tsui's Profile

已有一段時間沒寫食評,但此餐廳的服務之差實在令人不吐不快。早在個多星期前已在網上訂位，並REMARK了要窗口位準備為另一半慶祝生日。到達後，我們被門口負責接待的那位南亞籍侍應安排坐在一個不是窗口位，我們眼見當時全間餐廳只有2枱客, 一枱有3人,而另一枱有2人,其他枱全是空的,我們便禮貌地跟他說我們預訂的是窗口位,但他竟用十分囂張的語氣對我們說"這裏的WINDOW SEAT是沒有GURANTEE的,"然後就走了。我們以為只是這名員工態度差劣,便禮貌地再跟另一位西人侍應說我們預訂的是窗口位,而且今晚是慶祝生日,可否安排我們坐在窗口位?這位西人的態度也不見得好多少,只是冷冷地說要問經理。不消一分鐘,他竟回來說"不可以，有誰PROMISE你有WINDOW SEAT?"然後轉身走了。最後我們決定一言不發起身離開,大好的一頓生日飯就此被破壞了,心情也大受影響。1.大多數餐廳如果未必可以安排窗口位,都會在訂位時預先聲明,但這間肯定沒有 2.如果餐廳當時因為所有窗口位已爆滿,而未能安排我們入座,我們十分理解。但當時全間餐廳只有兩枱客,亦肯定沒有任何一張桌上放了RESERVED牌  3.如果此餐廳堅持不會GURANTEEN客人有WINDOW SEAT,請問那些空的WINDOW SEAT為何又要GURANTEEN給還未出現的客人?真是荒謬至極! 為何客人明明預訂了窗口位,卻要客人好像在向侍應乞討一樣?甚至全間餐廳空空如也,只是舉手之勞都堅持不作任何安排？不難理解為何在星期六黃金晚飯時段,此餐廳都只有兩枱客了。…Read More

今曰一家三口去吃午餐，由於剛剛十二時，很多餐廳都未開，小朋友又堅持要吃意粉，我們又趕時間，才無奈去了意味。（因上次去已覺食物不好食）。我們叫了兩份午餐加兩份餐湯，惡夢也正式開始：首先，餐包又乾又搾埋一舊，完全隔夜feel，我和先生已不敢給小朋友吃。唯有給餐湯小朋友喝，我小朋友喝了一會我看見湯內有一隻小東西，我的小朋友巳喝了很多口。我們告訴女侍應，她連一句唔好意思也沒說，只馬上收了碗湯，說換一碗給我們。餐廳水吧前就放了個湯鍋，我知她又在同一鍋內裝給我們喝，我當然說不要了。接着，我開始吃那個草莓汁豬扒飯，我吃了一口飯又不夠熱又硬，好明顯是隔夜飯再翻叮熱。我叫丈夫試一口，他吃了一口後也不敢給小朋友吃。但我們也本著息事寧人的心態沒有向侍應反映。我們只好把另一個餐給女兒吃，因小朋友肚子餓了。小朋友吃了幾口，我才開始吃第一口。原來這盤紅酒雞意粉是＂叔＂的，即已變了味。可憐我的小朋友已吃了幾口，我再也不可不出聲。馬上向一位應該是經理的男侍應投訴，他聞了一下又是馬上收走了那碟意粉，一言不發箭步走入廚房良久也沒有出來。我們等他出來，他也沒主動向我們說一句話，我們問他怎樣處理，他才說再煮一碟給我們。試問我們還敢吃這餐廳的食物嗎？我們說不要了，那個經理冷冷地說：隨便。因為當時時間尚早，餐廳內只有我們一枱客，他根本不用擔心有其他客人知道。我真沒想到在香港也會有餐廳提供這些黑心、變質的食物，而且員工好像早已見慣不怪，一句不好意思也沒有。好好一曰假期，令我擔心了小朋友一整天，怕小朋友會痾嘔。希望各位食客小心！…Read More

今晚一家人一起去吃晚飯，成八點九去到但仍要等位.去到門口時侍應只顧講電話,見到有好幾個客等取票仍施施然不願掛線.終於等到他掛線,取票後問他即使有客走要等多久,他說只等兩張枱,但結果等了廿分鐘有多.那些侍應全都好像不願做似的,即使有客走了,他們只會以慢動作執枱,n年後才叫人入去.入到去叫人點菜時,個侍應又話"唔好意思,轉頭才幫你落單"然後便當沒有回事.終於叫到人點菜,但等了近40分鐘仍未上菜,突然一個侍應方施施然走來說其中一樣餸賣光了,叫我們轉另一樣.我真不明白為何要40分鐘才告訴客人賣光呢???我忍不住問為何這麼久一道菜還未上,個侍應又淡淡然說"剛才電腦壞了,出不到單給廚房.現在修理好,好快可以上菜"但其實之前我見到一個穿廚師衫的人走了出鋪外,我不知道是否他行開了所以要客人等這麼久,侍應就隨便找個理由應酬下我終於等了近45分鐘才上菜,雖然食物味道還可以,但服務認真不ok.我還見到一枱坐得較遠的客人,叫埋單要叫到全世界都聽到才有人應他.…Read More

