Ah Fuu's Profile

這晚我來到一家餐廳用晚餐，餐廳裡面空蕩蕩的，只有戶外的桌子有兩位顧客，於是我選擇在戶外用餐。未坐下，服務員便要求我提供電話號碼和名字，但我拒絕了。餐單上的選擇頗多，價位看似合理。我點了兩道菜和一杯啤酒，但儘管餐廳沒什麼人，等啤酒卻花了一段時間才送到。首先上來的是喇沙，看到分量之小，讓我有些失望。面頭的青瓜絲似乎沒有什麼意義，米線的量也非常少，裡面只有幾隻已經剝殼的冷凍大蝦，加上幾顆豆卜和一些魚片，底下隱約有些芽菜。湯底完全沒有蝦的鮮味，微辣程度只在於顏色和些許辣味，讓人吃得不太過癮。接著上的是四串雞肉沙嗲，每串大約只有10cm x 1cm，擺碟的賣相還不錯，但味道並沒有特別驚艷。最後，我加上啤酒和服務費，結帳時發現共花了300多元。整個用餐過程快而簡單，不到20分鐘我便吃完買單離開。總體來說，這次的用餐體驗令人不太滿足，雖然環境不錯，但食物的質量與分量並沒有達到預期，整體非常失望。…Read More

點心的質素非常失望。食物的不新鮮感和過度的肥膩感讓人難以下嚥，加上過多的味精，更讓整體口味變得重而不清爽。每籠的賣相也讓人難以滿意，視覺上的享受完全不存在。此外，令人沮喪的是，每籠的數量似乎也減少了，讓人感到不夠實惠。…Read More

在一個慵懶的星期日，我們決定享受一頓午餐。然而，當我們在11:28到達時，餐廳卻依然未開門。幸運地，雖然仲有2分鐘先開門，職員讓我們先進去坐下，但接下來的體驗卻讓人失望。訂餐是透過QR Code，點完餐後，服務員依照流程上菜，令人驚訝的是，居然是主食最先送到。然後隔了一段時間，小食才上桌，最後才來我們的飲品，整個流程十分緩慢，讓人感到焦急。外賣app的訂單似乎壓力很大，職員因此顯得忙碌，導致我們幾乎沒有享受到基本的服務。想要更多的碗，也得等上好一會兒，令人感到十分不便。更令人困惑的是，餐廳竟然收取了10%的服務費，這10%的服務費似乎並未與實際的服務質量相符。至於食物方面，味道就一般，賣相也不怎麼樣，偏鹹和偏甜，吃過後感覺口渴，似乎油膩感頗重。總的來說，這樣的用餐經驗讓我們對這家餐廳不再抱有期待，應該不會再回訪了。…Read More

於OpenRice book咗，三人準時到達，但係門口接待員話冇位要等，我話喺OpenRice book咗喎，但係佢都話唔好意思，要等，因為餐廳全場滿座，我問等幾耐，佢就話唔知＇好難講，我再問佢可唔可以再做多一步，問經理睇吓要等幾耐，如果5分鐘10分鐘我都可以等，話晒第一次嚟，聽食評又唔錯，我都想試吓，再要求之下，接待員先肯再做多一步，打咗個電話，打個轉返嚟，答案都係一樣話，唔知要等幾耐，佢又話食晏分兩輪，而第二輪嘅人剛剛全部啱啱坐低晒，同時亦有兩組客人等緊，又話訂咗枱只係會優先處理安排⋯⋯ ，OpenRice訂枱有什麼意思呢？我哋又唔想無止境咁等，所以決定放棄。放棄之後，我喺OpenRice上面嘅Booking status就就即刻轉左話我no show，我覺得好唔合理，好在同OpenRice反映咗之後，先至有一個合理嘅安排，多謝OpenRice明理！…Read More

