張新新's Profile

食完好火. 影響心情.. 如果心急/有帶小朋友/ 趕時間/ 心水唔清既人, 真係要諗清楚先好去.. 分享事件一則, 希望如果想開開心心食一餐既人, 考慮清楚先好去, 否則實六點幾七點去到失望成肚火, 掃慶而回. 開咗咁耐, 我都未試過, 只聽說呢間野好HIT, 咁心血來潮, 諗住平日無咁多人, 試下啦. 我六點幾七點去到, 以為唔使等位好順利啦. 無咩客. 開黎落第一張ORDER , 落單其中兩款話無. 算. 問佢有無象柭蚌幾錢, 佢話有, 兩隻$68, 咁OK , 仲好, 兩個人食, 唔使爭. 咁同時你話兩款野無, 我地又落多張單追加野食. 好彩最後無叫好多野食.. 所以今餐食唔飽, 又等得耐.都成七十幾蚊一個人. 嬲飽. D野好慢, 陸陸續續好耐先上一碟..你最好要MARK 低自己點咗D咩. 呢間野做野一D 都唔系統化. 我地見食得七七八八, 依希記得仲有兩個菜好耐都未上, 問佢係咪仲有兩款未上.. 待應應咗你就算.. 過多一個字, 見無回應, 問待應乙, 我仲有野未上, 佢問你咩黎, 我只係記得兩款, 話佢知, 見佢寫返張紙入廚房. 又無回應.. 再過一陣,我問咁即係點, 佢答整緊..我話整成9個字? 佢唔答我.. 又過咗一個字, 我話點呀, 我唔要, 埋單啦.. 佢話整緊,我話我唔要, 埋單. 佢即刻上其中一款, 就係我一坐落就叫既象柭蚌!! 我足足等咗一個鐘頭既象柭蚌.. 仲要黎3隻.. 我話又話兩隻??我問o個時係68蚊兩隻架喎.. 我黑哂面, 話唔要呀.. 佢先望下bar 枱既收銀, 跟住先收返. 先至幫我埋單. 後面枱, 遲過我地黎既人可以同時間食完齊單走人.. 只可以話我唔好彩?! 之後埋單, 真係要好好地check 單, 諗清楚自己食咗d咩 叫咗d咩, 佢張紙無黎既野佢都有tick 到. 佢都係人手計, 無record. 我唔知佢tick 咗而佢無黎既野如果你堅持無黎到你會唔會同你槽. 佢好彩無計錯數. 我帶住個小朋友, 小朋友無耐性, 等好耐都未食完唔走得, 當然會令到大家都好火啦.. 當然, 如果你係三五知己, 諗住食野慢慢傾, 咁仲好添, 野食遲遲未到, 擺明坐佢張枱幾個鐘唔怕佢趕你, 仲好!!所以如我第一句所講, 如果心急/有帶小朋友/ 趕時間/ 心水唔清(要追單, 否則只會白等或者白付費用)既人, 真係要諗清楚先好去.. 野食方面, 一般o者, 未去到好好食呀, 個牛肉金菇卷, 唔錯. 其他同一般串燒舖差唔多o者… 食完返到屋企都係要飲好多水.總知, 食呢餐, 我食到好嬲!!!! 還有冷氣機滴水, 要小心揀位.…Read More

打去問下有無位O者, 叫佢FAX個 套餐黎睇睇, 等咗兩日, 影都無再打去, 阿姐話, 好忙. 唔得閒.. CUT 線... 跟住同事落去睇, 同阿姐講想問菜單, BOOK 位.. 阿姐話, 唔得閒, 你 BOOK 位就打電話落黎啦.. 接著我同事!@#$%^&* 佢一輪.. 走人... …Read More

