wayne1216's Profile

見網評話椰汁班蘭千層糕好食，經過入去望下，買左黎試，覺得一般，反而佢嘅拖肥糖好好食！買左三隻味一包試，每隻味道都好出色！介紹埋比朋友試都話好好食！👍🏻👍🏻👍🏻👍🏻👍🏻👍🏻…Read More

難得同老公可以二人世界拍拖仔，搵左間靚靚地嘅餐廳食下野，見希慎都好多選擇，最後book 左呢間食pizza~入去先知原來係韓式餐廳，本來想試下啲炸雞，但我地太早入座，佢話要6點開始先有炸雞提供，咁我地就嗌左個綠茶牛肉pizza~即叫即整～重叫佢轉做燒烤醬同加左芝扭邊～老公話pizza 一定要多芝士先好食😂又真係好食好多喎👍🏻不過就等左20分鐘先有，另外叫左個柚子田園沙律，酸酸may may 好開胃！叫左杯熱情果芒果茶～um~好滿足嘅一餐～值得推介～下次一定要試埋炸雞先！…Read More

成日聽朋友講好好食，終於試到！環境都好，坐左張卡位，啲待應有一半係韓國人，溝通有啲困難。。。我地叫左一個牛肉set,海鮮煎蔥餅，海鮮湯，湯面，最好食當然係啲肉啦～不過限時1.5小時就有啲唔夠喉啦～想食多幾款都唔得～如果佢可以因應入座人數而安排用餐時間嘅時就好啦，例如2-3人入座/1.5小時，4-6人入座/2小時，6人以上入座/3小時～咁樣就可以食得耐啲又可以食多啲野啦～不過佢就唔收我地切餅費，呢點都幾好👍🏻…Read More

突然好想打邊爐，未試過小肥牛，所以用openrice book位，重有七折優惠，6點去到都重有好多位，但坐坐下就爆哂場！個待應姐姐好nice,推介左好多好食嘅野比我地，所以都叫左好多刺身同海鮮食，個蜆最抵食，$28/13~15粒 重有七折，重要係好肥好鮮甜，個BB 象拔邦都好甜，重加多少少份量pp我地㖭～另外推介蝦滑同墨魚滑！個咸菜豬肚湯底好多料好正👍🏻又係好好食～第一次食就有好印象，下次要多啲人黎食可以嗌多啲款試下先～…Read More