AngelaChui1208的個人專頁

早幾日我去咗旺角龍城冰室食午餐，真係有驚喜！😋 今次我同朋友各自叫咗唔同嘅餐，我就揀咗蜆肉蒸蛋飯，而佢就叫咗午餐E燒鵝拼雞飯，兩款都好有特色，食完真係滿足晒！我嗰份蜆肉蒸蛋飯一上枱已經聞到陣陣海鮮香味 🐚，蒸蛋滑到好似豆腐咁，入口即化，蜆肉份量唔少，仲好鮮甜，配埋白飯一齊食，啖啖都好有層次。最正係佢個醬汁，微微鹹香，滲入蒸蛋同飯度，真係好惹味！🍚朋友嗰份燒鵝拼雞飯就更加吸引，燒鵝皮脆肉嫩，油香四溢 🦆，雞肉就滑溜唔柴，兩款燒味一齊食，口感豐富又唔會太膩。配菜有清爽嘅菜心，仲有一碗熱湯，成個餐夠晒飽肚又有營養 🥬🍗。龍城冰室環境都唔錯，坐得舒服，服務又快，最啱喺旺角行街行到攰嘅時候入去歎返個港式午餐 ☕️。而且佢哋餐牌選擇多，價錢合理，CP值真係唔錯！下次我都想試埋佢哋啲鐵板餐或者沙嗲牛肉公仔麵，聽講都好出名 🤤。如果你都鍾意港式茶記，龍城冰室絕對值得一試！📍🍴…查看更多

🎉生日飯局打卡推介！我哋一家七口早前去咗 友義氣酸菜魚 (九龍灣店) 慶祝我生日，真係好滿意！餐廳位於九龍灣牛頭角道3號得寶商場1樓R2號舖，交通方便，環境乾淨企理，坐得舒服😌。最窩心係我哋自備咗生日蛋糕，店員好有善，唔收切餅費👍🏻，真係加分！飲品方面，佢哋嘅手打檸檬茶、鹹檸七同珍寶大檸樂都係$26一杯，超大杯又夠味，打卡一流📸！主角當然係佢哋招牌嘅 超大份酸菜魚，用咗特選海鱸魚，麻辣鮮香，酸菜夠哂入味，魚肉滑溜無骨，食得好安心😋，$298真係抵食！小炒方面我哋點咗：鮮果咕嚕肉 $98酸甜開胃，菠蘿好甜，肉質外脆內嫩🍍沙律明蝦球 $118蝦球大粒彈牙，沙律醬唔會太膩🦐欖菜肉鬆四季豆 $78炒得夠鑊氣，欖菜香味突出🌱黃金火箭魷 $118外層酥脆，魷魚唔韌，好有驚喜🦑走地鹽焗雞 $100/半隻雞皮微脆，肉質嫩滑，鹽焗香味滲入骨，真係好食到唔捨得停口🐔✨友義氣酸菜魚 (九龍灣店) 真係適合一家大細聚餐，食物水準高，價錢合理，服務又好。下次有咩慶祝活動，我一定會再返嚟！…查看更多

Lady nara係港威商場入面一間泰國菜餐廳，裝修真係好夢幻✨，以粉紅色為主調，仲有藤椅、鞦韆打卡位，窗邊望出去就係維港海景🌊，感覺好chill又浪漫～當晚仲有枱客慶祝生日🎂，氣氛熱鬧又開心！我嗌咗燒豬頸肉配青木瓜沙律，原價$148，啱啱遇上「泰賞感謝祭」限時優惠，只係$88，真係抵食😋！再加杯可樂$28，簡單又滿足。朋友就叫咗泰式炒河粉$118，份量足夠，味道都唔錯👍。🐷Lady nara 嘅燒豬頸肉真係香口又多汁，外層微焦脆脆地，咬落去仲有啲煙韌感，配埋青木瓜沙律嘅酸酸辣辣，啱晒味蕾💥！嗌返杯冰凍可樂一齊食，簡直係完美配搭🥤。而且以$88優惠價食到原價$148嘅菜式，真係食得開心又唔肉赤😄～入座時每枱都會有一碗泰式蝦片🦐，唔係免費嘅，會自動加$15入賬單，雖然脆口好食，但冇講清楚就收費有啲小伏😅。整體嚟講，Lady nara係一間好啱打卡、睇海景、食泰菜嘅地方📸，如果想搵個靚靚環境同朋友聚餐，呢度絕對係唔錯選擇！…查看更多