本想平平地食灣景,但o個日又話無搞lunch buffet, 上黎呢度search, 見呢度無咩人講最新既食評, 見有coupon, 都膽粗粗姑且去試下.呢d有coupon 既野, 都係打去問下有無位, 萬一full 咗, 白行一趟就無位啦. 晨早9點打去問, 居然唔full喎. 心諗, 唔通真係嘛嘛? 早到咩都未開始, 望下有咩食, 都ok吸引既. 我不嬲都唔高要求, 總知起碼賣相要吸引先得. 始終$129咋 想點喎. 刺身款唔多, 三文魚唔夠肥美. =.=refill 都幾快. 款式同之前既食評有少少分別既. 佢d 凍螺真係唔錯. 有個別好大隻. 好鮮甜. 不過後期既都偏細.有得自己整窩夫, 見人整完加埋雪糕, 好似好正咁. 不過呢d飽肚野, 我無食帶埋兩歲既仔一齊去. 好彩有荷葉飯, 有蒸魚, 燒三文魚, 草菇. 唔太油, 唔太咸, 啱哂佢. good~~:)因為要睇住阿仔, 所以都無狂食(但都好鬼飽). 老爺奶奶就食得好盡情. 食到食唔落面檔既野食同埋海南雞飯. d甜品有班蘭蛋糕, 日本芝士蛋糕, new york cheese cake, 正到呢.. 仲有..起碼7款甜點. 生果就少款d, 除雪糕外仲有雪米糍, 湯我無飲, 未食哂所有供應既食物. 我一向要求唔高, 所以覺得都唔錯. 咁既價錢都唔算好貴, 可以一試喎. 野飲得咖啡,奶茶.檸茶. 飲其他就另叫, 買一送一影咗幾幅相俾大家參考. 我去o個日人唔太多. 我坐埋一邊, 一家5口食, 好舒服. 我見我走時, 大約都坐到7,8成full.. 12點開始, 有人1點先黎, 但都唔會話遲黎d食物無乜. 都有refill同換款(唔多)…Read More

呢間野, 因為超近, 成日打落去order 外賣自取. 個人喜愛pizza box 既批底多過pizza hut 的. 而且自取半價喎. 抵啦.. 最鍾意叫半分天下, 千島汁底. 傳統批. 個汁酸酸地, 超開胃. 我只叫批. 其他的都無食過lu.. 佢定期出既不同新款都唔錯. o個個烤汁鴨肉定咩肉粒的又係酸酸地, 好夠肉, 好野味架..我係pizza box 既fans~~ hohohoo...平均一個批$70 around…Read More

星期六日去完行山都例必齊齊到呢度趕緊11點前叫份早餐. 主要因為平, 飽肚. 質素同出面茶餐廳無咩分別.通常叫A餐. 一個丁面(唔知點解,最近好重皮,轉咗丁面.但有時係大光面) 配一款餸+腸仔前蛋,麥包 + 熱飲餸係餐肉, 小雞膇, 炸菜肉絲. 腸仔, 蛋, 火腿, 煙肉. $14.5 我會配即磨咖啡. <-成個餐最掂既地方...=.=唔好理,包你飽. 但如果你講求食物質素, 請你唔好黎.. 包你失望, 掉筷子!!全部食物預先煮定, 偏咸, 如果要食午餐.. 千祈唔好貪平食$15 以下的. 因為唔講求食物質素的人黎講都頂佢唔順..…Read More

見呢度話Lunch buffet主題是三文魚自助午餐, 以為有好多唔同整法既三文魚..原來唔係..唉.. 其實皆因個冰島火山. 因為咁,影響咗入口娜威三文魚. 無貨供應.. 又唔怪得佢..呢間野好有交帶,早一日打俾我confirm 人數, 仲話我知無三文魚剌身, 用煙三文魚代替..咁約哂人費事改. 事但啦. 去到無咩客. 兩三成客度, 食物選擇唔多. 不過每樣野既水準都唔錯丫. 而且人唔多, 又唔使出現爭既場面, 個感覺舒服好多. refill都快架. 煙三文魚 其實都唔錯丫. 好好味. 由於我地一行十人, 5個都鍾意飲coffee, 呢度係自助咖啡機, 又可以按expresso .正.. 所有服務生既態度都好友善. 好好禮貌及親切. 如果要食, 就打去book 位, 咁先有85折, walk in 雖然有位, 但無折架. 每人折後$112.1, 雖食物種類唔多, 但都好好味. 所我我都係話5分抵食. 食得舒服嘛,…Read More

