1.7.9daisik's Profile

想食可能係世一嘅社企餐廳就要save低依個po喇😆今次介紹嘅係一間中環少見嘅平民食堂❤️有唔同嘅套餐組合可以自由選擇，每份套餐亦都附送一碗飯~真係CP值極高！羊鞍(120g) $48肥瘦剛好 ；十分juicy匈牙利鴨肝 $35口感軟滑；焦香可口厚切牛柳 (200g) $98非常厚身；肉味濃郁廣島蠔 (4隻) $36超級肥美；鮮嫩飽滿滿滿紫菜飯（隨餐附上）份量十足；鹹鹹香香（轉配）蟹黃飯 +$6滿滿蟹黃；十分惹味PS: 餐廳有圍裙提供，所以唔使怕整污糟衫再PS: 餐廳只接受現金支付！！！！！…Read More

想食可能係世一嘅煎餃就要save低依個po喇😆今次介紹嘅係一間好食到小編已經二訪完嘅餐廳❤️所以今次條片內容好豐富！依度最特別嘅菜式係煎粽，未試過可以一試～（利申餃子同雲吞比較出色蛋黃醬香辣煎粽(一隻) $40 內軟外酥 ；大粒蛋黃酸辣湯餃子麵 $55配大白菜牛肉餃(4隻) +$3辛辣可口；米線量足珍寶酸辣拌麵 $45開胃過癮；麵條掛汁金黃海苔煎餃 (6隻) $45冰花網狀；啖啖肉鬆雙拼大白菜牛肉粟米豬肉煎餃 (6隻) $41粒粒飽滿；肉汁鮮美紅油抄手(5隻) $45麻辣鮮香；皮薄餡靚凍香濃豆漿（無糖） $12凍雞骨草（無糖）$16自家製品；無負擔感…Read More

想食可能係世一嘅崩沙腩就要save低依個po喇😆今次介紹嘅係一間唔係好出名嘅社企港式粉麵店❤️喺大圍站對出嘅街道，十分方便！紫菜控嘅牛魔王小編表示食得非常滿意～招牌崩沙腩河 $63 肥瘦均稱 ；河粉滑順食完好想再食第二碗！招牌農家白切雞飯 $52配紫菜湯一碗鮮美肉嫩；海量紫菜淨牛三寶 $165（牛肺、牛肚、牛筋）份量十足；非常入味雖然價錢唔算好平，但係份量絕對對得住個價錢PS：牛三寶仲有其他選擇包括牛腩、牛腸同埋牛膀…Read More

想食可能係世一嘅石鍋料理就要save低依個po喇😆今次介紹嘅係近期最平食嘅一間韓國餐廳❤️港九新界都有分店價錢平之餘仲有泡菜海帶任食！啱晒海帶控嘅小編～石鍋牛肉醬拌飯 $50 熱氣沸騰；醬汁惹味石鍋大醬湯 $40大大舊肉；湯底濃郁。PS：身為粉麵控嘅小編，見到幅圖有韓國粉絲即刻果斷落單！鐵板雞蛋 $29五隻雞蛋；蛋白爆棚甜辣豬手 $10（加配價）甜辣開胃；香軟煙韌魚糕串 $8（加配價）味道鮮美；口感軟糯海帶湯&泡菜免費無限續加！泡菜真係韓國菜不可劃缺嘅一環～…Read More

想食可能係世一嘅刀削麵就要save低依個po喇😆紅磡有間特別出名嘅刀削麵 今次反而係介紹另一間同區小店❤️依度嘅麵係自家用機整嘅！睇到影片最後左邊嘅位置就會見到～安格斯牛肋條炸豆腐撈麵 $58牛肋條大大舊肉；juicy入味。炸豆腐就外脆內軟；餸麵一流！而且浸埋辣油雖然邪惡，但更加惹味。牛筋牛腩刀削麵 $48牛筋腩份量十足；麵底掛汁。食完仲好想食多碗！花雕醉雞 $45依個價錢嚟講雖然大舊但件數唔算多；食落酒香都尚算濃郁PS：叫麵嘅話加$10可以有凍飲，揀咗凍豆漿。…Read More

想食可能係世一嘅泰國菜就要save低依個po喇😆依間同樣都係做街坊生意嘅，廚房真係見到泰國人㗎 ❤️二人餐有送特飲，小編同朋友揀咗龍眼冰同椰子冰，不過因為飲落冇咩特別所以就唔特登介紹了！二人套餐有A同B兩款，而依個po會介紹嘅係A款，價錢係 $328。依個套餐包含自選沙律（有鳳爪同扎肉揀）、自選湯（冬陰功或者椰子雞）等，詳見下文~鳳爪沙律酸度max；開胃一流椰汁雞湯椰汁味濃；雞件量多炒通菜色澤翠綠；口感爽脆燒豬頸肉外脆內軟；十分香口海南雞飯嫩滑可口 ；份量充足…Read More

