Toby_Tang's Profile

前幾日睇完世界杯，韓國隊VS瑞典，雖然韓國隊無勝出，但仍然無損我支持韓國隊的心~所以今日一於去食韓國菜啦~入到去見到好多韓國人食緊，通常有當地人幫襯，一定係正宗, 可以放心~少少地試左2樣野雞蛋羹 ($68)呢一味其實係韓國的蒸蛋계란찜(Steamed Eggs) ，係韓國的特色美食，今次黎到呢度有得食，諗起韓國之旅的回憶呢~熱辣辣呀~ 入口食到好香濃的蛋味，好正呀~星星炸雞$78星星炸雞炸得好香口，又唔會太多炸粉，咬入口雞肉嫩滑，仲有醬汁點呢~…Read More

1個人在銅鑼灣想食台式野，登龍街有好多好野食，我搵到黎金朝陽中心2期Midtown 25樓呢度突然有好想去台灣的感覺，當然要食個牛肉面啦~午餐都有好多選擇呢，今日的揀左麻辣牛肉面$68再加$25荔枝沙冰麻辣牛肉面CP很高呢~這碗麵的湯底好香，好想飲晒佢，又唔會好口喝。麻辣程度是一般人都可以接受的辣度呢，ok牛肉好夠腍又入味，面質柔軟，very nice~食左辣野飲番杯杯荔枝沙冰，好fresh ，即刻透心涼…Read More

之前同朋友去過呢間餐廳嘅銅鑼灣分店，畀果度既無敵靚景完全迷住，今日再同朋友飯聚，我建議再去，朋友先話我知原來尖咀都有分店，食完仲方便大家返屋企，所以今次就試下尖咀店既水準啦~一坐低侍應同我地介紹有個新餐，見到有5個course，做緊65折優惠，原價每人$520，而家$338，聽落又幾抵喎，無理由唔試下丫~落好order就四圍望望欣賞下呢度個維港靚view，原來都非常之吸引，一啲都唔比銅鑼灣果邊輸蝕，喺咁既環境歎下好野、傾下閒計，超級relax~呢個set既份量相當豐富，首先有凱撒沙律、松露野菌湯同卡邦尼意粉，我諗食量少啲既女仔食到呢part已經飽左，哈哈 (當然本小姐係例外)~卡邦尼意粉口感好rich，味道夠香，相當有水準~主菜3揀1，有烤澳洲牛柳、厚切加拿大天然穀飼豬鞍扒同烤波士頓龍蝦，款款都咁吸引，我諗有選擇困難症既人真係唔知點算好！好在我係海鮮控，所以毫無疑問揀龍蝦~蝦肉食得出好新鮮，又夠彈牙，味道令人好回味，可唔可以食多幾隻呀？最後甜品就係芝士蛋糕同朱古力蛋糕之爭，今晚想食得重口味啲，所以揀左勁香濃既朱古力蛋糕~入口幼滑，完全大滿足!!!!!…Read More

同HONEY喺尖沙咀試完婚紗，佢就話順便喺呢頭搵好野食，佢知我一向鍾情韓國文化，婚紗都要揀韓式既，所以就揀左呢間韓國餐廳開餐~嘩，睇睇MENU，會唔會太邪惡先？對我呢位準新娘黎講實在太殘忍喇，好多樣野都好吸引，係咪要人爆裙先安落空？不過HONEY話唔緊要，幾肥佢都娶，好，有你呢句，人地就放心食喇~自家韓國芝士辣豬排骨係濃郁嘅芝士包裹住微辣嘅惹味排骨，別有一番滋味。 夠膽將一整盆芝士放上枱，好似Mozzarella cheese呢D堅係heavy嘅食物， 居然放滿左大半個盆!! 加埋沾滿辣醬、烤得好香嘅辣豬排骨，辣味剛剛好，仲好細心用個火去烘住，保持食物嘅溫度。微暖半溶嘅芝士，只可以話係邪惡度爆晒燈！我鍾意食泡菜，HONEY就鍾意食芝士，所以呢個芝士泡菜煎餅兩口子都好BUY，芝士爆多，加埋濃濃嘅泡菜味，令人回味無窮。餅底比較薄，邊位有小小脆，所以口感好脆卜卜。係咪齋聽已經覺得好邪惡呢？未算，仲有個章魚炸雞，成碟都香、脆、酥，而雞肉就軟嫩、細膩、多汁，配埋香口章魚，口感同味道都好有新意。哇~~~~~~呢餐絕對卡路里爆表，跑10粒鐘都唔得掂，再咁放縱落去我會不會將婚紗穿爆架？唔諗LUU，豁出去吧！…Read More