今日朋友生日慶祝, 想要食d特別d既菜色, 由於地點方便大家, 響幾款菜色度揀咗食呢間印度,尼泊爾菜勒~其實間餐廰整體黎講係唔錯既, 幾多外國人黎食. 我地一行6人 就發覺原來印度尼泊爾菜都唔係我地6個人杯茶.. 只此一次呢間野都幾正宗咁. 食之前響呢度做資料搜集. 叫咗2個2人餐set. 再叫佢既餐廳招牌菜:燴香草芝士菠菜、鮮奶球... 燴香草芝士菠菜: 即係水牛芝士溝菠菜蓉...我地食唔出有咩味... 一個字..淡鮮奶球: 成本menu 得2個甜品有關鮮奶球, 我地點咗其中一個.. 似凍練奶... 太甜..無人要.. 咁就無咗$30... 浪費$$另外, 跟餐送既甜品都唔好食, 又係好甜. 食到我打冷靜.. 又係無人肯食哂... 佢d 咖喱真係唔濃, 啖口既.見人介紹飲mango Lassi, 我地又飲.. 我覺得似足溶咗既牛奶公司芒果味雪糕仲散叫咗炸蝦, 無咩特別. 因為係香口野. 所以好味 $55 .4隻中蝦..其餘食物都幾得意. ok 既.. 服務.. 可以話無咩服務可言. 全餐廳好似得3個人..主要 一個落單似老闆既印度人.. 一個似中國人但要講英文既後生女上菜.. 跟住無咩特別招呼勒.. 印度人好冷漠咁..…Read More

:)響灣仔行完街, 唔知食咩好, 於是想起附近有間出名既再興, 即刻打聽下響邊, 試下先黎到好快就有位勒, 都估到呢D地方唔坐得耐, 我自己都係半個鐘內起身走人的. 幫襯其間, 門口不停有人排隊買外買, 都未停過, 勁!呢度D待應好風趣喎, 佢又唔怕串親D客喎.. 事原有個阿姐入黎食, 問佢食咩, 飲唔飲例湯. 阿姐話, 例湯唔係送架咩? 待應話, 係! 有專人送上枱俾你, 每碗8元 (定係6元咁上下..我唔記得囉..) 哈哈..佢D叉燒, 係幾好味既, 不過個人認為睇你好唔好彩, 係咪叫到碟半肥瘦.我欣賞佢既叉燒汁係響枱上自己"冧"上飯既, 可多可少, 幾時加都得, 一碟飯$22, 仲係雙拼, 我覺得抵食, (而且在於佢係出名, 咁既價錢, 意料之外) 我平時出街好少去食燒味飯, 呢間係會再幫襯的. 想試下佢既豬手同咖哩添.是次3人食咗3款肥叉雙拼, 包括薰蹄, 燒鵝同油雞, 都好味. …Read More

丫.. 食完後, 無聊, 諗住學人上黎寫下食評, 點知發覺有d point 真係唔使再寫. 同其他人講既一樣, 佢d服務態度差到爆. 由於o個晚唔想煮飯, 所以先四出響西環一帶睇下有咩好試. 才諗起以前響荷蘭街有間野有d套餐, 可以試下, 應該抵食哇..去度, 價錢已經加咗, 一般晚餐$88 2位. 都是但, 即管入去試下. 我諗佢咁既服務態度, 係我呢d未幫親過既人先會入去囉.. 裡面d人, 唔識笑架. 你講錯野, 佢會"質"你囉.. 其實佢d野食都唔係唔好食, d牛根好諗, 不過暧既.. d 素鵝好脆, 菜飯唔夠味. 但分量多. 個例湯唔錯, 有料. (唔係咁識食, 所以未能同其他人一樣, 寫得咁仔細.. 請見諒)upload d 相俾你地參考下啦…Read More

呢度係唔錯既選擇, 響呢頭食糖水, 只係幫襯過附近的森記, 但森記的選擇只有幾個, 其餘的都唔好食. 心情好, 同老公去試附近的新野. 想多個選擇. 就入呢度試下勒. 只係叫咗個熱合桃露配凍燉蛋, 唔錯丫. 幾好食. 呢度的甜品選擇算多, 下次會再黎, 環境舒服光猛, 服務員好招呼. :)…Read More

