saruka's Profile

前排經過九龍塘，但唔想下下都去又一城覓食，見到呢間好近浸大嘅西餐廳---🌟Bistro NTT by Attic🌟好特別，所以專登過去食晚餐，餐廳坐位寬敞，坐得舒適，每張枱之間唔會好逼夾，服務態度亦好好✨️._.🍄| 松露雜菌忌廉湯 |🍄用新鮮磨菇打成，啖啖都有濃郁嘅磨菇粒口感，淨係餐湯都非常有誠意.🥟| 帶子膠墨魚汁皮雲吞 · 龍蝦汁 |🥟頭盤呢個配撘好有心思，意大利雲吞數量三粒適合餐前小食，黑色嘅雲吞皮仲係用墨魚汁整成，餡料係好鮮味嘅帶子膠，仲配上濃濃嘅龍蝦湯，好食！·🦀| 馬里蘭蟹餅 |🦀蟹餅真係用蟹碎肉整成，煎成餅狀，跟配咗鹹香濃味嘅蟹肉醬點，醬汁辣辣地，非常之惹味！.🐟| 西西里紙包魚 |🐟呢個好有西西里風味，用紙連同唔同酸味度調味料（檸檬片，車厘茄粒，香草）包住一整條魚黎煮，令到魚肉入味，而且酸酸鹹鹹好開胃。·🍝| 鴨白湯手打扁意粉 |🍝好特別嘅鴨白湯底，濃郁嘅鴨白湯非常掛汁，加咗啲鹹香葱花比較貼近中式味道，配上手打扁意粉煙煙韌韌增加口感。·🍮| 伯爵茶奶凍 |🍮奶凍口感幼滑，每一啖都伴隨住香濃嘅伯爵茶味道，作為飯後甜品都唔覺膩。·🥭| 芒果乳酸沙冰 |🥭香濃嘅芒果，配埋乳酸，甜甜地，一啲都唔會過酸。·🍍| 鳳梨熱情果沙冰 |🍍菠蘿同熱情果兩隻水果味道都好夾，酸酸甜甜好解渴。._.…Read More

早咗食晚餐夜晚會好快肚餓，所以係圍方順便去咗---🌟Jollibean 石磨樂豆 🌟外賣返啲甜品返屋企食，順便買埋俾屋企人食。 呢間Jollibean 石磨樂豆係香港有幾間分店，來自新加坡30年老字號，香港廠房，每日石磨鮮製，嚴選非基因改造A級加拿大黃豆。仲係本地自設5000呎廠房🤩購入台灣全自動化磨豆機, 無塵處理, 確保衛生。✨️依家仲設有會員app，會員獨家優惠，預訂自取功能，以後落單就方便得多。👍🏻 見佢最近出咗外脆內軟既面煎糕，下次要點黎食，一串食勁方便，掃街之選，今次點咗佢哋新品推介：清爽鮮甜嘅香芒系列同懷舊傳統糖水嘅紫米露系列😍._.🖤 | 香芒仙草凍 | 🖤夏天感覺最啱食香芒系列嘅甜品，粒粒香甜芒果肉口感，再配埋大大粒仙草果凍，仙草果凍可以中香酸酸甜甜嘅芒果肉。.🥭 | 香芒小宇宙(芒果, 小丸子, 西米露) | 🥭滿滿都係香濃嘅芒果肉，仲配埋小丸子同西米露口感，鐘意食芒果甜品嘅人絕對唔可以錯過。.💜 | 紫米西米露 | 💜傳統嘅紫米西米露甜品，呢個嘅紫米露勁多，勁濃郁，配埋爽口嘅西米粒，好食。.🍮 | 樽裝布甸珍珠豆乳茶-500ml | 🍮飲得嘅甜品，滿滿嘅珍珠粒，香濃嘅豆乳味，唔會太甜。.🥛 | 微甜濃豆乳-500-ml | 🥛濃郁嘅豆乳，非常香濃，最鐘意佢係微甜，飲完都無罪惡感，好健康。._.…Read More