開頭一路都好似冇乜問題，但係我一見到我個頭盤，就知道開始出事＇頭盤份量少得可憐。食完頭盤等咗超過半個鐘，我朋友嘅主菜送到，佢食完，侍應收埋碟，再同侍應追，再隔咗10分鐘我個主菜終於送上，問點解兩個主菜唔係一齊上，兩個侍應回覆嘅答案都係一樣，因為淨係我一個人嗌咗頭盤，之前我朋友冇食到頭盤，所以就有咁嘅安排。我嘅主菜係halibut，完全唔新鮮，唔知食緊乜嘢魚，旁邊嘅八爪魚凍冰冰，好似啱啱喺雪櫃攞出嚟。澳洲嘅朋友叫咗甜品Pavlova，完全唔係嗰回事，唔明點解叫做Pavlova。本身對味精有敏感，離開餐廳之後，感覺勁口渴，面部肌肉有啲麻痹，返到屋企要係咁灌水，源頭好大可能係嗰嚿魚。見佢星期五晚，咁大間餐廳都係得嗰十個八個客⋯⋯ 唉⋯⋯…Read More

幫襯咗呢間翠亨邨好多年，差唔多個個星期都嚟，呢兩年佢哋嘅點心質素，真係每況越下，今次真係有啲離譜，個炸鯪魚球一啲都唔似用魚做，完全唔彈牙，冇味，好似食緊一舊粉狀嘅物體，唔知食緊乜。個山竹牛肉仲恐怖，個牛肉球係扁嘅，仲要入口即溶，同樣冇味，好似食緊豆腐咁，非常之奇怪。嚟咗咁多年都係因為佢地點環境服務都唔錯，以前都覺得佢嘅點心小菜其實真係唔錯，但係呢兩年唔知係唔係廚房師傅有變，質素好唔穩定，不斷走下坡，真係係時候要說再見了⋯⋯…Read More

傍晚六點前經過一個人入嚟想食啲嘢，一坐低就帶咗支樽裝有汽水，不過原來不知不覺佢已經放低咗一杯普通水喺度，所以嗰杯水嘥咗。餐廳嘅地方好闊落，樓底高，裝修就冇乜特別，不過有個靚景已經足夠，枱面個setting有啲冰冷，玻璃出面望落去幾特別，不過有啲手指印⋯⋯睇睇個Menu粥粉麵飯，又中又西，點心pizza⋯⋯ 幾大包圍，係唔係樣樣精就有啲猶豫，侍應亦都講明有一啲菜式係唔available，最後點左fish and chips，樂園單先唔記得咗要揀French fries or potato wedges，侍應又冇提醒，所以就叫返個侍應嚟，同佢講返。等咗一陣fish and chips就到，個樣唔錯，不過睇真啲，連張上菜單都放埋一齊，我仲諗緊走嘅時候係唔係要攞呢張紙出去櫃檯埋單。食物方面，整碟fish and chips油份係幾多，魚放咗喺薯條，令到好多薯條都冇咁脆，薯條亦都冇乜薯仔味，係crinkle cut，個樣唔似一般french fries，普通雪藏薯條質素，魚嘅脆漿比較厚，多油，魚肉有腥味，Menu上面英文就話係toothfish，但係真係食唔出。旁邊嘅mushy peas就正正常常，口感唔錯。旁邊嘅salad就好求其，幾塊葉，拼埋都唔知有冇一粒嘅cherry tomato，一Pat沙律醬喺面頭⋯⋯ 當時全場得三五個顧客，侍應係多個客人嘅，服務就冇乜，唔會同你介紹吓個Menu，食完有冇人問你想唔想要甜品咖啡，一啲都唔主動。離開問侍應有冇泊車優惠，佢好冷漠咁回覆一個字”有”就行開咗⋯⋯ 不過其實呢啲都係好瑣碎嘅事情，只不過希望佢哋可以有進步⋯⋯…Read More

特登嚟試吓呢間新開餐廳，侍應嘅招呼唔錯，環境都算有啲特色，不過水喉水就有啲怪怪嘅魚腥味，嗌咗價錢偏高嘅set lunch，上菜都好快，前菜嘅南瓜沙律賣相唔錯，lentil soup就真係幾好味，不過前菜嘅份量都真係少咗啲，到主角嘅法式薄餅，揀咗泰式同埋Peking Duck，賣相都幾好，影相影出嚟幾靚，不過好似食唔到啲咩咁，材料質素一般，味道俾啲醬料蓋過晒，甜品方面都係一般，士多啤梨crepes 仲有啲dry，Nutella Banana Roll中間嘅香蕉喺微波爐度叮到好熱，差啲辣親條脷，最後奉上咖啡，算係幾香濃，三個人埋單差唔多要$600，咁嘅質素，CP值不算高，不過同區來講呢類嘅食店比較少，所以應該都有佢嘅市場價值嘅⋯⋯…Read More

