齋菜鵝臂罅's Profile

一心去食刀削麵，點知侍應話已經冇供應，唯有食擔擔麵，$30一碗味道唔錯，好有花生味。之後叫左個獅子頭，$60一碟，幾大碟，味道尚可。小籠包同炒飯價錢唔貴，約$30-40。不過炒飯碟頭較細。味道尚可。單看餐牌真係冇乜選擇，因為其他送菜幾貴，起碼$60-120一碟，我他焗住揀D平價食物(查實都唔平)。…Read More

去過三次，上次去一坐低時發覺檯面黐立立，點知噚日去又係咁(唔知佢地唔抹檯還是塊布唔乾淨)。今次叫左三文魚、帶子、北寄貝壽司，幾新鮮。尤其三文魚好平$9一份。叫多兩份都唔覺貴。另外叫左蟹子沙律，噢！太太太多沙律醬了，多到同菜絲差不多份量，too bad >_<仲有叫左個吉列豬扒飯及鰻魚炒飯，兩個都好鹹，真係麻麻。…Read More

新蒲崗出名多茶餐廳，前晚一個人求其搵就入左呢間，嘗試叫左個小菜"滑蛋蝦仁"連白飯例湯，上菜時見碟滑蛋蝦仁好大碟，蝦仁好大隻(其他餐廳未見過咁大)。食落D蛋好滑，蝦仁雖然係雪藏蝦(出面D食肆都係雪藏)，但好彈牙，冇雪藏味。又夠鑊氣。碗飯都幾大碗，例湯一般般，全部都熱騰騰。而舖內四維都有電視，環境ok，食完都好飽返出黎。…Read More

9個字，等等等等等等等等等足足等左9個字，餓到我同朋友都肚仔打鼓，就當慶祝國慶吧。入到去只有Bar檯坐，檯面較細，座位冇得"埃"都冇所謂啦。但見menu就覺得非常少野楝，飯麵都係得三四樣楝，我地就叫左帶子飯加吞拿魚腩卷等等。帶子幾爽，其他一般般。但碟碟都好細，我就剛剛好，如果男人要食飽睇怕每人要過百，我諗我都冇乜機會再來。…Read More