candydd's Profile

一早訂了檯,不用等位,環境精緻,適合坐下傾下一行5個女仔點了個4人餐套餐價($ 988)有4個餐前涼菜(因為套餐關係,不太清楚正確名稱)肴肉/炸魚/蘿蔔/菇一上檯大家都估唔到係咩肴肉同炸魚都不錯,好味的菇菇就好刀工,每一粒都靚靚,但係就咸左小小至於另一個辣辣地的可能是蘿蔔,哈,吃完也不敢確認之後上的就是文思豆腐羹都是刀功菜,豆腐一絲絲的,但味道是ok的,但沒有什麼特別主角出場,半隻片皮鴨並不是即場片的那皇種,只是拿出來給你看,之後就會拿回去片感覺....好細碟皮約有10片,就算是4人餐每人也只是3片鴨皮左右.....相信如果一隻感覺會滿足一點皮沒有半點脂肪/肉,真的只有皮但個人而言還是喜歡有油香的,這個是健康了,但不太過癮小籠包不錯,有湯汁熱辣辣鍋貼因為我吃了小籠包,所以讓出了鍋貼沒有試行雲流水好清淡,只食到百頁味一樣是清淡之選幸好本身喜愛食菇菇三杯鴨架最濃味就係呢個但真的是鴨架,肉很小,食味好了最後點了一個驢打滾作結結果5個女仔都唔飽.....哈哈感覺是叮環境多…Read More

朋友想吃客家菜很久,偶爾坐車見到此店,很有懷舊味道便決定相約一試店面要先上2層樓梯(有電梯的),但看見前面的婆婆也走樓梯,怎也不會好意思坐電梯當天3樓被一教會包場了,所以比較嘈,會聽見他們的見証等樓面的全是uncle 級的侍應,加上舊式環境感覺回到過去了2樓人不多,只有3檯客人,有一張更是得一位的,更覺冷氣有點凍點菜了:當然少不了朋友想很久的梅菜扣肉梅菜甜甜的,送飯一流,朋友更連吃了2碗飯肥肉甘香鹽焗雞($125) 最貴就是這個了一上桌看起來覺得雞應該老了但一吃,卻很滑,很好吃哦...而且雖然是半隻感覺卻不小吃完後感覺是值的黃金蝦($90)不是吃開的那樣,這個是沒有蝦殼,應該是雪蝦仁之類吧咸蛋味道不突出,味道淡淡的見其貌而不得其味還點了一個湯芥菜豆腐魚雲湯($70)湯好飲,清清的,很足料,魚雲不小很滑吃了肥膩的再飲,中和一下服務:雖然是uncle們,沒有門面式的招呼,沒有例牌的對答,但卻會講笑,而且一看見沒有水便會立即過來加水,可能人比較小是快到剛斟完已經過來,完全不用打開蓋或叫他們…Read More

之前一直聽聞這家店不錯...同事右說正所以專登一試怕星期天人多,故此6:00pm就去食避開人潮,一進門,有2檯客,我們計算在內約有8名客人,待應問過有無book 檯後便說沒訂位坐最入la好的,坐下看了看menu 選了$198/2人set落了order後吞拿魚味噌湯好快就黎味道不錯,味噌濃,有魚味~~以為有個好開始湯飲完了....等了右等刺身(小脂,皮油,赤身各二片)這個刺身,右我們飲完湯後等了.......45mins其間壽司吧有4個師父係度吹水,粗口橫飛...連去邊蒲我都聽到味道: 3款入口都沒什味道..好淡...以一間用鮪作招牌的話..真的無野好講皮油那片更有大量筋,咬都咬不斷吞拿魚蔥手卷吞拿魚蓉滑身夠仔細,但都係無味.....吞拿魚沙律手卷-朋友食既壽司(赤身,吞拿魚蔥軍艦,旗魚)壽司中以赤身算係有d魚味...其他2款一樣是淡淡的..黑輪餅2件因為右係等好耐先有得食,仲要係熱食,所以無影相夠熱,不錯,比吞拿魚刺身好吃..估佢唔到!!吞拿魚沙律次序沒錯..之前的全吃完還沒有到,吹了3次而樣子實在很難令人相信為何要等這麼久只是吞拿魚粒+生菜+意大利黑醋醋味已經遮掩了其他味道甜品...芝士蛋糕分別向2位待應叫了2次才有本打算再點其他的..但,都係算了埋單-->哈哈,全晚最快,叫了一次轉頭就到服務:0服務,他們沒事幹行黎行去都唔會加茶,要叫先有…Read More