最近我和朋友去了大角咀一家新式茶樓海灣茶居，試了他們的招牌菜絕味沙薑雞🐓和四川老壇酸菜魚🐟。座位闊落，仲有分二人枱、卡位、圓枱，裝修優美，茶具乾淨美觀。😍茶葉方面可以揀鐵觀音或者係普洱。老壇酸菜魚鍋🐟非常豐富，魚片新鮮嫩滑，加入了寬薯粉、豆卜、酸菜、芽菜和節瓜等配料。這些配料的結合使得每一口都充滿了層次感。寬薯粉充滿軟嫩口感和豆卜吸收咗酸汁惹味，而酸菜則為整道菜增添風味，芽菜和節瓜則更加豐富了整體口感的多樣性，值得推薦👍🏻😋除了酸菜魚，我們還點了半隻絕味沙薑雞🐓。沙薑雞的外皮爽口，內裡鮮嫩多汁，沙薑汁是精華，雞塊完全吸收了沙薑的香氣。咬下去時，口感細嫩，而沙薑的辛辣和香味則在口中綻放。😋整道菜吃起來既滿足了味蕾的需要，又帶來了一絲溫暖的感覺。這兩個餸都是下飯小菜，晚市小菜套餐均搭配白飯和香草綠豆沙，非常飽肚，香草綠豆沙的香甜口感和清新的味道，讓整餐的口感更加豐富。…查看更多

炯記「Cafe」探店同幾個朋友出咗長沙灣Hea。「咦！呢到幾時開咗間cafe㗎？」最特別既地方係佢竟然係主打手撕雞同中式燒味。係好奇心驅使下就入咗去食。餐廳係元州商場地下，走日式裝修風格，座位寬敞，環境光猛舒服。落單用手機scan QR code就得，餐廳姐姐都好友善，唔用手機，都可以搵佢地幫手。咖哩牛腩飯日式擺盤有沙津同雲耳，雲耳酸酸地做前菜一流。港式咖哩味道比較香口，帶點微辣，牛腩鬆軟入味。叉燒蛋包飯焦香半肥瘦叉燒配搭嫩滑蛋包飯，真係叫人又愛又恨！！雞扒薯條下午茶薯條實心粗身，雞扒好Juicy ，食落仲有脆口既感覺。雞扒同薯條份量都好足，男仔都應該食得飽 。手撕雞腸粉腸粉即叫即做，醬汁以甜醬、麻醬同豉油為主。手撕雞可以揀鹽焗或者麻辣，我要咗麻辣。強烈建議將手撕雞撈埋腸粉一齊食，你會發現新大陸！最後加多杯甜到入心既黑糖紅豆奶茶做完美既Ending。#炯記餐室 #香港美食 #香港燒味 #香港外賣 #長沙灣美食 #香港探店 #港式燒味 #香港必食餐廳"…查看更多

📍炯記燒味 (尖沙咀)尖沙咀樂道19號安順大廈地下A號舖同朋友喺iSquare睇完戲📽️，晚飯時間search咗一下附近有咩好食😋，見到好多人推薦炯記燒味，D燒鵝好似好吸引！所以同朋友就去咗呢間都食晚餐🥣，炯記燒味屬於新式茶餐廳，環境乾淨企理，仲有自助餐具，枱與枱之間有一定嘅距離，唔會太擠迫😊。同朋友點左兩個套餐🍚，送足料老火湯，另外可以用優惠價加購凍嘢飲。套餐一炯記燒鵝飯，冇加錢嗌燒鵝髀，so lucky，上枱見到竟然係燒鵝髀飯👍🏻👍🏻👍🏻，鵝皮燒得香脆，燒鵝髀肉滑溜香嫩，加上中間適當嘅脂肪，真係超級之下飯🍚！喺炎熱嘅天氣，當然要配上一杯凍檸檬可樂😇！套餐二叉燒撈麵，網上最多人推薦必試太子鵝油撈麵，麵條爽口彈牙，條條分明，混合香滑鵝油，好似邪惡咁食咗好多。叉燒件件厚切，選用肥瘦適中嘅豬肉，口感味道一流。呢個套餐加左$8有一杯咸檸七💖。冬菇扒生菜🥬份量頗多，食咗好多麵同肉，食返啲菜健康啲🤣。值得推薦麻辣手撕雞腸粉，麻辣開胃，手撕雞好入味，腸粉加咗芝麻醬同甜醬，係飽肚之選😆！ …查看更多

