popig's Profile

今日去開附近，又突然醒起衣間嘢，就早一個站落車去食，12:45到等左約3個字入得 又唔係好多人。喺reception 拎完位，沒有帶位，你自己走入去坐抵就叫，餐具在抽屜，無人介紹有時真係唔知喺邊呢，衣方面就差左少少。1個人食左唔係好多嘢：1. 松葉蟹和風芡汁茶碗蒸- 蟹肉味不太特出，但有三文魚籽2. ⁠特大天然赤蝦- 同對手的質素不相上下，不過人地平啲喎3. ⁠特盛海膽海苔包 - 鹽水浸海膽，質地有啲奇怪，可skip4. ⁠吞拿魚富士山軍艦- 得個高字，好麻麻，有筋5. ⁠大切三文魚腩- 正常6. ⁠松葉蟹雙饗（爪下肉、蟹肉）- 唔錯👍🏻7. ⁠特大松葉蟹腳- 唔錯👍🏻8. ⁠士多啤梨香蕉忌廉芭菲- 好食，下次會想再食喺附近諗唔到食咩可以食。同埋一個人食有啲迫，因為周圍無partition,但對手呢就自在n倍…Read More

朋友send 介紹過來，所以就約左食衣間。約左7點，但早到左30分鐘，都已經有幾枱人。睇介紹是國內餐廳，所以一入去佢用韓文講歡迎光臨，覺得小小驚訝，不過環顧佢嘅裝橫都中韓字並用，然後朋友話佢係國內開嘅韓式燒肉（因為我無詳細睇廣告，只見啲肉喺度燒就book左😆），環境都舒適不過好迫，亦不會好大燒肉味（食完個身都無味）。招呼都ok有禮貌，一來到就比晒啲小碟小碟你，最特別係佢有個麻醬拎來沾肉食，入面有麻醬球、芫荽、蔥，侍應會教你落啲醬油落啲醋再手攪拌，用來同肉一齊食，而其他小碟分別有包肉醬、生菜、沙律菜、蘋果薯仔泥（朋友話衣挴右好甜）蘿蔔同蘿蔔。所有嘢都係酸嘅（除左生菜同包肉醬）。朋友本來想叫鳯梨牛扒（見人地來係有菠蘿肉一齊的，個樣唔錯，可惜無得食），不過佢叫錯左個無圖嘅肉（極品下羽肉）。下羽肉賣相ok 有肥有瘦都叫均勻，食落口感淋，但係醬料味重，我自己覺得無肉味（不過朋友話佢唔似用梳打粉整嘅）。我感覺一般。蘸了麻醬，不過唔係我杯茶。佢另外有3個醬料for 點肉，兩個同平時其他燒肉店的醬無咩分別，有個粉（醬？！）有孜然粉味，我係味精怪就ok ge 不是如果啲肉好新鮮點左就浪費左塊肉，同埋衣個粉完全唔韓國，localized 左。 另外，再叫左厚燒牛舌，衣個口感唔錯，我覺得比下羽肉好食熱食就叫左冷麵同芝士蛋，侍應好細心問我地洗唔洗分兩碗，上枱時已經將碗麵分開左兩碗比我地，唔洗自己分，味道ok,都係酸，餸就比較少，得一塊肉半隻蛋，我地一人一樣，入面仲有一蘋果件。芝士蛋正常發揮，要襯熱食，入面啲芝士溶溶地筀係最好食嘅時候總結：韓式燒肉，感覺localize 晒唔韓，同埋成餐食一個酸字，唔知點解大部分嘢都係酸。而家香港出街食好少少都人均300，以上人均食左300幾，價錢應該都叫正常。不過有感CP值唔高，同埋如果我要食韓式燒肉都係會去返真係話韓式果啲。…Read More

又到食大閘蟹季節，幾年都無出去食，今年個quota比左鴻星，咁好多年前食過一次，食到飽到唔想食，但係衣餐就⋯飽嘅不過比之前感覺差好多⋯平咩，其實我又唔覺，不過質素下降得好緊要。叫左個468嘅餐。第一樣來嘅係鴨胸，沒有什麼特別 就係鴨胸加青瓜，每人一件羹，去飲果啲咁，有啲蟹肉，味道都係啲味精湯咁嘅味小籠包，多汁，ok ge 大閘蟹，2皇一后，都ok ge 糕都多嘅，不過身手異處喺食蟹途中一樣其他嘢都無來過，直到最後一隻蟹。一次過上晒其他餸，再同你講一句，幫你起埋個甜品㗎喇，個感覺係佢好趕收工。蠔：入面全乾，厚粉菜：老過我最好食衣樣，黑醋霜降肉，似肉頸肉，味度酸酸甜甜咁湯丸，入口即溶，好難食食左個半鐘就走人。…Read More

