若要人不知's Profile

在上水兩年，已經陸陸續續，俾我試勻呢區小店嘅午餐了直至最近呢兩個月，我先發現原來仲有間一鳴，因門口無圖片介紹，而且用了深木色裝修，實在唔起眼，居然經過好多次都唔為意有呢間日本嘢～有一次中午，經過見到門口有幾枱客響門口曬住太陽等位😮😮響上水，要真係好好食，受歡迎嘅店鋪先需要等位。作為一個為食貓嘅我，當然要立即試下等位嘅原因😎😎食過幾次之後，覺得非常好，應該要寫寫食評了☺️☺️食得出呢度，全部都係用緊新鮮食材，魚生質素高，挑選部位肥美，熟食調味剛好，不論炸雞，豆腐，餃子，叉燒，鰻魚，都配搭得非常出色。我已經與唔同嘅同事，嚟食過幾次了😆😆咁耐以來，只有呢間大家都認同係高質素，佢哋都會主動提出叫我一齊再過嚟食😋😋另帶一提呢度員工好細心，又有禮貌，響廳面係唔會聽到佢哋傾閒偈的，呢種就係香港客人最想得到嘅服務，可以靜靜地享受我嘅美味午餐，令我好似置身於日本食店😎😎…Read More

我聽老爸講，佢最鍾意去呢度食點心同飲湯，就算自己一個都會去食😳😳同打包回家食既然係咁，我就搵日陪佢試下啦！間舖唔大有上下兩層，門口有個模擬牛肉檔，有啲懷舊新裝修可以打卡。食飯時間好爆，聽老爸講有陣仲要等下位添😲講返食物，其實都真係幾好食，點心嚟講，本人覺得好味過酒樓果啲，淨係講碟蝦腸都熱辣辣夠薄皮，員工話係即拉新鮮的，仲有小籠包，燒賣，牛肉球，煎腐皮卷呢幾樣我都覺得好好食。另外原來例湯係無加味精咖，有個四眼靚仔話，一星期每日唔同款，我就飲咗胡椒豬肚湯，碗湯佢哋俾咗好多舊豬肚，但我想飲湯多啲😅😅唔怪之得我老爸咁鍾意呢度。…Read More

好伏，超伏，劣食人生第一次食涼伴青瓜，居然會有廚師用雞粉來為青瓜調味？真係奇遇，到底有幾咁地獄先會調較得出呢種味道？食咗一舊太難食，實在頂唔住，需要立即影相為證，無論如何要為此餐留下食評。第二碟，是無味道的鹽酥雞，只係一份炸雞，點解都可以做唔好？我諗旺角普通小食店都會好過佢。來第三樣前，本著無期望就無失望，我就將標準首先降到最低先。侍應有禮貌地放低碗香蒽花生碎伴麵，個樣是旦算係正路！點知麵太淋，雞好鞋，而最主要就係又用雞粉做底味呀我實在太太太失望了，點可能無一樣食物係好食咖？？肯定無回頭客啊！…Read More

經過兩次觀塘都係食佢，第一次食穩陣d就叫焗魚柳飯，落單後先發覺好多圍枱都叫酸菜魚，好彩我個焗飯都係出色。第二次再嚟當然叫酸菜魚啦～果然真係好好味，酸度剛好，金黃色湯底，魚滑又夠份量，如果下次再嚟觀塘，我都係會入嚟食。…Read More

今日為咗近朋友搭車，所以揀咗近朗屏西鐵站的店舖食晚飯。我喜歡老闆禮貌而熱情招呼，沒有硬推銷感覺。餐牌有非常多選擇，選擇困難症的我們終於下了單，兩個人點了鹵水鵝，小銀魚鵝腸炒西蘭花，仲有碟唔記得名字嘅豆腐。每款餸味道都好好，好夠鑊氣，下次再來會試試其他的菜式。…Read More

下晝經過兩次都係拉咗閘😣可能淨係做晚市。今次夜晚去開旺角，又諗起朋友介紹話好好味嘅拉麵，即管再行多次並並運氣啦~好彩有開，我一位，唔駛點等就入到去坐，舖仔細細乾淨，目測大約得20個坐位左右。揀咗海老慢煮厚切叉燒東京黃麵，另加小食辣味筍，入單前店員禮貌地提醒：厚切叉燒會比較肥，但我就係想試厚切嘛！所以照落單。碗麵嚟到😍😍飲啖湯先，海老湯底好鮮味，唔油，唔咸，塊厚切叉燒唔太肥又香，反而我覺得仲好淋好好味😍~ 隻虾都算大隻又彈牙，辣味筍都好食，隻流心蛋剛剛好，夠入味。平時只會飲凍水嘅我，今日諗住對自己好啲，所以先叫可樂飲下😆😆嚟到先知原來係玻璃樽裝，真開心。總括全部都揀得好啱，好味道，食完又唔會覺得口渴，下次我會再嚟試埋豚骨湯底😋…Read More

