YellowObjectHKer's Profile

有日，收到Tony的Whatsapp，有新套餐。一睇個名「好撚鍾意香港二人餐」、「無錢交租四人餐」個心沉左一下.....午巿外賣都做？（賣精品菜，以前只有晚巿） 好食，我一定撐的，香港人，加油！ 因為疫情，同政策影響，我連續3日都外賣，眼見都好多香港人幫襯。堅好味！同堂食比係差少少，但同其他外賣店比，食完係滿足同開心嘅。 1）芝士墨西哥脆片：超級堅好味，注意外賣遠的話芝士好難保持流質，依然超超好味！2）鰻魚迷炒飯：外賣都好味，尤其係個泰色風味炒飯，好味到食左2日，返唔到轉頭。鰻魚肥美唔洗講，可想像堂食更加好味！3）地獄雞翼：又係勁好味，都幾辣架。 （張相阿媽影，將就吓）樣樣都好味，因無時間，我只講最好味中的最好味！燒春雞：外賣的話，食前要撈一個撈d汁，好味到無人有！痴線！竹炭pizza：餅底凍左都脆，好味！ 因工作太忙，無辦法好details，幫下手啦。以上食物全家人都食到好開心，疫情enjoy一下，香港人唔認輸！Tony 加油！ …Read More

最近瘟疫流行，人心惶惶，巿況低迷，丼瀛係比較有衛生意識的食店。唔單止每一枱免費提供消毒搓手液，長枱更加要隔位坐，避免同隔離太近，讓人食得比較安心。要堅持，的確唔容易，做少幾枱點都有d影響，可見老闆唔係只為賺錢，仲很有良心。 （埋單先知，而家星期一至三晚巿七折優惠，我們2人食到飽都只係$400，又幾好味，真係抵，一定要撐下！） $88抵食之選，每隻都有肉，味鮮，清酒及葱味適中，更帶出蜆的鮮甜。海膽壽司，鮮甜大隻，比預期中好！抵食！海膽醬？一樣有驚喜，食一隻唔夠海量文宣星期一至三晚巿七折，menu上食物，牆上時令推介未必包，注意啊雖然，民間好多人話黃色經濟，但而家巿況，就算巿民支持，都唔易維持，看見黃店一間間的告急倒閉，如連儂牆一幅幅的倒下....真係好心痛....…Read More

人在異鄉，需要好大的勇氣。尤其係香港創業，小本經營，人生路更不熟，更加需要強大的熱誠幹勁，值得敬佩。起初都擔心佢做唔住，但眨吓眼已經開業2年，真係香港日本人加油！ 呢個日本人老闆，年青斯文，難得有緣在佢開業初期，在Sogo傾左幾句，印象深刻。餐廳在日本都有經營，不知何故開了來香港（日本人英文你懂的），閑談間帶着日式含蓄嘅自信，就立即訂了2個蛋糕，女朋友家人都十分like! 這店跟日劇的咖啡店差唔多feel，座位不多，但因為客人不多的關係，十分寧靜舒服。店員都幾有禮貌，不會喧嘩，帶著一點日式的寧靜感，是休閑的理想地方。 咖啡店的競爭很大，但有蛋糕這裡是完勝的。Bakery真係好食到好誇張，有次我食左3件，咖啡都出色，但在這裡，蛋糕Bakery才是我的最愛！城中最好的Japanese Roll之一，加上略帶果香的意式咖啡，真係絕夾！ 也是城中最好的Strawberry Cream Cake & Chocolate cake，真係好味到不能形容。$78一小件的Strawberry Cream Cake，應該用上甜度最高的日本士多啤梨（食唔出福岡/熊本了），貴得係十分值的。 我買過原個蛋糕，好味又好靚，全部人都十分滿意。 如果真係太貴，朱古力蛋糕一定一定一定不會讓大家失望！味道非常balance，朱古力脆皮包住香軟蛋糕，又不會濃到蓋哂蛋香！一定試左好多次，用料好講究，同花了好多心機同對自我要求好高先做到。 嘻，真係成日來，PMQ分店就更加悠閑，真係要多d懲罰（撐）佢地！ 香港人、日本人加油！唔好俾瘟疫同黑暗打倒！…Read More

