MeowMeowMeow's Profile

難得同朋友聚會係太古行完街要搵啖食都真係唔易以前太古城中心同吉之島foodcourt未裝修之前都話有d平靚正野食下而家太古城個度變咗大食代,大部份野又貴又難食吉之島foodcourt夷為平地,取而代之係2,3間貴價日式料理再唔係就要行出太古城中心側邊d鋪頭, 不過個d地方每人消費都起碼6,70蚊經朋友推介到訪此店小鋪隱藏於鬧市之中,態度親切ge老闆娘,甚有住家情懷野食價錢唔貴, 16蚊有個湯面,$2x 有碟飯, $3x有個小菜+大碗飯, 每人仲有個湯送4個人,分別叫咗, 辣子雞, 糖醋排骨, 獅子頭, 豬扒炒年糕先黎辣子雞, 呢個餸同印象中ge辣子雞好唔同呢度食ge係完全唔辣, 半粒辣椒都冇出現過取而代之係一d輕輕炸過ge葉, 可能係辣椒葉?葉+雞ge配搭有d似"龍井蝦仁", 感覺同樣清新雞肉食落固然不及蝦仁爽口. 不過雞肉食落都算有雞味,而且幾"林"用少龍井蝦仁一半有多ge價錢食到差唔多ge感覺...都冇咩可以不滿啦糖醋排骨, 賣相同食落ge味都係同印象中ge有出入糖醋汁好似有點用料不足. 可能係鎮江醋落得唔夠, 色水爭緊d, 食落比較欠缺酸味, 豉油味亦變得突出糖醋汁ge"hin"打得唔夠唔夠杰身, d汁痴唔實舊肉但係舊肉粘生粉就粒得好足, 舊肉面頭好滑, 好難夾起...細小ge"排骨粒"食起上黎係比正宗ge"大舊肉排"方便, 只係今次呢碟d肉略嫌實咗少少獅子頭. 再一次同印象中ge有出入一碟4粒, 上面鋪咗d茶絲咁舊肉比較實同乾. 汁同肉實在係"兩回事", 兩者完全融合唔到肉球本身ge味其實比汁已經更濃, 而汁ge味就少少都入唔到肉兩者一齊入口,汁ge味係完全比肉蓋過,肉又一樣咁乾, 汁變得可有可無不過4舊肉黎餸飯夠曬飽. 點都抵過係吉之島超級市場買盒獅子頭做餸, 廿幾30蚊得2舊仔...最後係豬扒炒年糕, 呢個係覺得比較正宗同好味ge一個年糕全部已經整到軟身, 入曬豉油味, 配搭菜絲, 一爽一軟感覺唔錯要讚ge係呢碟年糕食落完全冇"漏"ge感覺.至於"豬扒"就真係食唔出係"豬"黎,一直認為係類似齋鵝ge物體講番個湯, 一人一碗西洋菜湯, 聲稱係冇味精清清地, 確係有住家湯水感覺埋單每人$32.5呢個價錢係太古成foodcourt食都未夠zip牙la.去開太古ge話,除咗行去鰂魚涌方向經過d茶餐廳之外, 呢間小鋪係唔錯ge選擇…Read More

