choruspoon1983's Profile

灣仔區飲茶有咩好去處？平時大隻團同埋連鎖式茶樓都試過哂！食來食去都係嗰幾味，食到悶哂！！ 今日唔覺意黎到老爺點心，被我發現唔少驚喜，平時食開菜餃、香茜餃.今次紅菜頭水晶素果 beetroot vegetable dumplings , 賣相紅卜卜，相當吸引！！咬落去仲有粒粒紅菜頭，味道清甜，夠哂健康雲南野菌包 yunnan mushroom buns 外表似足冬菰。野菌味道濃郁，個包就淡味，兩者配合得好好豉汁蒸鳳爪 chicken feet with black bean sauce豉汁蒸鳳爪去到茶樓都例叫，諗住都無咩特別，醬汁溶入哂鳳爪到，味道唔會太濃，鳳爪有𡁻頭，出面食唔番順帶一提，餐廳員工好nice…Read More

約曬班friend10點食雞煲，要等差唔多半個鐘先有得入去，不過正常啦，因為勁多人😂叫咗中辣，唔算太辣，不過好正！！！d雞超入味，又嫩，又麻，d汁都好入味！食完雞之後，可能太忙加太少侍應啦所以無人幫手加水，就自己行去加湯啦！食完雞煲就變咗任食打邊爐！有好多野嗌，叫咗豬頸肉、芝士丸、肥牛、貢丸、滑雞、水魷魚、好多好多，最正就係滑雞同水魷魚，其他都無特別，野飲都係任拎，食得好飽好飽，每人都係$138，我覺得幾抵！走之前拎多杯雪糕！正！！！…Read More

同事介紹話正，咁就去試下啦。去到坐低就圈要咩啦，我就圈咗要4個餸，豬大腸+豬頸肉+鹵水蛋+牛腩 米線,個底要牛腩汁，再加多個豆漿。碗野d料真係好少，d米線少到一個點，所有配料得好少，得一兩舊到，最多就係豬大腸，有4舊。個湯係牛腩汁，好重牛腩味，好好味，但食完真係好口渴，d米線又少，又唔係好好味，仲要有d雜麵係到。d牛腩好硬好碎，得兩舊，又畀d無肉嘅黎喎。鹵水蛋好入味，好好味，完全變咗深黑色！豬大腸好好味，好軟身，好入味，中間嘅脂肪亦都保留係到，所以大讚！豬頸肉都唔錯，鹵得幾入味，最衰係太細舊！仲有飲野一定要揀豆漿，好重豆味，味道適中唔會太甜！不過最後兩個人要$130，對比其他車仔麵，真係太唔抵。:(未必會再食。…Read More

係樂富探完婆婆，係附近搵食野，見到呢間野就試下得唔得！一坐低就有人黎招呼我地喇，服務態度唔錯！叫咗dinner set，黎salad同湯，個salad太迷你，迷你到一啖食得曬，又唔特別，雖然帶子幾鮮甜，不過得幾粒。個湯唔錯，幾濃味又唔會太濟！入正餐，叫咗蟹肉北海道忌廉汁意粉，蟹肉得好少，得好多磨菇，不過個忌廉汁超好味，又唔「留」，又濃郁！我朋友就叫咗個煙三文魚蟹子忌廉汁意粉，食咗佢個碟少少，d煙三文魚幾好味！食完正餐，當然黎個甜品，叫咗個cheesecake同chocolate cake，cheesecake好香cheese味，大讚係個雪糕，好香vanilla，好綿！個chocolate cake都唔錯，但似brownies! 下次會食多次！不過唔會再要佢d salad!…Read More

