bseonn的個人專頁

打邊爐，個靈魂一定係個湯底啦。個花膠蟲草雞湯金黃色，味道相當濃郁，但飲落又唔覺得油膩，佢就好似屋企阿媽煲嘅湯咁。我哋飲到唔捨得開始淥嘢住😂打邊爐梗係要有牛肉啦，佢牛肉份量真係好大啲牛頸脊好靚，油脂分布均勻，好有牛味。蟶子皇同大花甲食材好新鮮，輕輕烚熟佢就食到海鮮嘅甜味。蝦滑，份量都唔少我哋仲叫咗個炸蝦餅，件件都好大件，即叫即炸。呢一餐個MVP一定係碗湯，因為個湯真係好好飲，好多其他餐廳做同一款，都係一樣好金黃一樣都係好濃郁，但係呢一個係真係飲落唔會覺得油膩，係比較少見。啲嘢食份量，普遍都好足，熱食都係即叫即做。成餐體驗冇乜有問題嘅地方。…查看更多

Visited this bar & restaurant a month ago and would like to recommend this. My wife and I always like to go restaurant which have fine dishes with drinks.This restaurant falls into this category. They serve very nice italian and Japanese fusion dishes.I would like to strongly recommend the drunken crab pasta and the butter sake clam pot.The drunken crab pasta is rich in flavor. Using squid ink pasta made a sharp color contrast and brought more seafood flavor in the dish. We can feel that the dish is well crafted.Then the butter sake clam pot is really a comfort food after some drinks. It’s very hard to tell why it’s special but it greatly elevates the whole experience.For the rest of the meal, the dishes are also nice and well crafted. Just these 2 dishes really impressed me a lot.…查看更多

以前去荔枝角四小龍覺得無咩好食，咁啱想去Aeon mall買野就去到順便食啲嘢。一入到去就俾餐廳嗰個空中列車設計吸引住。成間餐廳擺設得好似未來世界咁，座位設計都好舒服。餐廳嘅主題好鮮明。我哋點咗幾款烤肉，特別推介佢哋嘅和牛同五花肉，肉質非常好，唔會咁容易燒到乾晒好多汁。份量都十分之足，我本身都好大食但係係呢餐我食得好飽。餐廳設計好好，基本上佢哋座位上有齊自己需要嘅嘢，真係做到好自助。紫菜雞蛋伴飯味道同一間燒肉連鎖餐廳非常似，好好食。Bingle Bingle 空中列車烤肉真係值得一試。…查看更多

幫襯過幾次，食物質素正常嘅。.有一次買外賣，好多人一齊喺門口等咗成個鐘。有其中一個客追單，門口個女仔大大聲鬧個客，鬧到全部人成條街都聽到。.另一次係親身經歷，堂食食到最尾飲緊嘢俾個店員叫我去另外一張枱坐。我已經同佢講俾我1分鐘飲埋杯野，佢堅持要我即刻走，態度仲要極差。.午飯時間好忙我都明嘅，但係態度真係太差，永遠都唔會再幫襯。…查看更多

同朋友飯聚，想搵個可以坐得舒服啲，可以坐耐啲嘅地方，所以就搵咗呢間居酒屋。尖沙咀嘅餐廳嚟講佢嘅座位好寬闊。而舖頭亦都營造到好似日本嘅氣氛佢有得坐地台，幾舒服。我哋叫咗清酒蒸蠔，胡麻醬油甘魚刺身，甲羅燒，蒜油煮海老，海膽烏冬，苦瓜炒豚肉，同埋醬油鵪鶉蛋。因為我哋仲要揸車，所以我哋冇點酒精類飲品，但見佢酒精類飲品選擇好多。清酒蒸蠔，每粒都好大粒。油甘魚刺身係新鮮。當中我最鍾意食係蒜油煮海老，佢個汁好正。嗰份海膽煮烏冬，海膽份量都好多。足夠同啲烏冬攪勻。我覺得有”思鄉病”都可以嚟呢一間餐廳食，感受下日式居酒屋嘅氣氛…查看更多

