黑洞7號's Profile

點了兩款意粉，一個香蒜大蝦炒意粉，一個肉醬千層麵。 大蝦炒意粉，上碟十分香，應該落左好多蒜去炒。意粉炒得乾身，十分好。入口帶蒜香味少辣，有濃濃的蒜香同黑椒的辣味，很香口很惹味！大蝦數量十零隻，中小型，不過入口感覺過熟。焗千層麵上碟十分熱，肉醬十分多，並非全部散的肉碎，一層層夾係麵中間的份量十分多，麵都不錯。薄荷朱古力香蕉沙冰只有香蕉味，薄荷味十分少朱古力味被香蕉味蓋過。整體不錯，前後二百零蚊兩個人，性價比高。…Read More

睇到介紹專程來試一試海南雞飯。飯加雞以一個中碗盛載，配以青瓜作為配菜。雞的份量算多，肉質十分滑，但有一點薄。雞皮味道都不錯，雞肉有雞味。飯的油香稍為淡了一點，但尚可接受。加錢還可有青檸梳打，幾好味的。價錢三十二元全肉無骨海南雞飯，只要要求不高，絕對是性價比之選！…Read More

現時紅到火既黑糖珍珠鮮奶，當然要一試。點了厚奶黑糖珍珠鮮奶少糖少冰。珍珠偏淋，有咬口。黑糖鮮奶有奶香，黑糖味夠👍黑糖掛杯，略嫌偏小黑糖。厚奶在面層感覺豐富，有畫花，同其他間的較不同。建議飲之前先搞匀黑糖同鮮奶，會較好飲。不用三十元，屬中價之選，有時未必一定要去排長龍既舖，小店也能性價比高，大家可一試。…Read More

在沙田其實無咩野特別岀色好食，呢一晚就諗住求其食就算。原本諗住食元氣，但實在太多人，見到旁邊有越南河，就諗住試下。其實間野叫越北，叫了一碗生牛河，一碗火車頭河，一份蒜香牛油雞翼。生牛河既牛真係全生，所以一定要撈落碗底整熟佢。啲粉質地還好，不會斷，牛肉算多，但上碗時因爲全部整埋一團，所以要好快整散整熟先好食。至於牛肉質量就十分普通。配菜蘿蔔有渣，不好吃。火車頭牛肉同生肉河的是一樣，就不再多說，牛丸普通正常，亮點在於牛腩，淋身，重牛味。雞翼面無乜油，內裏肉質剛好，可惜在蒜香不足，只有牛油味。總結可以一試，未必有下次。埋單接近二百元。…Read More

想到食泰國野，一定非九龍城街市莫屬，無他，因為真係好多人推薦。晚上七點幾，沒有太多人，即入即坐。點了我最愛的芒果冰，燒豬頸肉，一碗牛肉河，一碗辣海鮮河。芒果冰好有芒果味，偏甜，少酸。燒豬頸肉份量很多，燒得剛好，可以更焦一點，配合的汁又酸又甜又辣，令都燒豬頸肉味道多左一個層次。牛肉河牛肉算多，湯偏清，不過河粉容易爛，一夾就碎。由於個碗好細，錯覺覺得個份量好多。海鮮河海鮮配料都多，有魷魚有蝦，湯就帶酸辣味，岀奇地好飲，粉就同牛河一樣，不多說了。總括來說，百七元有兩碗粉有冰有小食，真係好抵，而食物質素不會求其，實屬難得。…Read More

係尖沙咀排到開巷既鹿角巷終於在旺角開分店，適逢人在旺角，當然要一試。晚上九時多，竟然都得好少人排，所以熱住都想試一試。由於新張優惠，四十五元可揀指定兩款飲料，所以唯有放棄黑糖珍珠鮮奶，改做檸檬翠綠茶和鐵觀音珍珠奶茶。檸檬綠茶好解渴，好似果茶。鐵觀音珍珠奶茶選了少糖少冰，茶味岀，珍珠淋，但感覺不是太特別，下次正價未必會再揀呢款。以優惠價來說，兩杯都質素還好，只是未見有太突出之處，一試無妨。…Read More

好少係太子食飯，咁岩係太子行完街，想快快食完飯就求其搵一間食。第一次食rosa bridge, 感覺還好。在外面打量了餐牌一會兒，賣的是典型西餐意粉，價錢中等，就入去食了。點了兩個意粉，一個是黑松露帶子大蝦意粉，另一個是白酒蜆肉意粉。蜆肉有沙，意粉煮得夠乾，有酒香。黑松露汁夠香，勝在滿滿黑松露，帶子大蝦正常。跟餐有熱飲，熱好立克岀奇地好飲，好重口味。前菜蟹子沙拉就可免則免，不好吃的，味道奇怪。意粉單點六十至七十有交易，跟餐加多二十左右，以性價比來說，還算合格。如果下次食厭其他，都可以再試既。…Read More

由於在海港城睇戲，自然係海港城搵食。因為時間不足既關係，係商場就食BLT burger。兩個人叫左一個餐，和牛漢堡配焦糖奶昔。由於一個餐份量都幾大，所以就兩個人分就啦。和牛漢堡五成熟，剛剛好粉紅色，好多汁，又軟身。煙肉煎得十分脆，整體配合好味。另外加錢轉脆餅焦糖奶昔，好好好甜，但其實係正常既奶昔甜度，如果不好甜的就不要點。奶昔內有打碎既脆餅粒粒，好有口感，不錯。建議美式食物都係多人分享較為著數，一個人一個餐會食唔曬。…Read More