First time visit. Be careful of the staircase, if you have mobility issue, it would be a problem. The entrance is nothing special but the ambiance inside is quite impressive. Great atmosphere for a steak house. Staff are attentive and services are ok, except it took a very long time to have our cocktails served, and no one seems understand what fernet branca is, until our guest went to the bar and point to the bottle on the shelf. Menu is very interesting with wide variety of choice. Amuse bouche is generous, almost like a standard potion. Meat quality is excellent and the choice is unusual. The portion of side dish is a bit too small. The potato chips are so crispy. 4 of us ordered 1 dessert to share, so surprise by the size and it’s actually good to share for more than 4 people. Although the interior is great, the toilet is disappointing, hygiene is ok but it’s not part of the restaurant, just provided by the building management, it’s just not really tidy. Overall it’s good and hope it will continue to get better.…Read More

It was my first time here, for a weekday lunch, it was quite full and I could be confirmed with kitchen counter seats only few days before but I was happy with that… The location doesn’t really match the image of the restaurant but it doesn’t really affect its overall standard. We arrived a little early and seated at the kitchen counter. The ambiance is just simple with a bit of natural light from outside. There is so much space between tables. Two of us actually quite enjoy sitting at the kitchen counter watching all the action. They have filtered water, still or sparkling, charge per person. The manager then came with a trolley of cocktails and wine, patiently introduced all of them. I normally don’t drink at lunch but I made an exception and ordered a sparkling rose from England which is rather good, dry and crisp. Apart from cocktail and wine menu, food menu is online and you need to scan the QR code for reading the menu on the phone. I don’t mind to read online menu even in a Michelin star restaurant, but why not the drinks menu as well… We have taken the 3 course lunch menu. After ordering, the free amuse bouche was served, I couldn’t remember what exactly it is but it’s tasty. Then it comes with bread and butter, both unusual but taste really good. The rest of the dishes were served gradually in timely manner, not too rush, not too slow, and each dishes were explained by the waiters, not so clearly as the waiters speak very fast and weak voice. Anyway, we know what we ordered. All the dishes were nicely presented. Portion is a little small but it is ok, we are expecting more on the taste and quality, we were just satisfied. The only thing was, I didn’t think the food was salty, but I was quite thirsty the whole afternoon… Completed a lovely lunch with coffee. Overall great experience and would definitely come back.…Read More

即日打電話黎book枱，態度親切，詢問有關開瓶費用，原來未有酒牌，所以暫時免開瓶費，不過聽講話好快就攞到酒牌囉⋯⋯ 地點喺蓮香樓樓上，不過入口有啲隱蔽，要行上鴨巴甸街少少先至見到入口，傍晚6:00準時到，四個人安排咗一張幾寬躺嘅枱，紅酒杯亦都擺放好，坐低開咗壺菊花茶，呢度嘅環境幾傳統，冇乜特別，亦都冇氣氛可言，牆上面仲掛咗電視機，好casual，不過光猛整齊乾淨，坐得到都算幾舒服，又唔會太嘈，廁所亦都好乾淨。服務員嘅態度都好好，好親切，夠殷勤，不過有少少過咗火，不斷過嚟張枱度搞呢搞路。餐牌相對一般酒家選擇唔係太多，不過都算齊全，呢度主打嘅係燒味，所以先嗌左燒鴨叉燒例牌，雖然係例牌，但係份量好足，叉燒肉質好靚，燒鴨好味道，去晒骨，皮薄肉嫩，比嘅價錢係同燒臘連鎖店差唔多，不過CP值超乎想像，配上一個燒鴨醬油，都幾特別，椒鹽鮮油就中規中矩，不過唔係好夠脆，食完燒味頭盤，服務員再問可唔可以上埋其他嘅小菜，令到成餐飯食得唔會好趕，上菜夠速度有程序，其餘嘅小菜質素都好平均，分量十足，唔會有太大驚喜，唯一係咕嚕肉就有少少失色，掛得太多汁，汁太厚太甜，不過喺中環比咁嘅價錢有咁嘅質素，真係有啲超值，食完老闆仲送甜品，芝麻糊夠大碗亦唔太甜，成晚好滿足！…Read More