以前遊行的時候，已經覺得呢間食店好搶眼了。成間店都係連儂牆。之前有人中傷如意冰室，實情係呢間店好黃，不時支持手足。人在做，天在看，真金不怕紅爐火，食店都係。只要食物出色，總會有食家街坊賞識。 今日去銅鑼灣驗身，專程過來試下，沒有失望，而且比我想像中還好。 $78在灣仔，屬正常價，這裡用料之足就很不正常了，超足料，好多肉！無論蘿蔔或牛腩都很出色。蘿蔔腍、鮮甜、無榨。講到牛腩，算係交足功課，太腍唔代表好，有牛肉味又不會太老，係讓我懷念的港式口味好味！ 君不見「香港仔魚蛋」嘅牛腩，係幾腍，但食完32隻牙的縫全部攝住牛肉，都係幾十蚊一碟，但那些奉勸帶埋牙線棒先好食了。 餐個名幾吸睛....店內都是有心的年青人，氣氛不錯，但個人覺得服務行業，工作時就講少一點粗口較好…Read More

坐在門口位置，遠眺青馬大橋，一坐下便醉了。點餐服務員很溫柔，沒有驚擾我的心情，我也隨便在餐牌上劃了一下，點了什麼都不重要，此刻只想享受一個人的時間，放鬆一下，讓最近沉重的心情寄予浮雲，身心沐浴於卑路乍灣的洗禮.... 最近的疫情，好似對呢間店生意影響不大，中午還不錯的。但隔離的咖啡店就好景不常了，讓人懷念的過往啊！ 煎鮮左口魚，熟左少少，食得出魚香但就走了鮮味....明白要用熱火煎魚，仲要剛好熟度，不會有人可以100%把握，可以下次再來試。偷望了身旁的靚仔的fish & chips, 有d後悔無跟機，香脆juicy，下次試下。 幼薯條 - 100分，好正 檸檬罌粟籽蛋糕 - 超出色，想不到甜品給我大驚喜！檸檬的味道，蛋糕甜香（仲有雲尼嗱？），加上略帶焦香的外皮....仲好過很多名店，好想知係唔係自家手工。 店面具特色，有一點擠迫，不過樓底高又有開揚海景（如果無泊車），都算舒服。…Read More

Seasons，算係小酒窩的姐妹店（大概係），2間我以前都成日幫襯，見到佢最近打告急牌，就成班朋友來撐一下。小酒窩就因為曹格的祝福，生意十分不錯。Seasons就算對比較靜，因肺炎影響下，生意大受打擊，講食物質素同種類， 2間其實差不多。 店員好nice, Starter 可適量refill! 勁好味！有更多好食的選擇，請原諒我今日因意外沒有拍照... Lamb Kebab - 我最鐘意的Kebab，菜肉都係優質貨，呢個價錢無得頂！但小心有些羊蘇味😋五星Chicken Kebab - 有小小辣，都好味，4星Kebab 會切為2份，如果人多，可要求分3-4份。但4份就有機會散開。 Four Seasons Pizza - 是lunch最好味的Pizza, 真係好好味！因太好味，一個人都可食得完，上面的酸忌廉真係畫龍點睛！食完會覺得，洗乜去貴店。五星 手足加油！背頁的咖哩都好正，不容錯過！Naan Bread 無論跟餐單點都係咁正！…Read More

