moonyau's Profile

午餐點了雞腿茶麵，食物味道一般、麵還可以，但雞腿好難食，整體份量少，鐵觀音奶茶偏淡。另外有位沒戴眼鏡的女侍應態度十分差劣，落單時已感受到她的態度，跟她說話後她都沒有正常的回應。其後她送錯食物，我們表明不是我們點的，她最初質疑，之後一句「唔好意思」都沒說，更用一個很不友善的眼神望著我，十分無禮，我做錯了什麼嗎？不知是否很難請人，所以這間餐廳仍留著此等質素的員工。後悔約了很久沒見面的朋友來食晏，午飯時間坐得很迫，食物又不好，還要遇著很差的服務態度，整體來說完全不值近百元的午餐，下次亦不會再來。Too bad!…Read More

一行四人去食放題，頭輪點個大蝦水果沙律就發現食物不新鮮及不衛生，之後每項都有點啲，刺身新鮮度一般，壽司上面嘅料(esp.三文魚)有啲腥，帆立貝好細粒，啲蝦冇味。湯方面只有味噌湯係正常，羅宋湯同翅都唔多掂，炸物同鍋物算最ok, 另外可以出去攞蛋糕同雪條，蛋糕超難食。order紙有個限一人一個嘅芒果奶凍，係極級難食，仲寫到咁珍貴，食一啖已食唔落，都唔知咩嚟。食物和衛生方面都低於水平，期間見到隻烏蠅飛來飛去，各方面真係有好大進步空間。…Read More

好耐冇寫食評, 但呢間嘢真係要我login寫一寫。今日lunch經過呢間嘢, 入去試咗碗最普通o既豬骨湯义燒拉麵, 嘩....真係好唔掂, 麵質差, 湯底淡, 仲要成碗麵得一塊义燒, 幾難至完成到成碗嘢(曾經多次想放棄, 但唔想嘥嘢), 埋單連加一HKD71.5! 唔平唔緊要, 要有返D質素至得o架~ 臨走時仲見有人喺門口等位... 唔係吓嘛... 佢哋係咪唔知咁難食想去試吓呢? …Read More

噚日下晝三點幾去到，好彩坐到靠窗car位，感覺好舒服! 好寫意! 我哋三個人叫咗好幾樣點心，我覺得最好食就係蒸牛肉球，而蝦餃、素菜飽、棉花鷄都好食，而蘿蔔糕、咸水角、鳯爪、南爪鮮肉飽就一般，而最唔好就係個担仔麵，細碗得嚟仲要冇味!Bad!唔知係咪遲去，所以好多嘢都已經冇得食，下次有機會要試吓流沙奶皇飽同义燒飽，聽講都唔錯!! **今次因為坐得舒服，所以俾個'笑'!!…Read More

十月頭慶祝男友生日，揀咗嚟呢間食dinner，點咗個湯、長通粉、麥片蝦、炒菜、一杯香檳同甜品芒果卷,埋單承惠HKD640，雖然環境確實好靚，好似高級餐廳咁，但食物同服務又未至於呢個價錢囉。…Read More

前兩天與友人慶祝生日，點了中銀信用咭的優惠二人套餐，$388，ok喎! 整體來說都算好味，但食到中途就覺得食物好鹹，後來叫了個飯團，這個就好一般了:(，$18一小個"乾憎憎"的飯團好不值。(本來想叫白飯的，但不知侍應是否誤會了，竟跟我說沒有一般的飯!)至於環境方面就相當不錯，很有氣氛!當晚我們都吃得很開懷呢!…Read More

前兩日夜晚同男朋友經過入去試試，嘩... 估唔到係咁難食，我叫咗個黑咖哩和牛配蒜茸包，男朋友叫咗個豬排飯，諗住最穩鎮，但到頭來好失望。我食d黑咖哩和牛好怪，一d都唔好味，而且d牛又'un'.... 差!…Read More

前兩日同個朋友去食dinner,我地兩個都係第一次去,一入到去感覺已經麻麻地,我地被安排坐近玻璃。坦白講,我同朋友都冇乜點去呢d所謂高級餐廳食飯,所以好多野都唔係好識。開頭有個男waiter serve我地,佢一D笑容都冇,扮晒野咁落單/傳菜。由於餐牌冇中文,D英文好多都唔明白,到落order o個陣我解錯英文意思,佢唔單只冇友善話我知,佢o既態度仲俾我覺得'咁都唔識'o既意思,之後只係直接話o個樣係乜,一D介紹或講多句都o徙氣咁。雖然有幾個waiter/waitress D態度都好好,但都補唔返,真係估唔到o係度食飯會有面色睇。環境方面,嘩... 估唔到高級餐廰係咁嘈架!尤其係隔離枱o個兩位小姐...我差d聽唔到我個friend講野!至於食物方面,尚算唔錯,特別鍾意前菜o既磨菇同之後個Chocolate Cake。但main course麻麻...…Read More