星期天路過此處,當然想一試時新的漢堡包啦看見門外一條人龍呆了一呆,再細看原來人龍係排外賣,入面有吉位哦入內點了雙層芝士蛋漢堡,薯條,凍檸樂,熱杏霜TOTAL: 54蚊雙層芝士蛋漢堡比連鎖店的好很多,肉是有汁,不是乾巴巴能夠完整漂亮地分開一半薯條有點遜色了,不夠熱,應該是整定很多有點硬硬的感覺,如果夠熱的話會好很多~題外話: 本身想輕怡點叫凍檸茶,但係見到凍檸樂($13)只係貴凍檸茶一蚊...抵不住~…Read More

是夜以海鮮為主,先黎個龍蝦湯,$30好濃好好味,龍蝦味好出,好creamy大蝦鮮果沙律 $48大蝦有3隻,爽彈鮮果沙律大堆頭新鮮芒果汁唔酸食完呢個已經飽飽地了珍寶生蠔$48及法國生蠔$38珍寶生蠔:大,爽,蠔味比較淡,但入口好滿足,因為佢夠大>.<法國生蠔:細,但有金屬味,海水味,濃味,正芝士煙肉焗蠔$78正,不過肯定無得同新鮮果d比啦,不過芝士個汁都好正白酒煮青口(忘了價錢)牛油味跟白酒味都好重,但咸了一丁點,算是可以接受的咸吧總結:值得去食但環境比較窄,所以如果旁邊人多就會聽到隔離人地講咩啦!…Read More

豬肺湯好飲..豬肺洗得乾淨,good,飲左三碗哦炒聖子皇 一坐落佢已經係咁話呢個今日做特價..心想係咁sale會唔會有d野呢..但右真係幾抵如果無記錯應該係$148/6隻炒得很香很入味,不會是加d汁兜2兜上碟的感覺朋友勁話叫的,炸野香口,蝦餅彈牙,正~不過很熱氣哦!!避風塘豬頸肉這個算是敗筆之作,過咸,大家都食剩了因為真的愈食愈咸喲最後看見甜品的圖片好吸引,於是點了個梳孚里,好正...$28一個仲有心太軟,米糠布丁,白酒啫喱等等...都好吸引可惜個胃容量有限~…Read More

朋友買了團購coupon就到期,那就陪她一試吧之前一直不試因為覺得太多baby的圖了....似賣樣多於賣味道點了3個128set湯是蘑菇湯,菇味重,稠身,不錯的~可惜沒有拍照南瓜蟹肉意大利飯....南瓜味重,但意大利飯有點硬硬的,似未熟透的感覺鐵板燒春雞....不太老,但味道不夠,淡淡的第三樣是羊架,這個只試了一口因為有點羶味,不太喜歡~但每款上台都是擺得靚靚的哦~最後飲品,不加錢的話就是荔枝特飲,其實是荔枝綠茶加點香草,這個不錯的如果要點其他的就要加18蚊環境:真的到處是baby的相片,有點優雅感,燈光陰暗比較適合情侶提一提限時1.5小時呢,如果想跟朋友傾耐d可能要去第2度了…Read More

星期六與2位好友飲啖茶食個包一樂也這天選定了廣東茶居,被安排了卡位位置,不錯!點了一個2人午餐分別有2個湯-我們選了蟹肉粟米羹蟹肉不是平時的蟹柳而是很鮮味既蟹肉....讚!大蝦跟雞-我們選了口水雞這個是熱的口水雞,比較特別,因為我吃開的是冷盤但這個竟然是很滑溜的,而右不會十分辣第二個選了薑蔥魚雲在香港不會有只有魚雲的薑蔥魚雲,而是魚頭這個走油走得很脆,有些位置可以把骨都吃掉那個蔥是精髓,我跟朋友都說最好吃的是蔥但要彈的是,那個口水雞都差不多吃完但白飯2碗仲未到麻煩姐姐可否看看是否漏單,她說好,但10分鐘都不見她之後再跟另一位後生的男待應說,一分鐘後就來了....但口水雞已經食完了......黃沙豬潤腸粉蝦餃燒賣點心水準高,但價錢都不低,大約30-38蚊一款…Read More