想食可能係世一嘅台式菜就要save低依個po喇😆同一區開到兩個舖位就知係幾咁受歡迎❤️依間都係小編二刷嘅餐聽！除咗味道之外，另一個原因就係價格合理～香菇芋頭湯米粉連飲品 $59 湯底濃厚；米粉入味❤️香港好少餐廳有芋頭湯米粉，依個真係驚艷咗小編飲品揀咗凍蜂蜜蘆薈茶，無添加果糖！十分健康，亦都好啱夏天飲鐵花滷肉飯 $48啖啖滷肉；十分香口蚵仔煎 $45蠔仔量多；煙韌彈牙夜市鹽水雞 $40夏天必食；鹹香清爽…Read More

想食可能係世一嘅鹽水鴨就要save低依個po喇😆小編好鍾意食鴨但香港似乎唔係好多餐廳有賣，今次真係一嘗心願❤️另外值得一提嘅係可能依間餐廳做開街坊生意，服務態度十分好！店員亦都會問返顧客食物嘅新配方如何，好抵讚。鹽水鴨撈檬夏天最啱食撈檬！揀咗出面少見嘅鹽水鴨，+$8轉鴨髀，總數$64。鹽水鴨一啲都唔肥，食得好過癮~免費加配自家製靚湯，同樣無肥油喺面👍🏻無骨海南雞肉燥飯配溏心蛋送熱飲 $62海南雞好嫩滑，肉燥亦都好好餸飯。點埋醬料更加惹味！香燒豬頸肉 $38一放入口就知係新鮮燒起，熱辣辣而且外脆內軟~川式涼拌墨魚 $39份量好多，好爽口亦都辣得夠癮，十分上癮🤣…Read More

想食可能係世一嘅牛扒就要save低依個po喇😆香港有好多牛扒店，但有櫥窗show埋俾你揀再喺你面前切嘅扒房就少啲喇！今次介紹嘅就係一間咁特別嘅鐵板燒❤️要留意人手切點都會有少少重量誤差，所以有機會俾多或者少啲啲~同埋門口部點餐機只係點都普通餐，即切牛要入鋪落單。封門柳 300g $177 配蒜蓉跟套餐+$32，揀咗溫泉蛋、白飯、木魚絲三文魚子海苔溫泉蛋丼（另+$15）。西冷 200g $162 配生洋蔥跟套餐，無揀白飯，要咗沙律。另+$40追加咗極上鵝肝30g。兩款牛都好嫩同juicy。如果唔想太熟可以請職員鐵板分開上👍🏻紫菜控表示好滿意紫菜量！就算平時唔係特別好飯都可以食晒成碗~溫泉蛋都好軟滑。鵝肝超級香同入口即溶❤️同樣價錢可以揀帆立貝，但得一粒的，所以除非好想食，唔係嘅話唔建議大家揀🤫…Read More

想食可能係世一嘅餃子就要save低依個po喇😆駱駝漆工業大廈出名好多美食，入面同時都有好多隱世無乜人介紹嘅餐廳！今次介紹嘅就係其中一間唔係好大知名度嘅優質食堂~全無味精嘅食物真係香港少有，想安心地食美食，依度真係一個好地方❤️淨特賞六味淨餃（12粒）$98全部餃都有豚肉，口味包括白菜、香菇、虎蝦、韭菜、芝士粟米同埋京蔥黑椒。最推薦係芝士粟米同埋虎蝦，味道最出！真．皮薄餡靚❤️湯底選擇有招牌胡椒、九州豚骨、番茄豚骨、山椒擔擔。店員特別推介番茄湯。無味精味所以都好放心飲晒成碗咁濟👍🏻仲有好多椰菜~薄切烤和牛拉麵 $98湯底揀咗招牌胡椒，意外地同拉麵都幾夾👍🏻同樣都係好清。和牛雖然薄切但大塊，所以都食得過癮。流心芝士雞肉漢堡 $32芝士控必嗌！漢堡好厚身，對得住依個價錢~碳燒雞扒 $25香口又 juicy水磨米漿合桃露 $36勁香濃，又唔會太甜。一飲就停唔到🤣舖如其名，有好多紅色打卡位🪭…Read More

想食可能係世一嘅海南雞就要save低依個po喇😆今次介紹嘅依間餐廳位於九龍灣工業區，可以話係打工仔食堂嘅優質之選！又平又好食真係好難得😍小編下午茶時段去，加錢轉髀$5、薯粉$5同凍飲$3都只係$60~海南雞真心正！好嫩滑而且皮好薄。調味亦都夠 ，唔使點汁已經好有味。食完都唔會覺得好guilty～估唔到薯粉有驚喜～係雞湯而唔係普通清湯，所以唔怕好寡👍🏻 L型鋪面，繁忙時間都可以坐到好多人。不過要留意餐廳只收現金，所以記住準備足夠金錢啊🤓…Read More