📍海灣茶居（大角咀） 大角咀福利街8號港灣豪庭廣場地下G05號舖岩岩同朋友係大角咀買完野，經過港灣豪庭廣場，見到呢間裝修得超靚的茶樓，朋友就話晚餐係呢度食啦，我都係第一次夜晚飲茶，睇完menu，原來茶居晚市有不止有點心選擇，還有小菜、煲仔菜、養生燉湯同埋甜品。茶居裝修清雅有格調，卡位寬闊，桌面整潔，餐具茶壺配了裝潢，很美，感覺食物都會變得更美味！我和朋友都叫了晚市小菜套餐，套餐除了一個小菜，仲包埋一碗白飯同香草綠豆沙，超抵食。另外，惠顧晚市小菜套餐可以無限加購指定款式的點心、生菜和燉湯。套餐1：豉汁蒸倉魚 $70因爲係即叫即蒸，所以等的時間會耐少少，大概15分鐘。熱騰騰的原條倉魚好吸引，食魚最怕多刺，呢條魚極少刺，魚肉嫩滑易起，正反面魚肉好多，剩下的豉汁用來撈飯一流。套餐2：絕味沙薑雞 半隻 $98發覺幾多人叫呢個餐，我地都想一試。果然沒有失望，真的有半隻雞多，鷄件輕輕地調了咸味，點上一些沙薑醬汁，帶出鷄肉的鮮味，每件雞的肉非常厚滑，鷄皮連著少少脂肪，朋友食完都話好滿足。另加$12配了斑欄千層糕，一籠有3件，松軟不會太甜；另加$10雙皮奶，好滑好濃奶味；而套餐送的香草綠豆沙，綠豆起沙，甜度剛好。…查看更多

📍新新酒家銅鑼灣謝斐道440號1樓之前朋友極力推薦銅鑼灣新新酒家，一直想去試試，於是是日中午約了幾位同事，一齊試下新新的午市美食。酒樓座位分爲卡座、長桌、圓桌，甚至仲有隱私度較高的獨立房間，環境乾净企理。點心方面，我們點了6款，驚艷了我們的味覺，款款都好味，睇得出新新酒家係認真地製作點心的。新新蝦餃皇、蟹籽燒賣皇絕對係真材實料，每籠4個，個個裏面包含多條超彈牙的蝦肉。醬皇金銭肚醬汁果然濃鬱，但唔會太鹹，金銭肚入口軟綿綿，好易咬開，底部還有吸收左醬汁的清甜蘿蔔。蜜汁叉燒腸真係我食過最足料的，薄薄的腸粉皮，包裹滿滿的叉燒肉碎，淋上甜醬油，嘴巴滿足了！脆麻花炸得好酥脆，麻花上面鋪了一些桂花，很漂亮亦添加了桂花香味，喜歡甜食一定要試，而且出面很多酒樓沒有售賣這款甜食，值得一試。金牌流沙包，皮好松軟，一口咬下去，蛋黃流沙瞬間充滿口腔，奶香奶香的，令人想再食一個。午市美味小菜方面，我們點了4款，其中燒味拼盤選擇了叉燒拼燒鵝，員工會貼心問客人喜好叉燒的肥廋程度，叉燒厚切，保持到肉質嫩滑；燒鵝份量也不少，皮燒得夠脆，一上檯，已經聞到鵝香味，鵝件肥瘦剛好，好juicy。白灼鵝腸柏葉爽口又彈牙，第一次食鵝腸，口感原先係咁有趣，牛柏葉白灼時間岩岩好，容易咬爛，配上辣椒醬油，凸顯鮮味，菜式底部還有惹味的金菇和芽菜。瑤柱蛋白炒飯真的大份夾抵食，應該夠4-5人份量，炒得很有鍋氣，粒粒分明的飯混合蛋白、菜心碎同炒得好香的瑤柱碎，好match！大澳蝦膏骨不要以爲外表平平無奇，原來選用了大澳蝦膏腌製的豬扒骨，味道幾特別，入口充滿咸香蝦味，炸過豬扒肉質出奇軟嫩，好好味，呢款小菜必試。同事們都話呢餐食得超飽，大家都好滿意菜式同環境，在銅鑼灣地區的酒樓來説，性價比很高呀！…查看更多

📍八幡屋涮涮鍋 旺角彌敦道628號瓊華中心12樓臨近新年，八幡屋涮涮鍋多了一些新年的裝飾，新裝修令人耳目一新，環境一如以往乾净企理。我同朋友一直想試C4套餐，今次發現透過社交平台去訂座，會有半價優惠之餘，仲可以食足4小時，抵食之選。C4套餐包括日本A4黑毛和牛、日本黑豚肉，睇肉片的雪花，就知道肉味有幾出衆！額外仲送埋美味海鮮拼盤，呢個套餐優勝之處係會有鮑魚贈送，任飲 Asahi, 任食 Haagen Dazs，好易回本。自助bar提供各款丸物, 菜類(驚喜的是竟然有羽衣甘藍), 麵包括出前一丁、拉麵,烏冬。另外，可以自助係雪櫃中拎壽司。自助bar仲可以拎碗仔翅, 中華沙律, 墨魚仔，自助醬料區，多款調味配料，一定可調出靈魂醬汁。一餐放題少不了甜品時間，餐廳有數個雪櫃自助拎甜品，如多款口味雪糕、 韓國雪條，啫哩、Mochi、奶凍、泡夫、布甸，每款都係必食。…查看更多