去完台灣返黎，仲係好掛住台式味道同飲品，最近經過旺角，係旺角Moko搵到呢間主食台式味道嘅---🌟段純貞X日出茶太🌟可以同時滿足台式菜式，又可以飲到台式飲品💓._.🥬| 蒜醬青菜 |🥬見餐牌有菜選擇，叫返碟菜健康下先，可以揀油麥菜或西生菜，我哋揀咗西生菜，一碟啱曬兩人食。.🦆| 滷味鴨舌 |🦆台式味道點少得滷味食物，竟然有鴨舌，我嘅最愛，滷得好夠味道，又唔會太鹹，旁邊仲有啲伴菜增加味道。.🐥| 鹽酥雞 |🐥鹽酥雞炸到外層酥脆，香脆可口，裏面嘅雞肉仲保留到嫩滑嘅口感，作為餐前小食一流👍🏻.🐂| 招牌紅燒腱心牛肉麵 |🐂湯底係濃濃嘅牛肉湯，麵質可以揀粗麵或幼麵，紅燒腱心牛肉係軟腍嘅口感，非常入味。.🐥| 青花椒香手撕雞乾拌麵 |🐥椒麻味重，辣辣地幾過癮，伴隨住手撕雞肉碎咁食，好惹味，鐘意食辣嘅一定唔可以錯過👍🏻.🍊| 百香果香橙沙冰 |🍊百香果同香橙嘅味道好夾，每一啖都有百香果同香橙嘅香味，做成沙冰好解渴✨️·🫘| 宇治金時冰沙 |🫘濃濃嘅抹菜冰沙配埋粒粒甜品嘅紅豆，非常夾，好似食緊甜品咁💚.飲品方面除咗一般台式飲品選擇，八月份Chatime與陳凱琳⾃家朱古力品牌Dulce Vida攜手合作  推出暑期限定「朱古力捏捏杯」-  只限8月1日至31日 ✨️•⁠  「朱古力捏捏杯」的獨特之處在於其設計：選用源自意大利的濃郁黑朱古力脆皮外殼包裹著精選飲品，先輕輕一捏，享受外層酥脆朱古力的觸感趣味，再細嚐濃郁飲品融入朱古力後的雙重美味，具玩味性之餘又能品嚐與眾不同的滋味。 🤩._.…Read More

前排去完會展，同朋友去咗港島區覓食，去咗呢間位於鰂魚涌嘅---🌟Ask For Alonzo🌟以食意大利菜式為主，餐廳好有格調，可以坐出面亦可選擇坐裏面，而我哋就揀咗坐室內，坐位舒適，餐廳服務態度好好✨️我哋揀咗二人套餐，選擇都好多下._.🍅| Tomato Bruschetta |🍅(toasted garlic bread)前菜揀咗呢個滿滿蕃茄粒餡料嘅蕃茄烤多士，小蕃茄好fresh，酸酸甜甜，好開胃.🐚| Sauteed Clams |🐚(spicy lemon & white wine broth with crunchy focaccia)蜆肉數量多，裏面嘅醬料有檸檬，酸酸地，提升蜆肉嘅鮮味道，仲配埋麵包可以點，味道好夾.🍝| Alonzo's Carbonara |🍝(spaghetti, crispy Roman guanciale, Italian eggs, black peppe)主菜想食一個麵類，點咗卡帮尼，卡帮尼汁濃郁，意粉掛滿汁，仲有鹹香味嘅煙肉粒，令到意粒非常惹味.🐖| Roasted Italian Suckling Pig |🐖(mashed potatoes, black forest mushroom sauce)豬肉賣相幾吸引，厚身，慢煮過嘅豬肉非常腍身，唔會鞋口，醬汁好濃味，仲配埋幼滑嘅薯蓉泥，好夾.🍰| CHEESECAKE |🍰(with strawberry sauce)甜品點咗芝士蛋糕，配有士多啤梨果醬，酸酸甜甜，口感唔會太膩.🍫| ALONZO'S SIGNATURE TIRAMISU |🍫鬆軟嘅外層，好香濃嘅朱古力味，仲有陣陣嘅酒香味，唔會太甜._.…Read More