本Meow都已經成年冇係度出過食評. 但呢間野實在令貓忍無何忍,非"彈"不得!今日同幾位朋友7點半黎到呢間野門口一黎到就見到4道門. 正係摸嘗試搵waiter之際就見到有兩個人係其中一道門走出黎,原來又係搵waiter...等咗一陣終於有人出黎比位(我地之前book咗位)坐咗一陣大約7點50分落單叫野食.呢度野食選擇唔多, 只係差在1餸($69), 2餸($89), 3餸($99) or 任食自選($139).2or3餸餐就包多個湯,三文魚3片&天婦羅3隻(蝦,番薯,茄子各一).等咗5個字(9點15分), 湯終於出現. 普通味精面豉湯, 豆腐渣同紫菜都唔見, 得個咸字.過多2個字就黎d三文魚(9點25分). 魚切得好厚,口感甚差. 仲要唔多新鮮!! d魚又好似放咗出黎好耐咁同室溫一樣暖...又過多2個字, 天婦羅出現. 先食隻蝦, 一咬落去就成口油..蝦味失奉, 淨係得油味..好似仲有少少油"益味". 再黎個番薯, 呢個好少少, 起碼食得出係番薯黎. 最後個茄子簡直不知所謂, 食落口完全唔知咩黎, 真係一舊吸滿油ge炸粉...(只係朋友見到話似茄子,事實上係咪茄子都係一個迷)食完3樣野後全部人一直苦等...望住隔離枱食飽曬飲埋野我地幾碗野都未黎.同行7人, 有其中2人只係叫1餸飯, 佢地冇之前3樣頭盤. 結果由7點50分落單起一直係度餓.餓到9點半終於肯黎第1碗野!!好難像1碗雞扒拉面可以等成個半鐘有多!!我自己就試咗個"雞翼釀餃子"+"燒汁雞扒"拉面.食面當然先試湯底. 豈料一試之下只有咸味+燶味!係雞翼ge燶味?!唔係! 雞翼冇燶! 用1個半鐘整出黎ge就係一碗"燶湯"!!!再試"雞翼釀餃子",到底雞翼入面點樣釀隻餃子入去le?! 原來只係一隻去咗一半骨ge雞翼!!釀雞翼入面冇任何特別配料,只係普通雞肉!! 咁樣何來釀餃子?!豈有此理!!!雞扒? 雪藏雞扒淡而無味, 不值一提.最後黎埋杯"香蕉疏打"....本Meow從來未飲過一杯咁難飲ge疏打!!藥水味之餘更令人有作嘔感覺, 冇得頂!!埋完單佢比多碟甜品黎(送?). 泡芙+啫喱. 食過粒死死實實ge泡芙就再冇興趣食個啫喱.眾人食完都極唔滿意呢間野. 唔只野食差, 服務更差!!!比佢個10%加一服務費條氣真係頂到上心口!!!而且作為一間cafe, 遊戲極少,遊戲機欠奉, 大富翁又冇咗大部份"棋",只係得番一堆爛溶溶ge啤牌同uno,層層疊,中國象棋.最後一個總結: 呢間野,野食差!!服務差(等野食等1個半鐘?!叫個menu黎叫5,6次,等成半粒鐘?!)!!!…Read More

本來今日約咗朋友黎試下點知搵咗好耐都唔見再問之下竟然話係1星期前執咗...黑過墨汁...…Read More

呢間Donerhouse開係西九龍中心8樓food court個度, 係正電梯口側邊. 就咁係個food court度都唔會特別為以佢. 今次經友人提點, 特地去試一次. 個度好似有3隻款ge pizza可以選擇, 今次就要咗"超級夏威夷"($29, 外賣盒+$1 = $30), 即係有菠蘿,火腿,芝士,茄醬. 等pizza焗起唔算耐, 15分鐘已經攪掂, 新鮮熱辣. 不過番到屋企都成個鐘頭後, 乜都凍曬... 最後冇焗/叮番熱就食. 開盒第1個感覺就係, "同張poster唔同wor~~~", 其實係張poster太多菠蘿je 哈哈. 個pizza d料都唔算少la "P沙乞" 都係差唔多咁ge份量, 但價錢貴3倍...餅底係傳統薄身ge, 雖然拎到番屋企, 但邊位都仲係脆ge. 火腿舖咗係菠蘿同芝士層下面, 差唔多舖曬成個pizza. 菠蘿都係罐頭菠蘿la. 最在意ge係d芝士, 睇落冇乜芝士, 但成件pizza ge芝士味食落好重, 絕對係意外驚喜. 最後,蕃茄醬ge味唔係太濃, 蕃茄味差唔多比芝士味埋沒咗, 不過其實食真d仲係會感受到ge, 相比起"P沙扑屎"個d好酸ge茄醬, 呢個比較啱自己口味.成件事幾完美, 用$30食到一個用料份量,味道都唔錯ge超級夏威夷. 有機會再試下堂食,睇下會唔會再有驚喜(雖則堂食個環境真係唔多好...而且食飯時間good court好難搵位..). 希望佢唔好加價la....…Read More

