周六同朋友經過灣仔 見到灣仔居然開左喜來稀肉 正當仲係度煩惱緊晚餐食咩既時候我地都二話不說 決定入去試下 大約晚上7點幾左右 因為之前去過旺角分店都要排隊所以我地擔心會唔會要排好耐 但上到去發現 居然唔洗排隊 可能係新開既關係? 呢度比其他分店都大 環境好寬落 又唔會太嘈 坐得幾舒服 可惜我唔記得左影相:(未點菜之前店員已經上小菜同埋幫我地係爐邊加蛋 一邊係有泡菜 另一邊係淨蛋 其實我都幾鐘意食呢個蛋 本來諗住食曬再加一次 但係已經好飽 所以冇加到>< 加蛋係免費架 好似蝕左添 哈哈我同朋友兩個人叫左3個肉 1個炒年糕 一個魚子石鍋拌飯下面呢個就係喜來烤肉 放落個爐度烤一烤已經好多肉出曬黎 搞到我流曬口水然後有個店員驚我地烤太耐會乾曬走過黎幫我地手烤 之後了解下先知道原來個個係店長XDD經店長之手烤一烤 果然係唔同D 烤到岩岩好 味道都夠曬 好多汁 呢個真係要比滿分然後呢個係豬頸肉 個人覺得冇話特別好食 但係唔難食 普通水準 下面呢個係五花肉 呢個正就正在佢切得貴 唔係好薄一片 食落口都有口感D 唔會唔知自己食緊乜XDD炒年糕 可能我食開超辣個D 覺得呢度唔夠辣 但係我朋友話岩岩好 幾好食 然後呢個魚籽石鍋拌飯 我覺得呢個味道一般 淨係食到泡菜味? 不過加埋呢個飯 真係飽上加飽 已經食唔到任何野了... 呢度個杯好得意 有埋ML印係上面比你地睇飲左幾多 哈哈 整體黎講都算滿意 食得舒服 服務又唔差 食物質素都叫做中上 可以值得一試! 如果平時去灣仔多既朋友可以多一個選擇!…Read More
女仔黎講 真係食一個都夠飽 
整體黎講都唔錯
