Segment123's Profile

紅磡置富都會商場一直都唔多餐廳選擇，今日到咗發現得返呢一間餐廳仲有位，所以決定入去食個午餐。入座後朋友揀左個腸仔肉燥飯，而我揀左個蚵仔麵。本身諗住兩個都唔係炒飯同炒麵，應該好快會出餐。睇返張單我哋落單入機時間係13:01，我朋友比較好彩，個飯等左20分鐘終於出來，20分鐘出餐對比其他餐廳其實已經算耐，但勉強都可以接受。但我個蚵仔麵一直等呀等，同侍應講左幾次佢哋都只係話整緊，最後我一話要取消個餐走人個陣，個麵就出左黎，而睇返自己隻錶個麵係13:47先到，等左45分鐘有多。個麵仲要已經唔係咩特別菜式需要煎炒油炸，都要搞咁耐時間，仲要味道無任何特色，份量都偏少。不論趕唔趕時間，大家覺得一個普通麵等45分鐘先出餐又是否合理？…Read More

因為係買外賣關係，平時拎左外賣後都好少會特登打開睇下啲野齊唔齊。但每次黎幫襯呢間舖頭，都總會有野漏。上次黎買外賣已經試過漏左個薯條無比，今日黎買外賣無檢查食物有沒有比齊就走左，返到屋企先發現原來又漏左個熱狗無比，因為屋企距離遠，打電話同佢哋講返問可不可以退錢又沒有，又要再重新去舖頭攞返個漏左的熱狗。但過分的係同佢哋講左過黎攞返，但係去到發現舖頭係仲未整比返比我，又要再等15分鐘，全程更沒有一句對唔住或道歉，可見店舖對客戶的重視程度。結果今次食一餐來回轉折用咗1小時。大家買佢哋外賣既時候，記得先檢查有冇漏食飯無比，否則又要行多一轉，浪費多一小時。…Read More

今日約12點同班frd黎幫襯，適逢消費券出咗，咁咪問經理有冇得分開落單，個經理話坐一張枱無得分，咁我都算，之後佢仲無尾音咁補多句，想分單咪每人坐一張枱，啲態度真係完全趕客，我同啲朋友差點想即刻走。…Read More

經過荔枝角成日都見到呢間台站，主打台灣野食，但不設堂食，可能因為咁比較平，但係即使咁平人流都冇話特別多，今日lunch hour去附近既外賣餐廳都幾多人，唯獨呢間冇乜人，趕時間既我就決定入去買嘢食了。外賣買咗一個肉燥飯配雞扒，本身29蚊對佢期望已經不是十分大，但出到黎。。。出到黎個「雞扒」唔見咗，變咗三舊雞肉。。。雖然係29蚊，但都可以加少少誠意，唔使由雞扒變左雞粒。再講個”雞扒”唔知點解炸左，變左炸雞粒，甚至有啲懷疑係用左鹽酥雞代替左雞扒，我自己本身對炸嘢興趣不大，再加埋肉既份量太少，令人有啲失望。至於飯同肉燥都平平無奇，29蚊亦不要期望太大…Read More