前排病左無晒心機同胃口食野，好慘，今日終於好返9成喇，Honey放左工之後仲特登由灣仔過嚟荃灣搵我，兼且買埋碗愛心糖水比我食，所以點可以唔寫返篇食評嚟歌頌下佢呢？！呢碗熱杏仁溝合桃糊，飲落完全感覺到係真材實料，好滋補，本身唔係十分鍾意杏仁糊個味，但Honey話有益又啱女仔飲喎，都唔知佢係邊度聽返嚟，識埋呢d女人野~好在杏仁糊有合桃糊平衡返個味就好接受到，濃稠程度亦好適中，希望飲完可以盡快100%好返晒啦！…Read More

今天放工後 到了公司附近的 韓燒點去晚飯。雖然我們沒有訂位， 但也能很快入座了。以下這個宫廷冷麵，是看到鄰桌的客人食才點滴的。傷賽後事件會加上乾冰， 把面條冷卻，還會噴出陣陣香烟，好像仙氣一樣我不同的配料如蘿蔔絲青瓜絲豆芽 背上中間的那面來吃十分爽口和滋味另外這個也是夏日冰涼系列，是水冷麵，上面有芝麻，你也可以配上白醋和芥末享用。吃了這麼多燒烤的熱氣後，我們也點了一個香芋冰沫，來消消暑。 這個也是十分推薦的，因為紫薯很好味，不甜，而且下面的冰像棉花，很軟很易入口燒烤爐旁有芝士粟米和泡菜， 可以沾在肉上吃， 是一個很特别的小驚喜…Read More

今天到了公司附近的翡翠拉麵小籠包用午餐。人很多，等位等了大概15至20分鐘才能進去。這裏的雞火炒飯雲吞麵很好吃， 我們也是慕名而來的。雞火炒飯內加有火腿，而飯粒粒粒也炒得很乾新身，加上一點點葱，很香口， 真的很好吃。這裏的茶時免費任添的，吃完炒飯可以多喝幾杯😊…Read More

今日去同朋友食韓燒， 揀咗呢間韓式餐廳嘅原因， 好大部分係因為店面嗰個 太陽的後裔 嘅 大型poster店內空間寬敞，坐得好舒適。 我哋早咗去 食lunch，唔使等好耐，就有位了。我哋點咗一碟牛舌，一碟牛肋骨，一個雜錦拌飯 ，同一個韓式泡菜餅。佢中間有個爐，可以畀你自己燒，想食幾多成熟可以自己調較。牛肉好快熟，大概烤道七至八成熟，再點上佢特製嘅韓式醬汁， 然後，擺返落去再考多一兩秒。咁樣食最好味牛舌好爽，唔會太靭太難咬開。 我們喜歡吃瘦的牛肉，所以點了牛肋骨，不太肥 ，肉和脂肪的比例剛好。韓式什錦拌飯和泡菜餅也很好吃。 拌飯和韓國食的味道差不多，配上一點點甜辣醬 ，拌起來吃，十分有層次，十分好吃。泡菜餅煎得很香很脆，而且泡菜份量很足。 麵粉和泡菜的比例剛好，不會太厚。:)…Read More

今天，和一班友人到了一間位於將軍澳的烤豬店晚飯。我們點了一見鍾情花茶， 北京填鴨和沙律。一見鍾情花茶 花茶名字特別，也很好喝。 有淡淡的茶香，像菊花，也有一點甘甜。 茶一直用蠟燭保温， 所以在整個用餐過程中也可以保持茶的溫暖。前菜是一盤沙律，是火箭菜配上一點野菜和番茄，淋上芝麻將醬，十分爽甜。 菜十分新鮮，很讚。最後是主菜-北京填鴨。 我們點了全隻。 鴨皮很脆，肉不太厚， 沒有很多肥肉。配上他特製的甜醬汁 和黃色芥末醬，加上青瓜和葱，包在一起，真的十分好食。我們第一次嘗試他的北京填鴨，我們大家都讚口不絕，很想再encore。…Read More