行左陣先找到，原來地鐵站後還要往上走.... 本來知道夏雪係黃店，但原來夏雪堅尼地城店已經不復存在，新店在大圍，在黃藍地圖找到宜記，都幾近地鐵，但要行一段上斜。 木瓜燉雪耳：都不錯幾清潤，但可能不是木瓜季節，有點苦。呢個價錢，算係有心之作，合格。士多啤梨蛋糕：很特別，似雪糕多d，加上木糠都幾好味，有鬆化口感。$廿幾三十蚊咁大份，你仲想點，一個人KO都不覺太溜。除了甜品，仲有好多經典的冰室食物，撈麵炒飯之類，應有都有，超級抵食。最緊要係黃…Read More

好浪漫的餐廳名，好適合跟最愛一齊來。有private room & 壽司吧，適合不同場合約會，最好提早預訂。朋友介紹，赫德道新開張高級日式餐廳，現在有超旬試業優惠（我就不公開了）。好多餐廳試業都會甩漏，但花晨月夕做出超水準高質，對應起價錢，完全沒有失禮，有點喜出望外！前菜，普通的菜式，最難係超高水準的質素，這次一點都不失禮，蒸蛋是滲出陣陣香菇味。Omkase刺身： 吞拿魚、象拔蚌、碟魚、三文魚子（柚子汁）。除了碟魚，全部幾乎滿份，象拔蚌更加好味，比一般的加拿大象拔蚌更鮮甜（？），全部人都想encore。柚子汁更令三文魚子的鮮甜度提升一個層次！壽司飯是用現在流行的赤醋，但咀嚼久了，覺得是mixed....不深究了，黃色就好，唔理深淺不割席😳在現在的巿道創業，真心有勇氣，希望佢地成功！加油！…Read More

有些地方，安靜舒服，因為人不多；有些地方，開心熱鬧，因為人很多；這裡很特別，人算不少，但有一種寧靜舒適的感覺，高級的感覺，平民的價錢。雖然沒有日系裝橫，但人就好日本feel，包括員工及每一位顧客，也許港島區的人，比較寧靜，比較注重涵養，也可能外邊的世界太喧鬧了，這裏有與世隔絕的感覺。今日偶然經過，忽然有事，買了杯Mocha坐了5分鐘就要怱怱離開，但感覺很好。咖啡味道輕，泡較厚身，不算最好，但環境感覺都很好，物有所值！加油！…Read More

堡壘街很少經過，因為要上一條小斜路，但如果在巿區要大街大巷食野，都好難坐得舒服，畢竟租金太高.....所以能吸引我的，大多都比較隱世😳我寧願付出多一點，坐得舒服一點，狼吞虎嚥急住走，食龍肉都無味，做野都咁忙了....（當然，黃店我都係會試下）午巿，可能因為附近有學校，有一些是學生家長，反而OL少一點。一點半來到，不用等位，坐得舒服，坐係我左邊正好是律師&醫生媽媽。她們都對食物讚不絕口。廚房非常貼心，為她們兒子送甜品，好識留客。我一坐下，待應笑著過來，非常禮貌，自運動以來，總覺得黃店的服務態度大多比較好。 餐湯麵包是高水準之作，會想添食。 香口，但因為餐湯已用完，成份深炸物咁上菜就比較乾....可能少少overcook, 但以呢個價錢，我覺得已算值回票價有餘，有人share就更好。…Read More

本豬係千層蛋糕的粉絲，很多餅店酒店（包括外國）連豬都食過，講真，很多都幾令人失望....沒有下次....LamLam脷我肯定是最好的千層蛋糕之一，同城中某名店同grade果種！今次買返公司，所有同事都問我拎contact, 因為實在太出色！雖然$210的平民價，但你吃得出他們選材用心，有無理由咁抵呀！蛋糕係真流心，又不會太誇張漏哂出來，切出來每一件都有抹茶醬掛在蛋糕！如果同LadyM比較，抹茶味更濃郁突出，但就無LadyM咁多層鬆軟，可算各有千秋。可能香港租金太貴，店主唔想益業主，所以慳返租金，以平民價賣俾香港人帶走，但就無得舒舒服服坐低食了。開心果都好好味，小店加油！我一定會成日來幫襯！…Read More

