tabasco2000's Profile

薩莉亞一直係西餐平價首選，從前以價錢平，食物有番啲質素，打出名堂！隔咗一陣子沒有幫襯，行過見唔多人排隊，㩒張飛幫襯吓喇，順便支持吓香港餐飲業經濟吖嘛！一行四人入座，手機看圖點餐自動波，都係嗰啲薄餅/意粉/寬條麵/雞翼等食品。食品上枱發覺同照片不乎，嚟個野菌蘆筍忌廉粗管麵，變咗忌廉湯麵(有圖)，問吓侍應是否攪錯，佢二話不說就攞起行去廚房(我以為佢都認同，幫我攞去換)，點知跟住攞番碟粗管麵返嚟話係咁嘅，跟住就行開咗！我截住個經理再問，佢都話係咁(廚房唔識煮麵撈就認咗佢啦)，我話同Menu幅圖好大落差，佢就一味話係咁! 唔要就取消! 唉... 唔怪得香港餐飲業生意一落千丈喇！質素同服務都要改善，加緊步伐追返啲口碑，如果唔就死得！希望佢哋會從善如流，不要白廢之前建立的平靚正形象嘛！…Read More

今日到紅磡做嘢，途經時新漢堡門口，突然想回味一番，泊好車辦好事情，馬上去幫襯。接近十二點時間尚早，入去空無一人，跟收銀姐姐點餐後，揀個好座位等食🤣.. 雙層漢堡加芝士＋羅宋湯＋熱咖啡成為$64.... 論價錢唔算平，論質素亦不及當年，羅宋湯係椰菜蕃茄汁水！漢堡厚度係以前嘅一半，叫雙層就等如以前嘅標準漢堡(同埋漢堡偏咸咗啲) ， 醬汁就維持以前嘅味道！做快餐店連咖啡都無進步，嘥咗前人留落嚟嘅美譽！食完今次，相信都唔會再嚟幫襯😅…Read More