一向都鐘意係九龍城行街嘅我 今日同屋企人行完街咁岩見到九龍城廣場開左間新野叫做日滿屋 仲要食放題 對於大愛食放題的我當然九秒九衝入去啦😍入到去，個地方好大啲位都好闊敞所以坐得好舒適。有驚喜嘅係個侍應話我地有5個人 所以會送一大碟的海鮮刺身，個海鮮刺身有大大碟海膽，大蝦，帶子片，蟹挾，翡翠螺同青口。全部海鮮都好新鮮，無霉嘅味道同埋全部都好有海鮮味，唔係果啲好淡味嘅海鮮。而我覺得最正嘅係唔腥無啲霉嘅感覺仲要好香口嘅海膽，完全唔臭，蟹肉多又實身到令到個蟹挾滿滿，仲有就係帶子，有鮮味加上雪得涼浸浸更加加分。食完呢個，就開始我地嘅放題之旅。刺身：三文魚、帶子片、甜蝦夠厚身，鮮甜同爽口，劍魚腩入口即溶，肥厚，正！其他都是我屋企人清曬所以趕唔切影相。壽司: 點了三文魚、玉子、吉列蠔、鰻魚、鵝肝帶子。壽司都幾大件，啲壽司飯唔算太多仲好實啲壽司又夠大塊！大讚吉列蠔，炸粉唔太厚身，外脆肉軟和熱辣辣，個蠔新鮮同大隻！鵝肝帶子亦都好正！一品料理：大讚！好多菜餚都係我最愛的，點了蒜片牛柳粒、蟹王粥、韓醬炒年糕同辣湯煮蜆。蒜片牛柳粒的牛柳好爽口、火候岩岩好，蟹王粥好綿、裏面有一兩隻蟹仔到、好香蟹味嘅粥，韓醬炒年糕唔算太辣，好開胃，最後辣湯煮蜆好似海鮮湯，飲完好醒神，啲蜆好鮮味，仲要比想象中多。天婦羅/炸物： 芝士年糕、大蝦、吉列蠔、南瓜天婦羅都係熱辣辣，炸粉唔厚亦都唔算太油！燒物：點左雞軟骨串、燒魚、厚牛脷，雞軟骨串面頭燒得好香脆，燒魚好有魚汁，一啲都唔乾真真仲要好新鮮，而厚牛脷都幾大塊和厚身，亦好juicy!!本身諗住試火煱，不過太飽了！咁多野食都係$2xx炸！下次再試過!!…Read More

放lunch時間到！去到呢間細細地嘅restaurant 個feel幾好，仲有bar檯，應該for夜晚飲酒嘅！坐低睇咗個menu就叫咗carbonara，diet coke，同salad（全部都係一個餐），夾埋都係$88，無加一服務費，我覺得係超值咖！個carbonara上面有啲煙肉同青瓜，好重芝士味，不過都唔算太濃味，最唔好係個底啲汁太油，整體幾好味，麵條適中軟硬度。個侍應服務幾好，不過食salad之後等main dish有少少耐，可能我太肚餓啦😓😓😓下次會再食咖！…Read More

最近食得太多中餐同西餐，所以轉下口味食日本野，而我大愛拉麵，所以就入咗黎呢間叫雷拉麵😌個位置係女人街入面要特登轉入去有啲難搵嘅，出面嘅裝修唔錯，好有日本風格，入到去嘅裝修更加特別。除咗環境好，侍應嘅態度亦好好。呢間野最特別就係可以自由選擇嘅落單紙，可以自己揀麵嘅軟硬程度同醬油味等等。我就揀咗個濃豚骨湯、叉燒、溏心玉子，因為最平呢個，只需$65，相比其他拉麵舖頭要$80-$90不等，麵就揀軟身，醬油就淡因為唔太中意食鹹嘅。等咗陣，有得食嚕，好香好濃味嘅豚骨湯漂入個鼻到，仲要熱辣辣，飲落真係好濃郁，完全唔似平時果啲味精湯，大讚！而啲豚肉好厚身好好味，有大約3舊，好爽口唔會好實，而個溏心玉子都幾好味，個蛋黃有少少流心，仲有其他配料，有粟米同木耳，粟米幾甜木耳都好爽口，因為我揀咗淡嘅醬油味所以味道適中，唔會好似平時果啲拉麵舖頭好咸，食完碗麵再飲曬成碗先夠😋！下次實會再幫襯咖!!!…Read More

今日同朋友行完海港城，行下行下就到咗亞士厘道，附近無咩野食所以就上咗樓上搵食。去咗間叫做肚餓鳥嘅餐廳，係一間泰式餐廳黎嘅。因為唔算太肚餓所以叫咗啲小食，叫咗個芝士燒蠔同芝士燒扇貝，啲海鮮都幾新鮮一啲都唔腥同啲芝士味都好濃，口乾乾就叫咗罐忌廉溝鮮奶飲！之後仲叫咗啲泰式小食黎食，嗰泰式生蝦同泰式酸辣爽片好好味，極力推介！！！呢兩道小食都係酸酸辣辣好開胃，個蝦嘅味好鮮唔係個啲雪藏蝦味黎，醮埋啲汁仲正！而個爽片其實係雞皮黎嘅，超爽加好味！食曬呢啲酸酸地嘅小食就有啲肚餓所以叫埋個焗飯試下。呢到叫焗飯好得意咖，可以自選醬汁、飯類同埋肉類，所以我就叫咗個葡汁豬排飯黎食，個葡汁都幾香，而個豬排就一啲都唔老仲要幾爽口，都好大碟，所以我覺得好抵食！仲要間餐廳有得睇片實在太好了！下次黎食試下午市同其他串燒果啲小食先！…Read More