一行5人, 本想去新星打邊爐, 但個場俾人BOOK 咗,唯有去附近搵食.見入面都有一大推人坐響度, 估佢應該唔錯哇, 咪入去試下啦刺身唔多品種選擇, 唔覺好新鮮,叫三文魚, 甜蝦,帶子同一款魚.. 只係甜蝦好味, 其餘都唔覺新鮮, 落過一次ORDER 後都唔敢再叫最出名既手打烏冬,好似好"UN", 我地叫咗個炒的. UN 到爆. 湯的話, 叫咗豬骨湯底, 似出前一丁的味. 但因為叫咗個餸係肥牛, 個湯變相加咗層油, 你唔會敢食. 所以試咗個味就算. 入去坐低無耐已經落單, 催咗3次, 又落多一張單, 叫兩碗, 最後先黎得一碗. 人地枱散叫, 又即有.. 差!!燒物都OK既, 唯一好味既就係青魚. juicy 唔腥. 炸物的芝士年糕都好食, 但唔食得多, 好流好飽肚. 又叫咗個魚頭一品煲, 催咗3次, 依然影都無. 其後再叫的野食, 都有幾樣漏單, 你唔記得就無. 食軍艦的海膽寿司, 見到你會覺得唔想食, 得一"kan"海膽, 成隻軍艦變得空盪盪. 即係食飯. 軟殼蟹手卷, 份量係元氣既3份1, 唉.... 支裝汽水任飲, 你最好飲飽, 佢就最開心. 我地係8點去食, 唔多人, service ok, ! 百幾蚊食野飲任飲, 但因為我地覺得魚生唔新鮮, 無狂食, 所以覺得唔抵, 散叫, 分分鐘唔使咁貴!印象太差, 唔會有下次. 是次十分後悔!!!!!…Read More

:) 見開咗無耐, 附近想食既店又無開, 咁就入去一試.餐單無咩俾你揀, 面既$18-25, 飯既得3款, $35 再有d小食. 無餐, 野飲係紙包/汔水/果汁only最後叫咗 怡香雞配椰醬飯, 好香椰味. 好特別, 不過份量唔多. 雞係手撕無骨既. 幾好味. 加碗湯.$35... 再黎個$25 鮮蝦上湯麵. d蝦幾爽架喎. d湯話係魚湯. 再加d xo 醬.. 其實唔加都得. overall個味都唔錯. 有新鮮感. 可以一試架... 不過我係覺得個飯份量少咗d. …Read More

食完之後上黎想寫食評, 原來都幾多人講下午茶.. 由$20 至$30, 包熱飲, 到6:30, 都算係咁啦. 叫咗個澳洲牛奶牛x 骨面, 好冧, 幾好食丫.. 配豬骨湯底.另外叫咗個炸豬扒竘"弱"冷面, 都唔錯丫, 有新鮮感, 塊炸豬扒都夠厚, 都有成1 cm, 唔係薄切切既另人失望的係: 1) $8 xo 醬炒蘿蔔糕.. 把鬼.. 唔值$8..細塊..2) 咁大間野, 居然話茶/咖啡賣哂.. 有無搞錯, 仲點做晚市呀.. 無可能發生的嘛~:(…Read More

我又係見無咩人寫. 幫呢間野加d分啦.. 因為佢都確實唔錯架.老細勁nice, 好客. 成日掛住副笑容. 呢度係一家好街坊既生意. 黎親食野既都好似同老細好熟咁. 我初初都係抱著本死無大害咁入去食... 發覺佢d野普通得黎又幾好食喎. 係一個唔知食咩既時候, 就會諗起可以去呢間食我鍾意佢既魚湯飯, 條魚炸過再放豆腐湯, 白飯大碗另上. $36咁上下.. 佢蘿宋湯又係多料, 好味既.. 老細見你諗唔到食咩都會推介你. 通常都無死錯人既.. 聽佢講. 佢又會接受你意見架. …Read More

阿婆年紀老, 仲攞住好多砵仔糕出黎賣, 每個$3.. 味道同一般砵仔糕一樣囉.. 但料唔會少, 紅豆都多架. 仲有魚旦, 有個爐蒸住架, 但我未買過黎食囉.因為响街邊.. 通常5點後响英皇茶餐廳門口馬路邊,, 可能會覺得唔衛生. 但so far 我都無因此而肚痛過.. …Read More