好好。統計嚟講呢間真係樣樣都夠新鮮材料十足識得一讚。，。MG:2][IMG:4][IMG:6][IMG:8][IMG:10][IMG:12]…Read More

真係冇諗過一間咁隱蔽嘅餐廳竟然會有驚世嘅美食，蟹粉宴仲要加埋佛跳牆，石鍋蟹黃鵝肝煎蛋飯，鵝肝個厚度厚到嚇死人，真係好值得嚟試。蟹粉春捲係自家製嘅入面嘅餡料夠曬飽滿，炸到外脆內嫩。蟹粉香煎墨魚餅鹹鹹香香幾好味。蟹粉小籠包湯汁滿滿，食多幾隻都唔覺多。蟹粉大灌湯包，呢個真係不得了先甜濃郁嘅湯水加薄薄嘅皮，依家都仲回味回味。蟹黃金撈麵，蟹黃油香鮮甜加埋麵質彈牙，一個字正。重點係呢個蟹粉佛跳牆，海參鮑魚魚翅樣樣齊一啲都冇揸流灘。…Read More

沙田竟然有間高質素high tea lunch西餐廳，估唔到佢哋食物質素都唔錯，由前菜，湯，小食，主食加埋甜品都先至百零蚊，真心都幾抵食，首先飲咗個南瓜湯，同埋紅菜頭沙律。叫埋兩款小食雞翼同炸洋蔥圈。紅石斑魚柳櫻花蝦味噌忌廉意大利飯，紅石斑魚柳真係滑到不得了，粒粒飯都掛曬汁啖啖都好creamy。另一個主食豬鞍扒焦糖蘋果燒汁，厚切豬扒一啲都唔柴，滑滑嫩嫩咁幾好食。最後甜品窩夫配雪糕，窩夫真係脆到不得了加埋雪糕一啖咬落去回味無窮。餐飲ice cappuccino，同埋士多啤梨奶昔。…Read More

第一次嚟呢間餐廳，真係估唔到D質素都幾高級，環境嚟講都幾好坐，又夠乾乾淨淨，仲可以望到個兒童公園食下野。員工服務態度好好，好有禮貌。首先食咗個香煎鵝肝安格斯牛肉無花果醬芝士漢堡，塊鵝肝真係厚到不得了，煎得好香滑，薯條炸到香噴噴，雖然價錢偏貴少少不過覺得值得。煎封門柳伴白菌燒汁闊麵，五成熟嘅封門柳入口嫩滑加埋掛曬汁嘅闊麵，味道相當配合。叫咗個小食藍青口蒜茸小茴香忌廉酸種麵包，呢個麵包幾特別，點埋個汁嘅配搭一流，一口氣就食曬。就叫咗個雲呢拿咖啡奶昔。同芒果沙冰。…Read More

原來葵芳有間海鮮任飲任食嘅火鍋放題，真係都幾抵食，同朋友放工路過就上嚟試下，海鮮都夠新鮮，有蝦，有蟹，有蜆，有螺，仲有大閘蟹無限食，268蚊真係食大閘蟹都夠回本，仲可以用手機點牛肉，小肥羊，豚肉等等，真係食到飽，啤酒仲要無限飲，不過重點都係有榴槤，有得生食榴槤，仲有烤榴槤肉，兩款都係冇得輸，熟食都好多負選擇，雞翼炸蝦樣樣齊全，搶唔飽都唔得囉，環境唔算太大間，不過就乾乾淨淨，坐得夠舒服，有機會都會再嚟過。…Read More

平時都好鍾意嚟下午茶，依家仲做緊大驚喜，128蚊任食仲加埋自助區，平時自助區分開加每位都要五六十蚊，依家手搖飲品連主食，自助區台式小食都係任食，感覺實在太化算，呢間嘅台式小食實在唔錯，台灣菜嚟講都算係正宗。真係好鍾意食佢哋呢個蠔仔撈麵味道啱啱好又夠鮮香。仲有台式蚵仔餅正宗台灣市集風味。自助區仲有滷肉飯，涼拌小菜，生果任食。另外叫咗一品海皇大閘蟹粉麵，用大閘蟹粉撈嘅麵都好鮮甜。仲有個鳳梨啤酒蝦燒鍋，柴油鳳梨啤酒味嘅鍋都幾特別。…Read More

食過咁多間呢間日式放題真係數一數二，嘢食包羅萬有最高級最靚，首先係有得飲食魚子醬，一嚟呀食十個，用嚟送魚生，拌沙律都好正，仲有得狂食龍蝦，開心到暈。海膽都唔使講野係我最愛。鵝肝多士好厚好cream食到舐舐脷。最驚喜係佢哋嘅熟食避風塘炒蟹熱辣辣香噴噴，真係唔係炒定，即刻上枱夠新鮮。最怕放題食到啲凍冰冰嘅嘢，感覺就算畀多少少錢都值得，自助區有多款式馬卡龍都有，最重要無限任飲任食雪糕都係我最鍾意掃嘢其中之一。…Read More

收工同朋友路過搵啲嘢食下，見到呢間餐廳都幾多人入嚟試下，發現又真係幾好食喎，一定要推介呢個新鮮海膽香煎帶子蟹肉海膽忌廉汁意粉，勁大隻新鮮海膽原來配埋香煎帶子海膽做嘅忌廉汁係咁好味，入口鮮甜，嫩滑細膩食完一碟仲想再食。lunch set叫咗個煎封門柳配薯仔紅酒燒汁，封門柳牛肉味道好濃，肉汁嫩滑有入口即化嘅感覺，仲有飲品同前菜，叫咗個薄荷朱古力奶昔同埋食水牛芝士沙律真係好正好好食。最近叫左個小食salmon tacos呢款夾餅真係好特別夠口感又唔膩，感覺一流。真係慶幸撞彩嚟咗呢度食嘢，食到餐咁好嘅野…Read More

