siu4you's Profile

其實都係求其搵間野撞入去睇下有咩好食，佢門面又唔係好吸引，個名又怪😂，不過真係唔想諗啦………首先對唔住，我食晒先影相。因為通常如果食物一般/難食 我都唔煮咩食評。不過我食左第一啖之後，我就唔覺意食晒😂😂😂我叫左皇牌豬頸肉番茄湯米線+ 雞肉同豬腩片。我想講。1. 大碗到2. 豬頸肉係燒嘅3. 豬腩片都係燒嘅？4. 雞肉係成塊雞扒？！係炸嘅？真係顛覆左我嘅想象。加餸整得咁有誠意…同埋feel到員工們都幾friend😂😂😂最後，如果老闆見到，我想講…可唔可以整下個風扇，佢一開始發出嘅機械磨擦聲同老鼠叫聲有啲似……Read More

下雨天，又要衝入間cafe 避雨食lunch 了。雨愈落愈大，有排都應該走唔到啦。咁只好食個big lunch 慰勞自己。叫左杯用五十鈴matcha 做嘅matcha latte。五十鈴matcha 苦味的確係小啲。杯野甜度非常宜人，小小甜但又無搶走晒matcha 嘅微微苦澀。好似人生咁～～～Homemade meat ball linguine 嘅basil 味道好濃烈。好正。meatball 真係homemade，口感cling towards 彈牙，唔會好似傳統意大利或者ikea 肉丸咁偏軟淋淋。Linguine al dente，岩岩好。的確係一個避雨嘅好地方，hea hea 下就等到停雨走了。又唔係真係所有cafe 都係呃你錢嘅。…Read More

其實耳聞街坊話間野都幾好食，今日六點幾去到，er? 一個人都無嘅 ？都無所謂嘅，所以我就一個人霸住成間野食野啦。我餓嘛。我叫左個北海丼同刺身沙律。我真係得一個人啦。其實唔算平，我應該食左$400左右，但係刺身非常新鮮。我最驚喜嘅係個刺身沙律。啲刺身非常之多！其實齋食個刺身沙律應該都夠一個細食嘅人飽囉😘都係果句啦，因為真係得我一個人嘛，環境同服務咁… 一定係好架喎。望住呀壽司師傅切刺身，個檯面都幾乾淨呀。In general, 非常滿意。…Read More

不經意行過E一間以蛋為主題嘅餐廳，真係驚喜處處呢😆!天水圍終於有啲keto-friendly 嘅野食！減肥人士有福了！地點座落新北江唔近輕鐵站一邊，如果要突登搵真係要花一啲啲時間噢。🤫 座位數目得8個，不過新開幕都仲未有一排隊嘅。以下係下午茶黎，係一個吉列玉子配薯角。你又點估到天水圍係有啲咁嘅Fusion 菜食。叉燒滑蛋偽炒飯啲叉燒燒得唔錯，係老細自己燒架喎！欣賞佢炒蛋蛋嘅味道非常濃郁。至於椰菜花炒飯，我想講係健康之餘，仲非常飽肚。最後個濟洲島黑豚豬柳扒，肉味濃郁，肥瘦適中。最緊要係，一個餐都係$50左右！不過希望將來會有多啲唔同嘅餐飲啦！已book mark，減肥成功前（即直到永遠）都會常去！…Read More

友人貴為半個台灣人，向台灣住左5年左右，成日極力推介我去食E一間餐廳。佢成日都話間餐廳嘅焿非常之咁出色。好啦，今日終於有機會同佢去試下！一坐當下唔算好多人。不過過多一陣都要排隊啦。大家要有心理準備。古早味炸雞卷：對我黎講有點不夠酥脆，但係肉汁豐富，可以一試！夜市鹽酥拼盤：鹽酥四季豆非常有誠意。甜不辣就是回憶的味道啦～(*^o^*) 很餓啦，叫左個魯肉飯。豆腐卜非常入味，我會覺得較咸。到左期待已久嘅肉焿米粉。真係有台灣嘅味道。烏醋同埋芫荽畫龍點睛。肉焿入口順滑，口感好。下午茶送嘅酥炸拼盤喜出望外。一口台式香腸一口蒜汁非常夾！想講講，如果想飲野可以飲麥仔茶。真係好飲又下火～意猶未盡叫左一個芋頭紫薯toast。碳水化合物爆棚。台式厚多士香脆，內容物又香又滑！…Read More