發覺好耐無去日本，好掛住日本野食，最近經過旺角朗豪坊見到呢間---🌟Suage北海道湯咖哩🌟以食北海道咖哩好吸引，餐廳座位幾有風格，不得不讚店員服務態度好好👍🏻會推介最好食嘅餐廳食物，以QRcode落單非常方便，除咗北海道咖哩，餐廳仲有兩週年新推出嘅港式咖哩，兩種咖哩都各有特式✨️._.🥟 | 炸雞皮餃子 | 🥟呢個小食係店員推介，熱辣辣炸起，外皮炸到好香脆，裏面肉質嫩腍唔乾身，仲跟配埋個酸汁點，好夾👍🏻·🧀 | 北海道薯條配溶岩芝士 | 🧀呢個配撘好吸引，仲要係溶岩芝士，啱曬我呢啲芝士控，薯條炸到好脆，配埋芝士食味道香濃惹味·🐂 | 芝士漢堡扒湯咖喱 | 🐂北海道湯咖哩嘅配撘有好幾款，啱曬唔同人嘅口味，仲有得揀唔同嘅辣度，我哋就揀咗原味（輕微辣），咖哩有唔少蔬菜，浸咗咖哩好惹味，咖哩以湯形式，所以唔會太膩，漢堡扒面頭舖咗芝士，成個味道好夾，仲有得揀飯定拉麵👍🏻·🐥 | 生炸雞脾湯咖喱 | 🐥原隻大大隻生炸雞脾，炸到外皮好香脆，而雞脾肉保留到嫩滑又唔鞋口，非常推介，呢個揀咗配飯食，無論俾飯量定拉麵量都可以揀大份定細份，非常好👍🏻·🐥 | 脆炸雞皮 | 🐥雞皮炸到好香脆，大大塊，咬落去卜卜脆，點咖哩湯底食又得，就咁空口食都好滋味。._.…Read More

前排行過尖沙咀K11 Art Mall，俾我發掘到呢間同傢俬店融為一體嘅食店，係How To Live Well傢俬店嘅盡頭，餐廳環境好大空間，而且座位寬闊，一啲都唔侷促，坐嘅都係有設計嘅傢俱梳化同餐桌，好特別！._.🦀 | 炸蟹肉球拼薯餅配蜜精芥末醬及茄乾醬 | 🦀兩樣都好吸引，蟹肉球炸到外層勁脆，裏面係啖啖嘅蟹肉絲整成嘅餡料，而薯餅細細舊，好香脆，作為小食份量啱啱好。.🐥 | 柚子蜜烤春雞烤薯 | 🐥烤雞即叫即烤，等咗一陣熱辣辣上枱，香濃嘅柚子蜜同烤雞好夾，甜甜地，更開胃，烤雞烤得好出色，外皮焦香，肉質嫩滑，配埋醬汁更惹味。.🦐 | 香辣蕃茄大蝦波浪粉 | 🦐酸酸辣辣好過癮，蕃茄味濃，配波浪粉飽肚又有口感，面頭嘅大蝦剝好殼方便，整體味道好食。✨️.🍨 | Coffee Jelly Affogato | 🍨甜品點咗以咖啡為主，以咖啡淋上雲尼拿雪糕球，旁邊有咖啡味嘅啫喱，雪糕嘅甜品中和咗香濃嘅咖啡苦味。.🍍 | Floating Fantasy | 🍍(Espresso, Pineapple Juice, Calpis Soda, Cream Foam)好特別，菠蘿溝Espresso，咖啡嘅香濃同菠蘿原來好夾，菠蘿嘅酸甜仲可以中和Espresso咖啡嘅苦澀。.☕️ | Golden Heart Tea Latte | ☕️(Caramel Syrup, Rooibos Tea, OalMilk, Cinnamon, Apple Crisp)以燕麥奶為主嘅Latte，好香濃嘅玉桂味，最讚係無咖啡因啱曬夜晚飲，連孕婦都啱飲👍🏻._.…Read More

平時經過觀塘都會習慣去APM覓食，不過今次想有啲新意，所以去咗裕民坊YM²商場覓食，原來都有唔少新餐廳，今次就去咗呢間cafe餐廳---🌟Black Coffee🌟餐廳唔算大，開放式擺位，但好有韓式cafe感覺。._.🦀| 脆炸蟹仔 |🦀小食點咗呢個，即點即炸，蟹仔細細粒，一舊舊方便食，炸到非常脆身，放入口外蟹殼炸到香脆唔會拮到口，然後蟹仔肉有香濃嘅蟹味道。·🐥| 水牛城雞翼配薯條 （六隻）|🐥一碟有六隻，雞翼外皮香脆，肉質嫩滑，而且好入味，作為cafe小食一流·🦞| 龍蝦濃湯意粉配虎蝦配雜菜沙律 |🦞意粉個賣相都有用心擺位，龍蝦濃湯汁佈滿每條意粉，味道非常惹味，配埋剝好殼嘅虎蝦肉好配，鮮味十足。·🍔| 自家製手打雞肉蝦餅漢堡飽配雜菜沙律 |🍔漢堡嘅雞肉蝦餅食得出有啖啖蝦肉，鮮味十足，而且脆炸完嘅外層同蕃茄片塊，好fresh嘅蕃茄味道中和炸完嘅蝦餅，口感唔會膩。·🍫| 髒髒提拉米蘇 |🍫我最愛嘅甜品提拉米蘇，配撘同造法都好出色，無論係旁邊嘅朱古力配料點綴定提拉米蘇 嘅主體，成個味道都好夾，香濃又鬆軟，唔會膩👍🏻·🥃| 熱情果手搖冰茶 |🥃冰凍又解渴，味道香濃又唔會太甜。._.…Read More