最近成日見到衣間廣告，所以有機會就去試，放題2個選擇，60分鐘（$398）90分鐘（$498），食完過後真係覺得60分鐘好夠，可能我渣個胃受不了（利申：試過10蚊隻蠔果間食到2打）。咁我無做足功課咁去，所以如果我知放題得3樣嘢任食，就唔會揀90分（因為個胃頂唔順），分別係生蠔、燒蠔同燒元貝。於上生蠔前會來個9宮格前菜：由上至下，由左至右：1. 鰻魚兩件，都幾好食2. 同任食生蠔一樣，如果我一陣都有任食生蠔，建議放第二樣好啲3. 生雞蛋，用來點中右嘅雞軟骨棒，咁又一格4. 雞軟骨棒，唔錯，點埋雞蛋幾好味5. 蠔湯飯，重蠔味，但喊左啲（好細、唔洗驚一陣無位食蠔，三四啖島）6. 秋葵天婦羅，2件一條，無咩特別，用左咖哩粉來食7. 沙律，無特別 8. 象拔蚌刺身一片9. 紫蘇葉上面有一點點吞拿魚蓉，不錯，不過得一塊咁食完上面9宮格，我係完全「捍」唔起我個胃，當然我可以叫其他嘢食嘅，但我孤寒比左500蚊之後唔想再比⋯🙇🏻‍♀️日本生蠔我不嬲覺得無咩蠔味同海水味，衣個如同我想一樣，淡。上面加上啲辣蘿蔔溶同配啫哩，提味。 大隻新鮮嘅。元貝，大隻，其實應該幾好食，但由於佢無清理內臟就咁燒，我食到好「呢Hea」，好污糟，同埋唔知佢點燒呢，大部分半生熟，中間有時係凍嘅，群邊仲滑滑的，燒熟啲會好啲，定燒熟唔好食？！燒蠔係三樣任食最好食（同比較熟嘅一樣嘢），生蠔淡無咩味，燒熟左反而甜。佢有醬汁食燒蠔，不過同朋友一至認為咩都唔落最好食店家可能prefer你叫嘢飲，問佢先有水飲。咁我食左一陣個胃開始頂唔順，睇過個menu 完全無熱嘢飲（我想飲熱嘢，個胃會舒服啲）咁就問佢有無熱水，都係無，成間嘢得凍水同凍飲。强烈建議可唔可以有熱飲揀。由於我個胃太弱（10蚊蠔可以食咁多隻可能因為有其他嘢食「捍」一「捍」個胃），食完之後個胃蠔海翻波，所以我唔會再去食放題，但見有lunch menu 100幾蚊有機會可以再試。同埋都建議放題可以放返啲飽肚嘢，如烏冬，唔知係咪cost 會高左呢，但果陣真係好想食碗熱辣辣的烏冬。…Read More

