jojo3333's Profile

好少寫食評，今日決定寫下。今日放工之後，唔係好想煮飯，小朋友想食炸雞，本來都15, 16，好在最後都幫襯左。一家人買咗兩個盲盒俾小朋友，仲有雞鎚，雞肉，雞翼，雞包餐，柚子梳打，柚子梳打非常之正，唔同出邊嗰啲，柚子蜜係真材實料，非常之有驚喜。成個雞包，用心製作，醬汁非常特別，非常之喜歡個雞包，仲有生菜同蕃茄，用料十足。雞肉，雞翼，雞鎚非常之入味，淡淡都係肉，攞咗返屋企仍然係脆嘅，全家人都讚賞！個老闆仲非常之有禮貌，我哋買咗好多個餐，老闆送咗三個醬汁俾我哋試，好鍾意個蜜糖芥辣！😋😋😋下次會再嚟幫襯😍😍😍…Read More

母親節冇出街食，全家想食壽司，朋友介紹，不妨試吓，就買左壽司安！老細非常細心，即叫即整，問要唔要餐具，非常環保⋯⋯你睇，件件新鮮，又大件，同連鎖店壽司舖比，真心壽司安贏幾條街，真心好食到暈！「左口魚」非常新鮮入口即溶，小朋友最愛鰻魚壽司，食到最後都唔夠食！帶子壽司，大件，件件新鮮，特別新鮮的食材。仲有甜蝦，我平時都不太食，但係都會左好多只，wow⋯⋯原來Food panda都送，非常方便，我哋一定再幫襯，家庭聚會，一定唔少得壽司安！…Read More

今年冬至及聖誕全家做節，一早沒有打算去外食，打算留在家中pizza &壽司，無意中行到商場見人排隊試一試啦，點知一試，驚喜滿分，之後介紹身邊朋友都要訂呢一間------壽司安。真係給人驚喜，兩大盒大大的壽司，好味且新鮮，帶子/ 鮮蝦/ 所有魚生都非常新鮮，鮮甜架，救命仲要大大粒帶子，大大片魚生，仲要咁新鮮，至於壽司飯都俾小朋友清哂，真係“煙煙韌韌”好香好好味，老闆好細心，仲要包得好好，幾遠路都不怕。大家不妨試下!一定冇介紹錯!好抵食丫!…Read More

今日下午冇乜胃口，想食d有味的tea，想hea下就去樓下這店坐，叫左tea set, 加一個雞絲粉皮。。。。。。。tea set 是最叫簡單的蛋蛋面。雞絲粉皮是另叫的，根本不彈牙，軟軟的，不太新鮮的粉皮。算，以為蛋蛋面會冇死，😡😡😨😨😨😨😨難食，又辣，得個辣字，少少肉碎。。。。成碗辣油，放棄！最後係等到頸都長晒的薏米水，原來是賣晒又唔煮。。小二話賣晒，快煮，我心裡想罵人。。唉！冇下次。38元加38元.，加一！大佬，早知去金滿庭好過！不要懶，行遠少少好過！…Read More

好𢛴！那天下午5：00，3位朋友一起去tea,見到這cafe冇乜人，店外的圖片又好吸引，所以入去試試！我們叫熱狗，「冇」，叫「米線、面」，又「冇」，其實仲有咩呢？阿姐話廚房位差不多收左，算，叫牛角包，食tea梗係慢慢食啦，吹下水，去到5：45pm,另一個friend後加入，因喉嚨痛食吾到牛角包，薯角，想叫佢要杯水，你估阿姐講咩？她說：我哋冇水，要就$2杯，勁𢛴，當時我們算了，可能怪我們遲來的朋友不叫食物⋯最火滾是6幾，近7點，我們不停被阿姐𥄫住，唉！最後她出手收了我們還未食完的tea,即叫我們走，好嬲呀！當時她的店是冇客，門口都冇，問佢仲咩收左我們ge tea,她說：俾其他客看到不好，嘩！唔講理由，「有客嗎？」唉！最後收錢阿姐仲話由下午荼食到晚飯！喂！阿姐（老闆娘），你咁ge態度，你d野食幾好都不會有人幫襯啦！仲有，你怕下午茶客人坐得耐，你咪唔好開下午茶餐囉，去落場休息囉！使錢仲受氣就呢挺…Read More