車仔人's Profile

成十年冇去朗豪坊，今日路經，入去搵食。見到呢間店嘅入口都幾特別，雖然一開始見唔到入邊啲座位，原來食客少得可憐，只有四位，兩張枱，即刻心知不妙，原來真係中伏！隨隨便便咁叫了4款食物， 有生煎包，白灼菜心，食材都算OK，味道還可以，算係正常。菠蘿咕嚕肉，感覺是預製菜，有6粒細細既肉，配菜比例多，味道還算可以。鳳爪排骨飯，超級唔掂，d餸唔得，可以的只有白飯。純個人感覺同口味。呢間餐廳絕對唔推薦。…Read More

孖寶唔算抵食（龍蝦加燒鴨$488），龍蝦唔係即叫即劏，膏唔多但轉左黑色，肉質都算爽身。加埋啫啫菜煲同一客唔多夠熱既椰皇燉鮮奶，連加一「服務費」同茶錢 （無小食費因為佢地無俾到）兩個人食左$733。總體而言，食品質素尚可。環境可以，坐左係大廳旁既行，清理垃圾的筒推出推入，冷氣又唔多夠。餐具算乾淨。不過至於服務就叫埋單時亞姐會叫你自己出去櫃枱埋，但當時全場得幾枱客，又或者亞姐覺得櫃枱近門口，方便客人埋完單即走。 咁我唔明既地方係何解要收加一服務費？明明去酒樓食飯點知好似去左茶記咁，仲要理所當然咁話熟客都係自己出去埋單。無問題，咁咪只招呼熟客囉。…Read More

我與媽媽點了兩份午餐: 燻魚麵及鹹肉炒年糕。全都是套餐, 連豆漿,而炒年糕更包一碟小食,我們選了雞絲粉皮。雞絲粉皮的花生醬很美味。燻魚麵的麵很彈牙,而燻魚的味道甜中帶些煙燻的香味, 不太濃,恰到好處。鹹肉炒年糕炒得好,不太油膩,而且配上津白，色香味俱全。…Read More

上星期日(即14號)是爸爸和媽媽的結婚紀念日,不知不覺已40年了。媽媽一向喜愛食餅,於是我便代爸爸為她訂了一個Fruit Tart. 這Fruit Tart生果新鮮而且多,賣相及味道都有十個讚。Tart皮鬆脆可口,生果下還有一層軟綿綿的蛋糕,非常味美。…Read More

今次只有四人一起去食,食物質素依舊的好,包括鹽水大蜆:雖然蜆不是太大,但勝在鮮甜味美。: 椒鹽大瀨尿蝦: $16一両,兩隻已一斤重。肉質香口,好味!:豉椒大聖子皇: 爽脆惹味!大廚的功夫真了得!: 砵酒焗吊片: 好香!其餘,還有紅燒乳鴿及瑤柱草茹芥菜膽,全都非常好味! …Read More

我老豆見佢門口貼晒d明星相,又話xx大明星幫趁過,重話d海南雞飯好食,於是他一個人去試下啦!海南雞飯有一碟細細的無骨雞及一碗飯,食食下,問佢地有焦餐飲送,佢地話有,咁我老豆話要可樂唔要冰,佢地比左一罐凍的罐裝可樂,然後係張單度加$4. 嘩!事先又唔講明,又話有得送,之後又要加$. 唉都算啦!再過一會,有一羣裝修師傅一坐下,還未點餐,老板已為他們奉上是日例湯. 我老豆眼見,當然問佢地個餐有無例湯啦, 點知老細話只係"熟客"先有........嘩! 咩生意手法....咁如果未幫趁過嘅,唔該清楚考慮下去唔去啦!…Read More

昨晚上一行三人叫左個二人餐同埋兩客串燒。食物質素真係與中環高級日本菜不相伯仲,服務好,份量足。其得奬菜, 三文魚牛油果沙律, 好有特色,下層是紫色番薯,上層是三文魚, 中間夾著牛油果,真是色、香、味俱備。另外,值得多讚是經理及廚師的細心,三人叫了二人餐,除了最初已送多一杯飲品及最後多送一份甜品外, 我們在二人餐當中點選的天婦羅還有三隻蝦呢!真是喜出望外!…Read More