食完晚飯梗係要食翻個甜品，太子海記合桃坊係不之選。話明係合桃坊，當然要一試招牌合桃糊。有一款係沙沙合桃糊，一款係補腎合桃糊。一場來到，識食一定係食沙沙。因為糊上舖滿合桃粒，而不是碎，十分香。因為叫熱既，所以不會太杰又不會太稀，剛剛好。價錢不貴，三十有找，大家可一試。…Read More

係大埔行街行到好夜，已經九點幾，好多食食店都已經過收舖。唯有係超級城打個轉睇下仲有無店營業。最後入左呢間食泰國菜，叫左墨汁軟殼蟹意粉、豬手飯同魔鬼朱古力巴菲。墨汁軟殼蟹意粉個汁就好黑，但蟹就較為一般，無乜特別。相反豬手飯就好味得多，汁好味，肉就肥瘦適中，而且價錢唔算太貴。好戲在後頭，朱古力巴菲充斥住滿滿既朱古力醬，配有一球仔軟雪糕係面，有半杯brownie，中意朱古力既朋友一定要試！總括而言，甜品值得一試！…Read More

上網見到肉餅哥既推廣，就被多款肉餅吸引住，心思思好想食，所以夜晚特登入大圍美林幫襯下。因為晚市真係好多人幫襯既關係，都要等左好耐，大概廿分鐘，就唯有一邊等一邊睇住餐牌先。點知而家個餐牌應該之前調動過，結果晚市已經無左勁多款肉餅，咩椒鹽肉餅、好多特色既都無左，好失望。得翻三四款最貴既，掛住肉餅個名但客人黎到無肉餅食，都唔知似咩⋯⋯唯有叫芝士流心肉餅同老干媽肉餅。芝士流心肉餅飯，四方形既肉餅，有相當既厚度，中間夾住芝士，煎完岀黎就流心，肉味岀！老干媽肉餅係蒸既，肉味一樣十分夠。老干媽既汁都好好味，撈飯一流。總括而言，肉餅質素係好既，奉勸各位想試肉餅既朋友午市去會多好多肉餅揀！…Read More

趁臨截單前食埋個下午茶⋯⋯叫左兩個餐，一個焦糖海鹽蛋糕跟拖肥咖啡，另一個就牛油果牛肉漢堡跟拖肥咖啡。蛋糕有淡淡的海鹽味同焦糖好夾，賣相都好吸引，咖啡好甜，拖肥味不太岀。漢堡牛肉夠厚身，好多牛油果醬，但薯條份量不夠，多好碎上，呢方面稍為失望。服務方面一般，侍應要叫幾次先有人落單，態度一般。唯價錢方面算ok, 加埋一都不算太貴就已經有漢堡食。…Read More

行完年宵就趁早醫下肚，不過係港想食得平真係無乜選擇，唯有儘量食得物超所值啲啦。今次就試下burgeroom 既漢堡，岀左名大大件，結果一如所料，真係大到無朋友。分別叫左墨西哥辣椒牛肉漢堡和煙肉芝士牛肉漢堡，以及牛油果醬芝士薯條。「墨西哥辣椒牛肉漢堡」辣度十足，真係食得辣先好叫。「煙肉芝士牛肉漢堡」切開大大件有厚度既牛肉，滿滿既芝士同埋煙肉，係好食既！「牛油果醬芝士薯條」既沙沙醬意外地好辣，唔食辣真係淨係點牛油果醬就算喇。薯條新鮮炸好味！餐廳分室內室外，夜晚無論三五知己定兩人撐台腳都好有氣氛架！平均一個包$7x-$1xx， 以相應分量黎算價錢適中，起碼真材實料！服務以自助落單形式，先付款後上菜所以無加一，而落單後會有服務員為你提供餐具。…Read More

新年係尖沙咀食完飯啲店舖都收曬，唯有食下甜品，但想搵間無新年餐牌既食店又唔係咁易，就連甜品舖都唔例外，不過都仲好彩有呢間甜蜜蜜。十一點幾都好多人，不過都即刻有位坐。餐牌都係例牌西米露、班㦸，心太軟個啲⋯⋯思前想後，結果叫左個新穎又安全既 - 「黃金俠」。用高杯上碟，分量一般，不過勝在多料，有芒果肉芒果汁芒果布甸芒果雪糕海藻珠同爆炸糖，所以入口一啖食曬既感覺好複習，不過勝在芒果底夠穩陣！芒果夠甜不酸，爆炸糖會係口內炸炸聲，直至食完係杯底都聽到炸炸聲！埋單$55，呢個價錢有咁既素質，都ok la, 值得一試既！…Read More

其實呢間都食過幾次，因為香港食pho嘅店雖然多，但有保證嘅真係少。中意佢香料多，甜醬同是拉差都齊一條友係apm就會食佢，但今次經歷認真麻麻。是咁的，排隊排左15分鐘叫你入去又冇講明坐邊張枱，見有位坐左，又叫你起身去另一張，算。之係都係照舊叫綜合牛肉粉同牛油雞翼。雞翼夠脆同有蒜味，牛河都有應有份量同水準。不過快快手食完，諗住問店員拎杯水食藥，個店員好冇禮貌咁話我地呢度冇水供應，其實一句唔好意思好難開口？一句總結，未至於好食到要受你氣都照食…Read More