james1cake's Profile

因為轉左工嘅關係，好耐無喺中環食lunch, 今日難得出中環，當然要去我同女友都好中意食嘅bagels alley 啦。我同女朋友其實真係好鍾意食bagels，試暈晒中環嗰三間最主要嘅Bagels專門店之後，發現都係最愛Bagels Alley。一來佢哋啲包係最多特別口味，二來服務係最親切嘅，三來價錢/份量亦都係三間之中最實惠。另外兩間啲服務質素真係不敢恭維！話雖如此，出發前其實都有啲擔心佢仲喺唔喺度，始終香港租金真係太貴，再加上疫情影響，小店好難做得住，好彩！唔單止無執笠，反而仲擴充左！認真有實力！由於趕住去個朋友屋企，所以今次order takeaway，一共叫咗兩個sandwiches兩杯咖啡，印象中價錢同幾年前差唔多，無乜加價喺依家食個toast 都要一百蚊嘅年代，其實一個手造bagel 7/80蚊真係一啲都唔貴，如果係外賣自取，Americano 只需加$15，簡單係抵到爛！我哋叫咗一個hummus veggie 加牛油果，另一個就牛油果莎莎加三文魚。呢度啲牛油果真係好新鮮，唔會好似出面咁，成舊水一個toast都比啲黑嘅牛油果你！！用心做嘅小店真係值得大家大力支持！…Read More

呢間人龍小店我哋想試咗好耐，不過聽講成日都排長龍，今日咁岩出開銅鑼灣，於是碰吓運氣，睇吓會唔會唔使等位就食到！我哋去到等位時已經係下午3:00 ，等一張枱下一張就到我哋，於是我哋就排隊啦！其實我覺得排隊嗰度都有啲混亂，因為個侍應全程都冇出過嚟望過我哋一眼，所以其實都唔知道佢知唔知道出面有人排緊隊。到可以入座啦，個侍應依然係全程冇望過我哋一眼，或者同我哋講嗰啲乜嘢；正想問佢拎Menu之際，見到枱上面貼咗個QR code係俾我哋自己落單。Anyway 我哋一個叫咗豬扒上海麵，一個叫咗豚肉三寶刀削麵。我覺得個湯底都幾似蕃茄味意粉汁，都幾濃，我覺得配刀削麵都幾襯，但老公話碗上海麵就唔太襯。至於個豬扒，都幾好味，煎到有少少燒燶香味，但肉質好淋唔會好韌。總括來講，我覺得佢哋味道的確係唔錯，不過個侍應態度真係有少少趕客，明白佢可能真係好忙好攰，都唔係要求佢要點樣殷勤，但起碼可以望我地一眼，講一句呢度係自助落單，咁我哋唔使咁迷惘啦。…Read More

喺上環食完個early dinner，唔想咁早散band，食糖水就最好啦！只可惜上環真係冇乜甜品舖，所以係冇乜選擇嘅情況下就揀滿記啦。我哋係一個叫咗蛋白杏仁，一個就帶咗芝麻糊配花生糊，另外再加三粒湯圓。味道尚可，蛋白杏仁唔算好甜，坐得都幾舒服，價錢亦都唔貴，係一個食完飯想再坐低傾偈嘅好選擇！…Read More

Hungry Dino 登陸左中環都有好幾個月，但一路都仲係好難book位（除非book late lunch/ early dinner 時段吧）咁岩有日我哋兩個都可以早收工，於是就book咗6pm，食飯前一晚收到SMS再confirm Booking，仲話淨係會hold 枱hold 5分鐘，搞到我哋兩個都唔敢遲到！由於嗰日係閒日六點，所以連埋我哋得兩枱客。嚟到梗係要食最出名嘅腐皮壽司啦，一件最平$38 ，由於唔知佢份量大唔大，同埋六點食晚餐實在係太早了，我哋唔太餓，所以就咁嗌左五件試吓先，另外再叫多個炸雞，諗住如果唔夠先再嗌壽司或者嗌主菜/甜品。雖然只係得我哋兩枱客。但係出菜都幾慢，可能用心製作掛。賣相的確幾吸引，係會令人想影相打卡嗰隻，但係食落去就。。唔可以話難食，但係我哋覺得唔係太夾，始終腐皮壽司係有啲甜味，上面再加啲咸味嘅餸好似好怪咁。反而個炸雞又幾有驚喜，新鮮即叫即炸，一啲都冇油膩感，值得推薦！但係由於落啲腐皮壽司真係麻麻哋，所以我哋寧願轉場食其他餐廳，急急腳買單就算了。…Read More

