or#Tm65381084's Profile

平時落雨天都會去公司附近的 #新翠苑 買魚蛋米或者牛腩/坑腩/崩沙腩米粉做午餐，今日貪得意，叫咗 #新鮮豬膶米粉。店主用另一個小煲來煮豬膶，湯清清的，加咗好多薑絲劈腥味，豬膶厚薄適中，好快便煮熟，連同米粉快煮一會，入盒帶走。咬開豬膶，沒有粉紅色（生/未熟透），爽！煮得剛剛好，沒有「煮老晒」，好味。米粉和湯普通啦，沒有味精。😋$45（外賣加多$1），街坊價。…Read More

試過一次Urban Coffee Roaster ☕️後，耐唔耐就會去食吓嘢，飲杯靚咖啡。成為會員後，除了間中收到他們的產品推介外，仲有生日月份的禮物🎁。所以，今日午餐就行去搵佢哋。午巿套餐都有幾款，我要咗 #蘑菇意大利飯🍄‍🟫🍛，以跟餐價錢，可以優惠價要杯咖啡，我就點 #Dirty☕️（+$23）。蘑菇意大利飯不錯，Dirty似樣啦！起碼上枱嗰刻係睇到兩層，我試過去另一間餐廳點Dirty，送到來已混成一杯普通牛奶咖啡。。。😮‍💨最後是甜品禮物🎁：一客班㦸🥞，我揀了平日少見的 #法式焦糖班㦸。我沒想到是厚班㦸，淡淡蛋香，微微燒焦的糖面，好味😋，很滿足！🥰#滿滿的澱粉質😂…Read More

天氣好熱，又翳焗，行街行一陣已經汗流浹背，想食杯雪糕🍧。見到 #雙子匯二期 角落處有間日本雪糕屋Yonna Gelato，便入內看看。雪櫃內大部份都是生果雪糕，番石榴、香檸🍋、草莓🍓、芒果🥭、西瓜🍉、牛奶咖啡☕️、紅桑子、牛奶🥛，售賣員好親切，讓我試了幾款口味之後，我揀了 今帰仁西瓜🍉，單球$58。看著它🍧，鮮蝦肉色的，好吸引我！望著它已滿心歡喜😄。一啖，清甜的西瓜味道在我舌上遊蕩著，很令我回味，暑氣全消。…Read More

炎炎夏日，有時返工外出午飯，都沒什麼胃口，想吃少少清淡菜式。Muji Cafe的 #三品料理，無論味道和份量便剛剛好，適合炎夏享用。三品料理，包括一個熱菜，兩個涼菜，一個飯或烤蔬菜，還有一個熱湯，盛惠$98。我點了 （熱）#梅子醬豚肉🐷，（涼）#明太子醬汁雜菌厚燒玉子🥚🍄‍🟫、#冬瓜橘子沙律🥗，我沒選米飯，要了 #鹽麴烤蔬菜🥦。跟餐的 #雜菜麵豉湯 夠熱，我一口氣喝完，舒服。😋冬瓜橘子沙律，第一次食以冬瓜做的沙律，清新，不錯啊！這個厚燒玉子有驚喜😋😋，喜愛那雜菌和玉子混在一起在我口腔的味道。梅子豚肉，為夏天無什麼食欲的我，醒一醒味蕾。烤蔬菜確是為不想吃太多碳水化合物的人另一好選擇👍🏽，滿意的午餐，吃完又回到公司繼續工作。…Read More

由於交通方便，令我很有興趣發掘下 #雙子匯 的餐廳。而炎炎夏日，午餐都係想食啲爽口的東西。在商場內走著，發現 #肴日，在店外望入去，覺得很日式木質裝傢具裝修，就入去一試他們的 #午巿定食。在芸芸的定食中，我揀咗 #牛肉蕎麥麵 定食，有沙律、漬物、鳥唐揚及甜品，我再另加薑味汽水。沙律和漬物先上，漬物除了兩片 #漬蘿蔔 外，還有兩粒 #漬蒜頭🧄，平時較少見到😮，好味道啊！蒜頭一點也不辛辣。#牛肉蕎麥麵，中規中矩，湯底清甜，蕎麥麵🍜軟硬適中不糊口。牛肉也好。令我驚訝的還有定食中的 #鳥唐揚（炸雞），剛剛炸好，香脆可口，如果飲啤酒🍻的，就是最好配搭。#薑味汽水，為整個午餐帶來一份清新感覺。甜品，我叫它 #芝麻菓子，幾好👍🏽。那裡其實地方算寬敞，或許是星期日關係，多些家庭來用餐，環境比較嘈吵，但應該不是常常出現這情況。這裡還有多款午巿定食，晚巿餐牌也有串燒等料理，週日要過得好一點，不妨再試。…Read More