I am so full now! After a brief hiking, we visited this famous restaurant in Fan Ling!This pizza is such a delight! Seafood are not those typical mimic crab, but crawfish and clams. The Tom Yum spices are intense, really is a nice touch of my appetite!I guess this is the most famous dish in this restaurant? Eggs are more like scrambled, and egg favours seems are not particularly diluted. Eel fish is quiet bouncy.We visit here in Saturday, and the atmosphere is kinda chill, with the background music is Keroro and 花師奶, LOVE it!!!…Read More

趕時間趕時間！快快手手食一餐先！好耐之前食過另一分店隻油髀，都非常懷念！今日就入黎試下～～～油髀依然美味！瑞士汁都好入味下。不過如果如果隻雞髀可以再滑一啲就好啦。欣賞件西多係用真嘅鮮牛油製作！入邊啲花生醬都幾多個喎！同埋我鍾意佢嗰啲花生醬係有果粒嗰一種。個焗豬扒飯啲豬扒多到呢！每一塊豬扒都好厚啊！同埋一想碟嗰陣時真係好熱！小心啲食要攤凍啲先。啲芝士都好多，一路食一路都有邪惡拉絲啊！我個人來講就覺得個肉操雞扒肉鬆飯比較鹹嘅。對於重口味嘅人來講應該會比較合適。就係因為個肉操飯比較鹹嘅關係，我就覺得依個上湯浸娃娃菜非常之出色啦！我差唔多連啲湯都飲埋咁滯！到咗依間餐廳食嘅客人你哋都可以試吓一味菜喎！紅豆冰就飲得多啦，但係依杯綠豆紅豆椰汁冰就應該比較少試啦！啲綠豆出奇地好食，飲完之後我都諗點解其他餐廳冇伊味嘢飲。最後埋單都唔係好貴都係二百零蚊姐！…Read More

8號風球都要出街食飯架...見間渝味曉宇賣廣告賣得咁勁，咁就要一試啦。這是一碗飯前糖水。很有用。記得keep住唔好飲晒佢。好解辣㗎。我地叫左個鴛鴦麻辣鍋，係普通辣再加大骨滋補湯。美國安格斯優質肥牛肉味好濃厚！又夠厚！推薦嘅！手打蝦滑都算係鮮味嘅。味道唔算好濃，所以個麻辣湯底都襯佢多啲。麻辣湯底點可以無鴨血！我就建議擺入去擺耐啲嘅！入味啲嘛。鮮黃喉好味喎！非常爽口，擺一陣又食得！5粒星呀唔該。重慶耗兒魚，食完都唔知係咩魚黎。肉質較爽，好搭個大骨湯底。稻田毛肚都算爽口嘅！當然就夾個麻辣湯底好多。桂花蚌亦都同樣鮮味。建議同埋麻辣湯底食啦！鮮味同麻辣始終較夾。曉宇手打四寶丸：入面粒豬肉丸出奇好食，仲有啲貢菜向入面架！不過呢，個麻辣真係愈食愈辣架！記得食食下夾走晒麻辣湯底啲辣椒出黎。如果唔係大家都難受。不過要讚一讚間餐廳，問佢俾杯冰我佢都好願意俾！雖然辣都有啲野解辣！開心！…Read More

新發現新發現！太耐太耐無出街食飯啦！諗左好耐決定去佐敦食！！你睇佢個樣就知佢幾興奮！開心開心！個雞辣辣地又夠香！個薯仔印度包唔點汁都好夠味！最緊要係portion 夠！之前去重慶大廈食印度野其實個portion size 真係差啲嘅......跟住到個Momo ，即係Nepal 餃子。其實都幾似中式嘅餃子。不過呢我就覺得佢嘅皮比較滑同埋比較薄，同埋佢嘅內餡都有幾多薑絲喎。一樣啦其實我響影呢幅相之前已經食咗兩隻。呢間餐廳嘅Portion比較足。其實我哋仲食咗個羊肉kebab。佢唔係用一般嘅薄羊肉片，而係用咗好多羊肉嘅厚切粒粒。當然啦入邊有夾埋好多菜，都非常之嘢未㗎 ！但係因為嗰陣時實在太肚餓啦，所以唔記得影相...總括而言，我哋一定再有機會會再幫襯！同埋一般嘅侍應服務都很好！同埋最緊要都唔算太貴，仲唔會徵收服務費添！…Read More