夏天想打邊爐，去咗石門嘅呢間---🌟豐鍋雞煲🌟，地理位置非常方便，馬鐵線一出，行幾分鐘就到👍🏻餐廳除咗打邊爐，仲有雞煲，仲可以揀唔同嘅辣度，邊爐嘅湯底款式都有好幾款，有辣有唔辣，而火鍋配料非常多選擇，醬料同白飯自助✨️._.🐥| 滋補螺片花膠雞煲 (半隻) |🐥兩人食半隻份量差不多，湯底嘅料好足，雞件斬件方便食，雞肉新鮮肉質嫩滑，仲有花膠大大塊👍🏻.🥟| 中優狀丸 |🥟(黑松露墨魚丸+蝦丸+墨魚丸+黑墨丸+綾魚丸)一碟可以試齊咁多款丸類，每款兩粒，一人一粒又唔怕食得太飽食唔到其他嘢，份量啱啱好.🦀| 花心蟹粉丸 |🦀一碟有成八粒，蟹粉流心，滿滿嘅餡料，好滿足.🐂| 頂級雪花肥牛 |🐂打邊爐又點少得肥牛，一片片薄砌，舖得幾靚，雪花紋靚，淥幾淥就食得，牛味重.🐖| 豬頸肉片 |🐖一碟分量都唔少，舖排得又係好有心機，碌熟咗之後肉質唔會韌，仲保留到肉味同軟腍度.💛| 自創爆芝響鈴 |💛響鈴對我黎講又係火鍋必點，選擇唔係得一款，好特別，又有紫菜味又有爆芝好吸引，最後揀咗芝士味🧀，好吸引，仲有得揀三件同六件👍🏻._.…Read More

見好耐無食越南野，最近經過油麻地就去咗呢間綠色色調嘅---🌟河內越式料理🌟餐廳員工服務態度好好，餐廳到咗晚飯時間越黎越多人，平日夜晚好彩唔洗等位就坐到👍🏻我哋點咗個二人套餐同埋一個小食💕._./ 2人套餐 /🐥| 香茅雞翼湯檬 |🐥二人套餐其中一個套餐可以揀兩款主食，呢個套餐可以一款指定餸，粉麵可以揀檬粉或湯河，我就揀咗熱食嘅湯檬，會跟配埋青檸同辣椒，湯檬個湯底非常夠味，檬粉份量適中，而且好爽口，香茅雞翼分開碟上，唔會浸到淋身，食落口仲保持到雞翼嘅香脆。.🐖| 豬肉卷撈檬 |🐖撈檬乾身上碗，排得好整齊，倒上酸酸地嘅酸辣湯汁，撈埋一齊，非常適合夏天食，豬肉卷同撈檬非常夾。.🦐| 安南鮮蝦米卷 |🦐蝦米卷係越南菜嘅特色，裏面包住嘅材料豐富，一整隻鮮蝦剝好殼，啖啖都有爽口嘅口感，點埋酸辣汁食，更惹味。.🥬| 田園灼時蔬 |🥬套餐包埋蔬菜，非常健康，而且份量足夠二人食，清淡得黎帶有蒜片粉香味。.☕️| 凍越南滴漏咖啡 |☕️+$10可以揀選越南滴漏咖啡，濃濃嘅咖啡香氣，加咗香甜練奶，中和咖啡嘅苦澀。.🥭| 鮮芒果椰汁西米露 |🥭飲得椰汁西米露，唔會太甜，每一啖都有西米露粒粒嘅口感，非常解渴，仲有香甜嘅鮮芒果果肉粒，好飲👍🏻.🦀| 酥香軟殼蟹（2隻）|🦀一碟有兩隻，砌開半邊上碟，算大隻，炸到外脆，裏面嘅啖啖軟殼蟹肉，脆口到可以成隻一齊食。._.…Read More

