**bear**'s Profile

原本想去荃豐食餃子屋，點知又係勁多人見隔離有間米線就試下，原本以為唔洗排隊會中伏，點知出奇地幾好食！!叫左酸辣湯底走辣淨酸，都幾開胃。。米線份量都好多，肉碎都幾多下。。豬扒好大份，姐姐好好人仲另加半份🤣多到食唔曬，豬頸肉好好食，真心幾抵食！😊👍…Read More

叫左半價火焰盛丼2碗，因為見到半價先想試下，如果原價，就覺得好似唔算好抵。。覺得個飯好好食😂😂刺生幾新鮮。印象中第一次黎，係岩岩開，好大碗，d三文魚多到食唔曬，但今次無呢種感覺，整體唔錯，可一試！😋…Read More

好多年無食過意粉屋，今次想試下芝士火鍋，座位環境都好舒服。夜晚7點05分入座，7點20分落單，芝士火鍋7點50幾分上，可能有d餓，感覺等有d耐，哈哈。第一啖覺得好香濃芝士，覺得無乜咸蛋黃味，又試2啖，侍應黎左原來上錯左，俾左經典芝士，好好人即刻換左咸蛋黃芝士，咁就試左2種口味！見到牛肉配菜上左，仲諗緊2個人會唔會唔夠飽，因為睇落有d少，點知最後腬到想嘔，飽上心口，成餐飯我覺得好咸，火腿已好咸，咸蛋芝士又咸(有d後悔換走經典芝士，哈哈)，如果平時食得清淡既人，應該會唔太鐘意，但經典芝士我覺得係正既！係等餐個陣，見到隔離枱叫既肉醬意粉，燒雞全部睇落好吸引，下次都會想試下。。飲品叫左熱Oreo朱古力，但飲落一d都唔熱，暖都無，常溫咁，但個味係好飲。。牛油果青瓜冰沙好正，唔甜好清新口感！覺得可以再光襯，試其他野，自己平時食得淡，所以叫錯食物應該。哈哈！另外，侍應服務態度都好好…Read More

食物賣相好吸引🥰味道都唔錯，慢煮手撕豬腩窩夫三文治都好大份，幾新穎款式，窩夫好脆好香，一個人食唔曬，飲品好飲！環境比較暗，好舒服，唔趕人，慢慢坐下吹下水，下次會再光顧！☺️…Read More

見好似好多like，想試下。一早book左時間。叫左食物，賣相真係唔錯，有驚喜，打卡好岩，但豬扒飯同意粉口感都一般，呢個價錢唔值。蛋糕偏干d但cream係好食。成餐食得唔舒服主要因為真係服務麻麻。舉手幾次要加水都無人理，侍應一係玩緊電話，無人留意餐廳內顧客需求。一到90分鐘，即出單多一分鐘都無，個日係平日，門口都係得2個人排緊，侍應放低枱，一句唔該買單先，夠鐘，態度令人好唔舒服。90分鐘食完正餐食完甜品，俾人趕走感覺😂唔會再光顧👎…Read More

行街好攰，經過見到裝修好溫馨，環境幾舒服，就入左去食。點知有驚喜。除左服務態度好，不時幫我哋加水，食物都好足料，第一次食all day breakfast，係食曬。樣樣都唔錯，食物唔會係暖，炒蛋上枱仲出緊煙，窩夫係酥皮好好食，脆皮的。呢個價錢，份量真係好大份下。。仲叫左個韓式海鮮窩飯，都幾好食。。用餐環境好舒服，好warm，星期六晚唔滿座，有d奇怪，因為真係幾唔錯既一間 咖啡店，有誠意經營，會再光顧！😊…Read More

環境好舒服，裝修新淨，坐位闊落，2個人俾4人位我哋坐，侍應態度都好nice!叫左一碗日式香煎雞扒拉麵+泰式紅咖喱雞飯配煎太陽蛋+ 日本蟹肉忌廉薯餅。3樣都幾好食，咖喱雞飯唔係好辣(食到譚仔10小辣一定食到)，薯餅炸得好靚好脆，外脆內軟，最有驚喜係拉面，面彈牙偏多，雞湯唔似傳統咁咸，仲好大碗！煎雞扒好香下，但如果唔浸落湯，分開上可能會更好。坐左好耐下都無趕人走，成個用餐過程好舒服，有d似坐Cafe個種感覺…Read More