正所謂，市道低迷，要搵餐平平地又好食都好難架親。今日我就向親戚嘅介紹下黎到E間㗎仔飯啦。一黎到，吓...無得堂食。我眼角都忍唔住泌左一滴眼淚出黎。心諗我山長水遠由大西北黎到...😭可能因為我太悲哀嘅關係，係俾我同朋友入左去食。🙂我就飲左杯matcha豆奶latte 嘅。杯野算係好飲，matcha 味都幾濃。我就食左個咖喱南蠻雞飯。個雞滑得離期，但外皮都幾鬆脆，火侯控制得宜。大好大好。朋友嘅豬扒偷食一舊後都覺得唔錯喎，肉汁都幾多。不過總的來說南蠻雞很驚艷。不過都係果句啦，佢normally 都係無堂食嘅。所以大家看著辦，或者都可以試下打下悲情牌...？…Read More

和好友一行四人往深水埗宗像屋吃飯，店內提供魚生飯五款，其實是按魚生種類數目而分的等級。由於海膽沽清，我們只能點第三等的「松」丼。點餐後，職員建議了解「推介食法」—魚生丼、手卷、茶漬飯三種，也許是因為太餓，沒有看得太清楚就忙著開動。第一碟上的是魚生兩片加胡麻醬。味道非常新鮮清爽，按照「推介食法」應留下兩塊中的一片，但我們沒看清楚就清了碟🤭。之後上魚生丼，伴兩片燒紫菜。大約將1/2魚生丼先吃掉，再包手卷，剩下1/3醋飯併前菜中的一片魚生加上湯成茶碗漬，一碗三吃。魚生鮮甜，食物的質素造型賣相都很好，適合打卡，份量是少了一點。另外店員還推介兩款日本生蠔，味道還好，不過不失。…Read More

今日岩岩做完gym，好攰好攰呀！行過新墟見到E一間野，都想食好耐架啦，今日就試下佢啦！見到入面嘅裝修，就知道咩事啦。真係要補襯一下呀！咁靚。今次就一定要試下佢嘅名物燒牛肉啦！聽店員推薦就叫左一份日本和牛套餐同埋一份板燒封門柳套餐。日本和牛就較肥（都好明顯），而板燒封門柳就較有肉味。套餐已經包左飲品，麵豉湯同飯。一如所料，和牛真係🌅好～美～味～呀～🌅。學媽媽講，唔肥嘅野邊度好味架？所以呢就愈肥愈好味。如果中風同唔食和牛你會點選擇？就緊係中風啦（大誤）。如果你想多幾年命，大家都可以試下板燒封門柳。其實雖然佢無咁肥（我知我知大家都睇到啦），但佢嘅肉汁係的確多啲，肉味都的確較濃烈。所以，如果你想又有肉味，又想食油香，你可以點做呢？係啦。就係兩款都食晒。正所謂，不要太羨慕、不要太妒忌，你如果得到這福氣，你自己黎新墟食啦。同埋，又唔係好貴。店員們會好好款待你。個餐牌係我下次想食嘅野。佢有個鰻魚飯cum 和牛嘅餐，好似好好食喎。…Read More