見好耐無食馬來西亞野，經過大圍見到呢間主食馬來西亞嘢嘅餐廳---🌟佰古嗲🌟，一於去食個晚飯😋餐廳分上下兩層，枱與枱之間都有空位，唔算逼夾，光線充足✨️._.🧇| 鮮牛油咖央多士 |🧇馬拉野必食就係咖央多士，呢個除咗咖央醬仲有一塊牛油，牛油中和咖央嘅甜味，多士鬆脆，非常惹味!·🤎| 細滲肉骨茶 |🤎細滲份量唔會太大碗，啱曬兩個人食，藥材茶底，上枱時已經聞到香噴噴，好足料，肉類數量都唔少，大大舊，仲有啲豆卜金菇索曬啲肉骨茶湯底，香濃😋.🐥| 芽菜雞配薑黄飯 (轉雞髀) |🐥加＄10轉咗雞髀肉，啖啖都係嫩滑嘅肉，雞件大舊肥美，底層舖滿芽菜，飯有多款唔同顏色味道加配，揀咗薑黃飯，大大碗，二人分量.💛| 黄金醬炸蠔 |💛炸蠔粒粒都炸到金黃色，外層好脆口，裏面係熱辣辣嘅蠔肉，大大粒，點埋黃金醬，有少少辣好惹味!.🐂| 手抓薄餅配仁噹牛肉 |🐂牛肉數量都唔少，配上辣汁，辣得好過癮，仲有薯仔作為配菜，用香薄嘅手抓餅點汁好滋味。.🍢| 馬拉沙嗲串燒 （三串）|🍢串燒有半份同一份選擇，三款唔同嘅肉，分有牛、猪、雞，沙嗲味道非常濃郁，啖啖肉。·☕️| 茶啡滲 （熱）|☕️細細杯，深啡嘅顏色，味道濃郁._.…Read More

經過太子見到呢間好特別裝修，充滿霓虹燈字型佈置嘅酒吧餐廳，吸引到我入去，餐牌上除咗有玩味十足嘅酒，仲有唔少好吸引好有香港特色嘅助酒小食，未食晚餐仲有主食可以選擇，啱曬同朋友一路飲酒一路食晚飯🍻._.💛| 避風塘燒賣 |💛燒賣一碟數量適合兩人食，味道非常惹味鹹香，辣味十足，避風塘口味好有港式味道。.🥟| 日本雞皮餃子 |🥟用雞皮包住嘅餃子好特別，雞皮外脆，包住雞肉餡料，好滋味嘅配撘。.🥔| 明太子醬煙肉薯仔波波 |🥔明太子醬非常惹味，配埋鹹香味嘅煙肉，薯仔波波炸到外脆，薯香味重，一粒粒作為助酒聊天小食。.👅| 意大利黑醋牛脷 |👅牛脷厚砌，唔會太韌，配埋黑醋味道好夾，配菜係沙律菜。.🍝| 明太子蟹籽意粉 |🍝意粉掛滿咗滿滿嘅明太子蟹籽汁，非常creamy，唔洗怕意粉無汁唔夠味道，而且明太子充足亦唔會太鹹。.🍺| Crazy Rabbits |🍺特色嘅黑啤，罐裝包裝特別。.🍓| 是日奶昔(士多啤梨) |🍓今次嘅奶昔係士多啤梨味，味道香濃，唔會太甜。._.…Read More

最近經過大圍，去咗圍方覓食，商場都有唔特色美食餐廳，我哋想食西餐，所以去咗呢間主食西餐同pancake嘅---🌟TERA🌟唔想諗食咩，直接點咗晚市二人餐，有齊前菜、前盤、主食、甜品同飲品✨️._.🍽 / 晚市二人前 / 🍽- 前 菜 -🥗是日沙律：沙律菜新鮮，fresh得黎又開胃。🥣是日餐湯：係磨菇湯配埋忌廉，幼滑又有磨菇碎粒口感。.- 頭 盤 -🐚 | 法式焗螺 · 香草蒜蓉牛油 · 香滑薯蓉 | 🐚頭盤有三款選擇，法式焗螺係熱辣辣即焗即上枱，充滿香濃嘅香草蒜蓉牛油，螺肉夠味，底下仲有薯蓉索曬啲香草蒜蓉牛油，香濃惹味。.- 意 粉 -🦀 | 明太子蟹肉意粉 | 🦀意粉係滿滿嘅濃郁明太子汁，仲夾雜住啲蟹肉碎，蟹肉碎均勻分佈，令每一啖意粉都有蟹肉味道。.- 主 食 -🐖 | 烤幼豬排骨配薯條 | 🐖豬排骨一碟有五條，排骨肉質入味，唔會太油膩，旁邊伴碟嘅薯條亦都炸得香脆夠味。.- 甜 品 -🍋 | 檸檬撻 | 🍋跟餐送嘅甜品係呢款，酸酸甜甜，份量小巧，適合做餐後甜品。.🫐 | 藍莓芝士餅 (+$38) | 🫐另一個甜品加錢選擇咗藍莓芝士餅，面頭有藍莓粒作為點綴，芝士餅凍食唔會太膩。.- 飲 品 -🥭 | 芒果楊枝甘露 | 🥭啖啖都有香濃嘅芒果肉，配埋椰汁，好似飲得嘅甜品嘅，唔會太甜。.🫐 | 葡萄乳酸梳打 | 🫐香濃嘅葡萄味，酸酸甜甜嘅乳酸，清爽又解渴。._.…Read More