果日同朋友係尖沙咀行街，行完街都6點幾有啲肚餓所以就近近地試下食呢間野，純粹因為個名幾得意叫ShowBiz，一入到去覺得裏面啲裝修好靚好似去左外國果啲restaurant n bar咁，裏面仲要有飛標同埋美式桌球果啲，成個環境好放鬆好舒服。坐低左陣，我地就叫左個Juicy Lucy，呢個真係好出色！！要極力推介！首先大大碟仲要一舊水唔洗，就有個大大個嘅Beef Burger , 薯條同蔬菜沙律。舊肉好大舊，一咬落去塊漢堡扒啲牛肉汁標曬出黎超好味，中間有融咗嘅芝士，嘩！真係好好味。仲要薯條熱辣辣好脆好香口！食完呢樣，我地仲叫左個Deep Fried Rice Ball同American Style Buffalo Chicken Strips做小食，個Chicken Strips有6舊到，望落去以為係辣辣地但食落去一啲都唔辣仲幾好味同埋啲雞肉幾滑唔會好dry！而個Deep Fried Rice Ball都好特別，外面個皮好脆，裏面啲飯軟林林，仲撈埋mushroom同truffle好特別，個餡軟林林同少少濕濕地鹹鹹地幾好味，仲要有5款唔同既醬。本來諗住飲杯啤酒可惜趕住去睇戲，下次一定要再幫襯！！…Read More

同事買外賣，我叫左客白汁煙三文魚飯，簡直就係難食，同我買30蚊兩個送個啲無分別！個白汁又"傑"又喊，唔知想點！！煙三文魚雖然係多，但啲味俾個汁蓋過哂！ 以後都唔再幫襯！…Read More

尋晚同朋友係旺角搵嘢食，無意中見到呢間就入去幫襯，原本諗住應該無乜特別，但又唔係喎.....首先係鎮江肉，呢個就真係無乜特別，所以唔多講，第二個係酸辣湯，呢個就真係值得一讚，夠味，夠料，唔會水，同埋係酸辣味適中，色水係像樣，唔似其他食店咁，湯色係啡色！第三就係個小籠包，一樣好味，肉汁好好，皮薄餡靚！原本諗住個附近應該無咩出色嘅嘢食，但呢間令我驚喜，值得推介！不過服務態度就麻麻了......…Read More

前兩晚同家人係呢間度做冬！我地叫左個套餐，其中有三個菜係需要一提！一. 黄金蝦: 呢個幾好，夠香，又唔油！二. 蒸斑: 雖然條魚好細條，但係蒸得好好，一啲都唔“鞋”，好滑，又唔多骨，小朋友食都唔怕！三. 西蘭花炒魷片: 呢個真係麻麻，好似無落調味料咁，無味！…Read More

尋晚同朋友食雞煲，呢間真係食極唔會厭，佢地整個啲雞煲，真係入味到爆，不過由於尋晚同我食嘅朋友食唔到辣，所以就無加辣，就有點兒遜色喇！但食咁多間雞煲，始終都係呢間最好食，唔太咸，味道剛剛好，只係啲雞肉唔多，呢樣就真係要扣啲分！…Read More

朋友介紹我去呢間食嘢，我就黎試一試！我地叫左好多嘢食，首先最吸引我嘅係蒜蓉燒扇貝，上菜時已經聞到佢嘅香味！食入口，真係無得頂呀！蒜蓉味無蓋哂扇貝嘅味道，本來想叫多客，但我地叫得太多嘢食，所以就唔敢再叫，而家真係有啲後悔！另外要講嘅就係海鹽瀨尿蝦，雖然佢無扇貝咁出色，但係都好好味，雖然海鹽好似落得重手左，但海鹽同瀨尿蝦配搭得好好，所以值得推介！另外，仲有牛肩胛同芝士燒巨菇，我從來都無試過諗過芝士同菇係放埋一齊，仲要係成塊芝士放係面，其實本人對芝士真係麻麻，但因為我好鍾意食菇，所以一試，呀，又出奇好味喎，首先唔會好"漏",菇本身一咬都有汁，加埋一齊個種味道好特別，個巨茹又真係巨喎！無偷工減料……最後就係牛肩胛，完全係因為我地唔牛肩胛係乜嘢，所以貪得意叫下啦！又唔錯喎，唔“un”，口感一流，味道好惹味，正呀！除左食物味道好，值得一讚就係佢地嘅服務，雖然我個枱成日叫侍應攞呢樣攞個樣，但佢地好好招呼，完全無不耐煩，真係要俾個讚呀！…Read More

尋日同去朋友去飲茶，唔知係太晏定點解，服務態度已經唔好，好多嘢食都無，我地叫左個鵝叉伊麵，點知出事了……伊麵一到，可能我見識少，我未見過白色伊麵，不過都無理就夾，一放落口，我就真係想鬧人，伊麵個湯係無味，凍冰冰，個麵冧到，一放入口，成pat嘢！真係徹底失望！！…Read More