趕住去睇戲，所以快快手手食茶餐廳啦！見到佢有推介滑蛋叉燒飯，咁就要試一試佢手勢啦！首先，欣賞佢非常多蔥😂！叉燒半肥瘦剛剛好。個滑蛋唔會稀稔稔咁，仲幾有蛋味！個portion 非常之大，所以我真係食唔晒啲飯，同人share 黎食，再叫下小食仲好。至於朋友就叫左個蕃茄湯通粉配滑蛋芝士菠菜同午餐肉。啲午餐肉厚之餘仲煎得好香口。菠菜芝士滑蛋真心幾好食，係輕食之選。個蕃茄湯偏甜，不過入口都幾順。最緊要係真係無咩味精。肉醬芝士焗薯角非常熱氣但非常好食。上菜時非常熱，非常新鮮。肉醬幾惹味，非常罪惡。華田脆脆個人覺得太甜了一點，下次要叫小甜。不過華田味非常濃，值得一試。食晒啲野口痕痕，所以仲叫左隻雞髀食下。瑞士汁都較得唔錯。塊皮非常邪惡，因為好入味...所以最後忍唔住食晒...間餐廳非常旺場呀，大家可能都要等一陣先可以入座！…Read More

同朋友行行下街想揾嘢食，但前嗰排天氣又有少少焗又口渴🥵咁咪入黎睇下有咩食順便叫下嘢飲😋😋從來未去過泰國嘅我本來就唔太好泰式奶茶，因為冇認識過，覺得好奇怪🧐但之後飲過幾間都覺得麻麻地😶無一間算好好飲。可能唔太啱我口味啦，主因都係因為太重茶味同有啲苦🤢我比較鐘意甜啲同奶味重啲嘅茶，加上泰式奶茶🥤嘅特色係甜同奶味重為主要，而尼一間餐廳嘅泰式奶茶好就正正合我心意🤩🤩甜度都恰到好處，又香又滑少冰🧊亦都唔會太甜，同出面專賣泰茶品牌嘅鋪頭都有得揮，值得一試！🥳叫完嘢飲下一步緊係叫嘢食啦🤤我地兩個嗌咗泰式炒通菜，海鮮冬陰功湯粉同鳳尾蝦炒金邊粉一齊share.個泰式炒通菜係有少少辣嘅🥵不過好惹味亦都好吊胃。唔會好似一patpat咁淋曬，食落都有口感，同埋好香。整體黎講都冇咩特別。😃😄而個海鮮冬陰功湯粉一聽個名就已經覺得好吸引😍我第一時間就試咗個湯底先，果然不負所望，冬陰功嘅辣同酸都平衡得好好，唔會搶咗啲味。而啲蝦🍤同青口更加唔會有沙或者得海水味🌊全部都好鮮甜，可以話係原汁原味。而個麵應都唔會話煮得太淋，好有質感。整體而言都十分值得一試。👍🏻👏🏻到最後就係鳳尾蝦炒金邊粉啦。個金邊粉都炒得幾有風味👅味道都係酸酸甜甜，帶點點微辣，加埋芽菜，又多幾分爽口，😚同埋個麵又唔會話太乾。而主打嘅鳳尾蝦都好彈牙鮮甜，加埋雞蛋碎🍳，花生碎🥜，再唧少少青檸汁🍋，食落去唔單止唔膩，仲好新鮮，個口感同香味都豐富咗好多。🤩😍總括而言，如果下次再經過尼度嘅話我會再入黎食😆…Read More

屏欣苑貴為新屋村，不嬲都有劣食天堂嘅稱號。成個屏欣廣場間間野食食完之後都會令你大笑三聲後喊住咁走。有一日迷失天水圍下，只好走到入去最埋邊食車仔都暖肚。竟然咁多人？！令到我對間野有啲心！間野啲餸都幾fancy，有炸鵝肝同花膠。不過鵝肝賣晒！Sad...講講令我impressive嘅餸先：1. 牛筋：其實我唔算太好牛筋，我都只係偷左我朋友一舊。好X1000個稔。入口即化，好神奇。2. 花膠：其實花膠都愈黎愈平，不過佢煮係發得幾好，炆得都幾入味。3. 韮菜餃：應該好新鮮，啲韮菜仲係碎碎地。4. 豬手：啲炆類真係好正，隻豬手炆到啲脂肪同蛋白質出晒黎。5. 菜甫：啲免費辣菜甫好香！不過好辣！我落左一匙都有點不勝負荷。黎到附近，請唔好仲勇者試其他餐廳。就食車仔麵啦😀…Read More