經過見到連儂牆已經好吸睛，身為YellowObject點可以唔去懲罰下佢地。呢間coffee shop我以前成日去，平日比較清靜，但唔代表佢出品不好。相反地，是十分出色。雖然，相較創新咖啡的選擇不算多，但要舒服的享受一下coffee time, Studio certainly is one of the best choices!!店員都好多靚仔靚女😳 因為今日有點腸胃不適，就無食Monster Breakfast, 事關真係好大份，未必食得哂😳 叫左個American All day breakfast, $105, 加埋杯咖啡絕對超值(Monster只貴$10蚊，當然更抵)。經典早餐差左個juicy大啡菇，就差好遠了，事關個菇真係好正。獎項很耀眼，但都給香港人的心意比下去。在這裡，不止給你一杯標緻的拉花咖啡，還有是一種呼吸得到的心意。…Read More

有日經過香港仔，發現呢間黃店....原因是，在店外傳來的肉香味，實在另人食指大動！太香了，太香了，太香了！無誇張，我本來是要返公司，但我真係忍唔住了！等了20分鐘左右入座，店面偏小，目測大約10個位，open kitchen 傳出來的味道我很喜歡（但不是每個都接受到，女仔d長頭髮應該預左有味）。生意好好，好多人叫外賣，order左10分鐘左右就有得食。一咬落去，已經愛上了。太好味，肉味比想像中出，因為一般和牛會比較淡...包皮係香跪的，包肉是香軟的，不得了。所以野非常balance, 個人覺得比beef & liberty 更要一些. 我喜歡小店，因為經常品嚐到一種passion的味道，對我呢個年紀的大叔係一種味道以外的滋味！…Read More

佐敦有幾間Coffee Shop我成日去，自從黃色經濟抬頭，同區黃店成日爆得好勁，咁我就多左來懲罰呢間。人生就是充滿了矛盾，出色的Café 自然想佢地生意好，但當有日爆到唔清唔楚，心中就有一點交雜。冚棒唥&Revol係少數可以不斷俾到我驚喜的地方。一入到去，裝修已經睇得出幾別出心裁。店員都會俾你覺得，十分熱誠，我呢種冰冷慢熱的人最初不太習慣，但後來又十分舒服。這個Carbonara 十分出色！唔洗食，只係睇佢的煙肉已經覺得一種對顧客同食物的passion!係我食過最好味的卡邦尼，但如果想al dente可能要同店員講😳有點可惜係，這裡中午先開，就沒有機會做morning coffee了。最特別推介係（無影相）他們最近推出的花生醬咖啡，真係好味到有驚喜，要俾11分！Btw, 呢道仲有得賣多款手工啤, 晚上都幾有情調, 值得一去…Read More

自開張後，Revol就係我最喜愛的Breakfast Coffee & Lunch restaurant。有一排差不多隔日就去。而我都介紹好多朋友去，無一不讚不絕口。 佢地咖啡水準高而平均，唔會一時好一時差。同區有幾間都好，但唔知點解，水準好似無Revol咁穩定....而且差不多全部Coffee shop，飲品選擇都比Revol少(唔係齋講single origin)，因我唔係日日都飲同一款咖啡，會悶嘛.... 最近，Revol出了新lunch menu，我差不多全部食過，全部都好好（sorry, except Carbonara, 唔係唔好, 只係其他太好, 變得卡邦尼就一般好)其實我覺得Revol重點係lunch, 真係好出色。講究的食材，用心的烹調，溫暖的服務，出色咖啡.... 重點，這裡老闆好黃，可以睇下佢地Facebook, https://m.facebook.com/caferevol/店內有星火立場或其他支持五大訴求的捐款箱。唔食野，都捐下錢囉😳 最近，現在Revol生意越來越好，真心恭喜佢地！假日中午時間會有些擠迫，lunch輪候有時需10分鐘以上。建議早一些去。…Read More