📍八木橋日式燒肉旺角彌敦道700號T.O.P. This is Our Place 4樓409A & 409 B號舖超鍾意日式燒肉，八木橋日式燒肉推薦比大家，最著數當然係經社交平台link訂座，超值優惠就係霞餐買一送一位，鍾意日式燒肉的你唔好錯過啦！霞set餐會包埋比目魚和頭盤，雖然只上一次，但係原來霞餐係會包埋雲、雪，食物種類超多，可以試多幾款，最重要係霞餐可以任食餐廳主打的熟成M5和牛西冷，已值回價錢了。比目魚燒得勁香，M5和牛西冷肉脂分佈平均，牛味濃郁。除了牛之外，仲可以選擇鷄肉、羊架、肉、海鮮，最喜歡燒虎蝦、鮮鮑魚，好新鮮、輕輕調味已經好好食，間中燒下冬菇、洋葱，可以解一下膩。好滿足的一餐，價錢優惠，食物高質，下次要約朋友再去食一次。…查看更多

今晚同朋友去北角炯記餐室食晚餐，餐廳每個套餐都贈送老火足料中湯，非常抵食。🥢地獄口水雞飯 配熱好立克無辣不歡的我，見到呢個餐，已經決定要嗌。果然冇令我失望，雞肉超嫩滑冇骨，每件雞件都沾滿麻辣醬汁，味道麻辣惹味😍。🥢煙熏燒鵝飯 配凍檸檬茶炯記餐廳採用明爐煙熏燒鵝方法，好特別。一上檯，已經聞到陣陣的鵝香味，鵝件份量多肥瘦適中，入口鵝肉鹹香，鵝皮脆口😋。🥢桶子油雞飯 轉米粉配可樂呢個餐非常抵食，油雞選用雞髀切件，啖啖肉，雞肉好入味，雞皮爽滑，配埋大量薑蔥蓉，食落真係好滿足😆。🥢鵝油生菜 就咁睇呢碟菜好似好平凡咁，食落好驚艷，鵝油非常掛汁，生菜勁清甜，推薦推薦😋！…查看更多

下午係汝洲街近西九行街見到「炯記手撕雞」當然要入去試吓。坐位空間大，桌與桌間距都大，唔似其他食店話分枱但其實肩貼肩。我叫咗叉燒蛋包飯配特飲凍茘技蘇打，賣相好靚飯有鑊味好香口，叉燒炯記用骨腩入味有咬口，一口叉燒一口蛋包飯混住食好正！茘技蘇打好夠凍，夏日炎炎飲一啖簡直涼到入心入肺，搭配餐廳主打辣味，可以解辣。另外仲叫咗越式香茅雞翼蕃茄米線，米線少碎但蕃茄洋蔥湯好濃好夠味。香茅雞翼有四隻，皮勁脆，香茅味好出，推薦一試。至於上湯津白，湯好清但帶鮮味，上面加了火腿絲增加了層次，津白新鮮好味。最後有海蜇手撕雞腸粉，涼拌加腸粉呢個組合好新奇，甜中帶辣，軟中帶脆，素中帶葷，一次過滿足晒三個願望！兩個人埋單唔洗$200，食到好飽好抵食，絕對推薦！可以一食再食。…查看更多

衆所周知，觀塘工廈好多隱藏美食店，今次呢間六合冰室就係其中一間。位於成業工業大廈地下，占地面積大，有好多卡位同圓檯，裝修以香港特色為主，餐廳光猛新净，主打麻辣鷄煲、火鍋、烤魚和小炒。老闆熱情推介招牌吊燒骨 $88，加入麥芽糖同腰果，既香脆又惹味，金沙骨keep到肉汁，好香甜，老闆無介紹錯！紅燒豆腐 $68，豆腐外層焦香酥脆，裏面仲係豆腐水嫩口感，豆腐沾滿紅燒醬汁，有多款菇類增加鮮味，另配有3棵白菜，呢道餸好豐富。今次叫左明爐招牌烤鱸魚 $268 酸菜味 BB辣。鱸魚好大條，本身已經炸到脆身，魚肉都已經熟左，不過可以慢慢加熱，吸收下酸菜湯嘅精華，會好味好多。食魚最緊要少骨，呢條鱸魚骨冇咩細骨，魚幾厚肉。配有紅薯粉，吸收曬湯底酸辣味，好惹味。可以加錢另配火鍋配料，但見到本身烤魚已有大量配菜，只加了烏冬。烤魚底部嘅配菜真係好多，有白蘿蔔、豆卜、酸菜、蓮藕、金針菇、萵荀等等。$28一杯特飲，分別嗌左洛神花茶同埋菠蘿青檸蜜，超大杯超抵飲。另加$30叫左自家制檸檬薏米水，清熱解渴，啱曬食烤魚時飲。…查看更多