今次Weekend Brunch 好滿意，會想再去的質素。Semi Buffet 咁，揀一個main course , 其他小食甜品任食，覺得物超所值，係我自己食唔到咁多嘢。想要甜品任食係一定要叫main course！朋友book左1130，去到無咩人（啲人可能未發現佢嘅好），裝修幾grand,我覺得好適合傾下偈飲下嘢咁。侍應落單時會問你飲咩，個Brunch會包兩杯嘢飲，睇個menu 果下我get 唔到係兩杯，第一杯叫左西瓜汁，同平時飲開無分別。根住侍應會上埋啲包，包都幾好食，不過驚飽無食晒。 叫左main course 可以叫上先上，任食有沙律吧，好似都有兩種菜揀（因為無咩食所我忘記了），有小黃瓜，蕃茄，杏甫、合桃、芝士等，沙律汁都有兩款，試左意大利陳醋汁，醒胃😋Parma ham &肉腸類都有4款，當然不少得有配襯的哈蜜瓜，仲有菠蘿。（寫寫下好想再食）海鮮類都有3款，長腳蟹、蝦、同螺，長腳蟹就麻麻無咩味，蝦同螺都好好食，蝦爽大隻，我覺得衣兩樣好食過酒店啲buffet。我喺我好飽時見到佢將長腳蟹換左做麵包蟹（但我太飽無食🥲）湯呢就有一款洋蔥湯，幾好味，飲左兩碗main course 叫左龍蝦尾南瓜Risotto, 平時食risotto 會好creamy 食得多會膩，衣個無衣個感覺粒粒南瓜粒，龍蝦尾煎得好香，彈牙。👍🏻 第二個main course 仲驚喜，炭燒黑豚鞍配粉紅胡椒汁，黑豚鞍好「林」唔「鞋」，胡椒汁則與平時食啲黑椒汁有明顯分別。好好味。食甜品的朋友注意All dessert you can eat. 所有dessert menu 上的甜品都可以叫，包括gelato,如果你食得多係超抵。甜品regular size 上。佢會上左一碟4件嘅迷你甜品比你。開心果gelato 必食 推介，重開心果味。另外叫左個咩莓雪芭都好味（酸酸地可以增强戰鬥力😂）千層酥好食，推介，下次再去我都要再食先。朋友推介隔離件朱古力蕉，好味嘅不過對我來講甜左少少。仲叫左蘋果批😋隔離果件有啲classic 嘅味度，唔係我杯茶最後closing coffee or tea。為weekend brunch 畫上完尾句去。（我由1130食到230）寫寫下已經想再去🤤🤤🤤…Read More

朋友生日話想食燒肉，咁上網睇下有咩揀，揀左好耐生日飯又唔想食平時會食果啲，就揀左衣間，openrice book 位 whatsapp confirm, 都幾方便（我個人喜歡上網book 好過要打電話），去之前就要confirm 食咩餐，4個餐：2 個semi buffet 2個放題，我都估到我個朋友揀放題，佢揀左個898放題，我覺得貴嘅。上到去唔full,即時有人帶位你入（到走之前都未full過。），內部裝潢幾靚，坐個位望維園球場，但抽氣麻麻，食完變行走的燒肉。120分鐘競賽開始： 侍應會話你知有set 肉上，可以稍後先點任食和牛，衣碟係個set 咁貴嘅原因，因為放題叫嘅肉真係無咁靚，同埋放題叫嘅肉最好叫啲係切一塊塊，一粒粒咬唔開（不過我只記得後腿肉係一塊塊，其他部位唔記得），基本上我食完碟set已經飽，同埋已經好油（唔想再食，不過人怕蝕抵，朋友食咩我都有食，最後有啲難受🥲）898 set 肉，咁幾靚嘅，望落油脂分布都靚，侍應會建議你由瘦到肥咁燒，最後佢會幫你燒壽喜燒，咁侍應好有禮貌好helpful,不過有少少被監視感覺😅同佢地好chur,可能驚啲客燒得唔好，佢地喺我朋友一放低個夾想食嘢嘅時候，就會行過來拎你個夾幫你燒⋯⋯最後佢嘅壽喜燒我自己覺得無咩特別，因為就係燒好肉點返蛋汁，成盤set係好食嘅👍🏻下面衣個就係任食嘅肉（後腿肉）（我掛住食唔係影左好多相，一粒粒牛無影tim, 不過咬唔開，如果有下次唔好叫），任食肉都ok 無set肉咁厚咁靚。除左肉，仲有60款食品任叫，都有啲平時出去少食到嘅嘢，好似雞冠，牛沙瓜（牛胃），雞心，牛肝，雞皮咁，雞冠佢用辣汁調味，辣左啲，口感爽脆，可以一試。雞皮佢有清晒啲脂肪，燒到脆卜卜讚。牛沙瓜，咬唔開，佢有種話點內臟嘅醬汁，個汁幾好味。另外仲叫左日本魷魚，不過唔知點解好「林」，無咬口，可不試。其實仲有好多嘢食，豬ar 雞ar 同其他熟食，但我太飽⋯⋯仲有甲羅燒，如果佢唔配米通就好，幾好食，好悔食左一個ja ….沙律都有幾個揀，下圖係蟹肉果個，衣個係飽肚食物，又無好食到非食不可，仲叫左個菜沙律清清佢蔬菜方面叫左粟米，係日本即食粟米，可即食或燒燒佢，我第一次食，好清甜，一次兩件，賣單時我見到我地叫左10碟😂（衣枱真係好鐘意食粟米）仲叫左明太子菇，唔錯唔係咁飽我一定食晒（我鐘意明太子）。朋友叫左照燒茄子：飲品都有算幾多揀，乳酸飲料有幾隻味，我飲桃味，幾好味，另外有凍烏龍/綠茶，可樂，熱得玄米茶甜品有幾款，叫左3樣綠茶雪糕（朋友食），柚子雪芭（推介，唔錯）、牛奶布甸好奶（同太飽，食唔到🙇🏻‍♀️）總結大時大節可再食，不過揀semi buffet 就ok。…Read More