想喺遊客區去睇得又食得嘅西餐廳？咁就要save低依個po喇😆今次介紹嘅依間餐廳CP值極高，係美國過江龍嚟，可想而知每碟菜式嘅份量係有幾大🤣絕對係抵食之選！烤蒜雞肉蝴蝶粉 $180配料有雞肉、蘑菇、煙肉等。一上菜就聞到勁香濃嘅芝士白汁味。蝴蝶粉超掛汁，配埋煙肉食好香口～杏仁三文魚沙律 $212除咗香煎三文魚（唔係煙三文魚！）之外 ，仲有淋上油醋汁嘅羽衣甘藍、牛油果等，感覺好清新。無敵紅絲絨芝士蛋糕 $93紅絲絨蛋糕同芝士蛋糕層層相間，食落無咁滯👍🏻外層係忌廉芝士糖霜同白朱古力。估唔到個cream都有驚喜，有好濃嘅奶香味。補充：每枱食客入座後仲有一份餐包，不過健忘嘅小編唔記得相機食先🤭餐包嘅組合就唔固定嘅，小編當日食到黑糖麥包同埋芝士法包😍暖笠笠又香噴噴~…Read More

小編最鐘意食嘅主食其實係麵，所以都試咗好多香港嘅麵館😍依間流口水重慶麵館喺大圍、尖沙咀同中環都有分店。小編上次喺大圍食過佢哋嘅酸辣粉，覺得好正（順帶一提，小編朋友叫咗麻辣火鍋麵，都算食得辣嘅佢都頂唔順個辣度，要俾埋我食🤣所以大家唔好亂試）！所以嗰日見中環都有分店就順便試吓其他菜式。今次叫咗酸辣木瓜今湯，預設係微辣所以唔係好重口味。米線好有咬口，但略嫌餸嘅數量太少，同價錢唔太成正比。總結，喺依間餐廳都係推薦返大家食佢哋嘅酸辣粉🤭…Read More

今次介紹嘅係啊童@小薯茄都推薦嘅餐廳🙌🏻依度其中一個特色係可以自己掃QR code落單（廚師推介除外），所以唔使怕會好似其他茶記咁叫職員過嚟落單要好chur。店舖裝修偏少女風，充滿青春活力，環境都唔錯！F餐 $148當晚晚餐選擇都好多，小編揀咗燒汁肉眼扒配薯條。依個set包埋是日餐湯、前菜小食同特式沙律，所以都飽肚㗎！今次餐湯係酸酸甜甜嘅羅宋湯，睇得出蔬菜底都算多。前菜就係兩片稍微調味過嘅蕃茄，好清新爽口。沙律就名乎其實充滿特色，係薯蓉溝紅蘿蔔粒，好味到好想單嗌多碗食😍小編牛扒揀咗三成熟，咁啲肉就無咁易喺塊鐵板上面overcooked~肉質方面就好juicy，連埋少許肥油一齊食都十分香口~ 薯條就略微鹹咗少少。紅豆冰就揀咗多奶少冰，入口好香滑，而且紅豆量都多。留意返餐廳係走管餐廳，所以無飲筒提供♻️廚師推介 $98當晚係咕嚕汁雞扒配手工啤酒！小編朋友揀咗飯，如果係無飯人士可以選擇麵底。上菜睇到嗰塊雞扒嘅size真係有被驚艷到，仲大份過兜飯🤣雖然係炸嘅但雞肉都仲keep到鮮嫩~但當晚咁啱無哂咕嚕汁所以試唔到味🤭手工啤就味道甘甜，仲有清淡嘅普洱香味，飲落都幾爽。…Read More

元朗出名多美食，要喺云云食肆之中脫穎而出唔容易，但依間餐館就做到喇~依度主打潮式住家菜，餸菜都係即叫即炒，所以上菜係新鮮滾熱辣！絕對係值得等😍花雕醉雞 $80/半隻上面提到餸菜即叫即整，醉雞上到嚟又太吸引，所以小編同朋友都忍唔住食咗先🤣咁大家就記得向右滑睇返原本碟醉雞嘅份量同擺盤喇~依間嘅花雕醉雞嘅味比起出面嘅更優勝，可能因為落少咗味精，所以食落陣花雕酒味比較清甜！雞肉嫩滑得嚟啲雞皮又唔會話好肥👍🏻蠔仔粥 $45/碗本身諗住一碗份量唔會話好多，但無論係蠔仔定粥都係出奇意料地多！依個份量真係世一，每啖都可以食到蠔仔，唔使慳住食🤤整體都好鮮甜，同埋啲粥水都可以取代埋飲品🤣蒜蓉粉絲蒸開邊海蝦 $79啲蝦開哂邊好啱唔想整污糟手嘅懶人，咬走啲殼就ok🤪蒜蓉味亦都好香濃~底下嘅粉絲索哂汁，惹味得嚟又帶埋陣陣嘅海蝦香味。鹹菜胡椒豬肚湯 $28最抵讚係啲豬肚真心多同有咬口！小編試過喺其他潮菜館度食，一大兜先得幾舊，仲要淋嘅💔胡椒味唔會話太重，亦都唔會話好辣。鹹菜就可能浸耐咗唔係好鹹，所以都唔使驚愈食愈口渴🤣…Read More