benny0505's Profile

放完新年假，啲小朋友返晒學，可以有啲時間同朋友行下街，今日我地就去咗尖沙咀行商場，之後就去咗佐敦食晚飯，我地揀咗間西餐廳，係恒豐中心後面，好近地鐵站，之後搭地鐵返屋企都方便啲。我地叫咗兩個晚餐，一個香煎鵝肝牛肝菌忌廉扁意粉，同炭燒英國28日熟成特級肉眼扒，仲叫咗個小食，係酸忌廉煙肉薯條。晚餐仲包了餐湯同蒜蓉飽，蒜蓉飽香口，仲好香牛油同蒜蓉味。啲薯條熱辣辣，仲係粗薯條好好味，配埋酸忌廉口味一流。至於個扁意粉，個鵝肝煎到好香，再配埋啲牛肝菌忌廉感覺唔錯。另外，我地揀個熟成牛扒，個肉好軟，唔會有血水，叫五成啱啱好，物有所值。之後再食埋個朱古力芝士蛋糕，蛋糕不會太甜，朱古力同芝士比例剛剛好，食埋甜品，滿美嘅一餐。…Read More

今日同屋企人食生日飯，就揀咗係中環遮打大廈嘅Armani / Aqua，呢度環境舒適，坐得幾舒服。餐廳內有提供日式及西式的餐種，啱晒屋企人唔同嘅口味。以價錢嚟講，係中環區都算係性價比高。…Read More

係灣仔會展的《皇朝會》咖啡廳，朋友大力推介這裡的和牛和紅豆冰，果然真係冇介紹錯，和牛馬來咖哩夠香又夠嫩，紅豆冰完全是傳統兒時風味奶香豆甜，今時今日已經好難搵到。…Read More

返到香港隨即落街食晚飯，突然想食港式鐵板餐，銅鑼灣謝斐道總統戲院對面嘅“龍城冰室”係唔錯嘅選擇，點左一客黑椒牛柳餐，肉身夠嫩黑椒入味，百分百港式豉油西風味，只收$99在老銅真係算唔話得，所以店面細細而長期客人不絕。…Read More

中環威靈頓街行人天橋底新開張型格咖啡店，由臺籍咖啡達人開設，剛巧前TVB新聞主播周嘉儀在店內拍攝雜誌硬照，店員表示不阻礙拍攝照常營業，還安排座位讓我坐下，於是點了一杯Flat White, 水準很好，比得上附近歌賦街我喜歡的NOC，中環核心區又多了一個喝高質咖啡的好去處。其實無意中發現了這家咖啡店是因為今天想去威靈頓街隔壁的澳門車仔麵店“筷子記”，點了一客沙茶撈麵，味道尚可而價格低廉，但實話實說印象又不特別深刻。…Read More

人氣店灣仔皇后大道東胡忠大廈對面的 “Ninetys” 在這裡已經不止一次介紹, 在清爽見秋意的週日早上八點三刻又再來到，見菜單有所更新，就點了一客以前未有的 "Iberico Benedict" ，加一杯signature的fruity flat white.曾居澳洲，潮爆戴眼鏡設計師文青Look的咖啡師親自坐鎮的Flat White一貫出色，咖啡豆和奶香配合恰到好處的淡雅菓味，此店的咖啡實在是領先坊間大部分咖啡店一個層次。Iberico Benedict亦是佳作，西班牙黑毛豬肥瘦適中，經醃制和煎香後特別可口，配以微酸醬料稍稍調和鹹度，是這裡馳名的lobster benedict後另一妙品。有麝自然香，埋單時才9：30, 已經基本全店滿座。…Read More

暑假一到，個個朋友一係話去旅行唔係香港，有D就話要陪小朋友，约咗兩個星期终於约倒飯聚，仲估唔倒今次竟然有十個朋友能出席，好驚喜。因為人多，我地叫咗好多嘢食share，好開心，我最鐘意多D款式，樣樣都食少少。牛油白酒煮鲜蜆意粉，巴馬火腿Pizza，炭燒美國安格斯肉眼扒，比目魚扒，德國腸拼盤，水牛城雞翼…………等等。好多嘢食，正！我最鐘意件巴馬火腿Pizza，很薄很脆，而且好多料你上面，好好味。成個晚上大家邊食邊講，好久無聚，大家實在太多嘢要分享，好愉快嘅一晚。…Read More