今次一行4人, 大約下晝2點45分入去呢間京川滬菜館.一開頭都冇乜野, 好似正常茶樓咁帶位開茶. 但趣事陸續有黎....先有一個粒聲唔出ge人黎幫我地落單, 個時大約3點鐘. 今次點咗炸銀絲卷*1($8), 高力豆沙*1($12), 擔擔面*3(@$12, 2*小辣, 1*唔辣), 菜肉雪吞*1(@$15, 6隻).炸銀絲卷都算幾快到, 大約等咗5分鐘. 不過碟野只係微暖, 卷皮唔脆, 入面d包絲整得唔算好,亦都唔香.等多幾分鐘,白色高力豆沙出現, 有3個扁身ge包狀物, 上面係粉紅色ge糖粉狀物體而唔係一般食開ge葡萄糖粉. 一個正常新鮮炸出黎ge高力豆沙, 理應係偏向金黃色ge球狀物, 但今次ge係扁身+全白色...因為係甜品緣固, 姑且留番最後先試.等多幾分鐘, 3個擔擔面黎到. 個面賣相一般, 但就完全聞唔到香味, 連花生醬味都冇. 唔緊要, 野食係要放落口ge, 先黎一啖湯, 冇味ge...除咗少少辣....一碗湯面d湯死咗 即係成碗野玩完..... 佢唔講係擔擔面真係估佢唔到, 仲要連上面d肉碎都係冇味....面就算la, 一般貨仔.... 呢碗野都算得上係一個經典, 佢好成功咁將多種食材混而為一, 所有味道化整為零.....係香港地食平野雖然唔會要求有d咩水準...但今次呢碗野係絕對超乎想像...非常無奈....(太古吉之島地下food court $20蚊有餸ge擔擔面,包埋野飲,仲有塊大餅比埋你, 好食過呢間金煌多多聲).....到fd個菜肉雲吞...由落單到黎到等咗超過半個鐘!!掂!! 睇住d人係廚房入面慢動作包雲吞, 搵人跟碗野都搵咗幾次, 次次都話整緊ga la 就得ga la...睇住廚房入面係咁狂包但又唔煲d雲吞..吹脹....居然係一次過包曬幾碗d雲吞先一次過出黎, 完全唔理d人係度死等爛等...簡直低能!! 終於見到由廚房拎出黎, 但出到黎d阿姐都仲係用緊slow motion.........雖然隔咗張圓枱ge距離, 但依然可以聞到好大陣麻油味, 兼且可以睇得出舊雲吞都幾實下. 而fd ge評語係"係幾實下...味一般...". 呢碗野到底值唔值$15+半個鐘時間le?!....最後到放咗好一段時間高力豆沙...真係好野黎...舊野完全係一舊吸咗油ge綿花, 完全唔似炸過. 入面d饀仲恐怖, 仲難食過美心紅豆包入面個d"豆沙"..加埋個d粉紅色ge糖粉...真係食一啖已經.....lala林食埋舊"野"走人. 埋單個時個人就咁放低張單就唔見咗人, 我地就咁放咗d錢係張枱度走人又冇人理......真係黎又唔so你走又當你透明...黎呢間野一次真係命都短幾年...心血少d都暴斃...…Read More