間中都想食 #豆腐花，就去一豆花，買一碗 #熱薏米銀杏豆腐花。才$19一碗，都不錯。這個價錢，不算太貴。還有其他口味豆腐花、豆漿，和一些小食，只是我獨愛熱豆腐花吧。…Read More

七月之星🥳🌟好耐無一齊慶祝生日🎂，為自己生日試新餐廳，吃好一點。🥂🍽️我倆都覺得 #雙子匯 這地方交通方便，收工過來，用餐後回家也可以很快，便在這裡選擇這間西餐廳 #UnME。用Openrice book枱，8點入座，每人點晚巿套餐有85折。要窗邊位置，欣賞夜景。有2款晚巿套餐：🅰️ U Dinner Set 前菜+餐湯+意粉/意大利飯+飲品。🅱️ ME Dinner Set 前菜+餐湯+主菜+飲品。我倆都想試主菜，就揀了ME套餐。🍽️🥩我倆都被眼前的美食吸引，份量夠大，單是前菜（#酥炸紐西蘭深海南鱈魚配唐揚紋甲魷魚鬚🐟🦑）足以是我平常輕食午餐的份量。主菜上場，#紅酒燴牛面頰配薯蓉、燒菜、燒汁，牛面頰肉好軟腍又有肉香，比牛柳還要腍。#火燒法式露絲瑪莉鐵板羊膝拌薄荷醬（套餐價再加$18），侍應生用火槍燒著烈酒，淋在羊膝上，我倆都忙着拍攝過程😂。起初燒羊膝還暖暖的，可能環境冷氣強勁，便覺羊膝涼了，而且有點韌。另外，侍應生很幫忙，替我倆拍合照，樂也！😄🥰飲品，我倆分別點了紅棗茶（熱），蘋果茶（凍飲加$5），不過不失。慶生飯要有甜品/蛋糕🥳🥳，我倆在套餐上，加點餐廳推介甜品 #杜拜朱古力開心果提拉米蘇 #Tiramisu 。好味道，有點像朱古力脆皮開心果雪糕感覺。我提前跟餐廳叮囑一下，在碟上寫上祝福字句，當提甜品來到時，友人看得很開心😃😍，嘻嘻！（甜品跟套餐同點，加$58）開開心心食完甜品後，才道別各自回家。…Read More

聽說荃灣多美食，還有很多特色小店，而非一式一樣的連鎖式食店，就約埋老best入去試吓。#金坊泰，係參考一位友人的美食日誌搵到的。😋當中 #蠔仔煎蛋、#燒蠔 係最吸引我的，必點。首先，每樣菜式碟頭都夠大，我倆都食飽飽才離去。#蠔仔煎蛋、#燒蠔 沒有令我們失望🦪，有蛋味之餘，也吃得出鮮味蠔仔，好好味呀😋！#燒蟶子 也令我有驚喜，燒到剛剛好，鮮甜爽口！🤩 #冬蔭公湯 材料也多，秀珍菇、蝦之外，還有魚塊，酸味鮮味共存，辣反而沒有，但對我來講💯。#燒大頭蝦、#蟹肉炒金邊粉 就一般。我倆各叫一杯 #青檸梳打🍋‍🟩，傾足一晚，飲飽食夠後，我還把大半碟的金邊粉帶回家呢。…Read More

飯後甜品，見到 #紅豆烘焙，已經流口水🤤。平時我買佢哋嘅 #紅豆燒餅，今次試吓 #心太軟。拎到返公司，就算不「叮」熱，仍有點點暖，內裡仲好「流心」添。朱古力味有！甜，對我來說太甜，膩咗。…Read More

