上個星期約左幾位朋友下午去西環影相，影完日落後就行返去堅尼地城地鐵站附近搵食。朋友話想食西餐，我地誤打誤撞見到呢間餐廳做緊promotion，新開期間7折優惠，一於就入去食個晚餐。餐廳主打印度菜+西餐，我地叫左個芝麻吞拿魚卷、印度烤雞、咖哩雞、蒜蓉烤餅、烤餅、蒜蓉意粉、Pizza。(有d食物掛住食無影到相haha)。全部食物都唔錯，幾好食，特別係個咖哩雞+烤餅，簡直就係絕配。咖哩好重口味，味道本身就超香，汁底濃郁，但又唔會死咸，食完夜晚都無狂飲水。而雞肉就十分嫩滑，唔會乾爭爭。而且店家亦好貼心，提醒我地咖哩可以選擇辣度，就算係怕辣嘅朋友都食得。唔單止咖哩有辣味，驚喜嘅係，連個脆烤餅都好掂，脆烤餅有陣陣嘅香辣味，點埋個咖哩汁=雙辣享受。總括來講，係一間值得推介嘅餐廳，價錢合理，印度菜味道亦好適合香港人。位置都好方便，由地鐵站行一陣就到。…Read More
