apple4_8's Profile

啟德休閒逛，行到肚餓搵嘢食，室內裝潢比較舒適嘅有呢間The Pantry Club~ 氣氛優雅～ 首先一人一杯milkshake~ 我要朱古力香蕉花生醬奶昔再加churros! Churros真係一定要加，唔加就後悔 😆 呢條西班牙油炸鬼唔單止又熱又鬆脆，佈滿砂糖同肉桂粉，仲有半條係沾滿奶昔同忌廉，甜美嘅香氣交集，加上冰火相容嘅效果，真係好食到難以形容～ 朋友飲Super Oreo～ 雲呢拿奶昔為base, 好似飲緊雪糕咁，可惜冇加churros，要後悔了 😆再嚟兩個主食，帶子手工意粉 同 炸魚薯條～帶子手工意粉一入口就知係handmade, 意粉有麥製嘅質感～ 海膽忌廉汁第一次食，味道幾鮮香，零違和～ 炸魚薯條，啲薯條厚切，鬆化香脆，食到停唔到口😋食到半飽，就要食甜品Banoffee creme brulee pancake～ 梳乎厘班戟震揗揗，混入焦糖糖漿，都唔會太甜～ 食多幾啖都唔怕肥～ 仲有香蕉同士多啤梨伴碟，完全係零罪惡～ …Read More

約朋友飲嘢吹水，尖沙咀近近哋～ 一打開Menu，就見到全港首創分子cocktail～ 即叫～ 加少少🤏🏻💵仲有自選相片打印，創造自己一杯獨有嘅cocktail～ 於是我就想印吓自己支玫瑰花🌹 朋友就揀咗Puzzle，係以空虛為題創作嘅whisky based cocktail~ 之後又嗌咗個小食拼盤，同一份四式什錦芝士薄餅～ 小食拼盤有炸雞翼、薯條、炸魷魚鬚，即叫即炸好脆口～ 我杯首創分子Cocktail 一上枱都未飲得住，侍應就玩過火先～ 佢用火機一點着外層張特製紙，個Flame燒到勁高，轉眼間就即刻見到我杯分子酒～ 厚厚一層猶如奶蓋，但味道係濃厚質感嘅無糖椰啡～ 幾好飲，入口綿滑冰凍～而杯Puzzle就好whisky，同有好多層味道，比較複雜～ 吹水吹得耐，再嗌～ 於是又叫多兩杯cocktails～ 我要咗杯Mulberry sour, 即係clover club concept 嘅gin based cocktail～ 朋友見到另一杯mind，以limitless逆天潛能為靈感，Tequila based～ 朋友話佢有睇呢部電影，覺得個概念幾有趣，所以想飲吓～Mulberry sour上層嘅泡沫係淡淡玫瑰花香，而雞尾酒味道有葡萄嘅清新同花香調，實在好適合作為第一杯嘅pre-drink，或唔太飲得烈酒嘅朋友～ 至於mind, 朋友話上層綿密嘅泡層充滿清新薄荷味～ 簡單好飲～ 埋單嗰陣，侍應話九點後叫cocktails有買二送一優惠， 仲話下次嚟拎住收據再消費滿$500可以再折🫶🏻隔籬枱燒春雞，個火都好誇張～ 但太快影唔徹😂…Read More

相信最近好多人會去行吓海港城🤣🤣🤣 我都唔例外～ 肚餓，都搵到又抵又好食嘅日本百年手打烏冬～ 吉列豬扒鍋燒烏冬 味噌湯 ⭐️⭐️⭐️⭐️窩燒嘅烏冬可以選擇湯底口味，分別有招牌咖哩、傳統味噌、黃金鰹魚清湯～ 既然有百年歷史，梗係試吓傳統味噌口味～ 手打烏冬圓方形，非常彈牙😋 鍋燒特別滾熱，見到特別興奮～吉列豬扒外層鬆脆，包住豬扒唔鬆散，非常正宗～ 厚肉得嚟又夠腍，係返鄉下食到嘅味道👅北海道白樺豚平烏冬 ⭐️⭐️⭐️⭐️平烏冬可以揀冷或熱～ 但熱嘅就只有清湯口味～ 天氣太熱，我就揀咗冷食～ 同鍋燒嘅手打烏冬唔同～ 烏冬形狀如闊條麵，比較扁平～ 冷食都有一小碗鰹魚冷汁，食前沾一沾作調味，令烏冬味道更好～ 白樺豚唔知係咪熟過龍，入口比較嚡，但好有肉味～ 拌菜有天婦羅脆脆同大量蔥，加添咗香氣，味道更有層次👍🏻 另外仲有一塊甜腐皮，好好食黑赤雞翼山都好想食～ 仲要得尖沙咀店限定～ 下次約多啲朋友一齊嚟，食完再話俾大家知！😆 …Read More