今朝見早就去買個早餐返公司食,鮮奶麥皮+ 一個飽+ 咖啡一杯HKD20,都算抵食! 個麥皮唔甜,感覺健康;咖啡一般;揀左個芝士火腿飽,好大個呀!但可惜唔係好熱! 我諗,如果換左係個意大利飽就好lu...^.^…Read More

兩個人入座,乜都未order就已經有竹蔗水同一盒2Lit橙汁。叫左個兩人餐,真係有好多野食,例湯、蝦、龍蝦仔、鮑魚仔、魚、扇貝、甜品、橙，嘩...雖然環境麻麻，但$300真係抵! 最正係個芝士牛油龍蝦仔,睇落好細隻,但食落都好多肉，而且好入味!!我地仲叫左個飯撈汁添! 勁肥! 張枱就細d,但侍應都頻頻清理枱面,服務幾好! …Read More

前幾日同朋友下晝四點入坐，坐到五點半離開，臨走時出面景色幾靚，好配合現場d燈光/環境。至於d食物都不過不失，可能飽飽地唔係好開胃，覺得三文治d麵包有少少硬，甜品得一件cheesecake唔夠。服務方面都算唔錯!當行到好赲又要搵個地方好好休息，呢度都算係一個幾好o既選擇。…Read More

今日去食晏，雖然已經預早去等位，但都要等成四、五個字，最'慶'就係遲過我o既人就不斷有位，我就要係咁等!! 帶位個姐仔見我等得耐，又要叫入去等，但都唔知等乜? 冇人張枱係'吉'，人地仲食緊，就叫我o係佢地側邊等! 又要我坐埋一邊等! 激'慶'!!食物方面，唔見得特別好食! 因為可能未食心情已經好差! 五、六十蚊一個lunch我就唔覺得特別抵! 只屬普通。但可以好中肯講一句，我叫o個杯凍奶茶好難飲! (同事話佢杯凍檸茶都係，好似開粉沖咁!)食完之後出門口，咁o岩遇到一班原本等緊位o既人客邊離開邊同帶位o個個講:你地arrangement咁差架!....等唔到位就走左，我即刻覺得身同感受!!…Read More

平時最唔鐘意等，所以基本上未試過等成粒幾鐘去食餐飯，今次真係破晒例，同朋友未夠七點開始等，但等到成八點二、三先有位，餓到肚都扁。門口又多一隻隻野飛黎飛去，人又多，真係等得唔舒服。食物方面，又真係唔錯，我地四個人，叫左:蟹籽沙律- 新鮮，但太多沙律水蟹膏帶子炒飯- 幾好，幾有海鮮味金菇牛肉卷- 最正!! 好多金菇, 牛肉唔太肥得黎又唔un，必食!海老天婦羅- 一碟五隻,$50,都幾好味o既牛油果軟殼蟹反卷- 一般，元氣好味好多豬軟骨餃子雜菜鍋- 最初以為豬軟骨同餃子，點知原來係餃子裡面有豬軟骨，但我覺得麻麻豬軟骨手打烏東- 豬軟骨太甜，手打烏東口感好服務ok, 尤其覺得門口reception o個位小姐好pro!…Read More

今日有朋友生日，一共五人就黎食dinner。因為前幾日先去完中環o個間，所以就可以比較到兩間優劣。論食物同環境，我都覺得不及中環o個間好!! 雖然呢間係大d，但氣氛麻麻，食物份量同味道都好一般。侍應service就唔錯。…Read More

尋日同朋友去食lunch, 第一次去呢間野,我地先o係門口睇睇有乜好食,叫門口個侍應姐姐介紹下有乜好食,佢都好似講到冇乜特別咁,都係普通日本野,幾好笑!後來我地叫左個石頭鍋飯,豬骨湯麵同鐵板牛肉粒(黑椒汁),幾樣野o既味道都係一般啦! 真係好似個侍應姐姐所講,冇乜特別! 但我覺得個牛肉最唔抵,因為有d"un"呀!…Read More