一田大減價期間經過,朋友說dinner buffet 不錯,但未食過消夜時段,立時book了一星期後試一試,一心想二百多有生蠔食,不錯哦!那天去到後見生蠔多人排隊便先試其他,因為本身對渺品十分鍾情,先試了蟹肉濃湯好咸,真的好咸,我喝完後喝了一大杯水,朋友喝了2口已經不行了好可愛地有迷你邊爐打,會有點手忙,因為要注意水滾未,牛肉好了沒但右要吃別的不是火鍋的最後我們是要了小小牛肉,菜+菇類,沒有什麼特別湯底有冬蔭公和清湯,以上的是清湯好了,到了最愛的生蠔了可惜,是已開好冷藏之後沖水給你的...但等的時間跟的即開差不多不知是否我們那晚問題,反正就是不太新鮮有點苦苦的感覺,3個人都是那了一次就沒有了反而熱盤食物不錯,味道不俗呢咖哩,羊架,牛肋肉等都好味,款式約有10款還有試了蛇羹,都是好咸總結: 湯羹類都好咸甜品方面,因為消夜關係不敢吃太多每款那了一件3人分食,雖然樣子平凡但好食,雪糕有H 品牌及PPG 2款最特別的算是自制窩夫,不錯的說所以作消夜還好,因為食得不多…Read More

打電話book了位,接電話的很好禮貌,心中暗喜準時7:30pm到達發現...e,原來唔book位都可以,因為全晚都沒有full既情況出現坐下後,女孩發揮點菜既精神,不用5分鐘已經決定了,點了:生牛肉湯河+小食併盤(這是一人set) $128 特飲加$9 要了咸檸7因為生牛河單點要$83 好像叫set 抵一點牛肉有4片,是好吃的,湯底也很好,只是單點的話有點貴小食併盤則是很一般了,特別是那個鮮蝦粉卷,入面的那個蝦很咸很咸整個併盤最好吃的是那2塊蝦片.....哈哈忘了是什麼什麼雞扒煎蛋飯 $6x這個只試了一口雞扒,味道還好,但不是太特別,點這個就是怕男孩們會吃不飽..hehe軟殼蟹柚子沙律 $7x這個好吃,軟殼蟹夠熱而且香脆,沙律主要都是柚子,柚子不酸加上小小酸辣的汁,很開胃咖哩海鮮配法包 $7x這個真的是不抵,入面的海鮮只有2隻青口,2粒蝦(對是粒,不是隻,因為很小),還有一小舊魚,其他的還有幾舊薯仔.我們4個人看著這個煲,要怎分食呢,大家笑說分汁食包吧燒盲鰽 $118這個要等5個字才上檯的,夠熱,但不知為何皮是濕濕地同淋淋地既,燒的不應是乾身&香口點的嗎?好,再說味道,真的只有魚味和一丁點黑椒味,可能吃慣泰國那些有香草塞在魚肚的濃味版本,越南的是不是這樣的?!甜品有芋頭椰汁糯米泥,眉豆椰汁糯米泥,燉蛋,椰汁xxxx 這個是用citibank 信用卡食滿100就送一個,如此類推(不計加一,茶錢)芋頭泥- 這個我食的,芋頭味好重,整餐最好食的一個眉豆泥- 試了一口,眉豆本身是淡味,故此椰汁味比較出燉蛋- 沒有試朋友說很甜Total: $563服務: 應該只有接電話(相信係門口的那個)有禮貌外,其他的都是無笑容無表情,食物黎錯了跟她們說,她們只一聲不響拿走,結帳時亦不會跟你說幾錢,簽完卡後是搶走那帳單,因為他真的是從手上用力扯走,而不是接過,更不要期望有謝謝之類...希望只是他們今日心情不好吧~說到此2位男性都說未飽,但大家都覺得性價比太低.....我們決定轉戰IKEA 總結,如果在新城市搵唔到位而右想同朋友傾計傾得耐可以選擇這裡^^…Read More

早左3日打電話去book 星期六 8:00 6個.....餐廳果邊覆左一次名,時間 confirm哂點知果日去到......同佢講book左佢叫我等20分鐘,ok...等!!轉頭佢同我講我有friend到左可以入去...我地呆左,因為我地齊人地企左係度點會有人到左呢明顯係比左人啦(我已經係早到左10分鐘)之後叫我地落下面果層,ok無所謂,但係佢係唔會帶你落去既自己落到去再同下面既姐姐講多次book左8:00佢竟然話無我個名(咁點解頭先右話我有friend到左坐低未夠5分鐘就叫我地轉檯話呢張比人地多人d坐..再一次o咀....................食物方面:小食位盤$210但係唔知點解唔係木盤上......樣樣都好食...係酸青瓜粒真係太酸,朋友們一人一粒後就無再食過三文魚凱旋門沙律$over 100好味!!!不過都幾貴ar佢德國豬手$17x肉既位置好食...唔um不過個皮就好硬,硬到有d咬得辛苦,唔脆炸魚薯條$120魚好滑好熱辣辣,薯條有d似薯角,但係就無咁濃味,淡d仲叫左一個忌廉煙肉意粉$120呢個堅唔底,6個人真係一人一啖無左個味就係平時卡邦尼既味,無咩特別所以連相都無影啤酒試了2款...哈,是一樣味的!!跟平時啤酒沒太大分別環境比較靜,適合傾下計食下野但係木桶位比較焗,坐坐下我地係會覺得熱!!佢既服務真係扣哂分!!…Read More