呢日嚟到Royal Inn食 lunch~ OpenRice訂位，午市一點前商務套餐仲有八八折🤩👍🏻 呢個係Openrice平台嘅優惠，人人都可以有～ 餐廳環境典雅舒適，好適合同三五知己一齊嚟嘆杯茶，食個lunch傾吓偈～ 前菜 - 青蘋果蟹肉沙律 ⭐️⭐️⭐️蟹肉碎裝飾點綴～ 主食青蘋果同沙律菜，非常新鮮好食👍🏻 清新開胃～ 前菜 - 迷你海鮮拼盤 ⭐️⭐️除咗海鮮份量少之外，海產亦極迷你 😆生蠔好細隻、質感爽口，鹽味重偏鹹，加多啲檸汁平衡返味道～ 而青口簡直係迷你B，連殼都係手指公咁大，舊肉就更加得指甲左右😂😆 超可愛～ 扇貝亦都偏細，同樣得指甲尺寸左右～ 蝦雖然都細隻，但彈牙鮮味😋牛油香煎盲鰽魚柳 ⭐️⭐️⭐️主食份量都好大，一碟有兩份盲糟魚柳，仲有薯蓉托底，加上配菜，Share食剛剛好～ 盲鰽魚皮煎香，煎得乾身唔油膩～ 魚柳肉質厚實，啖啖肉～ 開心果仁脆烤羊架 ⭐️⭐️⭐️雖然羊架鋪滿脆脆開心果碎，但冇乜果仁香味，味道偏鹹，羊架亦帶微羶，但熟度剛剛五成，所以肉質軟嫩Juicy，值得一食～ 餐飲 - 熱咖啡 ⭐️⭐️⭐️咖啡偏甘苦，要加泡泡奶中和苦味，咁先好飲～ …Read More

觀塘開咗勇記海南雞! 嗰時喺紅磡已經好出名,仲時時大排長龍,真係好想去食~ 而家喺觀塘終於有分店, 唔使排隊有得食~ 碟頭飯份量好多,我就揀半飯~ 再細食嘅朋友可以揀少飯~ 任君選擇蔥油雞 ⭐️⭐️⭐️因為蔥油嘅關係,令到飯同雞都偏油膩~ 感覺好肥~ 但整體係好食嘅,雞有雞味,又夠軟滑😋傳統無骨海南雞⭐️⭐️⭐️⭐️海南雞超嫩滑,滿滿雞味,仲要冇骨啖啖肉~ 配油飯反而都冇蔥油雞飯咁油膩~ 飯粒粒分明,加上少少炸蒜片,入口更香~ 食唔停口~ 餐飲可以揀椰子雞湯,或嘢飲~ 不過午市好多人,而湯又限量,想飲嘅朋友就要早啲去啦! 因為我次次都Miss🥹 好彩桂花烏龍茶都好正~ 唔想食飯嘅朋友,仲可以揀喇沙~ …Read More

