前旺角侍應's Profile

話說屯門開左V City咁耐都未行過, 於是襯內地客回落少少就去行下.肚餓搵野食, 無乜好吸引既食肆, 不過有部分食肆可以係場商個電子水牌拎飛, 非常好.無乜所謂, 求求其其揀左TOI, 意粉個樣好靚, 但款式又唔太岩口味.都係叫蛋包飯, 但紅酒汁冇晒, 咁揀左個牛肝菌汁.隔離檯對情侶唔係咁好老皮, 原來佢地想嗌個餐轉食品, 但加錢都唔俾轉.不過明白公司SET好個餐, 唔俾轉就唔俾轉.Anyway, 我就叫左個牛肝菌汁牛柳粒蛋包飯, 跟餐.是日餐湯係薯仔粟米, 得一款, 就算俾正價錢另外嗌都冇其他選擇.個湯, 睇色已經知道放左好耐賣唔去, 味道非常清淡仲帶土豆既土味...relly bad!!! 不過對好多餐廳, 湯唔係強項, 只係呢個真係有點飲唔落.上飯, 拌碟有沙律, 賣相非常靚仔. 不過沙律醬多得濟, 少少沙律菜變得太膩.食食下, 恐怖既事發生, 有蟲, 仲係活生生爬下爬下既蟲.我好明白沙律菜批發返黎唔洗係食得, 有蟲仲可以話係冇用農葯唔易避免, 所有理由藉口我都會接受, 但件事竟然係可以咁樣發生下去.....我叫個侍應埋黎俾佢睇, 佢呆左, 唔出聲, 我問佢: 你睇到嗎？佢又答我睇到喎，但又乜都冇回應，冇解釋，冇道歉，走左去同黑恤衫相信係經理報告經理埋黎收左我碟飯，又冇乜都冇講過，連一句幫你換過碟都冇，靜靜雞收就算。然後用一個正常速度俾返一碟新既我，又係冇出聲。。。我食啦，但唔敢食沙律了，蛋幾滑，牛柳粒普通貨，牛肝菌汁明顯係罐頭貨。整體味道不過不失。如是者食完，我嗌餐茶，同時間我問個侍應：你地對頭先件事情冇野要對我交代嗎？一樣都係冇回應，有出一句聲答我呢個問題。OKAY, fine, 唔會再幫襯！…Read More

其實已是屯門 Pink Coffee 的常客，看著他們越做越旺，服務和食品都越來越出色，難怪要開分店了，在屯門和店員的交談下得知它們已坐落長沙灣Ｄ２　Ｐｌａｃｅ，便襯假日走一趟。原來長沙灣已來了個大翻身，不再像從前，商廈林立，而宜更越來越多商，好似Ｄ２就係活化工廈變商場，不過未開晒，有Ｄ失望。講返ＰＩＮＫ　ＣＯＦＦＥＥ，咖啡出色有水準就唔多講，絕對唔會輸俾任何大牌子。黎到Ｄ２，見返熟識既面孔，特別有親切感，問下佢地有咩好介紹，同屯門有咩唔同，佢地推介左新加入用聰明壼造既手沖咖啡，係用有機既穌門塔納咖啡豆，要等一兩個字，好彩係假期，唔趕時間，慢慢等，一路等一路同佢地傾下偈真係幾開心，手沖咖啡ＢＯＤＹ好ＬＩＧＨＴ，唔酸，帶有少少酒醇感覺，相對較滑，唔錯，不過始終係黑咖啡，未必個個岩。另外要試既緊係乳酪雪糕，前兩年做到成行成市，但執左唔少，質素差Ｄ都做唔住。估唔到ＰＩＮＫ　ＣＯＦＦＥＥ既ＹＯＧＵＲＴ可以做到咁好，夠挻身，食到尾都唔見變水，聽聞過出面好多會溝水，但呢杯一定冇，好夠乳酪味，加埋ＴＯＰＰＩＮＧ先２８蚊，以份量同味道黎講認真抵過出面好多。最後當然唔少得食返佢地首創既傳奇食品　－　牛角油！佢地既牛角酥一早做到出晒名，隻隻脹卜卜，鬆化又脆口，真係好食到我每個星期唔食唔得！加埋一片牛油，入爐焗完出黎，半溶既牛油融入晒層層疊疊既酥皮牛角包入面，真係好食到不得了，只係惟有跑返兩個圈消化一下啦！到商場開晒再黎探你地喇～…Read More

相信好多人都因為搾住張AE白金, 所以係都要去美心旗下既食肆.老實講, 冇折就真係貴, 有折又真係抵喎~發覺佢而家都搞幾多WEDDING,少左位, 自然等得耐, 等左差唔多個半鐘先入到, D檯好似唔郁咁既, 成個鐘先走一兩張.嗌左霖把, 等執檯都等左10分鐘, no good:(叫左BB豬, 牛坑腩, 桶仔飯, 杞子浸豆苗, 同埋個炒療參.BB豬, 招牌菜, 但其實已經差左好多, 老實咁講4件頭, 真係唔Q使食佢.同以前個種嫩滑, 入口即溶真係天壤之別, 而家塊皮都仲脆口, 不過咪鬼叫BB啦乳豬咪乳豬囉, 燒乳豬吖嘛, 呃鬼佬都仲得我地食魯味, 唔係, 係燒味大既地膽, 一啖知你係龍係饍, 如果唔係有半價, 可以唔使試.牛坑腩, 肥膏太多, 直頭見到一舊舊白色既肥肥肉, 應真可以本人真係對肥膩野好有抗體, 見都唔開胃, 雖則有人鍾意, 但唔係我杯香片係視覺影應味覺既7覺大戰下, 只係敷衍下碟牛仔咁食左兩件, 亦冇深究肥高係咩味.不過佢用炸既方法, 相信又唔係好油既.桶仔飯, 味道夠地道, 真係細細個係街市, 或者媽媽煮既糯米飯一樣味道,好有親切感, 不過飯夠乾, 一粒粒, 冇話痴埋一餅, 或者爛晒.呢個係出色之處, 保持到水準, 好食.杞子浸豆苗, 其實呢度可以選揀既菜唔多, 瓜同菌類反而仲多選擇.所以差唔多次次都係叫呢味, 味道唔差, 但今次冇乜杞子味.不過多左瑤柱, 份量OK.翠玉瓜炒參, 唔錯, 參夠爽口, 放耐左冇起膠,夠味, 有百合, 菇, 半價黎講, 表現超水準.整體表現中規中舉, 食得過, 會回頭!環境乾淨企理, 位夠寬敞, 服務合格. 係等位耐D, 或可以學RICE PAPER咁留客電話, 差唔多到就打俾客.…Read More

