樂遊車's Profile

約左朋友去奧海城睇戲，點解要去奧海城，因為有大大張沙發訓係度睇戲。睇戲前就要醫下肚先，大角咀博文街多餐廳，酒吧、西餐為主，今日揀間德國菜，試完無失望。簡簡㽞單，感覺好有歐洲感覺。墨西哥粟米片，先來個前菜，粟米片香脆可口，口感比較肯，更有咬口，粟米味亦好濃。西班牙火腿配凱撒沙律，菜新鮮咁甜，一咬聽到爽脆的菜聲，再加上麵包和火腿的濃香。德國鹹豬手，來到德國餐廳，當然要來個鹹豬手，鹹豬手上碟已經切好，方便食用，皮極度脆，肉質稔滑，保留小小肉汁。燒春鷄，食完豬手，再來個燒春鷄，皮脆肉滑，鷄肉不會太老，只是怕太熱氣了😅炸魚薯角作為最後結尾，簡單些，清淡些。…Read More

仔仔豬最愛的玩伴姨姨仔生日，為左報答佢，我地當然要請佢食返餐好。隆重其事，當然要搵間景靚，食物質素高的。位於旺角25樓高的sky726， 能俯覽九龍西靚景，吃法國大餐，美中不足就是太遲訂枱，不能在落地玻璃旁一邊用餐一邊欣賞美景。餐廳佈置也充滿電影的夢幻，一出升降機，就見佈滿燈飾，中間一個大吧枱，再入就是廚房，廚房用玻璃隔著，兩旁就是餐枱。鮮蠔伴蕃茄酸酣汁$188，先來個生蠔熱下身，生蠔極之鮮味，六隻生蠔有三個產地，口感各有不同，即使不點醬，食原味更加好。36個月巴馬火腿$108，入口香味濃郁，軟體適中，不會吃到筋。焦糖低溫鵝肝$158，香煎的吃得比較多，這個做法就第一次吃，外表脆，一咬開又有豐富的油脂香出來。燒慢煮16小時辣豬肋骨$238，每次吃西餐都少不了叫一份，是我個人喜好，份量不少，足足可以切開十條，刀叉一切，骨和肉都可以分開了，肉極之入味，又香又濃，極想不顧儀態用手拿起吃。香煎美國頂級西冷扒$288，七成熟的牛扒，上到來剛剛好熟，肉質嫩滑，表面微微焦香，中間保留了肉汁，香脆夾嫩滑。上佳作品。…Read More

銅羅灣人氣豬扒飯，為食夫妻慕名而去。果然没有失望。一去到就見到人龍，在香港人氣野要排隊就是常識。現場見到應該有二十至三十人。開放式廚房，即叫即做。廚師忘個不停，食客就等住埋位。各有各忙。終於有位。叫了個咖喱豬扒飯$65，來到專賣豬嘅店，又怎能不吃豬呢。豬扒大大件，外脆內暖，充滿肉汁。咖哩汁另外碗上，按自己口味份量捯落去，咖哩味香濃，薯仔夠腍夠入味。再叫個小食炸鷄翼$28，炸到極脆，但奇在內里的鷄肉没有乾，還保留肉汁，而且很滑。除了銅羅灣，中環都有分店，大家可以分散投資。…Read More

兩公婆去銅羅灣行完街街要搵野醫肚，銅羅灣金百利廣場出名多野食。泰國菜係老婆最愛，就揀間泰國餐啦。一出Lift口，見到大大個泰式食木招牌，招牌下放著鮮花，好有泰國特色。入到餐廳，第一眼見到一架篤篤，亦有好多木設計的裝修，座位有卡枱，有以珠簾設計的房，供不同人數使用，滿滿的泰國風情。兩個人就揀個二人餐。馳名冬陰公湯：酸味為主帶微辣，有蝦，草菇，紅洋衝，蝦爽和大隻，開胃的一個湯。醃無骨鳳爪：酸酸辦辣，咬落爽脆的鳳爪，作為主菜前的小食一流，份量亦不小。麻辣羔炒海鮮，以甜為主，帶微辣，有蝦，尤魚，青口，魚柳，配菜有青椒洋蔥，微微九層塔香，辣中帶香。飛天通菜，不輸大排檔的鑊氣，上枱熱辣辣，帶有辣椒，蒜蓉還有普寧豆醬，這個做法還是第一次見。除了上面的二人餐外，老婆每食泰國菜都必點以下呢味菜。豬肉碎生菜包，肉碎入味，小小九層塔香，又不會炒到太濕，包生菜不會滴到滿手都是汁。西瓜汁：味道清甜，有西瓜肉的沙感，品質不錯。 芒果布甸，最後來個甜品做結尾，清清甜甜帶冰涼，作為這一餐飯的最後結尾。…Read More