台蔡滷肉飯喺荷里活廣場新開張呀！！但星期六下午五點前非晚飯時段竟然無人排隊， 但一到準時五點半已經人頭湧湧，大排長龍😃 好彩我五點鐘一見無人， 立即決定衝入去食個靚飯先～ 叫咗個芋泥燒豬軟骨 配 小碗滷肉飯～ 跟餐飲加$15要仙草茉香奶茶～ 其實仲有其他特色口味， 例如黑芝麻奶茶，我都好想飲，下次再飲～ 小碗滷肉飯 ⭐️⭐️⭐️⭐️非常出色～ 滷肉飯入味唔油膩，而且加有酸菜，加有辣椒而微微辣，開胃好食😋芋泥燒豬軟骨⭐️但非常可惜，芋泥燒豬軟骨令我非常失望～ 豬軟骨完全無燒過.. 但睇睇menu, 英文係寫steamed!! 即係蒸！ 蒸到好似白烚，好似食緊湯渣豬軟骨咁 😅 個坺芋泥稀水咁，份量亦唔多，唔覺得係咩芋泥仙草茉香奶茶 ⭐️⭐️無論茶味或奶味，兩者嘅味道偏淡～ 仙草滑嫩，但味道亦輕渺～ 唔知其他餐廳推介口味又係點呢？！ 歡迎食過嘅朋友留言話我知～…Read More

朋友請食好西，嚟咗尖咀K11~ 餐廳選擇好多～ 但呢間How to live well, 就將現代日系營運模式搬咗嚟香港， 睇完傢俬同生活品味精品，就可以喺最入面嘅餐廳攤抖吓，享受美食～ 直接回應咗How to live well呢個招牌，仲比咗一個好好嘅答案，This is the living way~先嚟一份小食，再嗌主菜同甜品～蜂蜜炸雞塊 ⭐️⭐️⭐️⭐️⭐️望落以為麥樂雞，但一入口， 脆感同味道都驚為天人！外層鬆脆不特止，仲加有cornflakes, 令脆度分有層次～ 調味適中，再加上適量嘅蜜糖，甜甜哋，真係好好食～ 令人愛不釋口～ 跟餐可選前菜/餐湯～ 👍🏻 沙律菜新鮮～雙拼Pizza - 日式照燒雞 + 香腸派對餅底烤烘得薄脆～ 揀咗9”細size, 適合一種細胃但貪食嘅女士～ 如果大胃嘅朋友可以揀12”, 越食越滋味～日式照燒雞 ⭐️⭐️⭐️⭐️日式風味爆滿～ 除咗有日式燒汁之外，仲加有蛋黃醬同紫菜，令燒雞更惹味😋～香腸派對 ⭐️⭐️⭐️⭐️有多款腸，包括牛仔香腸、莎樂美腸、豬肉香腸～ 肉食愛好者一定好鍾意～ 蕃茄醬底，茄味同腸好夾～日式咖哩流心芝士豬扒飯 ⭐️⭐️⭐️日式咖哩微辣，怕辣嘅朋友都可以一試～最出奇嘅係豬扒～ 切開有流心芝士！而且豬扒經過特別加工，係將一層層豬肉切成薄片然後疊起，喺最核心位置包有芝士後，外層就沾上粉漿再炸成吉列～ 所以豬扒非常鬆化易入口～ 不過略嫌肉片太薄，肉感不足～ 如果係想食原實實有肉感嘅豬扒，就唔好揀呢款啦～ 食飽飽就要食甜品～ 檸檬撻 ⭐️⭐️⭐️⭐️檸香味爆燈～ 撻底鬆脆～ 甜得嚟帶有檸檬嘅香酸味，令味蕾振奮～ 仲有少量水果陪襯，減少食甜品嘅罪惡感～香蕉船新地 （雲呢拿雪糕+士多啤梨乳酪雪糕） ⭐️⭐️⭐️⭐️香蕉上有一層薄薄嘅焦糖脆脆，配上香濃雲呢拿味凍冰冰雪糕，滿口香甜大滿足～ 再咬一條朱古力脆蛋捲Wow 🤩 士多啤梨乳酪雪糕，酸酸甜甜，越食越想食～ 日式風味嘅香蕉船仲襯有抹茶蕨餅，煙煙韌韌之餘，中和雪糕甜味，味道質感層次倍增～ …Read More