小妹平日唔多最鐘意自助餐\\\, 一來唔鐘意行來行去,二來唔鐘意幾個人係到排隊等取食物,三來最怕見到d好似驚死蝕底好似要搶食既人,所以呢度既半自助就幾0岩我,主食又有人serve,而且d野食又成日refill,所以自助攞野食個到唔會推住幾個人.呢個月做緊hawaii美食,主食個魚就煮得太老,不過d macadamia 汁好好味,另一個主食蕉葉雞就略為淡左d.至於自助部分,有生蠔.刺身同壽司都幾好味,至於甜品最正就係有hagen既ice-cream,個chocolate噴泉都好精緻同好味道,不過d cakes就0痳0痳啦.…Read More

未試過墨西哥菜聽到朋友介紹就去試下.星期一晚去由7點食到9點都係得我地一枱客(即兩丁人也)本來應該好開心,因為我最鐘意quiet place,但因為成間餐廳都冇人,所以全部侍應都會focus住你0個枱,感覺有少少唔自在.不過佢地個個d服務態度好好,值得一讚,同埋可能冇人既關係,好快就上菜,仲有人現場拿住guitar唱歌.如果情侶想搵個quiet 既地方拍下拖食下飯都可以去試下.食物方面都ok,值得推介既有扖帶子同鐵板牛柳絲,飲品方面有que pasa(唔係好記得個全名,不過係冇酒精既)…Read More

食左幾樣野都係蟹粉小籠包最好食,係去鼎泰豐0既必食之選!品質同品道都同台北店差唔多.另外蝦肉蒸餃同豆漿都好好味!不過菜肉餃同春卷味道就普普通通.兩個人食到飽飽,$168落樓,都算抵食.…Read More

第一次同個friend去aqua飲野,所以上左上層,夜晚個view真係好靚,但由於太多人攪到都冇咩心情欣賞.d waiter既態度其差,去到有冇位完全冇人理你,當你透明,自己揾位坐完等好耐先有人執枱.一路都冇人理你,但當你杯野飲到一半時,waiter就即刻走來要你order下一杯,你話轉頭先,佢一陣又來問你,又話要最低消費,好似驚你幫襯得小咁. really annoying!!真係要講句:今時今日咁既服務態度未夠架!! …Read More

0個日下午同個friend揾地方食tea為名傾計為實,見呢度靜靜地座位又舒服,就走左入去,仲揾左個窗口位.呢到傾計就真係唔錯,但食物就認真一般,我叫左個cheese cake,但好淡,食唔到cheese既香味,我地叫左杯mocha味道又好古怪,個小食拼盤就幾大碟.兩個人食tea食左一百三十幾蚊,都唔算太抵. …Read More

我經常夜晚都會揎揸架車去買糖水,試過好多不同既糖水,發覺最正都係熱豆腐花,又香又滑又唔太甜,真係好好味!小妹心水推介係熱紫米露豆腐花,不過要食豆腐花就唔好太夜去啦,尤其是weekend,有時9點幾都已經賣晒.…Read More

小妹因為比較怕人多嘈雜,所以都好鐘意同三五知己去佐敦呢間paris食下野,傾下計.先講下環境,梳化位好舒服,又有珠簾擋住感覺好privacy,而且環境寧靜,傾計好舒服!drinks都幾好飲,野食就只係一般,侍應都幾nice.…Read More

初時朋友帶我去我都冇咩期望，因為小好平生最憎去街市，但搭到電梯上去發覺環境並唔污糟，仲有冷氣。雖然冇裝修可言，但好有泰國食肆風味，真係好似去左泰國咁。d野食好好味，蝦餅係必食推介，如果食得辣既可以試下個生蝦刺身,幾特別又好味。另外，咖哩海鮮煲都好抵食，什錦冰又好好飲=P呢到野食好味又唔貴，成日都去九龍城d泰式餐廳，去到悶悶地呢到反而另有一番風味。不過要去食晚飯最好早d去,如果唔係就有排等位啦。…Read More

本來六點幾鍾去坐左一陣環境都幾清靜，但夜左一到開波時候就好嘈，傾傾下計就有波友大叫,嚇死人。同朋友兩個人去食，每人叫左一個set dinner，d野食味道普通，冇咩驚喜,埋單就要六百幾蚊，拿六百蚊去食buffet好過。…Read More

第一次去個到食tea buffet,食物既款式真係好少,味道也只是一般.我認為最應改善的是要在ice-cream 櫃旁放一些spoon呀,沒有spoon教人怎吃ice-cream呢?下下要叫waiter拿不是更不方便嗎?…Read More

新裝修完,環境比一般既意粉屋正好多,特別係露天既地方,夜晚去特別有情調.加上個到人流冇咁多,坐得幾舒服.食完仲可以落下面睇番埸戲.<br>不過service 就麻麻地,叫左兩客湯到埋單都未有,d 野食又要等好耐,仲有個傻瓜waiter 講十句都聽唔到你一句,都唔知好嬲定好笑。…Read More

話晒都叫尖沙咀區,價錢算好經濟,塊扒又大塊.雖然有不同肉類選擇,但最好食都係牛扒(特別係蘇格蘭牛扒),雞扒豬扒都麻麻地.個汁一定要加生蒜先夠惹味仲有一個心水推介就係cheese cake啦,估唔到茶餐廳都可以咁好食,香濃軟滑.正! 不過呢間既餐飲實在太細杯啦!…Read More