銅鑼灣渣甸街邊寧頓街交界的「劉一手火鍋」，源自重慶，麻辣爆燈夠哂過癮，得到蔡瀾和不少藝人的加持，已成城中另一麻辣火鍋熱點。飽餐後轉場到灣仔英皇中心Neway CEO再玩，麻辣效應下，加上今日從上午七點出門口直踩到凌晨一點，我也少有地唱到聲線沙啞。…Read More

「海安咖啡室」應該是干諾道西上碩果僅存的老牌茶記了。舊時大笪地和三角碼頭殘留韻味當然值得保存，然而食物和奶茶質素未臻頂級，圖片所示的香蔥滑蛋碎牛厚多士看來非常吸引，但是蔥香、蛋香和肉香都不足，吃入口感覺蔥的草青味過濃（但不是蔥香啊），奶茶也煲得略嫌苦澀一點。…Read More

光顧多年的長沙灣青山道「新華茶餐廳」吃個早餐。以前都很熟悉新華當年的掌櫃和樓面，過年我會落去派利是，他們可能以為這個客人是街坊，殊不知茶餐廳熟客也會有駕車跨區前來的。老香港的味道，出色的奶茶蛋撻，和他濃郁的人情味和人文情懷，是我青睞新華的原因。青山道從過去到現在依然是「港味」最濃的社區之一，附近孕育了好些香港傳奇如許冠傑黃家駒等的蘇屋邨，杜鵑樓地下的「杜鵑茶餐廳」，與新華堪稱該地區茶記的一時瑜亮。…Read More

返深工作，回來後兜入元朗覓食，知道呢間在大榮華後面泰利街嘅「永順食店」近月得KOL推介成為熱點，昨日又在網上見到有識食朋友來過，今日就一於試佢一試。點咗佢嘅招牌菜之一沙嗲牛肉蟹王麵，特濃沙嗲湯底啱哂鍾意重口味嘅人，蟹王麵麵質比較淋，亦好索到個湯底嘅味，總括來講係一間唔錯嘅平民美食店。元朗係一個人情味濃的地方，永順嘅老闆兼廚師同埋樓面阿姐雖然忙到甩轆，見到食完碗麵飲埋熱飲三十幾度下滿頭大汗嘅我呢個生客，好親切地叫我攞啲餐紙抹汗並寒暄一番，香港已經越來越少遇到有呢種感覺。…Read More

幾位識食好友先到鴨脷洲街市買料，包括三味魚：瓜子、杉斑和大方利，再攞上街市熟食中心「陳新記」加工，最後點埋陳新記馳名夠哂香脆嘅西多士做甜品，大家滿足之餘所費卻是不高，性價比爆燈。…Read More

之前掛住做嘢，好少時間可以同媽咪食飯，襯住母親節，所以就搵媽咪出街食飯。我們兩母子食量唔多，點了一個炭燒美國安格斯肉眼牛扒、白酒燴大蜆，再加兩杯手工啤。好耐冇同媽咪兩個人一齊食飯，兩母子一邊傾計，一邊飲啤酒，不亦樂乎。點左菜唔係好耐，個大蜆就到，蜆肉很新鮮很肥美，而且白酒很香，絕對唔油膩，兩個人食岩岩好。之後到個牛扒，我點了7成熟，上枱已經聞到香噴噴，媽咪話肉質好鬆軟，我就覺得個醬汁為成個牛扒生色不少。…Read More

先前在FB提過已經有好幾年未去葵芳站附近恆景花園嘅人氣小炒名店「金潮小廚」，今晚趁孩子到附近參加南華青年軍訓練之便，拉隊去「金潮」一聚。小店人氣依然鼎盛，菜單上列出廿多三十道撚手鑊氣小炒，我們所點嘅都食得大家胃口大盛，道道小菜都夠鑊氣，火喉十足。價錢維持街坊價經濟實惠，白頭佬老闆亦甚為好傾，呢一餐絕對係開心滿意！…Read More

粉嶺聯和墟的老牌「豉油西」雅士餐廳，始終是價廉物美的兒時老香港風味之選，羅宋湯和酥皮海皇湯一定是賣點，牛扒也不會用過多鬆肉粉而保留不俗的肉香。以本文的第一張照片為證，就說明了「雅士」是我們在上水粉嶺光顧多年非常喜歡的餐廳。…Read More