返工食lunch，與好友約會，係可以同時進行的。😄我哋揀咗佐敦白加士街的 #越南真味，我係第二次光顧了。今次我叫咗 #牛坑腩越式湯粉。湯底仍然好味，我飲咗好多😆。牛坑腩煮得夠腍，又有油香和牛味，好滋味。友人第一次來，叫咗 #豬頸肉撈檬粉。我看外表已覺得好食，試咗豬頸肉，爽！好味😃。下次再試埋其他食品。…Read More

行街時，想買杯咖啡☕️飲，經過一間門面簡單、店名吸引的外賣咖啡店，再看看餐牌，再被一杯咖啡名字吸引：谷汽D咖啡系列——捱到面青•瓜🥒🌱🍋☕️OK嘅，以為會好有汽泡感🫧，但不是。咖啡味一般。可能有加青瓜片、青檸和薄荷葉關係，有啲清新。略甜，但可以接受。…Read More

每次返工放lunch，想食雲吞麵🍜，就想去 #麥文記。公司附近都有好幾間粉麵店，但係論味道、麵質，我都係覺得麥文記好食😋。每粉雲吞都有兩隻爽口彈牙嘅蝦🦐，連同滑滑的雲吞皮吃，正！麵質夠爽，不會腍啤啤。湯底有大地魚味，可以成碗飲晒。雖然看似細細碗，但係對一個普通食量的女士來說已經足夠。…Read More

午餐去夏銘記，我通常叫 #魚蛋魚片河，因為佢哋嘅魚蛋唔會有好重味精味，連湯都可以飲。今次我叫 #紫菜三味河，有 #魚餃、#墨丸、#魚蛋，因為我想試吓佢哋嘅墨魚丸，又心念念魚蛋，就叫依款。落單後，心想：應該叫 #紫菜四味河，有埋 #炸魚片。😋意外地發現魚餃好食，皮好薄，比平時食開的少鹹但在魚肉大地魚香味。 紫菜也不錯，墨丸Ok啦。😋…Read More

在商場看罷展覽後，沿扶手電梯到12/F，這裡有幾間食肆，其中一間是裝修像日式居酒屋🏮的小舖，我以為傍晚鐘數只做外賣，原來可以堂食。看過餐牌，價錢屬中或中上價錢。由於地方恬靜，有點家的感覺，客人又不太多，適合和友人在此傾計飲嘢（有清酒🍶提供）。友人點了咖喱海鮮飯套餐🐟🦐🐚🍛，葡萄梳打🍇，櫻花蝦餃子🥟（小食另外加錢）。當服務員端上套餐時，我們都驚訝份量好大呀！而且，有吉列大蝦🍤、元貝、魚、蠔🦪🤩，不似有些餐廳所謂的海鮮飯，只有急凍青口、魷魚圈急凍蝦。😑我試了一點咖喱飯🍛，有咖喱的香味，不會只是日式咖喱的甜味，好吃。所有吉列海鮮都美味可口，沒有炸過頭。😋😋跟餐加購的櫻花蝦餃子也不錯👍🏽。日後想找個地方吃小食，飲兩杯🍻，相信會再來。…Read More

第一次走進 雙子匯Sogo，感覺寫意舒適，人流不太多的情況下，挺寫意自在。不過，我也要找地方“醫肚”，看看商場內的食肆餐廳水牌，有很多我也想試，最後揀咗較近地方挺闊落的 Sogo Cafe。以前去過銅鑼灣的Sogo餐廳，但感覺較窄和嘈雜。或許這裡開張不久，還未太多人吧。週末的下午不用等候，侍應生便安排座位給我，好好！👍🏽未吃早午餐的我，要吃得豐富一點，但要有營養，就點了 #慢煮三文魚配酸種麵包🐟🥚🥖，和一杯 #LongBlack☕️。兩樣東西都給我驚喜！慢煮三文魚配酸種麵包，份量比較其他cafe算大份，還有水波蛋😋。三文魚混上蛋醬同吃，好美味🤤！Long Black，我一直只點Americano，但這裡特意分開兩種black coffee ，加上我早幾天才看過兩者的分別，我便點了Long Black來試。Woo🤩，入口有香濃咖啡香氣，甘甜的感覺在呷一口後慢慢地滲出來，神奇！沒有加糖、奶的情況下，竟然有甘甜感覺。正！為了喝好咖啡☕️，這裡是很好的選擇。望出窗外，街景也不錯。👍🏽…Read More