屯門雖然好多食肆，但當你日日係呢頭返工，會發覺其實冇咩好食。唔係難食，就係貴食。不過，時代廣場呢間明將會係我其中一個常去既餐廳，事關－抵食！一丁友，唔使點等位，快快入座！叫左個魚生定食，個定食包Ｄ乜？有湯，有魚生，一碗飯，甜品，前菜，餐飲！呢個時勢，50零蚊食到咁多野，你仲想點？呢個價錢，你唔好預佢好好食，但味道唔差，絕對唔會難食，個人覺得仲好過和亭。不過座位迫夾，但有一個暗格可以放袋:)侍應反應算快，繁忙時間都唔會叫極無人理，但你又唔好期望佢地會笑口四四。不過唔知點解，最近去食，俾碟芥辣真係少得過份，食一片魚生都無左。我問佢拎完又拎，拎左３碟無黑面，我諗佢哋都知少得過份；其實如果要省ＣＯＳＴ，我覺得呢個方法行唔通，只會浪費人手。埋單要先叫員工睇數，再出去收銀俾錢。但冇指示，好多客直接去收銀，收銀又要走去佢個座睇佢有冇食到壽司，費時失事，午餐要收加一，順帶一提，除左魚生飯，仲有好多選擇。迴轉壽司都有三十多款午餐，好欣賞，佢Ｄ焗飯都好好食架！係碟芥辣扣左分，ＯＫ啦記住呀，黎得呢度要同學生哥迫架！…Read More

近日天口好熱，冇乜食慾，都唔知食乜好，諗住食Ｄ冷盤開下胃。兩三點都未食飯，就食個魚生飯啦！行過華都，剛巧見到和亭做緊下午茶套餐，又唔使等位，ＯＫ成交！以定食黎講，都唔算貴，但以地區黎睇，都唔算平，四五十蚊一個三文魚刺身定食算係咁啦～叫左，等左一陣，定食黎喇！第一眼真係嚇左我一跳，堅係嚇親我咁大個人都見過，未食過一碗咁細份量既魚生飯真係ＯＭＧ！！！！！！:(食完都唔覺食左野，試食既份量，我仲要去Ｍ記買包食囉！不過講句公道話，味道不過不失，未至於難食。可能印象唔好，連杯熱奶茶都難食，落檯仲要倒到成隻杯碟都係奶茶。差！冇回頭！！！…Read More

睇完樓下篇食評, 我心諗, 係咪真係咁正先.於是放工就行過去試下, 5點幾入到去, 人唔算太多, 可能平日啦. 多數係學生.有位坐底, 睇睇個MENU, 又真係幾齊全, 要咩有咩, 夠選擇以唔係大集團黎講, 選擇真係好多, 有誠意我知道咁多選擇俾客人, 對非主流餐廳係好難HANDLE, 所以有驚喜好, 入正題, 叫左杯荔枝雜果品酪冰, 係咁熱既天氣, 真係一流.由於本人愛好荔枝既清新, 加上甜甜酸酸既BERRY, 真係開胃到冇朋友 一邊襯住員工介紹既窩夫, 嘩!! 個種滋味真係呢, 無得頂!個窩夫焗返熱之淋YOGURT同BLUEBERRY SAUCE, 一凍一熱, 一脆一滑真係叫左會後悔, 會食上癮架!!!!一邊聽住店內輕柔既爵士樂, 一邊坐係張大沙化, 仲有店內超靚既裝修;仲以為自己係中環穌豪區既橫街小巷嘆緊咖啡, 咩工作壓力都無晒啦.個仲感覺真係好正. 杯品酪冰係口中溶化個時, 我真係覺得自己升左呢, 咪係財爺講既中產囉坐左大半個鐘, 係時候返屋企, 真係唔捨得走, 難得佢WIFI任用, 又唔會趕你走.唔似得其他COFFEE SHOP, 唔係WIFI限時, 就黑你面.最緊要, 係一個大會堂之隔, 無晒D嘈吵既強國人民, 而家去屯市D COFFEE SHOP, 以為自己返左大陸, SO SAD. 嘆咖啡嘆到去左大排檔咁PINK COFFEE就唔同, 環境真係一流, 流連忘返.臨走, 買多隻牛角包帶走, 又係一個不得了好在我用紙袋搾住食, 一咬, D酥皮好似爆炸咁飛出黎老實, 我自己真係未食過咁好食既牛角包.最後提一提, 讚一讚D員工, 服務態度真係好好, 笑容滿面, 仲會同你傾偈, 呢D咪係人性化囉而家真係好難搵, 尤其係屯門區:(你地要KEEP住呀!!!!!…Read More