最近去完台灣食咗好多小籠包，返到黎香港都好想食，所以去咗---🌟樂天皇朝🌟有好多分店，主打上海菜式，當然有好多唔同口味嘅小籠包選擇，非常吸引😍平日夜晚都幾full下，好好彩唔洗點等位👍🏻._.🥟| 招牌原味小籠包 |🥟小籠包實在有太多味道選擇，每隻味都有佢嘅顏色，我哋今次揀咗原味，即叫即蒸，熱辣辣上枱，一籠有六粒，每一粒都有湯汁，皮薄餡料飽滿，配埋醋同薑絲，令味道提升。·🥕| 蘿蔔絲酥餅 |🥕炸到外層非常酥脆，裏面係滿滿嘅白蘿蔔絲，口感好惹味可口。.🦆| 上海風味醬鴨 |🦆小食菜嘅份量，鴨肉鹹香風味，肉質夠味，份量兩人食適合點黎作為餐前小食，餸茶食。.🦐| 紅油鮮蝦抄手拌麵 |🦐點咗啲個拌麵作為主食，幼麵口感，索滿辣椒油汁，少少辣道幾過癮，拌麵都好夠味，紅油鮮蝦抄手有三粒，粒粒都有飽滿嘅鮮蝦肉，為拌麵增添啲鹹味。._.…Read More

前排同朋友去咗尖沙咀一間好有格調氣氛嘅西餐廳---🌟The Grill Room🌟食睌餐，餐廳坐位非常舒適，環境昏暗非常有氣氛，服務態度亦非常好，主食西式菜式，有套餐，亦都散點。._.🐖 | 煙燻香脆乳豬伴焦糖菠蘿配古斯米沙律 | 🐖呢個好有儀式感，上枱時乳豬食物會有個木盒裝住，係你面前打開，陣陣木煙燻飄咗，香味濃郁，然後再分好一塊塊先上碟，而乳豬同食物配菜都沾滿了煙燻木香味，香氣撲鼻，再到乳豬，外皮非常脆，而肉質腍身，夾雜住煙燻嘅香，相當滋味，配埋醬汁點配，仲有酸酸甜甜嘅菠蘿換下乳豬肉嘅口感，好食嘅一道主食！.🍄 | 牛肝菌磨菇意大利飯 | 🍄每啖意大利飯都有滿滿濃郁嘅黑松露汁，非常creamy，黑松露同菌菇味道絕配，面頭仲有兩大塊牛肝菌同碎磨菇肉增加口感。._.…Read More

最近去咗觀塘一間好有氣氛格調嘅西餐廳---🌟Flames🌟食晚餐，我哋平日夜晚去，幾乎Full house，而店員嘅服務態度非常好，一入座會主動斟水，中途都會不斷添加水👍🏻餐牌選擇一目瞭然，主食選擇都算豐富。._.🐥| 葡式香辣燒春雞配薯條或烤蔬菜 |🐥燒春雞烤到好吸引，外皮啡黃色，非常脆身，而肉質軟腍，非常juicy，整隻燒春雞，斬好一半上碟，跟配醬汁可以點，辣辣地好過癮·🍝| 卡帮尼意大利麵 |🍝每條意粉掛滿卡帮尼汁，好creamy，意粉汁嘅濃結度剛剛好，而且煙肉數量多，令卡帮尼意粉增添鹹香味，好食！·🍄| 黑松露薯條 |🍄新鮮熱辣辣整好上枱，已經聞到好香，厚砌薯條，非常脆口，唔點黑松露醬已經好夠味，點埋會增添香嘅黑松露味，一碟數量多，好滿足！._.…Read More