喺中環食lunch，最怕就係要等位或者嗌外賣自取但要等好耐，始終打工仔都係得一個鐘頭lunch，如果嗌一個外賣都要等成半個鐘，咁食完之後都完全冇休息時間啦。通常如果我趕時間，或者有其他嘢做想快食一個lunch，就一定會幫襯me.kong ，因為佢出餐真係好快！！今日同同事嗌咗兩個餐share嚟食，一個係叻沙雞扒米粉，一個係青咖喱雞飯。兩個個味道都幾濃郁，聞落已經覺得好香，好惹味，呢個價錢絕對係抵食！最正係出餐晒， 10分鐘內一定拎到，啱晒我呢啲成日趕頭趕命嘅打工仔！…Read More

話說女友由細到大都係美國生活, 係大學畢業之後先回流返港所以佢久唔久就會"思鄉病"發作, 其中一個病徵就係"超級想食bagel"直到幾個月前, 佢某日lunch 時段無啦啦超興奮咁打比我, 話佢公司附近開左間bagel 店, 係佢呢十幾年黎0係香港食過最好味最正宗0既bagel 店我就知 --- 佢個思鄉病終於有救啦是日放假, 一於同女友來呢間佢"朝思慕想"的bagel店潮聖一下鋪頭屬蚊型小店, 得一張只坐到3-4人的bar 台仔, 另外室外都張台仔可以坐2-3人不過可能因為咁, 感覺更加親切, 店員亦可以更照顧到食客的需要 (這正是小店的可愛之處呢!)一行到入鋪頭, 店員已向我女友微笑點頭, 可想而知我女友幫襯得幾密, 店員都認得佢了哈哈哈!!!我呢個牛魔王就order 左佢個pastrami bomb, 店員話係no.1 best seller果然無介紹錯!!!!!超足料!!!!!!!!!入面應該都有成3-4塊pastrami, 仲有creamcheese, 芝士, 火箭菜, 酸瓜, 蕃茄, etc好香黑椒味!!!!!!!真係超超超超好味呀!!!!!!女友就order 左牛油果sandwich, 一樣咁足料店員話佢地每個sandwich 都用上大半個牛油果去做唔怪得d 牛油果好似食極都有咁啦!!!! 超正!!!!!!!就算係食"齋"但感覺都好滿足~~~另外可以加$20 跟埋咖啡 or 茶 or 果汁女友叫左杯rose latte, 我就叫左杯lemongrass tea (唔記得影相添)兩杯都好味!!!!!!!!!! 難怪女友成日都來幫襯啦, 呢間小店真係值得推介呀~~~…Read More

話說好耐之前睇過某雜誌關於芝士茶比拼呢間皇茶得分最高 一直都好想試今日出開去北角, 就特登早兩個站落車去試,証明我地幾有誠意~~ (為食就真..)一望menu, 嘩, 有咁多款揀, 款款都幾特別, 唔係平時連鎖見慣見熟0個d "行貨"我地心大心細揀左差唔多5分鐘, 哈哈哈見到cashier 擺左"芝士美莓"張相, 超吸引, 一於叫佢啦!!!!另外再叫多杯百香果多多, 都係新產品~~嘩~~ 杯"芝士美莓"整出來真係好靚呀仲要有粒士多啤梨0係面架店員教路, 如果想同一時間飲到芝士+茶, 要45度角大啖飲落去!雖然會飲到咀邊都沾到芝士, 冇乜儀態但係大家一定要試下咁飲因為真係好好味!!! 咸咸地的芝士濃味會中和返果茶的甜味成件事好夾~~ 正呀!!!!!! 同某連銷0個D 起司奶蓋真係爭好遠!!!!!另外0個杯百香果多多都ok, 有d 粒粒唔知係咪果核呢, 都幾有咬口, 幾清新!!!!!我地下次要再試埋其他茶先得, 大滿足!!!!!…Read More

是日HAPPY LUNCH, 想食日本野, 第一時間諗起沃川食lunch set 都幾抵架, 同埋都有好多選擇, 熟食有, 魚生飯亦有價錢大約係$78 - 108 不等是日我就叫左個魚生飯, 我同事呢, 就食煎雞扒定食我個魚生飯都幾足料同埋新鮮至於個煎雞扒家食, 我同事都讚口不絕佢話d 皮煎到脆脆地, 好香口佢講到真係好正架, 而我都聞到好香所以下次再來, 一定會試佢0個個set! 同埋最後有甜品, 係雪米滋, my favourite! …Read More

