AlecC's Profile

食物質素非常好， 服務極之差。 由入門口前企喺門口等咗一段時間一段時間， 冇人喺門口reception唔緊要，知道佢哋忙， 終於有一個人出嚟 ， 有一個後生男仔出到嚟一句說話都冇講， 只係望住我哋， 冇問到訂咗幾多點，有冇訂位或者訂咗幾多位 ，等客人先講嘢真係好嘢， 仲要話係日本餐廳， 唯一講嘅一句就係最憎講嘅唔知幾多分鐘要還枱。 幫襯過幾間燒烤堂， 中環這一間嘅服務態度係最差。 男好女好個個黑口黑面， 好似爭佢錢咁。 食物質素係好嘅，不過唔知點解要瘦服務圓氣...…Read More

間餐廳地點都好方便，食物質素，服務態度絕對冇問題， 但係唔夠冷氣真係難搞。 一話熱 ，哥哥仔已經識得攞一把三腳風扇仔擺喺枱面， 即係佢哋都知道咩事 ，唔知咩問題，定係佢哋做冷氣做得唔夠，總之呢一樣嘢解決唔到就好難搞。 個場食火鍋加燒烤 ，再加埋有人唱歌其實有少少嘈吵， 會令到人好唔舒服， 好忟憎, 點會食得安樂.....…Read More

母親節一早訂了11人枱， 今日打去詢問可唔可以帶狗仔佢話唔可以， 其實都冇問題，雖然在Openrice相片中見到有狗喺佢餐廳裏面 。再問佢可唔可以坐terrace／balcony，佢話唔可以， 那位外籍人士重好串咁話我哋唔可以起個terrace /balcony畀你， 態度極之惡劣， 還主動提議話可以cancel 個booking，係唔係冇咗限聚令有少少生意就可以咁過份呢？ 當然我哋取消咗booking， 唔知佢啲嘢係唔係真係全香港最好食都好( 相信唔會係） ，但係佢啲咁嘅態度行為實在過份， 如果想去嘅請諗一諗先， 鍾意受氣食飯嘅就冇問題。I had a reservation made weeks ago for Mothers day's lunch and called them today to enquire whether we can bring our little dog along, the answer was no which is fine even though I can see the photos in Open Rice had dogs inside the restaurant. Then when asked whether we can be assisgned to sit on the terreace/balcony, the guy sarcastically replied that they cannot build a terrace/ balcony for us.. and proactively asked us to cancel the booking ....WTF,....so one day of better business opportunity can treating your customer like this ? No wonder they have some bad comments on their services in the past, who cares they have the best food in HK which I don't think they have but with this kind of attitude and rude behavior，please consider before anyone want to visit.…Read More

第一次幫襯, 環境都不錯, 最期望當然係主角 fish and chips, 有好多種魚可以選擇, 店主好有禮貌同耐性咁解釋每隻魚嘅特質, 最後出嚟嘅結果都非常之滿意, fish and chips 最緊要就係個 batter， 佢就係做得到唔會太厚同埋好鬆脆。 另外一個主角燒雞都非常之好味。 本人耐不耐都好懷念想食fish and chips， 終於搵到間好嘢…Read More

很多年前在名古屋已經品嚐過佢哋最出名嘅雞翼, 一直念念不忘, 好開心香港終於有。我見到有好多食評， 話呢一間餐廳啲嘢唔似居酒屋， 又話冇乜嘢食…… 所以我先忍唔住打幾隻字。 呢一間唔係普通嘅居酒屋， 食物款式一定冇居酒屋咁多， 人哋嘅餐廳喺日本就係咁樣簡簡單單， 最主要食雞翼， 飲酒同埋食一啲小食， 唔好諗住千篇一律嘅日本居酒屋就係你哋心目中嗰啲， 要想食好多好多唔同嘢居酒屋嘅人就唔好嚟呢一度食啦， 餐廳平日 都好多本地日本人放咗工嚟呢度食嘢飲酒， 其實呢度係非常地道。…Read More

在日本去過釣魚餐廳, 知道香港都開咗一間之後， 趁兒子生日， 特登一家人嚟試下， 地方當然冇日本嘅餐廳咁大， 但係香港嚟講已經算係非常之不錯。 餐廳雖然唔喺十分近地鐵站， 但行過去都算方便。 我們一家五個人有一間獨立房 ， 喺正魚池旁邊， 所以坐喺間房裏面都可以釣魚 。好好彩我哋釣到一條， 用嚟做刺身同埋炸魚骨，一魚兩食， 另外其他 食物質素都好好。 因為餐廳新張期內有discount， 所以價錢都算合理。 餐廳服務都非常不錯， 值得推介 一間好特別嘅餐廳。…Read More

食物一般, 服務員染到個頭五顏綠色加埋咁嘅態度基本上茶餐廳d服務仲好。星期六晚唔見得好忙，佢啲服務態度真係差到冇人有， 如果間餐廳有心機繼續做嘅話，唔該真係請啲好啲嘅員工， 呪一啲根本上冇可能做呢一啲叫做中高檔餐廳嘅服務員。…Read More

食物質素很好, 可以話平靚正, 但衛生真的要認真地改善, 仲要真係要好認真嗰隻。 侍應出奇地冷靜應付衛生問題， 好似覺得見怪不怪咁…… 以食物質素嚟講真係好想返轉頭，但係………… 真係要搞搞…Read More