第一次去呢間第尾牛扒. 其實之前已經聽聞呢間野d服務態度絕對係第尾級. 呢樣野由一入門口已經感覺到. 入去ge時候大約係2:45pm, 一推開門就見到有個凶神惡殺ge侍應阿叔bear實, 冇理佢, 直接上樓上, 點知又一個不友善眼神ge阿伯bear實. 望咗兩眼搵到朋友la, 坐低唔夠15秒, 即刻有個阿伯埋黎講"淨飲相計ga ha". 阿伯, 餐牌都唔比時間我睇算點ah, 屈我就範求其迫我食垃圾ah? 唔so佢再望多陣餐牌, 個阿伯又唔知幾時企係後面粗聲粗氣講"你係咪食ga 係ge而家黎個jelly比你先", 我都未黎得切反應佢已經走咗話拎黎, 咁仲唔係迫我食特餐?! 最後求其要咗個特餐$31未計加一... 個餐包括一個餐包,餐湯,牛柳+意粉/薯菜,沙律and 餐飲.先講餐包, 凍ge包一個, 連叮番熱都唔識, 個包本身唔香, 舊牛油亦都唔香用咗淡牛油. 連簡單ge一個餐包都攪成咁...仲想點...再黎係忌廉湯, 呢個正常d 係普通貨式, 茶餐廳貨仔.到主菜牛扒, 由色澤紋理望落去已經知唔係幾掂, 不過依然心存希望斷估唔會衰過扒王掛. 刀切落去個下發覺唔對路, 件扒林到柒彩明顯係疏打粉造成. 9成熟ge扒, 係喼汁同疏打粉ge洗禮下林得有理, 除咗喼汁味我再搵唔到應有ge牛肉味道...不過值得開心ge係件扒大過扒王, 而且厚一倍. d汁就好差,好杰ge洋蔥汁, 比一般茶餐廳ge仲差. 值得一提ge係件扒都只係微暖....至於薯菜ge薯條, 斷估薯仔佢都冇得做手腳, 所以先有正常應有ge味道.沙律就比咗友人食la 本身對太多沙律醬ge沙律冇乜興趣.最後係凍好立克同jelly. 凍好立克花奶過多, 成杯變咗似奶水多d. jelly我只係食咗一啖, 個阿伯就一野拍咗d杯落去收野, 想食都冇得食...呢間野d服務庇度簡直係一絕, 不枉為第尾牛扒. 係食緊野個時不停有個d阿伯係度呢樣個樣, 側邊又好似打仗咁係咁有大大聲d杯碟碰撞. 最嬲都係未食曬薯菜就比佢突然拍另一隻污糟碟落黎迫我冇得食, jelly又係咁. 實在過份得很. 今日呢個食評全部熟實, 好耐未試過咁有"驚喜"...我唔敢講佢其他貴d ge餐會唔會好食d, 意粉/飯餐又會唔會好味d, 始終係一間老牌豉油西餐廳, 但無可置疑ge係班阿伯ge服務係好有問題. 有勇氣依然可以試下, 個種氣氛我咁耐以黎從未感受過. 有時間我一定會再去試多次.題外話, 呢間野個廁所好細, 入廁格想close門都有困難...…Read More

落開太古睇戲, 加上比人放飛機, 一時之間約唔到人lunch就迫住去吉之島食自閉餐...好耐都冇幫襯呢間la, 對上幾次食酥雞,豬扒,同佢個厚多士常餐都唔錯, 今次再試下第樣. 要咗個肉蘿蔔糕+排骨(收銀姐話會有少少辣)湯面+茉香珍珠, 另外包一碗白菜仔, 盛惠$28.講個湯面,依然係一如以往,湯淡如水.面就普通貨la. 排骨就幾"林",但就除咗d汁外,舊肉本身係冇味ge. 兩舊2*5*0.8cm size ge肉, 要黎餸一碗細細地ge面都夠ge.蘿蔔糕就都過得去,以呢個價錢黎講.都見到好多蘿蔔絲同蝦米.但奇怪有種味..唔認得係咪蝦籽味係入面. 而面頭d肉燥就唔係正宗台式肉燥煮法,用少咗料黎炒,似係普通炒肉碎.碗白菜仔都ok,都叫有大約半個飯碗份量la.茉香珍呢d就通街都係個隻味....haha28蚊都可以接受,起碼食得飽(靠個蘿蔔糕..). 但就唔會再要個排骨la..呢舊骨係成餐lunch ge敗北所在. 如果要酥雞或者其他料會好d(雖則以往舊雞係好肥,雞皮又厚,但都叫香d).…Read More