落雨天以為會無乜人，放工火速嚟到，見到門口好多人，好彩只係外賣多，唔駛等可以直入。始終都係呢間火鴨絲豬潤腸最好食,嚟開尖沙咀實會想食佢，料多，皮薄，豬潤滑，好抵食。只係好可惜，今次碗雲吞麵個湯底好咸，唔知係咪換咗師傅呢？🤔🤔令我成晚飲咗超多水:(希望下次唔會啦~ 我好鐘意食佢啲雲吞咖。…Read More

剛才收工路過行咗入嚟老街食碗麵，純粹想飽肚暖胃。落完單無耐就嚟咗碗唔熱嘅麵，我同侍應小姐講碗麵唔熱，佢就拎入去廚房窗口仔叫人再加熱。正因為我好肚餓所以我就望住個窗仔，居然俾我見到個侍應伸隻手指入碗麵度探熱.... 天呀！有無搞錯呀？要正常人點食呀？到底佢有無衛生常識咖？響咁嘅疫情，咁嘅經濟環境，已經好少人安心出街食飯了，作為食肆係咪應該更加需要員工注重衛生呢？？我寧願肚餓都即刻俾錢埋單，碗麵我一啖都無食過，睇到已經想反胃，希望顧主可以睇到呢篇文章，如果要知真相請睇返你哋個CCTV，另請教導員工學識衛生及做人要將心比己，。…Read More

通常我都係外賣自取的，水煮魚套餐跟薯粉係必食，有陣時會叫埋手撕雞～我諗可能靚女事頭婆係鍾意健康啲，每次手撕雞都俾好多青瓜絲及味道會較為淡口啲，所以落單時我都會叫佢加鹹少少😆我認我重口味雖然間舖仔響置樂花園內唔起眼位置，不過已經好多返頭客，我朋友唔係住呢區都識得介紹我食呢間水煮魚（佢以為我未食過）果然係有麝自然香👍🏻…Read More

正因為紅橋多食肆，所以如果唔係出類拔萃嘅店舖都唔會有人排隊就係呢間，每次搭車經過門口都勁多人圍，令我心思思今日都專登過嚟試一試餐牌上有好多餸，有點選擇困難，最後叫了豬扒豬頸肉枝竹酸辣米線，見到待應姐姐好忙碌，但依然好禮貌👍🏻等咗一陣就已經送到面前了，酸辣湯底濃淡適中，米線煙韌，好多枝竹，朱頸肉香口好味，如果切粗啲就更加好；香茅朱扒好入味係超好味，第一口試時真係覺得好感動無揀錯～😋而且佢哋環境衞生做得好好，枱面好乾淨，唔會迫又坐得都好舒服。屯門區難得有好味食肆呀～真好！！…Read More

星期六純粹搵間靚靚地方同閨蜜high下tea這裡有打卡必要嘅華麗裝潢，枱與枱之間又有充足距離，所以一開始我們注意力只掛住周圍影影及雞啄唔斷傾下閒計🤣🤣毫無期待底下進食第一件cake，oh~ 好開心覺得真係無嚟錯呢～我由最底層開始食起，每層外觀雖然平平無奇但食落每件居然都有驚喜，我由其欣賞最高果層，面頭有少少焦糖加cream的伯爵蛋糕，真係好好味～ 🤭🤭我問過佢哋因為一定係當天新鮮出品，所以特別鬆軟好味😋😋甜度標準，令我想再食多件，真係好正呀～ 🥰🥰 希望keep住品質，期望有更多款式提供，我最喜歡試新嘢呢～～🤣🤣…Read More

記得以前細路果陣響街邊飲親果D庶汁,都係必先浸過糖水才榨.....真係好甜好難飲人大了有得揀當然唔會主動買啦!!但近日上OPEN RICE見到公利口評咁好今日就來試一次~ 熱庶汁都係一般,試埋人人讚既 "庶 汁 糕" 原來真係勁好味咖~~好清甜~~ 口感好好~~因為佢, 以後我一定會再來!!! …Read More