今天去揾兒甥仔睇戲，睇戲前食完飯佢地提議去食雪花冰，話好多人食嘅，入到去簡約feel, 約有6張小枱面2張櫈咁，店舖外有兩個位，現時好多cafe 咁裝修，出面放下狗咁，好relax feel。我去果時入面得3枱仲有幾張吉枱（沒有影到內在裝橫）。點了兩個味三個人share，一杯香蕉朱古力，一杯焦糖海鹽。我集中食焦糖海鹽，波波面係cream cheese,下一層係牛奶雪花冰，雪花冰幾幼細，不過奶味唔重，其實都食唔到咩味，不過配上面果層咸的cream cheese 係啱啱好嘅。而焦糖海鹽呢就係杯邊黃色果啲，焦糖海鹽來講係夠味都唔錯。最低層係布甸，咪道無咩特別。Topping 有焦糖爆谷，唔突出，另外有糖，果個我好鐘意食，不過唔係好多。成杯咁講口味係偏清淡，唔太甜。一杯50蚊我自己覺得貴，不過而家物價係咁上下。但係我諗無咩吸引到我再好想食。…Read More

疫情好耐無出去都無約朋友，復活節出下去行下，朋友約左11:30喺尖沙咀話食衣間餐廳（心諗約咁早）。但係我11:30去到間餐廳已經full full 地，心諗咁誇張嘅（我事前無了解過衣間咩餐廳），得返出面啲位，照坐，但係出面啲位真心要食嘢就唔係咁舒服，高度唔係好啱，張枱又頂腳。 入面應該好坐好多。今日叫左1）果酸三文魚帶子刺身，衣個覺得無咩特別，上面有熱情果，味度唔濃，清清地，帶子比三文好食2）月見雞肉棒，衣個堅好食，軟軟的又有軟骨，沾上蛋黃的香、醬油的味道，有下次都會再叫，價錢78也不貴，份量不會太少3）蟹肉蟹膏意大利飯，味度我覺得奶味重了少許，都有蟹膏味，risotto 來講都幾新鮮的配搭，上面的蟹肉也不會覺得太少（有時啲餐廳會覺得少，但這間完全沒有咁嘅感覺），都不錯，就是吃太多會膩。之後就甜品時間，對於不喜甜食嘅我都幾對我胃口4）柑sorbet 蛋白糖（唔記得叫咩名），中間係柑味sorbet，好柑味好好味，我仲將sorbet 配埋下一個甜品waffles一齊食，都好match; 蛋白糖不太甜，脆脆的，配埋酸酸甜甜sorbet + 柑肉好清新好好味，唯一美中不足柑肉係feel 到無搣佢層衣。 5）waffles ,朋友叫時仲問佢有咩特別，因為好多地方都有得食，佢話係美女侍應介紹的。食落堅有驚喜，出面脆脆的，不是平時那種脆，它令我想起沙翁/牛俐酥，個感覺勁似，配埋上面個sorbet 又係令一個享受，回味。6）飲品，朋友叫了mocha、我叫了salted caramel latte，叫左心諗無叫少甜tim, 但係一飲唔甜，好啱我，不過我覺得salt太少最後我終於知點解朋友約咁早，因為其實我入完去之後，入多一枱定兩枱就已經要排隊，兩小時嘅用餐時間，我走嘅時候已經排到下圖咁（隔離枱剛走）：行左一個圈隊嘅長度都無短過，所以唔想排隊嘅朋友都早少少喇或預約。整體係有機會會再食啊…Read More

剛好去北角辦點事，本來諗住食下午茶，但係太肚餓頂唔順，行過見到佢標榜係酸菜魚專門店就走入去一試，叫左個78蚊lunch set,飲品要另外加錢，所以無加到，個set 話有小食，酸菜魚可揀配飯或配薯粉。專門店給予我期待，但係唔酸 亦唔辣（侍應無問咩辣，所以我都唔記得左講），小食就係雲耳。味度真的談不上專門🙇🏻‍♀️…Read More

