Ding_Ceci's Profile

屋企附近見到呢間小店今日終於入左去買外賣黎試下老闆好好人 原來一家人喺度幫手前菜: Parma Ham Egg SaladSalad 比我想像中要多 d ham好好食 湯: 周打魚湯好多海鮮 好多魚 成個湯好飽肚 😆原來每星期都唔同款式下次唔知會試到咩款呢包: 牛肚包我唔食牛。。無機會試家中男人對食無咩要求。。。淨係話幾好少少辣 😅意粉: 豬肉醬意粉 我係因為見到呢個豬肉醬意粉而吸引到人黎戒左牛肉好耐 無咩機會出面再食到 肉醬意粉因為通常都有牛肉 好感動用豬肉整好香啊 好好食 …Read More

由於屋企有老人家，平時好少出街食飯，通常一家人都係屋企食，或者打邊爐，或者斬料，買啲燒肉或者叉燒返屋企一齊食，總之都係簡簡單單! 最近媽媽講咗幾次，叫我哋同佢出去食晚飯 。諗咗好耐，最後決定帶佢返去好多年冇去食過嘅頂好 （老人家的回憶）。一早寫定餸，盡量叫啲媽媽鍾意嘅餸菜，最緊要係林啲易食啲。最驚喜，其中有兩款菜，分別係清蒸東星斑同埋蒜蓉豆豉帶子蒸豆腐。條東星斑真係好滑好鮮、豉汁帶子豆腐好惹味。兩個餸都係好好送飯。睇落好簡單，但係唔知點解個蒸魚豉油同埋個豆腐汁都可以咁惹味。…Read More

想避開食飯人潮，基本上唔想食飯又唔想食麵、米粉、通粉，可以食吓乜嘢呢？ 所以今日特登揀咗下午茶餐。呢度係2:30pm後有得食下午茶，價錢平啲，感覺着數啲。下午茶都有好多選擇：燒味雙拼湯粉麵餐、輕鬆下午茶粉麵飯餐、漢堡包餐、飛碟餐、三文治餐、炸物小食餐。但係我見到對面枱個女仔食緊紅豆西多士，但係餐牌見唔到有？問一問個夥計，佢話係呀，老細新推出的，真係奇怪點解唔貼出嚟俾人知？即管叫一份試吓。厚厚一件西多士，望到廚房個姐姐，即叫即做。做完仲自己親手送出嚟俾我，感覺好似有啲尊貴😝。切開件西多，入面真係填滿左紅豆，咬一啖，感覺好夾。終於跳出左花生醬西多士個框框。唔錯。…Read More