旺角出名人多車多店鋪多，和銅羅灣不相伯仲。住荃灣就去旺角多，今日和老婆一齊去䦌旺角行下。去旺角又無理由唔去下旺中，旺中應該都係好多人中學時的回憶，留下不少腳毛，間中都去回憶一下青春。行行下見到間小食店，有好多人，原來賣小食，而且選擇多，就揍下熱鬧。餓底皇撈麵$20，作為小食，份量不算少，夠一個餓底止一止咳。極之邪惡，上面放漢芝士。原味牛柳粒 $25，作為一個牛肉控，怎能不叫牛柳料，入口極之有牛味，一口一粒，食落極之方便。三重芝士單身狗$15，表面放有紫菜碎，用芝士包住熱狗，熱狗熱熱的😋…Read More

上環很多好野食，有時人貪心，想食多幾樣餸，車仔麵就最適合，一碗多餸，一次過滿足你三個願望。雖然是車仔麵，但主食可以選擇的很多，米粉、米線、油麵、粗幼麵等等，連烏冬都有。餐廳裝條簡潔乾淨，帶小小文清風，其中一面牆壁寫上「面壁不一定要思過」🤣，裝修時應該有落過心機。咖喱魚蛋豬皮$22，咖喱汁香而不太辣，豬皮爽夾脆，滲入咖喱汁，又香又脆。魚蛋有陳皮香，彈牙，點咖喱汁配，又有陳皮香，同時有咖喱辦香，雙重享受。兩個人配一碟，有D小食，不會太悶。醉雞翼$28，有五隻，爽夾彈，酒香完全滲入雞翼，每一啖都有酒香味，啱哂愛酒香味的人河車，亦証明用足時間制作。烏冬配牛肋條、豬大腸、黑松露鷄肉水餃。牛肋條入口溶化，不會攝牙罅，牛香味十足，可以話係非一般牛肉。大腸洗得乾淨，没有異味，煮得亦入味，看豬腸顏色已知一二。黑松露鷄肉水餃，一咬開，黑松露味即刻流出，無花無假。🌶️🌶️🌶️警告❗❗❗餐廳没有作出虛假陳述，「205辣醬」的確勁度大足，真的好香好惹味，但同時後勁非常凌厲。請先點一點入口試一試自己接受辣的程度，再決定是否混入湯中。…Read More

香港潮州人多，開了不少潮州菜館，多年來漸潮影響到香港人都很喜歡吃打冷。作為一個潮州人，自然更支持潮州菜。最近朋友介紹了間潮州菜館在長沙灣，這個朋友都很嘴刁，是個老饕，當然要去試下。門口大大個金漆招牌，寫住潮匯館。餐廳內以大枱為主，方便一家大細十個八個坐在一齊，側邊都有幾張卡枱，方便情侶夫妻兩人撐枱腳。餐廳燈光以白光作照明，感覺光猛乾淨，食得舒服放心。這次我地兩夫妻加上姨仔和她男朋友四人吃到撐住肚走。滷水三寶$188，有鵝片、鵝腸、鵝肝。滷水最重要入味，鵝片入口要腍，鵝腸就要爽脆，鵝肝就要棉和帶油香，這個三寶真係做得很出色。尤其喜歡鵝肝，和西式香煎比較另出一番風味，入口一咬就溶化在口腔，有油香而不膩。凍食烏頭$158，開邊上碟，見到魚的黃油，已經食指大動，姨仔剔走魚骨，方便大家夾肉，啖啖魚香，不帶泥味，魚肉清甜。招牌鹹菜鮮豬肚湯$118，豬肚腍，入口一咬即開，不知道煮了多少個鐘才有這個效果，豬肚的腍夾上鹹菜爽爽，一齊放入口也可以。白色的湯，鹹菜加強強湯的味，胡椒份量也適中，不會搶了鹹菜和豬肚的味。難怪姨仔吃不停口。香煎蠔仔洛$78，入口軟軟，帶有蛋香，没有感到麵粉的乾，中間很多蠔仔，但又没有腥味，再沾一沾魚露，增強鮮味。欖菜肉碎炒四季豆$78，四季豆炒得乾身，入口不油膩，欖菜甘香，伴上肉碎，有別於川菜的食法，做出另一道風味。椒絲腐乳炒通菜$58，椒絲和腐乳惹味，用上猛火炒熱辣辣上枱，吃不停口。鮮蝦砂鍋粥$128，最後來個潮州砂鍋粥清一清喉嚨，以蝦就主食，將蝦的甜滲入粥水，除了蝦還有乾瑤柱，有這兩樣做粥的底料，加上砂鍋均勻將熱力散佈，煮出來的粥又怎會不好食？朋友無介紹錯，應該好快再光顧。…Read More