arm arm係呢間野叫咗個外賣牛脷扁意粉茶餐(粉+熱餐茶).呢間野係第2次食佢. 第一次食西多士其實已經唔多合格, 諗住比個機會佢再諗下d意粉la話曬掛住個意大利名ge招牌出黎.先唔講碟野住, 齋係個service已經係一絕!兩個點睇都係似洗廁所ge阿嬋係個水吧度!? 戴曬黑膠手袋,著住對防水長靴,講d唔正ge廣東話,同佢講野佢又唔多明咁,講十幾廿句先以為落到張單,點知企咗兩分鐘意後個阿嬋又再走埋就問我要d咩!!!(心入面爆粗..下省千字...)...好la再落過order,等多兩個字,終於見到盒野拎出黎.但兩個阿嬋就好似遊雲咁行黎行去,又抺枱又搬chair,拎menu比其他arm arm入黎ge客人,當正我透明!真係唔叫佢都唔識郁....餓咗半日,諗住有啖安樂茶飯食下la.點知一開個盒,條野少到無倫!!20蚊就係得咁多?!4片仔牛脷...兩啖ko ge粉.....食落啖啖味精..得個咸字...到打緊呢篇文個時都仲口渴緊(已經飲咗兩杯水..)極後悔比咗20蚊呢間應該執笠ge野賺!好耐未試過食一餐好似今餐咁震憾,未食已經無名火起,完場要即刻拎出黎鬧. 佢好野....…Read More

今晚4個人去杏花邨"嚐越"食晚飯. 叫咗個自選2人套餐B, $198, 包兩個小菜, 2個粉面飯, 2杯飲品, 2個甜品. 次次要咗個不知名炒金邊粉, 蠔仔泡飯, 馬拉盞炸軟殼蟹, 雜菜鮮菌煲, 青檸梳打x2, 拉椰糕(可能記錯名?)x1, 暖椰汁黑糯米x1.另外再要多個$98(但半價@$49)香露大頭蝦伴脆面and $38 鮮黃牛脊湯粉(大).先講軟殼蟹. 冇馬拉盞味,絕對似係椒鹽豆腐ge軟殼蟹version.份量似小食...味道算不過不失..話曬似椒鹽豆腐ma...都幾脆口ge.再黎係菜煲. 菜煲冇煲,good. 湯汁充滿菜ge鮮味.似足中式酒樓雜菜煲放咗係越南菜館,但就冇咗粉絲同個煲,而且份量仲少.都係過得去la.到金邊粉. 炒得唔算香,粉唔入味,而且料少,得幾粒蝦仔,紮肉粒,etc.份量ok,1個人食都仲夠.(終於搵番樣有番d東南亞菜式feel...)至於蠔仔泡飯,份量都係1個普通食量偏少ge人啱啱夠飽. 蠔仔都算鮮味. 但湯底不知所謂, 胡椒粉湯...唔知係咪想辟蠔仔d腥味,但太重手...其他d菇..芫茜...配角only..大頭蝦伴面...真係伴面,面得好少.蝦有兩隻,唔算新鮮,但鮮頭都幾多膏,可惜隻蝦都係唔多入味..即使d汁偏咸...(如果係正價98蚊..搵x食算la...)黃牛湯粉. d牛肉係比同鋪ge普通生牛肉河軟滑. 但最緊要ge湯底都係差! 冇牛味, 味精湯.洋蔥又少,etc.....最後ge拉椰糕, 只係一塊1cm厚都冇, 3cm x 2cm ge糯米粉椰汁糕(綠白雙色間住間住ge個樣).細到可憐..但都幾香ge.. and 黑糯米. 呢個似番d樣,大份少少,似出面糖水鋪1/3份量,正常味道,不過不失. 至於青檸梳打..得個酸字,以往ge甜味已經搵唔番...(如果套餐呢兩杯野改凍啡茶要加$2, 轉3色冰之類特飲要加$10(攞命咩?!杯野正價都係$18!!青檸梳打都要$16...))呢餐--味精餐--埋單$313.5....下次去番去對面間雙辣船仲好食仲開心...…Read More