天天海南雞飯係一家以海南雞飯為主打菜式的餐廳，喺新加坡過咗嚟我都未食過。首先，招牌菜——海南雞飯。食天天海南雞飯梗係要食佢嘅海南雞飯。嫩滑多汁嘅雞肉搭配住香氣四溢嘅油飯，好有滿足感。而且，餐廳在提供海南雞飯時，還附上了辣椒醬和豉油，為雞肉帶嚟唔同嘅變化。之後係蟹粉小籠包，小籠包嘅外皮細薄，內餡鮮嫩多汁，充滿住蟹肉的鮮美味道沙律係跟餐嘅，酸酸地幾開胃。蟹粉菜苗係今餐飯中最好食嘅一道菜之一。菜苗的嫩脆與蟹粉的濃郁完美結合。我女朋友同我都爭食。棷子杞子燉湯亦都係今餐其中一個亮點，個湯好香甜好重椰子味，飲落口感順滑。總而言之，成個用餐體驗好好，每一道食品都相當精緻，我覺得天天海南雞飯應該繼續做呢一個菜單。…查看更多

呢間火鍋店嘅花膠雞湯湯底真係好好味。佢哋建議先飲湯同食花膠。店員好細心幫我哋將個雞剪開好多塊。個湯真係好香濃雞味。費事煲乾水，一邊校到最細火暖住個湯，一邊食雞同飲湯。啲湯飲落唔會覺得口渴。我同我女朋友都飲到唔到好多湯剩先至開始打邊爐。可能飲咗個湯同食咗花膠雞，都開始有少少半飽。我哋就叫左比較瘦嘅牛𦟌肉，之後亦都見到有個幾得意嘅牛部位，叫牛黃喉。牛皇喉食落感覺似魷魚，質感偏爽。跟住佢仲有一個特色嘅院係爆漿薑汁皮蛋貢丸。雖然聽落好似好奇怪，但食落去個味道好似食小籠包裏邊個肉餡咁。因為小籠包個肉餡，通常都係有落少少薑落去咁。餐飲除咗普通汽水，佢哋都仲有一啲梳打飲品。我哋點咗青檸梳打同百香果梳打。整體成餐最吸引都係個花膠雞湯。值得為呢個花膠雞湯而去。…查看更多

呢間餐廳最大嘅賣點開認為係區開陽嘅視野。喺香港咁狹窄嘅空間裏面有啲時候就係想去一啲有開陽視野，舒舒服服食一餐好嘅地方。餐廳都有用心機佈置地方，相信佢哋係有租比人哋搞活動。前菜我哋點左沙律同餐湯。餐湯好Creamy好好飲。我哋點咗個煎魚柳，魚肉濕潤，配上醬汁，有薯蓉同沙律伴碟。另一份主菜，我哋點咗煎雞扒。都係有薯蓉伴碟。想講佢哋嘅薯蓉真係幾出色。跟餐仲有甜品同埋飲品。點咖啡by default 都係milk on the side。整體覺得餐廳食物服務令人滿意，我覺得佢更加大嘅賣點係好適合攞嚟舉辦活動。…查看更多

呢間壽喜燒只可以用極高奢華感去形容。入到門口武士盔甲嘅裝飾，枱面上嘅碗筷，都感受到呢一間餐廳嘅檔次。嚟壽喜燒專門店梗係食壽喜燒啦，咁我哋點咗一份壽喜燒，店員攞出A5和牛，啲和牛排到好靚，店員夾出幫我地燒。我正當好好奇，點解叫棉花糖和牛壽喜燒，佢真係攞咗個棉花糖，擺喺個pan上面，加上壽喜燒汁，將棉花糖同壽喜燒汁融為一體，再放過和牛上去。燒好之後就點雞蛋，雞蛋佢哋用上蘭王，感受到佢哋所有食材都用上最高級。壽喜燒嘅配菜亦都食得出係高級嘅食材。除咗壽喜燒愛，佢仲有唔同嘅串燒，令到成件事有多啲選擇。味道亦都非常之好。我覺得呢間餐廳好適合慶祝用，店舖裏邊唔係特別多人亦都相對地寬鬆，適合一啲特別日子同伴侶去。…查看更多

行完花墟，有啲肚餓就去咗呢一間餐廳度，我覺得有套餐揀好好可以配紫菜油菜同魚皮。比較少同類型餐廳有做啲咁樣嘅包裝。懶得揀嘅我揀咗包羅萬有加杯豆漿，之後我女朋友叫咗個套餐加魚皮。同埋呢度有樣嘢好，佢有得揀菜底，減緊肥嘅，我就唔使驚食得太多碳水化合物。佢哋都有做一啲善心嘅舉動，客人會送兩碗雲吞麵。我真心覺得包羅萬有，真係好方便，一上菜，咩都有少少，味道唔錯。豆漿唔算好甜。之後佢個辣椒油都好正好多渣。我覺得呢間粉麵，選擇相對彈性，性價比好高。…查看更多