呢度嘅烏冬，只有手打幼烏冬！主要有四款，又或者可以揀全素食 或蛋素食～ 好健康～ 不過法式鴨腿就唔係日日有，數量有限～ 而烏冬仲可以揀熱食或冷食～ 呢日食咗最出名嘅鹽酥雞，配湯烏冬～ 蔥另上～ 鍾意食幾多就自己加～鹽酥雞 ⭐️⭐️⭐️⭐️⭐️當然最精彩嘅都係鹽酥雞啦～ 外層比唐揚雞更薄更酥脆，唔會太鹽鹹～ 肉嫩多汁，可以食到咁高質素都幾驚喜！拌菜有炸檸檬葉～ 雖然油炸，但依然保留淡淡嘅檸檬清香～ 👍🏻手打幼烏冬 ⭐️⭐️⭐️熱辣辣嘅烏冬入口彈牙新鮮煙靭好食～啲蔥一早切定，所以本來嘅辛香味已經散走晒 😆 加上熱湯之後都冇臭青 …Read More

中午嚟食brunch，所以就未有機會睇任何music performance~ 不過木系裝潢，格局寬敞，溫婉舒適～ 除咗a la carte, 中午menu 都有好多meal set, 每個item款式多，可以自由配搭，喺局限中體驗到相對多嘅選擇～ 最後同朋友一人一個meal set 再sharing～ Always on my mind set ⭐️⭐️⭐️⭐️-Soup of the day: 蕃茄湯-Lost Stars all day breakfast with smoked salmon -Chocolate moelleux with vanilla ice cream -Flat whiteAll I need set ⭐️⭐️⭐️⭐️- Soup of the day: 蕃茄湯 - Bacon egg benedict- Coffee affogato - Tiffany's English breakfast teaSoup of the day: 蕃茄湯 ⭐️⭐️⭐️⭐️是日餐湯用新鮮蕃茄blend溶再隔，特別鮮，入口亦滑溜～ Lost Stars all day breakfast with smoked salmon ⭐️⭐️⭐️All day breakfast 組合豐富～ 薯餅焗到外層少少焦脆，內餡滿滿忌廉～ 沙律菜新鮮，仲有青蘋果、蕃薯粒～ 炒蛋好滑～ 但相較之下，同一set喺銅鑼灣嘅Lost Stars烹調得更精細，更好食🤩Bacon egg benedict 煙肉班尼迪蛋英式鬆餅⭐️⭐️⭐️⭐️⭐️煙肉煎得剛剛好，鹹度亦剛剛好～ 質感乾身得嚟軟熟香口，加上蛋味濃郁嘅爆蛋汁benedict egg 🤤🤩🤩🤩 真係爆燈好食～Chocolate moelleux with vanilla ice cream 心太軟配雲呢拿雪糕 ⭐️⭐️⭐️ 心太軟滿滿朱古力，非常甜香，配上雲呢拿雪糕球，冰火交融嘅溫度感慢慢喺口中溶降 😆 正呀Coffee affogato ⭐️⭐️⭐️另一款甜品要咗affogato～ 小的骰，espresso味道中和，無偏酸或焙苦～ 濃縮嘅咖啡配上香甜嘅雲呢拿雪糕，甜度剛剛好～ 非常推介～Flat white ⭐️⭐️⭐️⭐️奶嘅比例比latte少，所以espresso啡味特別香濃。拉花係一個細心，可愛～Tiffany's English breakfast tea ⭐️⭐️⭐️⭐️入口順滑，茶味甘香～ 飲完侍應仲會幫忙加熱水，飲完一杯又一杯，依然好飲～ 店舖位置比較隱蔽，好彩商場指示非常清晰，一上電梯到達2樓，轉個彎行入右邊一條寬巷就到，非常方便～ 呢間除咗有得飲酒食飯之外，仲定期有live band music表演, 鍾意音樂嘅朋友記得留意 🤗…Read More