先排去維園行年宵, 順路行去呢頭食飯. 原先想去清亭試下d野食, 不過同行有人入錯咗呢間...當時唔洗排隊就直入咗去, 但入面滿曬人, 迫住坐係廁所出面間房仔...好迫好窄..仲好污糟咁...侍應阿姑又粗聲粗氣,方死唔憂做咁款. 算la,照叫野食. 叫咗個"牛肉卷?"@$??, "燕萍湯檬?"@$3x, "生牛肉湯河(大)"$32 同一個"唔知乜荷葉飯"@$?? (今次d名同價錢唔多記得..)最先黎係個牛肉卷(共3條), 入面有青瓜, 生菜, 好薄好薄ge牛肉片(似牛展?) with 酸甜汁. 基本上成舊野感覺清新, 因為除咗青瓜同生菜之外, 真係食唔到牛肉味..(格硬拎塊野出黎食真d 塊"牛"都係冇乜味..). 而d酸汁最強之處莫過於..都係冇乜味...!!再黎係湯檬, 上面有蝦3隻, 紮肉幾片, 豬紅3舊..(好似差唔多la). 但料都唔係重點, 湯河最重要係湯, 但個湯根本只係得好淡ge菜寶味..清湯河? 豬紅完全冇味. 不過蝦都算爽口, 紮肉就一般la. 呢碗野成30蚊..殺咗我把la..到咗最大期望ge生牛肉湯河. 洋蔥唔係多, 牛肉份量ok, 但芫茜得兩粒..冇青檬..冇香葉..勁少芽菜...粉又好少..咁就叫"大", 好難想像"細"個碗@$26 可以有幾細. 到食落口, 第1件事就緊係試湯底. 冇牛肉味, 係好完美ge味精湯!!! 唯一感到欣慰ge係, 今次d牛肉終於有番肉味...最後係個荷葉飯, 唔知入面個d係咩米, 但感覺似糯米飯. 荷葉飯冇荷葉香, d飯又硬身... 但料同成件野ge份量都唔算少, 起碼夠一個人食, 唔似另外兩碗粉咁細份量.今餐埋單好似$18x....貴到喊..(有機會再試下佢ge牛柳粒飯!!睇下係咪都係咁差!!)…Read More

今次4人同行. 叫咗個2-3人套餐$148, 有白飯3碗, 咖喱牛腩煲, 泰式燒雞, 烤餅3大塊, 湯同甜品(雪糕or西瓜涼粉). 另外再叫咗個原隻菠蘿海鮮炒飯@$68+半價ge泰式鱸魚@$50,炒雜菜(跟餐價$8蚊).先講原味烤餅, 唔知係咪即叫即整, 但依然香氣四溢, 餅身鬆軟, 好味.之後每人有一碗椰菜,肉絲,粉絲ge滾湯, 似中式湯, 過得去.菠蘿炒飯份量一個人食arm arm好, 上面鋪滿肉鬆&腰果. 飯入面菠肉唔算多, 但就菠蘿味十足, 入面都幾多蝦&八爪魚絲, 蝦味尚算可以, 插住兩隻青口, 配上腰果肉鬆一齊食, 甜甜地好開胃.咖喱牛腩唔辣, 甜甜地, 細路仔都食到. 牛腩and牛筋焾得夠曬"林", 好入味. 咖喱汁撈飯or烤餅都係一流. (不過份量唔算多, 似普通茶餐廳咖喱飯"dull"汁少d)泰式燒雞份量都唔係太多. 雞肉都已經入曬味, 而且烤得幾乾身, 所以有d地方都幾脆口, "野味"程度用黎餸白飯都唔會覺得淡口.泰式鱸魚撞正半價都算抵食. 配料好足, 椰茶, 菇, 香茅,etc. 鋪到成條魚面都係. 送黎個時有個火爐仔係下面幾特別(但一路食時, 魚旁ge湯汁不斷滾至起泡..都咪話唔驚...比佢彈中就大獲...). 成碟魚酸酸甜甜(落單時可以選擇辣or唔辣, 今次要咗唔辣), 魚肉頗亦鮮甜, 應該未夠1斤重, 但以50蚊已經算好好. 呢條魚配白飯加個菜, 兩個人絕對夠食.炒雜菜都幾多油下, 甜甜地幾開胃, 份量ok, 8蚊絕對收貨la.臨食完再黎咗一個酸ge湯. 唔知咩湯黎, 似同魚ge湯汁相似, 都係冇咗椰汁&辣ge東陰功湯味咁.(點解咁多湯ge le??)最後黎個雪糕同西瓜涼粉(套餐包埋, 任選其1, 共3個)美好ge一餐, 飽到食唔曬要打包, 埋單$301. 加上服務唔差. 呢間野值得推介.…Read More