依家間餐廳最大嘅賣點，就係佢喺大廈裏邊最高嘅樓層，落地玻璃加廣闊嘅景觀喺旺角裏面比較少有。同旺角侷促嘅感覺，開陽嘅景觀，真係令人心曠神怡。我哋叫咗炸魚手指，我覺得佢哋個細心位係有一個工具俾你去節檸檬汁。唔係好多餐廳有我覺得呢樣嘢值得加分。炸魚手指未到正常，粉漿唔會過厚。之後喺蘑菇蜆肉意粉。少少辣非常惹味。配料份量都相當多。之後我哋仲叫咗燒春雞配薯角。燒春雞有肉汁。肉都幾諗。我對呢間餐廳嘅評價係性價比合理，但想起旺角呢一個地段坐得舒舒服服食一餐係一個好選擇。…查看更多

行經過花墟，覺得有啲肚餓，搵到呢一間Cafe唔使等位，門面幾靚。我哋叫咗明太子櫻花蝦意大利粉，西班牙凍湯大蝦蕎麥麵，芝士烤雞墨西哥餅明太子意粉好creamy，亦都有好足夠嘅明太子味。西班牙凍湯大蝦蕎麥麵，清爽帶點酸，適合夏天食。最估唔到係芝士烤雞墨西哥餅，明明係一個side dish，份量好足夠，好抵食，好適合啲餓底人士。飲品，我哋嗌咗個caramel latte同matcha latte。我哋冇特登裝飾個擺盤，當佢上菜嘅時候我哋覺得好驚喜，我飲杯咖啡都未試過有個咁可愛嘅擺盤。個Tiramisu cake就比較普通。想重點一提，佢哋服務態度好好，冇個種好多Cafe都會想趕你走嘅感覺，食完要你埋單。我唔小心倒瀉水，佢都好有禮貌咁幫我抹咗張枱。…查看更多

之前上網睇到呢一間日式串燒好多好好嘅食評都忍唔住嚟試一去到門口有一條好長嘅樓梯，有一種恍如隔世嘅感覺。上到去高樓底落地玻璃成個空間咁真係令到我覺得唔似係一間好普通嘅日式居酒屋度食嘢咁。我哋一坐低，就叫咗支sake。支sake 有一啲米香而又有清爽嘅感覺好適合夏天飲。我哋叫咗免治雞軟骨串，鵝肝，和牛串，牛舌，羊架，蘆筍豬肉串，翠玉瓜，冬菇，雞湯茶漬飯…當中最鍾意佢嘅免治雞軟骨串。佢跟咗個好濃嘅日本蛋俾我哋沾，甜甜嘅蛋汁配相勉之雞軟骨肉香，真係好好食。我覺得好適合慶祝生日或者慶祝紀念去食呢一間餐廳。…查看更多

平時講開旺角高性價比日本餐廳，就會諗起好平但唔好食嘅餐廳。但今次嚟到呢一間餐廳價格就相對地高少少，但係食物質素就有大大嘅提升，係真正嘅性價比。我哋被安排到坐窗邊望出街景，少咗一份侷促嘅感覺。打開餐牌，種類比較多，叫左刺身拼盤，和牛串燒，牛舌串燒，牛肉壽喜燒，燒三文魚鮫，冷烏冬。整體性食物水平偏高，更上一題嘅係個刺身拼盤上海膽嘅時候都擔心海膽唔新鮮，但我嘅擔心睇嚟多餘，海膽不但正常，亦好鮮甜，好多時候有餐廳刺身拼盤有海膽冇跟紫菜，搞到好難去食用。係一個唔貴嘅價錢喺旺角食一個有質素嘅日本餐廳，我覺得呢間值得翻食。…查看更多

之前食過花膠雞煲火鍋，念念不忘，但性價比低，於是就搵吓有冇其他餐廳都有做之後搵到呢間吞POT，就試試佢。食材選擇好多。我哋都食唔晒咁多款。一上個花膠雞煲，好足料，雞湯味道香濃。我同我女朋友食完啲湯料都已經半飽。之後就混醬料，醬料選擇都多。我見佢丸類選擇多，有款叫做十全大寶丸，五款丸每款兩粒，我同我女朋友瞓啱啱好。之後仲有個餃餃陣，四款餃每款兩粒。味道唔錯。個爆芝響鈴真係好大個。食一件到好飽。好黐線。整體用餐感覺唔錯。題外話:發現午巿套餐都相當吸引。…查看更多