呢間日本嘢畀我想像中質數高，朋友話帶我嚟食嘢，講到好好食本來都信一半半，不過食完之後真係要讚呢間嘢，首先試左池魚王刺身，去薄切得嚟仲要係透光架勁新鮮，上面仲要有啲金箔成個菜都矜貴曬。柚子啫哩北海道鳳凰蠔，味道好清新隻生蠔仲肥美。鮨一沙律，呢個沙律真係冇得輸勁多魚生做配料啖啖都鮮甜美味。滿滿甜蝦杯甜蝦入口嫩滑鮮甜。香辣三文魚卷好少嘅辣味帶出三文魚同飯團味道好特別。辣酒煮蜆隻隻蜆都好肥大下面仲有蘿蔔浸住都好鮮甜。雜錦天婦羅我最鍾意食天婦羅嘅蘿蔔蓉同佢個汁全部加埋係我最愛。和牛粒串，鹽燒牛舌兩款串燒都好有牛味。不過我最鍾意個煙肉帶紙卷好正。款款菜式都都比我預期中高環境都算唔錯落地玻璃可以望出外面，如果講價錢嚟講算平…Read More

呢間係好出名嘅沙田雞粥同燒乳鴿，以前同屋企人經常過嚟食野，不過真係太耐無嚟過，而家自己生完小朋友在次過嚟食，無諗過咁驚喜，味道同細個時食嘅味道一樣，實在太回味，今次食返最出名嘅紅燒乳鴿，一樣係咁皮脆肉嫩。魚香茄子普普通通一道菜但係就煮到好有鑊氣味道啱啱好。黃金蝦球粒粒都係大蝦超級香脆嘅外皮包住鹹鹹香香嘅金沙，香口都爆。仲有個魚湯腐皮浸時菜，魚湯味道好好比我當湯咁飲哂。整體有種懷舊嘅親切感。員工仲好好態度好好服務。…Read More

牛雜麵檔係我最鍾意食嘅其中一個港式潮州菜，不過你話係咪間間冇食呢就睇個師傅點淆過牛雜湯底，湯底都好講究，我試過好多間都比較鍾意食呢度，呢間真係我心中數一數二，味道濃鬱得嚟唔會太鹹，五香味啱啱好，有豐富有層次，牛雜要整得好真係好講究功夫亦都很多，牛筋又唔可以炆太淋又唔可以太硬，食落先會覺得恰到好處，加埋個菜底用湯汁撈飯簡直就係絕配，牛蒡粉得嚟唔可以太過爛，粉腸夠新鮮，食到舐舐脷。所以推介畀大家試下。…Read More

有小朋友嘅一定要嚟呢間，佢場地勁大仲有兒童樂園，我個女玩得真係好開心，如果成班朋友再帶小朋友真係超正，大人打邊爐吹水飲酒，細路可以一齊玩兒童樂園地區又唔會危險，怕打邊爐整親佢哋。講返食物質素都唔差，真心畀我想像中重要好，佢啲牛肉真係勁重牛味又香又滑。大大粒嘅蝦餃，新鮮包架。豬粉腸好少地方會有豬粉腸火鍋仲要係新鮮豬粉腸好好食。紫菜響鈴卷兩個口味有齊曬冇得輸。四季手打丸粒粒都爽口彈牙。熟食叫咗個炸蝦餅試下呢一隻蝦餅係比較薄身脆口我覺得幾好味。不過最最正都係個湯底，花膠雞湯真係滑到不得了成隻雞，花膠燒後勁大片好彈牙，個湯係濃鬱得嚟好清甜。最最最正係新鮮原條嘅花金古刺身，鮮鮑魚刺身，勁肥味嘅三文魚，呢個刺身拼盤真係好食到癲咗。平時真係唔會諗到金古可以用嚟做刺身囉，條魚嚟到嘅時候仲識得彈彈下。犀利。…Read More

牛大人真係好正， 食物質素好不特致，仲有遊戲玩，唔知以為我返咗大陸啲搞笑餐廳，依家有問答拎博士畢業證書遊戲，只要你答中三至五題就會有唔同嘅獎品，真係好搞笑，但係講到食物真係冇得輸，佢嗰個日本黑毛和牛我encore在encore，食到回曬本，湯底又夠靚椰子雞湯真係好鮮甜，淨係飲湯多夠皮，下次一定要帶埋媽咪daddy一齊嚟，又有得玩又有得食。海鮮拼盤仲有生蠔元貝全部都大大隻又夠新鮮肥美。諗返起都覺得好回味下次一定再嚟過，建議揀嘅套餐一定要揀黑毛和牛，真係好食到癲…Read More

環境超正岩石燒，成個環境都好似入咗個山洞咁，真係好特別，週年個鐵板都好似岩石咁，我叫咗個2人套餐，B Set The Jeju Hangari Pork Belly Set，入面有豬腩仔，泡菜，雞髀菇，石盤炒飯，叫咗兩杯嘢飲漢拿峰百香果冰沙，芒果奇異果冰沙，如果計二人份量真係太多了，首先滿滿嘅豬腩，仲有人手幫你燒，燒得啱啱好超級好食，最緊要係泡菜我從來都唔食泡菜㗎，原來燒完嘅泡菜係咁好食，好似食緊炒嘅辣菜一樣，仲有石盤炒飯，炒咗個心心出嚟即刻要影相，味道好好，飲品冰沙兩杯都酸酸甜咁幾好味，呢間值得再嚟。…Read More