今日有幸唔洗排隊經過apm就食呢rice seafood burger. 原本可以要餐ge但都廢事la見咁貴. 要個單包$22, 友人就set A $37 同樣係rice seafood, 但就有薯條+ cola.攞包個下望到件野已經想爆粗. $22蚊咁細舊野??! 加上勁唔還保, 用膠袋黎包住舊野......不過都算, 最開心都係開個包個下, 望住d柴皮"harm"料, 真係吹到bear bear聲. 都仲忍佢, 點知食落口, 已經第一時間感覺到公仔點心個d蝦餃ge味道(即係cheap野味la), 包少又汁, 舊飯乾精精, 真係食公仔點心都冇咁嬲. 話知佢入面有咩正料都好, 有魚有蝦有條菜, etc. 根本就係公仔點心塞咗落舊飯度, 再比少少少黑椒汁你, 咁就盛惠22蚊.........(省略組口千字..)再試多友人一條薯條.....軟lai lai 完全唔似炸薯條個心完全係冇味ge, 出面菜餐廳要個20蚊鐵板扒個薯菜條薯條都正過佢n倍la!!! 不知所謂!!! 一個包$22, 一個set A $37, 幾條仔野加杯cola就斬多你$15....…Read More

上一次食這店的燒鴨已經是半年多前3日前與友人首次堂食, 叫了燒鴨飯& 咖喱牛腩飯. 兩者賣相雖然....但味道依舊不俗就燒鴨而言, 肉味絕非一般燒味店的可以媲美, 每口都充滿肉汁. 可惜的是鴨皮不太脆口, 而且皮頗多肥油,...不得不題蘿蔔兩個, 煮的很到味, 用來去除油膩非常好.至於牛腩, 肉炆得很腍, 辣味恰到好處, 但始終差一點"冶味" 感覺.最後試了把咖喱汁混上燒鴨飯...結果咖喱汁喧賓奪主, 食不出鴨味....本人並不建議....**咖喱牛腩/羊腩飯每碟$23**燒鴨飯每碟$22…Read More

尋人同友人去食下午茶餐, 今次已經係第2次去食.記得上次食過香芧豬扒湯河, 香芧豬扒完全冇香芧味, 豬扒肉又實, 肥油又多(點解可以做到又肥又實??), 河粉淡而無味, 連炸蔥都冇粒, 如果唔係比面杯熱好立克, 呢個茶餐絕對係比0分.今次同友人分別挑戰生牛肉湯河(me)&香芧豬扒凍檬(friend). 今次食生牛肉河總算叫入得口, 雖則係雞粉味精湯, 但起碼叫比上次足料, 湯尚算有洋蔥及莞茜香味. 牛肉就一般貨食, 加埋芽菜一齊食, 呢$18蚊都仲可以.望番友人碗香芧豬扒凍檬, 友人叫苦連天, 凍檬勁落半支枱上面樽甜酸汁依然淡而無味, 唯獨豬扒比上次食o既好少少, 未至於成舊肥油, 肉尚算鬆軟入得口.***呢野間原本硬食一個bad係當之無愧, 食物賣相之差, 味道之荒謬...家陣乃念佢$18一個飽到肚o既下什茶餐....一分錢一分貨....比個ok算仁至義盡…Read More