同朋友睇戲前，去左戲院隔離嘅薯仔屋電影餐廳先食個晚餐。門口有幾隻好靚嘅鸚鵡，供途人欣賞，餐廳裏面仲有個corner位比小朋友們玩樂。餐廳裝潢以戲院為主題，幾有特色。座位好多，環境闊落，俾人一種好relax嘅感覺。睇完餐牌，晚餐都頗多選擇，晚市套餐大部份$100以下，包熱飲一杯或者凍飲+$2，另外仲送埋餐前沙律&蒜蓉包，好高性價比。香煎紐西蘭香草羊架配香滑薯蓉朋友話個羊架set好吸引，而且都一段時間冇食羊肉了，所以叫左呢個set餐試下。上枱賣相好靚，有四件羊架，外層沾滿香草，好有食欲。朋友揀左七成熟，肉質軟嫩，淡淡羊膻味。薯蓉幼滑，配菜西蘭花、紅蘿蔔、翠玉瓜、沙律菜，顏色鮮豔，令人開胃之餘達至營養均衡。鐵板黑椒汁肉眼扒配薯菜大過手掌嘅西冷牛扒，都係揀左七成熟，火候控制得好好，餐廳選用的西冷好少筋保持到肉質細嫩軟腍，牛肉味濃，黑椒汁濃稠度適中。薯菜份量多，熱辣辣，一定要配上靈魂番茄醬。餐廳做緊優惠，跟餐轉其他特飲只需半價，揀左雪糕加可樂懷舊特飲-黑牛和水蜜威尼斯，係呢個炎熱天氣下飲一啖，確實透心涼，暑氣全消，香滑的軟雪糕🤩出乎意料好食。堂食期間，見到都有唔少人叫外賣，可見呢間食物質素唔錯。見到TEA SET MENU有個至尊香脆大雞脾套餐，好似好吸引咁，下次一定要試下。…查看更多

是日收工，同朋友約左去距屋企附近餐廳食小菜雞煲，呢間餐廳就係位於竹園南邨商場嘅新南苑鷄煲小菜點心。餐廳環境新淨而且裝修好有格調，睇完Menu，見到呢度D菜式偏向大排檔風味，今次order左3個小菜，2個甜品，好期待。✧涼瓜牛肉✧苦瓜青翠回甘，牛肉選用牛坑腩部位，肥瘦適中，橫紋切薄片，入口腍滑。食得出厨師的功力，熱鑊落油，爆香紅椒絲、葱段和豆豉，之後加入苦瓜同牛肉大火爆炒，調味同埋芡都好好。✧啫啫鷄煲✧啫啫鷄煲名字的由來係因爲用瓦煲先可以發出啫啫咋咋嘅聲音。呢一道係傳統粵菜，材料有雞件、豬膶及大量乾蔥頭，之後將所有材料放入熱瓦煲，keep住翻滾，熱騰騰且香味撲鼻，鷄肉滑溜帶有酒香，非常惹味而且好下飯。✧魚香茄子煲✧呢個茄子煲非常之索味，食唔停口。將蝦乾、豬肉碎和蒜頭爆香之後加入茄子。茄子顏色保持鮮艷，而且營養價值很高，用瓦煲炆煮，汁液濃稠，尤其美味。✧黑金流沙包✧賣相精緻，撕開熱騰騰黑金流沙包，見到金黃色奶黃慢慢滲出，簡直係視覺與美味嘅享受。✧焗西米布甸✧呢一道茶樓的傳統甜品，好在未絕跡！表面係誘人的金黃色，栗蓉餡超香滑，西米做到粒粒分明有𡁻口，更富層次感！✧凍鹹檸七✧天氣熱少不了清涼飲品鹹檸七，甜甜鹹鹹，開胃又有益，將鹹檸檬加進七喜汽水之內，能化痰潤喉。✧凍利賓立✧利賓立富含維他命C，重黑加侖子味，飲起身酸酸甜甜。…查看更多