EatwithCarman的个人专页

尚青係傅佩嘉開嘅小店，其實之前都食過一次嫁喇，不過今日再幫襯。鋪頭裝修文青feel有台灣味，記得之前lunch hour 去，排超長隊，冇得book冇籌攞。今晚去，因為二樓頗大，稍微等左兩張枱好快就可以坐，職員話一個鍾要交枱，不過走嗰時都唔係話太多人，職員都冇過黎催。試左牛肉三寶飯，排骨飯。用珍珠米，飯好食。排骨飯要等耐d，都酥脆好食。牛肉飯相對上次食牛肉面好似比較一般，但都唔錯。飲品係胚芽奶茶加仙草，早年胚芽曾經流行過，但係近年大型連鎖奶茶鋪都冇胚芽，胚芽味足，好懷念。仲叫左豬排刈包，其實都好食嘅不過似漢堡包多d，可能要叫d控肉刈包先多d台灣feel喇。你話係咪好食到令人感動又唔係，但係絕對好過求其走入一間台式餐廳，同埋以呢個地點、裝修、價錢、味道，就算唔計老闆背景，金鍾返工真係冇d好d嘅選擇囉，我都會再幫襯。…查看更多

我晨早流流衝去葵廣整電話，等緊嗰陣冇野做，又冇電話玩，咪想搵食野囉。9月1號12點，學生都就快放lunch啦，竟然成個商場都冇開幾間小店，咁都唯有搵下是但搵間食啦。d 蟹籽flooding咁多，非常良心呀，可惜我電話壞左冇影相。味道正常，價錢呢個商場都咁上下啦。因為真係啱啱開鋪，佢地同事都好清晰話俾買嘅人聽要等一段時間，唔駛企喺度呆等，而我返返上去嘅時候又真係啱啱好整好，所以我對佢服務都滿意，keep it up.…查看更多

由於唔就腳，從來都冇幫襯過渣哥，咁啱喺隔離街開會，終於有機會一試。幫襯左西式早餐，我對茶餐廳包嘅expectation係頹癈方包烘底再加錢，但係呢間！！竟然！！係正靚包with牛油烘好(見圖)！！OMG我都未試過乖乖地食哂個包。炒蛋都滑。雞排唔柴。其他都正路。上菜快(11點)。枱、地、刀、叉乾淨，冇水漬油漬。侍應都正正常常啦，冇話特別好招呼，但都唔會冷漠唔禮貌。唔太迫，用餐體驗比普通茶餐廳好。下次再幫襯其他野試下。 …查看更多

公司turnover大，成日有人走，仲要個個買文華cova，早就食到厭。睇到beans x 謝曬皮嘅散水禮盒，上面啲字實在太搞笑喇，買左兩盒祝願版。預訂都幾full，要早啲訂。女同事當然少女心大發，連男同事都覺得好靚，特登影相，唔係影我呀，影盒餅炸。一盒cake一盒tart都幾靚，同事話幾好食，剩左一兩件自己食都覺得ok。不過啲字冇得揀嘅，本來我想揀黑暗版，但係我有10個老細，冇IT冇marketing，買黑暗板唔知做乜。彩虹版我係為左 =/=My friend is you 送俾個賤嘴同事嘅，不過如果同同事普通熟，送呢個或者my pen is blue都老懢。老細考慮下俾人換塊牌啲字啦。…查看更多

Interview完，冇食lunch咪食返個tea囉，正常茶餐聽，座位闊落，冷氣充足。侍應招呼好過普通茶餐廳 (定係我對茶餐廳要求太低?)。正常茶餐廳茶餐選擇啦，所以求其嗌個文華撈麵。嘩啲XO醬超級多，其實有少少咸，但係又真係好香，竟然喺屋企以外都食到咁多XO醬。餸都好多，牛排雞排腸蛋火腿，食到個肚飽哂。美中不足係個牛排有啲生，不過我太飽冇叫佢換。但呀姐見到主動話唔好意思，主動話同我換過塊，滿分。…查看更多

上完法文堂，又想喺做gym前食少少野，身為偽中產真癈中嘅我，喺個app搵左一陣，決定幫襯良心小店。Lee hysan呢啲高檔商場冇乜人，環境舒服安靜。平時喺條街度食啲bagel成日都硬guakguak成舊石咁, 呢間小店嘅bagel唔會喎，軟硬適中，sour cream 幾好食，料都幾足。杯flat white先32蚊，以環境、質素、再加埋港島區租金，我幾得幾扺。呢個價錢有咁嘅質素，何苦飲starbucks pcc 仲有pp嗰一堆貴到核爆又冇咁好飲好食嘅假小店呢？…查看更多

考完車牌筆試，搵野食。我上次黎西九龍中心都係when i were young 十幾年前明將當紅之時。到food court經過見到張poster，試一試。老老實實我一開始冇乜期待，話哂我都成日新加坡出差食過哂各大海南雞名店，但係剩係見到賣相都已經覺得幾唔錯。撩開，塊塊都唔柴，入口嫰滑。見唔見到雞皮同雞肉之間啲雞凍呀？雞油飯都香。送個雞湯有雞味，仲有杯唔知咩茶，盛惠40。我喺金鍾返工，成日食埋啲垃圾都收我成舊水，老細賣40蚊呢個質素真係正。希望你生意興隆，心想事成。…查看更多

喺金鍾返左9年工，就快走喇，將所有欠餐廳嘅債還一還。每逢得閒少少，都會老遠喺pp行過黎食咖喱豬扒飯。咖喱出色，豬扒入味香酥鬆軟。作為一個土生土長嘅香港人，非常習慣餐廳西面。呢間就係香港異類，如果你順口同侍應哥哥講唔該，佢會超sincere咁答你"唔駛唔該！！"。去親我都受寵若驚呀我。可能有人覺得堂食好貴，其實想平啲少啲可以嗌外賣。不過始終飯盒啲蒸汽無可避免會令豬扒軟左，香酥會少左，冇堂食即炸咁正。又近地鐵站又好食又有禮貌心地又好，必去呀唔該。…查看更多