某日經過L Place, 見到佢G/F 開左間新店喎, 原來係PappaRich其實我同女友都幾中意食馬拉菜的~~ 見到menu 流哂口水, 價錢又唔算好貴, 毫不猶疑去試下佢啦!!! 裝修都幾靚ga, 又坐得舒服, 可能係晚市關係, 只係6成full我地叫左炒貴"diu"啦巴東牛肉啦串燒啦咖哩雞脾啦拉茶啦同埋咖央toast~~樣樣0野都好味呀~~ 不過我覺得稍為遜色的係杯拉茶 & 個咖央toast 囉呢兩樣唔會再翻兜, 但其他都好好味, 尤其推介個咖喱雞脾 & 巴東牛肉~~…Read More

月尾, 岩岩出糧, 梗係要同"豪"一下啦想試左呢間龍蝦寶寶好耐的了... 成日搭車都經過但每次望一望個menu 都覺得好貴, 有d 卻步今日就比個藉口自己試下佢啦!!!!!睇佢個傳單, 話外賣自取有9折喎~~ 咁梗係自己拎啦, 反正咁近公司, 行下郁下都好丫預早十分鐘落電話過去order, 之後就斯斯然行落去pick up了叫左個泡飯, 都有隻龍蝦仔0係入面0既....而個湯都有少少龍蝦味, 不過...真係完全唔值呢個價囉…Read More

是晚同朋友聚會兼拜年, 想食d 重口味0既0野於是就揀左呢個韓式燒肉一於新一年, 食餐勁我地8點入座, 當時都已經開始full house 架喇,... 果然韓風魅力沒法擋食物方面, 本人就推介豬皮&豬腩肉, 幾好味架不過牛腸我就唔推介了, 我地食到好似有陣怪味咁  食左一啖就冇再食了最正0既係, 爐邊d 蛋係可以無限任refill, 同埋係免費架我地都fill 左差唔多3, 4轉感覺上好著數! 另外, 值得一提的是, 店內的店員好多都係oppa 韓國人如果好迷戀oppa 的香港d 女仔, 可以去幫襯下, 佢地都幾nice 架我見隔離台的女仔都同佢地傾得好開心咁...哈哈哈…Read More

是日去又一城睇戲, 睇之前梗係要搵食啦...由於又一城商場只係得d 連鎖0野, 所以我地都寧願行遠少少, 去南山村食冇計, 我地對本地小店係有一種講唔出的情義結~~~我order左咖哩牛腩撈公仔面 配奶茶而女友呢, 就order 左芝士牛扒撈面配茶走一個字: 正!!!!!!!!!!!!!!!!!!!咖哩牛腩撈公仔面, 好好食, 牛腩勁入味芝士牛扒撈面, 雖然個芝士汁只係一般, 但牛扒炸得剛好奶茶超級濃滑, 茶走勁好飲又平又好味, 睇黎以後去又一城, 唔洗再頭痕食咩lu!…Read More

話說今日同女朋友去銅鑼灣SOGO 買D 野 (因為有coupon 想用左佢)一路shopping, 女友一路叫肚餓, 仲要係餓到連我都聽到佢個肚打鼓由於夜晚講好左返屋企同家人吃晚飯, 所以諗住求其搵d 0野醫醫佢個肚, 頂一頂住先於是就好random地試左呢間"揚天"了...其實未食之前都冇乜期望架啦, 因為賣相真係唔太吸引好似好油咁... 但唔想再晒時間搵0野食了, 我驚女友暈低唯有就試下佢啦我地每種口味的丸子都order 左少少黎試.. 一食落去係幾彈牙0既不過好似隻隻丸子都一樣味道咁所以應該唔會再試lu~~~…Read More

某日lunch, 同同事食完南記感覺唔太滿足, 於是就提議去食返個雪糕先啦! 其實我之前就食開mira hotel 附近0個間的 (大家應該知道邊間吧..), 之前食完就一試愛上~~帶左d 同事去食, 佢地都話正, 不過就話貴左d (都成50幾蚊一杯)所以今次同事就介紹返我食via tokyo~~我食兩味 (綠茶 x 焙茶) 先係 $35, 的確係平一截喎當然, via tokyo 份量係細好多的不過味道都唔係差呀~~如果平時口痕想止下癮, 我會平平地揀via tokyo如果同女友share 食, 咁就揀另一間吧~~~ …Read More

是日lunch 口淡淡, 可能之前新年有d 食滯左於是就同同事去食碗南記算~~ 一人一碗, 凍凍地我就揀左麻辣小辣湯底而我同事呢, 就揀左新出的蕃茄湯底我個麻辣湯底ok 架,.. 我叫小辣, 對於我來講係岩岩好,少少辣, 但又唔會辣到食唔到, 好惹味, 越食越過癮而我同事的蕃茄湯底, 佢都話唔錯呀, 如果唔想食辣, 又唔想食清湯咁齋呢個湯底絕對係一個好好的選擇呀~~ …Read More