泰式椰子雞湯 ⭐️⭐️⭐️⭐️同中式椰子雞湯嘅味道完全唔同，泰式加有香料同羅望子，令湯帶有醒神嘅酸味，入口唔肥膩，反而好開胃～ 天氣寒冷，飲一啖，醒胃暖心～馬拉盞炒通菜 ⭐️⭐️⭐️⭐️正常嘅馬拉盞炒通菜，夠鑊氣，份量多，唔會勁辣，好滿意～泰式小食拼盤 ⭐️⭐️⭐️（免治豬肉串、泰式魚餅、雞棗、清邁腸、蝦片、燒菠蘿）四個人，但每款得三件，好難分😅 樣樣都好食，香口惹味～ 除咗泰式魚餅超級超級辣之外😂 只適合愛辣嘅朋友～北海道帶子良惹牛油貓耳粉 ⭐️⭐️⭐️北海道帶子大大粒，外層煎香，內裏軟嫰～ 貓耳粉掛滿娘惹牛油汁，味道濃郁，好重千島醬嘅香味～ 不過一定要多人分享，唔係會越食越膩…是拉差辣椒虎蝦海鮮意大利飯 ⭐️⭐️⭐️虎蝦兩大隻，但就唔覺有其他嘅海鮮～ 意大利飯燉得偏腍，適合嗰啲唔鍾意食硬心飯嘅人，但就一定唔係標準嘅意大利飯～ 燉飯佈滿獨製是啦差忌廉，第一啖係會好香口，但同樣地好快會膩～ 好彩有幾粒蕃茄仔配襯，refresh一下～ 最神奇嘅係，水吧出嘅飲品，全部都錯😂芒果沙冰 變 椰子沙冰一放上枱，以為咁勁，有芒果白色～ 點知一飲，先發現原來係椰子啊😂朋友話既然飲咗，咁就算數啦～ 免得麻煩，怕被加料～ 而椰子沙冰都好清新～ 好飲～青檸可樂 變 青檸雪碧一放上枱，見到係透明，就覺得唔妥，以為自己撳錯～ 但係再睇清楚落單記錄，明明就係揀咗青檸可樂，於是即刻問侍應換返啱～ 😂 其實水吧師兄係咪已經飲咗好多杯Cocktail試味，醉咗？！？？😂😂😂 Asok Thai Garden都有提供好多唔同款式又有特色嘅Cocktails~ 大家有興趣都不妨嚟飲吓～ 睇吓佢會唔會又出錯Cocktails 🫢😂 如果錯咗嘅話，話唔定可以要求送多你幾杯呀… 😂😂😂尖沙咀店，逢星期一、三、五晚都有猛男之夜😂 而星期日就冇啦～ 我都係同朋友傾偈食飯啫～ 大家有興趣嘅話，可以嚟觀摩吓呀😂…Read More

兩款四人套餐，一款$888，另一款$1088～ 我哋全部都要～$888 套餐瑪卡鮑魚竹絲雞盅（4盅）⭐️⭐️⭐️⭐️鮑魚都有湯羹咁大隻，一啲都唔細～ 每一盅裏面都真材實料，可以搵到烏絲雞杞子等各樣湯料，而且湯盅滾熱辣，係好好飲嘅老火湯👍🏻清蒸海上鮮⭐️⭐️⭐️鮮魚稱得上新鮮，魚肉滑得嚟算厚實～ 沾上蔥加豉油更加鮮～西芹花枝蝦球⭐️⭐️⭐️西芹細嫰，完全無渣，清新爽脆～ 花枝薄切有鑊氣～ 蝦球彈牙，但浸過梳打水，所以味道一般～鮮菠蘿咕嚕肉⭐️⭐️⭐️⭐️咕嚕肉唔肥，係軟腍嘅瘦排，啖啖肉掛晒汁都幾好食～擺盤特別，一睇就知菠蘿係新鮮菠蘿啦～海皇炒飯⭐️⭐️⭐️⭐️一上桌，炒飯香氣撲鼻湧出嚟～ 明明已經食到好飽，點都想食兩羹😂 炒飯粒粒分明，真係好香好食～ $1088套餐瑪卡鮑魚竹絲雞盅（4盅）⭐️⭐️⭐️⭐️同$888套餐嘅一樣，剛剛好夠八人分～瑤柱蛋白炒飯⭐️⭐️⭐️同海皇炒飯一樣，超有鑊氣～ 乾瑤柱絲香味完全融入飯粒 😋窩燒鮑魚⭐️⭐️⭐️⭐️鮑魚大個湯羹少少，炆得蠔油超級入味軟滑，唔知等咗幾耐呢？菜底生菜，新鮮而且走過油，特別好食😋大班兩味-西蘭花炒球⭐️⭐️⭐️⭐️本來係食西芹嘅，但因為西芹菜式太多，所以廚房將西芹改成西蘭花，真係好識做生意～ 斑腩球大大嚿，又鮮又嫩，唔好食就奇～ 大班兩味-金銀蒜蒸頭腩⭐️⭐️⭐️金銀蒜蒸頭腩好大碟，食肉啜骨，魚肉好嫩滑～ 鍾意食魚，或者食魚好叻嘅人一定好鍾意～ 金巢海中寶⭐️⭐️⭐️味道同西芹花枝蝦球有啲似，所以冇乜特別～ 不過多咗腰果，所以勝在材料豐富，份量都多～ 燒汁薯仔牛柳粒⭐️⭐️⭐️⭐️係我全餐最期待嘅一碟菜式，鑊氣夠，香口惹味，絕對冇令我失望～薯仔經過油泡，特別香口！牛柳粒都超級入味，而且軟熟無渣～ 正呀👍🏻半隻鹽焗雞⭐️⭐️雞有雞味，肉質白滑軟腍，有少少黃油～ 體型都唔細，抵食👍🏻 但唔講唔知，以為係白切雞～ 感受唔到有鹽焗過😅食個全餐食到飽飽，但仲想繼續坐，繼續吹水啤一啤，追加多個椒鹽魷魚（花枝片）～椒鹽魷魚（花枝片）⭐️⭐️⭐️⭐️⭐️即叫即製，冇等好耐，仲好食到飛起🤩花枝片幼滑，炸皮薄得嚟酥脆，椒鹽鹹度適中～ 配住啤酒邊飲邊食，哇😇…Read More