舊同事話衣度係新打卡地點，所以佢就約左我喺衣度食飯，一入去係木系文青裝修，再入就係天井地區，佢大部份枱喺衣個Area, 因為天花掉滿小燈，係靚嘅，地方大，佢枱與枱之間有一段距離，所以佢full 晒都唔太嘈。（我同舊同事傾到啲人走晒，9點幾走）叫左1. 泰式蝦刺身無咩特別，蝦身偏扁2. 田螺酥盒入面除左有田螺，仲有茄汁肉碎醬，外脆内係土熱辣辣田螺加醬，幾好味3. 巨形豬扒配薯條同事話這個是慢煮方法煮嘅豬扒，um 我覺得無咩特別，不過配埋佢個黑椒汁都幾好食4. 飲品佢啲名好搞笑綠帽子…紅都面晒⋯但係我唔記得衣杯叫咩名，佢係水果茶，都不錯喝食完衣次，我都想再encore，咁啱幾日後又去附近所以再去試下其他嘢，今次就係3點幾去嘅，佢無Tea menu 都係同一個menu,可能係星期日，今日無好多人，坐左40%度，衣次食：1. 炸魚薯條條魚有厚度唔係得粉，啲粉都算薄，配埋佢個沙律醬都幾好食2. Pizza 忘了叫什麼Pizza, 佢個餅底做得薄好脆唔錯3 飲品：衣次飲面都紅晒，有西柚汁檸檬汁加雪碧，我喜歡嘅味度價錢小貴，坐都舒服，食物ok, 合適聊天。…Read More

成日上網見到人食Omakase, 有彈有讚，都想試下，就襯年尾對自己好啲試下衣個入門版先，作為一個lunch 398 係貴 但作為omakase 就唔貴。打電話去book 態度好好，驚我地趕都會講聲早少少去，我地12:15去到，都坐左一半人。我地坐Bar 枱，首先：1. 沙律+蒸蛋沙律無咩特別，蒸蛋好滑清甜 2. 刺身5點盛（上網見到有蠔，好奇待）有油甘魚（1件無炙燒+1件炙燒）、赤貝同鯛魚新鮮，炙燒果件香之後再上生蠔（上網有睇過，好開心），上面金箔點綴，感覺一點也不馬虎。日本蠔多數我覺得淡味啲，以個比我想像中味度重少少，加三文魚子，有種鮮甜最後上係Toro,有點筋，都肥美（不過我覺得一陣上嘅壽司比較好食）（裝飾很漂亮，秋冬感覺）3. 壽司6件抱歉忘記了第1件是什麼🙇🏻‍♀️帶子新鮮，感受到個紋理，鮮甜Toro 比刺身更有味，同無筋👍🏻金目鯛，竟然有金目鯛😋海膽，佢好似有2隻海膽分上下層，濃濃嘅海膽喺口入面散開☺️最後鰻魚，我其實唔好鰻魚，但係感覺都唔錯4. 手卷佢唔係平時見開嘅圓錐形，係吞拿魚蓉，唔錯5. 面鼔湯無咩特別就唔upload 張相，不過佢咸度啱啱好（平時有啲好咸，都唔係好鐘意）6. 甜品焦糖小卷蛋+ 蜜瓜小插曲：一路食師父上菜都有介紹菜式及食法。食完個手卷，師父問我地飽唔飽，咁我ok ge, 朋友應該就一般。可能師父睇得出我朋友唔飽😂喺等湯時送多一件手卷比佢，實在太好❤️另外不得不提個薑片，係柚子薑片，好好味。398蚊 但是食材都很好，不會給我們比較便宜嘅魚，都有金目鯛、海膽、Toro同蠔 咁，我個人覺得CP值相當高，希望Keep住質素，我會再去👍🏻…Read More