在深水埗福榮街美食何其多，很多還歷史悠久，要在這裏開店站穩腳步都不容易。在福榮街行行下，見到地下有個投射倒影，寫著江南瀨粉。望一望店入面，見到燈光都光猛，地方乾淨，裝修幾特別，有些江南水鄉feel ，就入去試下。主打瀨粉，但小食都都十幾二十樣，滿足不同人的需要。大大碗鮮制瀨粉，番茄湯底$49。材料連配菜有成十幾樣，都只是這個價，可以說大件夾抵食。番茄湯底用鮮番茄，酸酸甜甜，味道比番茄膏清。水餃大大隻，魚蛋爽彈，裏面還有豬肉、魚皮、肥牛、貢丸、墨魚丸、魚片頭等材料。特別是豬潤，厚切，爽口夾起沙，無得頂。酥炸鷄翼$28，有五隻，鷄翼炸到脹卜卜，只是太熱氣了😅外皮酥炸，內面充滿肉汁，不需要點任何醬汁。埋單時，老闆問佢D瀨粉如何。注重食客意見，我就覺得呢間的瀨粉比較爽和有米香。老闆話瀨粉係佢地每天新鮮自家制，所以和外面有些不同的地方。…Read More

話說最近忙於搵屋，上到石籬搵屋，見到有間叫石門仔，又夜了，就順便吃頓飯。先講裝修，有圓枱給多人用的，有方枱，三四個朋支都可以。餐廳牆上掛滿餐廳收藏，有打字機，相信很多人未用或，甚至未見過。還有很多收藏，舊式手提電話CD，黑膠唱片，可樂罐等等話梅涼瓜片$48，這是涼伴，作為開胃小菜相當不錯，話梅的酸甜中和了涼瓜的苦，但留有涼瓜的甘。千島鷄泡魚乾$68送酒小食，剪成一條條，以便你送酒即使不送酒也相當好味。蒜香牛柳粒$68炸香的蒜和牛柳互相配合蒜香味夠，牛柳咪不老，相當好食。椒鹽豆腐料$68 外面脆的椒鹽皮，內面是又熱又滑的豆腐，食要小心熱，只是份量有點多，相信足夠三至四個。胡椒咸菜豬肚魚鍋$268，吃這道菜要有次序先吃䙳，留魚骨再讓它慢慢煲，再吃豬肚，最後才飲湯。豬肚煲到子好腍，這間是用白胡椒，湯不會太熱太辣，好適合香港人，咸菜也適中，不會太咸或者太淡。最後飲返碗湯，味道酸酸甜甜帶小小辣，容易入口，又有辣味，開胃。…Read More

香港人想起日本菜多數是刺身、壽司、拉麵。其實還有大阪燒。經常在Facebook見到日本人制造大阪燒好過癮，應該很好味，因為見到由大量蔬菜，鷄蛋，肉混合板燒成一個餅。這日和老婆去行街，在旺角T.O.P.行下，突然見到有間大阪燒，很有衝動試下。見餐廳裝修簡潔，以木材為主，很有日本風格。餐廳中間又有開放式廚房，給顧客親眼看到廚師制造食物，令人信心大增。泡菜蔥花雞蛋燒$78，材料十足，有豚肉、牛筋、蔥花、雞蛋、泡菜。材料混合起來好配合，口感和味覺好多樣化，蔥花和雞蛋好香，泡菜惹味，豚肉和牛筋有口感。豚肉燒$68，可以選擇自制或者由廚師幫你，自制就有小小娛樂過下癮，測試自己能力。其實都有餐牌介紹制造方法，過程不難，只是要點耐性，下次還是由廚師制作比較方便。滋味豚平燒$55，外表脆，內面軟香，充滿肉片，再自己淋上醬汁，醬汁帶酸酸的，開胃增強食慾，柴魚都可以自己加，自己控制份量。親自制大板燒都幾過癮，但燒出嚟效果没有廚師好味和美觀，下次交回給大廚煮😂。…Read More