紅日再加團購=book左檯都要排隊野食方面冷盤:長腳蟹-正!!不停出,新鮮仲有淡淡海水味蜆-細仔,無咩味青口-都算大仔同新鮮藍青口-比普通青口鮮甜凍蝦-正常水準沙律-配料選擇都算多,醬料都有成6,7種,試左芥末蜜糖,不錯魚生-有三文魚,吞拿,劍魚.....正常!!可惜唔係腩位反而熱盤既吸引力就真係麻麻試左黑松露水蟹粥-有黑松露味,粥底都夠棉,值得一試黑菌青豆忌廉湯-都係有黑菌味不過唔係十分特別bbq燒大蝦-爽,彈,好食黑菌白汁大蝦-送的一位一隻,個汁咸左小小,蝦同燒大蝦既一樣黑菌燒賣-普通燒賣加2點黑菌,普通過普通其他好多都係炒菜,菇,or肉食加d黑松露作賣點...所以無試連咕嚕雞球都有意大利飯太多人排隊,所以無機會一試甜品好多款因為熱盤一般好快就跳左去甜品好多款都好好食焦糖燉蛋朱古力mo思香橙芝士蛋糕綠茶紅豆卷麵包布甸都好正雪糕有牛x公司同h品牌(有雲呢拿,古力&曲奇)pancake同窩夫都好多人右係無食到生果有哈蜜瓜,西瓜同新鮮菠蘿奶茶,檸茶任飲服務反而幾好....收碟都算快仲次次都會講thank you ,唔該哂之類加水都算密不過如果用正價價錢就會覺得有點貴如果本身對生冷野麻麻既應該會好蝕同失望!!…Read More

提早三天訂位都book唔到7:00真係好full但staff好有禮貌提出9:00有位需唔需要book定最後都book 左9:00由於早到左而右要求露台位,所以都等了3,4分鐘等位area係有梳化ka環境好優雅,露台位置仲有吊扇裝飾不過真係無人問你要咩湯底要自己叫佢由於我係團購關係所以唔洗加錢就有埋黑豚同汽水任飲任食有個女staff好好笑容好好禮貌咁問你加唔加菜加唔加丸因為露台位手推車係出唔到去所以佢夾完返黎就一一講係咩丸 nice之後我選擇入鋪頭自己睇因為已經飽左7成肉類一見你無就會問你加唔加..........good味道方面:要了豆腐魚奶湯--都幾淡,入面有豆腐,大蔥,菇牛--無升級,US牛,講真牛味真係好小,不過唔"UN"黑豚豬--呢個反而幾好食,正丸既類別都幾多,其中魚腐最好食菜都新鮮小食方面...當晚我只有小丸子同炸蟹柳不過因為新鮮出夠熱所以都好食可惜當晚只係左一碟黑豚.2碟牛同一藍菜加丸已經飽左如果正價就真係好唔抵La…Read More

是日朋友生日,訂了10點,所以不用等便有位了......全埸滿座,環境的確是有點吵!!走了一圈.......關於蟹的食物不多蟹類:試了一個炸蟹,炸粉不多,味道不錯只是蟹不細肉不多鼓汁三文魚: 夠味,好滑.......生炒骨: 其實是生炒肉,沒有骨的咖喱:有咖哩羊及咖哩豬,可惜只剩下菜&薯仔所以沒試牛肉(熱盤之一): 賣相很一般不吸引,但入口夠腍唔UN,右入味雙菇時菜: 菇好好味,但係當晚的小棠菜就有D苦壽司: 由於見到既時侯只是剩低飯,面的魚生全都不見所以沒試三文魚:都算OK...值得一食!! 出既次數都好多,可惜客人好似好耐無食野咁,一整都係,一盤約3個人便夾完生蠔: 新鮮,但不肥,比較細隻...都係熱搶食物之一,搶到連汁同檸檬都無哂要等凍蝦: 新鮮夠大隻甜品: 除了M字頭雪糕外其他都不太吸引服務: 不錯,會主動加水,我地自備左蛋糕,當送上時還會有講有笑仲唔會怕阻收工叫我地食完蛋糕可以去食生果,好難得!!總括而言: 以這個價錢食到這個水準真的是物有所值可惜環境比較嘈......另外就係好多都要搶,但呢個唔關酒店問題係客人問題.......如果好彩撞到私文客多就真係超值啦!! 計埋一切餅費一人都係$170…Read More