之前有食開銅鑼灣牛大人，一直都覺得唔錯，一直想帶爸媽去食，但係對行動不便嘅老人家，銅鑼灣太遠。知道觀塘開左就一直想帶佢地去，機會終於來了。諗住好多人，我自己早少少去左拎飛，原來觀塘貌似無咁爆，派兩轉飛12點同13:15（好似係，不過一定係點幾），坐唔滿就中途即入。我因為要等齊人所以都係中途即入。Lunch分60分鐘限肉◀睇過其實衣個幾抵啲set 100蚊，除左肉其他都任食，唔係話食好多肉可以試下。我就揀左90分鐘任食，又係有3個選擇，1）無牛得豬同雞、2）有2款牛同豬同雞、3）又多啲嘢食咁，揀左中間，好似200幾一個人。模式係一樣 肉ar 果啲手機落單，湯底要同員工講，自助拎菜丸麵醬汁，Quality 我自己覺得同銅鑼灣一樣無變（所以本來無諗住寫），湯底要麻辣就香而不辣。最唔同係佢多左自家制綠茶雪糕，所以無左haagen dazs 揀，果杯雪糕有啲似食風，無咩質感，不過都有好淡綠茶味。成餐飯引起我屋企人不滿係賣單果陣，其實係事後，我兩老都過左65，咁同佢講收返長者價，其中一個人無帶長者卡，比左身份證佢睇，不過佢話問左經理一定要有長者卡，咁唔得就唔得喇，果時都無咩hard feeling 只是覺得奇怪只認長者卡。賣單出到去一睇只是寫左持有效證明文件就得，估到張身分證係無咩用⋯（由於本來無諗住寫食評，所以無影過食物相🙇🏻‍♀️，不過食物是完全ok 的。…Read More

自從轉左工都無咩機會食衣間嘢，衣間越南法包我之前覺得好好食，今日有機會就去買來食，take away only, 12點幾去到無咩客，以前到而家我都只是食cold cut classic，包好快就整好，不用等太耐，喜歡辣嘅人可以叫佢加辣椒（得幾粒）。拎到返公司個包仲係脆😋好好食，就係鐘意食法包硬掘掘。包入面有芫茜、青瓜、蘿蔔、扎肉（7片度）、包有啲肉醬、我就一定揀加辣椒🌶️。味道沒有變，我都係覺得幾好食，不過係有少少貴，cold cut classic 已經係最平，都要62蚊⋯不能太常食。…Read More

今日lunch 行去利源東街買法包食，見到新開手工腸粉，見得一個包未必飽就買來試下，本身外賣店可能新開不是太多人，但我前面都有兩個等緊，佢個menu 選擇不算多，手工腸為主，都有米粉、撈麵同粢飯，飲品選擇就好多（細細間店有5、6種我覺得多）。因為我已經買左法包，所以我叫左酸辣手絲雞腸粉。即叫即整，等得都不算耐，拎到返公司都未凍。鼔油都唔孤寒，倒晒落去望落多但不是太喊，覺得同平時果啲有啲唔同，雞絲講真不是太多，味道就不太濃味，但都食到少少辣，酸就唔係好覺，但是最出色係佢啲腸粉皮，好薄👍🏻👍🏻👍🏻又滑，唔錯。（下面張相唔知睇唔睇到好薄呢）33蚊中環，可以再食👍🏻👍🏻👍🏻…Read More

今日一條友喺銅鑼灣做完嘢，想食日本嘢，search 極好多間最近都有喊喊post ，想起尖沙咀間立鮨銅鑼灣都有分店就去了。12點幾唔洗等直入都有幾隔有客。原來而家電子落單，唔洗再剔紙仔（太耐無食）都好有相睇仲可以落單果下計到食左幾錢，一條友又唔想食太貴，叫左個壽司set, 有三文魚、帶子、海膽、赤蝦同油甘魚，無咩太大驚喜，海膽無咩味，三文魚上面加左啲洋蔥碎反而幾好味。5件壽司唔太飽，又無特別想食就叫多兩個小食。櫻花蝦蛋同螢光魷魚🦑。可能我係咸精，螢光魷魚無咩味。櫻花蛋係今次最好食的，咬落去有少少湯汁，入面一層櫻花蝦😋加上啲彈彈三文魚子，好食。我仲叫左個湯不過叫錯左🥲我睇唔到連蝦頭果個選項。日本湯我不嬲不喜歡，但係立鮨蝦頭湯係真好味。這個沒蝦頭的，不是不好味，只是比較遜色。壽司set 78、沒有蝦頭的湯10（有蝦頭15，下次要叫返），螢光魷魚小食30、櫻花蝦蛋25定28， 加埋1，157蚊。 尖沙咀店我真係覺得好好食（最近無食唔知有無失色），銅鑼灣店尚可…Read More