九龍灣工業區有間隱世用心經營嘅餃子店～ 餃子皮薄餡靚，煎又好食，湯又好食，可以評定為餃子界嘅真正極品，稱得上平民餃子界嘅最高天花板～！白菜豬肉湯餃 ⭐️⭐️⭐️⭐️湯底竟然係老火紅蘿蔔豬𦟌湯～ 味道濃郁，零味精，好飲不得了～ 白菜豬肉新鮮，調味清淡，食到原汁原味😋 係屋企精心炮製嘅味道啊～ 酷愛味精嘅朋友，一定會覺得好普通，所以千祈唔好嚟食～煎餃雙拼 （自選雙口味）餃子外皮甘香可口，皮薄程度少於0.1 mm ，真係紙咁薄，誇張～ 奇妙之處係煎得唔油膩，餡料豐滿脹卜卜，令餃子更加好食～ 傳統口味嘅餃子好食有保證，全部都係食材新鮮嘅味道，無需多介紹～ 所以我食咗兩款新色口味～紫菜香菇豬肉煎餃 ⭐️⭐️⭐️⭐️紫菜味香濃，混和香菇清淡香氣，加上啖啖肉，外皮香脆，非一般傳統口味～ 鍾意試新嘢嘅朋友，值得嚟～芝士粟米豬肉煎餃 ⭐️⭐️⭐️⭐️每件餃子嘅底部都有一小塊半溶化嘅即食芝士，同新鮮粟米原粒配搭超夾，係另一款新派值得食嘅餃子～食餃子唔夠喉，仲有幾款小食可以嗌～ 例如麻辣皮蛋，白烚時菜、蒜香雞翼等～ 正呀👍🏻…Read More

肚餓搵嘢食，好彩唔駛行勻港九新界，喺尖咀搵到間港久新街新派大排檔～ 環境繽紛又寬敞舒適，好適合大夥人開大派，免費切餅開瓶，最緊要係唔限時～ 午市套餐有昆布豆腐麵豉湯、凍/熱餐飲、一碗丼飯～ 價格都係$62！不過最重要都係要好食～蒲燒鰻魚丼套餐 ⭐️⭐️⭐️⭐️⭐️蒲燒鰻魚又長又厚身，而且燒得肉嫩鮮味，絕對值得一食～ 飯底係中身長米，粒粒分明，加咗蒲燒汁、豉油、七味粉、飯素、蛋絲，撈埋撈埋，淨係齋食飯都超香口～ 竟然咁抵嘅價錢可以食到咁有質素嘅大排檔蒲燒鰻魚飯，不得了～ 昆布豆腐麵豉湯⭐️⭐️⭐️第一次見，麵豉湯竟然爆滿豆腐～ 豆腐係布包豆腐，質感比較厚實～ 貫徹大排檔要抵食夾大件嘅主張，包食飽飽～凍檸茶⭐️⭐️⭐️⭐️茶底清香，甜度適中～ 沖得好飲，無揸流攤㗎喎～…Read More