以前去過Arcane，感覺好好，特登嚟試吓呢間，朋友係食素，所以呢度係一個好好嘅選擇，平日中環食晏時間特別忙，早咗幾分鐘到，張枱未準備好，等咗一陣準時入座。呢度嘅環境其實就麻麻，幾迫下，喺行人通道旁，冇乜氣氛可言，坐吧枱對住個廚房可能會好啲，不過期望嘅係佢呢度嘅食物。餐牌選擇唔係話好多，不過對lacto vegetarian就比例上好多選擇。放棄咗set lunch，揀咗a la carte。服務都唔錯，侍應都會不時巡吓，落單等咗一陣頭盤就嚟到，好有賣相，相機食先，味道亦都好好，唔同嘅食材味道好夾，份量亦都剛好，唔會話一啖食完，食材感覺上幾新鮮，唔似普通罐頭雪藏貨。食完頭盤再換刀叉食主菜，主菜同樣有板有眼，賣相吸引，刺激到唔同嘅味蕾，又有唔同嘅texture，唯一麻婆豆腐紅椒太多，豆腐反而就好少，最後嗌咗一個甜品四個人分享，食完唔會話好飽，但係CP值算係合理，食得幾滿足，值得再嚟。…Read More

試過book幾次都book唔到，卒之有機會試吓，Book咗下晝1:45，早咗一陣啦，座無虛席，不過都可以入座，兩個人坐吧枱，Set lunch Menu唔係太多選擇，不過大部份choice都幾給我心水，餐廳唔係好大，有少少迫夾，今次坐係吧枱，其實都幾舒服，服務員都幾attentive，服務大致上都唔錯，落單之後冇耐就上菜，麵包有質素，尤其是旁邊嘅牛油，嗌咗Rose ，飲落去都唔差，頭盤係prawn cocktails和melon gazpacho，有份量有賣相，味道亦都好好，蝦嘅醬汁係自己調校出嚟，唔係一般嘅千島醬，味調校得好好，個湯飲到好多種唔同味道，清新舒服，主菜就比較重口味少少，鴨腿皮脆，加埋醬汁配菜真係好食，羊胺好夠火喉夠入味，Presentation好好，基本上前菜加主菜都已經幾飽，之後就一路飲多幾杯rose、咖啡和一路無限加添嘅過濾水（每位計），一路坐咗兩個幾鐘，又唔會趕你走，就好似喺巴黎小餐廳渡過一個休閒嘅下午⋯⋯…Read More

星期日晚同屋企人嚟食過early dinner，6:00到，開頭成間餐廳得我哋，所以坐得好舒服，服務好好，裝修簡單，地方唔大，不過就好似意大利小鎮裏面嘅餐廳，有風味，樓面做嘢嘅都係意大利人，好親切，佢哋嘅服務都好好，仲有好多交流，頭盤pizza pasta每樣都嗌左啲大家share，每道菜嚟嘅時間都好有安排，又唔會好趕，慢慢嚟，直至最後食咗成兩個幾鐘，好開心，食物水準方面都唔錯，同價錢成正比，味道亦都好正統，成晚嘅體驗有置身意大利嘅感覺，好滿足！…Read More

成日經過見到個門口好似幾神秘，今晚卒之有機會嚟試吓，揀咗鐵板燒，先經過Bar再從裏面另一個門口進入，裝修唔錯，有氣氛，一邊係sushi吧，我哋就坐喺鐵板燒枱，坐得幾舒服，先嗌左杯Cocktail，不過都等咗好耐，反而Sake就一早已經先嚟咗，係經理介紹嘅，好好飲，1.8L好容易就飲晒，揀咗廚師發板套餐，餐牌豐富，上菜嘅時間剛好，用嘅餐具都好靚，好有賣相，食材質素亦都好高，海鮮好靚好新鮮，和牛入口溶，面前嘅師傅有技術，亦都幾好傾，成晚個體驗都幾流暢，食得好飽，盡興而歸！…Read More