潮流興懷舊， 用裝修裝飾勾起你的回憶，營造出環境給你仿似置身其中。餐廳牆上畫滿舊時香港地方，產色鮮艷突出，像六七十年代電視劇那樣，食物也以西餐為主，但價錢平民化。鐵板燒美國穀飼肉眼$99，五成熟的肉眼扒，還可以見到血水流出，做到五成的效果，肉質嫩滑，不用到高級西餐廳都食到有水準的牛扒。只是牛扒略嫌太薄，口感不太滿足。燒紐西蘭羊架伴煙倫巴底火腿扒$99，有足三隻羊架，肉質嫩，没有羊騷味，伴有薯菜，平衡返一下肉食。碗仔翅，龍蝦湯，加28元可以有湯和茶飲，湯可以選擇碗仔翅或龍蝦湯，老婆要碗仔翅，我要龍蝦湯，翅好足料，龍蝦湯🦐味道亦夠濃郁，各有特色，睇你喜好，情侶當然可以各叫一款，再互相交換，試兩個味。😋小食拼盤$108，略嫌各自一個餐太單調，叫多個小食拼盤，有 雞翼、薯餅、薯格、豬肉腸，這些都是最常見和受歡迎的小食，梗有一兩樣合你心意，知你心意的街坊Café.…Read More

最近大熱的村爺爺，為食的我當然要試下。既然係大熱，那麼排隊就是常識吧，去到門口見到有指示牌要人排隊，相信平時一定是排長龍。醒目的我，當然不會在最繁時間去，在十點左右就來食宵夜才到。雖然已經十點，但都有不少人。海鮮龍蝦湯泡飯$99，有足足半隻龍蝦，你没有看錯，是龍蝦，而且還充滿蝦膏，加上其它貝殼類，那個湯真的無比鮮甜，一口湯匙飯再加上湯，真係極上的湯飯。吃過這湯飯，一般茶餐廳的海鮮湯飯應該是不了口😂。姬松茸螺頭煲鷄$88，有半隻鷄，再配上松茸長時間的烹煮，湯已經變奶金黃色，見湯色已經感受到湯的濃郁，入口果然滿口香味。餐廳還非常貼心提供膠手套給你撕開鷄肉食，如果你細食，就要考慮一下雖不雖要另一半幫手吃，都是那句，幫忙吃掉食物是美德。牆上也放了不少明星和老闆的合照。以這個價錢和質素，加上明星也光顧，成功大熱是有原因的。👍💪…Read More

揍住個仔仔豬，出去食飯無BB櫈麻煩，地方唔夠大又麻煩，地點遠又麻煩。呢間啱哂我，地方大，有卡位坐，又有迴轉位坐，BB都獨立佔一個位，比佢睇住送壽司的車車，唔使去招呼BB，可以舒舒服服咁食🤣叫餐用ipad，叫夠指定金額有遊戲玩，win左仲有野食送。送餐用車仔係運輸帶送到你面前。三文刺身厚切，新鮮，入口感豐富。蝦壽司感覺又係新鮮，没有雪味，入口有黏性。三文魚腩壽司，夠厚，入口肥美。燒鷄亦，夠乾身，但覺得比較淡。三文魚定食，鋪滿三文魚，再送麵豉湯。座位非常舒服，地方夠大，正👍…Read More

荃灣甜品店很多，這間比較近我，而且吃過咁多次質素都不錯。食開有感情，老婆經常要我買外賣添。紅棗雪蓮子燉桃膠，入夜天氣凍凍地，都係吃返個熱嘅，加上年紀開始大，追求好味之外，都要吃返啲補下，甜甜地，又不漏。 紅棗、杞子、桂圓，這幾樣都帶有小小清甜味，配合得很好，桃膠就無咩味，都係靠之前幾樣來帶出味道，桂圓爽爽地，桃膠腍腍地，多種不同口感享受。裝修都幾靚，沙發座位為主，坐得都舒服。係收唔到電話差小小，很快忍唔住要走😅…Read More

旺角平靚平之地，中西日韓泰都要有，就係女人街，今日吃個韓國菜先。門口招牌色以粉色設計，每個字都不同色，好吸引人視線，一望亦知走韓國風。內部裝修偏向型格， 牆上做了很多飾櫃，以不同的韓國酒料做主題，例如啤酒，燒酒等。坐低之後，侍應自動波提供餐牌和小吃，招呼反應快。泡菜石鍋飯$76，熱騰騰，有牛肉、泡菜、牙菜、雞蛋，搞伴均勻，每口都充滿泡菜和牛肉味，牛肉比較腍，加通泡菜的爽口，每口有腍有爽，雙重享受。韓式燒牛肋骨$90，一碟鋪滿牛肋肉片，牛味香濃， 醬汁没有蓋過牛肉味， 蒜片亦不辛辣，不吃生蒜的可以拿開，份量有點多，兩個人未必可以吃完泡菜烤肉蔥餅$58，要脆內軟，內內泡菜肉碎，每一口都有泡菜和肉碎，味道比較濃香。真露原味$68，韓國燒酒還是第一次飲，感覺易入口，酒精不濃，還有多種味選擇，男女都合適。可能配炸鷄都不錯。價錢合理，座位舒服，以二至四人枱為主，好適合情侶或三五知己開心地吃飯。…Read More