葫蘆館再一次重開啦！ 以前舊舖我從來都冇去過，今次翻新完變就去食吓啦～ 除咗傳統中式糖水，仲有好多創意口味甜品～ 店舖裝潢變懷舊玩味文青風，好舒服乾淨～ 黑白脆脆芝麻湯圓⭐️⭐️⭐️⭐️先嚟食創意甜品，黑白脆脆芝麻湯圓～ 黑係阿華田粉，白係煉奶～ 黑白雙殺，再加粟米脆片，無論味道抑或質感都係雙重體驗～ 煉奶甜得嚟有華田香，軟糯但又有脆脆，非常趣，巧食呀 🤤原味薑汁撞奶⭐️⭐️⭐️⭐️薑汁撞奶唔好以為淨係得原味，仲有好多其他新口味可以配搭，例如抹茶、伯爵茶、椰子、黑糖等～ 真係好有創意～ 鍾意試新嘢嘅朋友，可以嚟食吓～ 我就食返傳統嘅～ 薑汁味香而不辛，好易入口又暖胃～ 撞奶唔黏稠，係輕盈嫩滑，滑捋捋，食飽飯再食都唔驚過飽～ 好適合細胃嘅女士，飯後甜品都滋陰養顏補蛋白～ 零罪惡感～…Read More

食嘢食得招積，食牛陣都食得挑剔～ 所以去咗銅鑼灣呢間暫時全港最最最雅緻嘅牛陣度食lunch！😆日式簡約環境非常寬敞舒適，氣氛悠閒😌因為食量唔大，所以冇食放題～ 只係食咗午市涮涮鍋套餐～ 絕對係性價比高，質量同份量都非常好👍🏻兩份套餐都有前菜同甜品～ 日日款式唔同～ 侍應都為我哋細心介紹每款前菜，同推介涮涮鍋嘅湯底特色～ 精緻是日前菜 ⭐️⭐️⭐️⭐️北寄貝沙律、鯖魚昆布、鮟鱇魚肝醬油豆腐三款前菜都係冷盤，擺盤精緻，入口清新～ 濃厚溜醬油壽喜燒湯涮涮鍋 (關東風壽喜燒） - 鹿兒島黑毛和牛 ⭐️⭐️⭐️⭐️⭐️套餐亦跟配一隻無菌蘭王蛋，食得開心之餘亦食得安心～ 講返最重要嘅鹿兒島黑毛和牛，真係非常新鮮鮮味～ 牛脂雪花分布均勻，色澤紅潤，喺壽喜燒鍋度涮一涮，再沾滿蘭王蛋汁，溫熱口感加上蛋香與肉香交融，肉質綿軟，真係好食到不得了～ ’極‘黃金鰹魚湯 涮涮鍋 - 日本國產牛 & 北海道夢の大地豚 跟 野菜盛合 ⭐️⭐️⭐️⭐️⭐️其實揀完壽喜燒湯底之後就諗來諗去，唔知揀咩好，於是問侍應最推介邊一款湯～ 佢推介我哋揀’極‘黃金鰹魚湯，湯底清澈甘香，可以保留食材原有鮮味～ 果然湯底如實，金黃清香，可以食到各款野菜原有嘅味道，特別係粟米，好清甜～ 國產牛同大地豚亦食得出肉嘅鮮味，而且唔肥膩～ 又可以沾沾香蒜醬油、香蔥醬油，或麻醬，不同滋味互替，係味蕾嘅享受～ 配飯或烏冬都咁Ichiban~ 是日甜品：焙茶雪糕食飽飽之後梗係唔少得甜品～ 是日甜品係焙茶雪糕～ 焙茶味香濃程度誇張，似飲緊一杯壓縮焙茶，而奶味亦非常濃郁～ 正～餐飲：荔枝紅茶、青檸梳打荔枝紅茶同青檸梳打都唔會太甜，冰涼清新…Read More