amoebarice's Profile

有些餐廳就係比你一種不太深刻印象既感覺，唔係有咩難食或令你不愉快既感覺，但亦唔係特別好食，唔好講會唔會再想黎食，根本對佢無記憶，BEANS就係比我咁既感覺成日都見佢好多人等，某星期日12.15去到，大約等左15分鐘入座，座位比較逼窄，講野傾計基本上隔離一定清楚聽到，服務其實唔錯，奈何唔夠人手，點菜同埋單都等左好耐。食物方面，叫左Spaghetti with Crab and Egg Yolk 同Eggs Benedict ，中規中矩，無咩太大驚喜，同區其實都有好多類似選擇，價錢可能更便宜。…Read More

D2 唔算係太多人會去逛既大型商場，而我每次黎，都係單純為左呢間餐廳入荔枝角，佢既lunch menu 好抵食之餘，重有高質西班牙菜！另外，而家某APP都有優惠tim!佢weekend 都有lunch set, 可以揀three course/ two course ，包一杯飲品。佢有窗口位，裝修別具心思，有置身於歐洲後花園既感覺！頭盤我要左扁豆湯配豬腩肉，個人覺得有D油膩亦叫左生牛肉薄片，同芝士一齊食有好濃郁既香味！主菜有西班牙乳豬同燒春雞配薯條~西班牙乳豬好juicy 又唔會太咸，不過對騷味好敏感既人可能會嫌佢有少少騷，不過我自己就覺得好好食，每次黎都會叫！燒春雞係熱辣辣上，肉唔乾而且夠”lum”，薯條唔係太粗，而且唔太油。佢最後有yoghurt 或apple pie，我叫左yoghurt，竟然唔係一般既yoghurt, 酸酸甜甜好袪主菜D肉油膩感，好有驚喜！…Read More

雖然佢已經成為中外遊客都去既茶餐廳，但如果下午茶時間去都唔算太多人，而且佢既波蘿油同雞翼仍有水準，每次去旺角都會去食！環境同服務都唔可以要求太高，而且位都比一般茶餐廳更窄，有大袋真係會好逼，可以考慮買外賣~佢既波蘿油每次都係熱辣辣，而夾住入面既一大舊牛油就凍冰冰，外面個波蘿皮重好脆雞全翼賣相雖然一般般，唔係新鮮油炸起，睇落乾睜睜，但我就係鐘意佢唔太油膩，而入面肉汁相當入味，出面食唔到架~下午茶餐雞全翼有蛋撻熱辣辣，唔油既，個人都覺得好食，不過至愛都係波蘿油~…Read More

行過見到$68有好多款既魚生可以揀 (有吞拿魚、三文魚、三文魚籽與海膽、甜蝦、帆立貝、魷魚、海鰻等)，花多眼亂，所以去試下快餐店式點餐取餐，但唔知係咪人手不足，我企係cashier 面前等左5分鐘至有人得閒黎落order (但明明就唔係好多客人喎？！)我點左三文魚同吞拿魚蓉魚生飯，只可以講，真係好普通好普通，有雪味。。。而且飯既份量好細。。。$68一個丼，明白租金可能佔大部分成本，但咁既質素，真係有點太貴，寧願比多少少食好D既質素。。。:(…Read More

My friends strongly recommended the Continental and it was also on eatigo app as well, 50% off which is a very attractive deal. The food is no doubt impressive and I have nothing to complain about the service. Tables are well spaced so we have some privacy during the meal. We had two people and we ordered a three-course set dinner, plus appetizer and pasta dish to share together. The portion is very filling. It started with the bread which is freshly baked. The mushroom soup come with very strong and creamy mushroom flavour. Never a fan of mushroom soup but this one is impressive!!The best dish for the night is the steak in which its meat is very tender and juicy. The bolognese pasta's texture is just right. Appetisers are also very well represented and we weren't disappointed at all.I will certainly come back again!…Read More

放lunch時間，要有合理價又坐得舒服，中上環區都好難會搵到，但呢間餐廳因為有兩層，所以地方好大，坐得好舒服。佢點餐係自助形式，lunch set 都價錢合理，$68 - 88內，可以再加$20包沙律/薯條，加飲品。日式燒汁炸蝦飯，炸蝦熱上，而且蝦夠大件，唔會太厚粉。煙三文魚意粉，意粉太乾，只吃到檸檬酸味，唔會叫。最impressive 係佢既薯條，熱辣辣上，又唔會太油我叫左cappuccino，好香滑，有拉花總括黎講，除左意粉外，整體既食物，服務同環境都唔錯，會再去！…Read More

EMax 又有戲院又多outlet，重要連假日都唔算多人，係一個炎炎夏日既好去處，雖然佢有一層係food court，但價錢唔算特別親民，選擇亦唔係算吸引，係basement見到呢間日本餐廳，裝修好靚同高檔，但lunch set價錢只係$80 - 百幾蚊左右，可以一試！我大約12.30去到，有幾檯客人，坐位舒服，環境寧靜，而且裝修有落足心機，有身在日本居酒屋既感覺。海宝丼（並）（亦即係最普通），有得免費要大盛，不過飯量都唔算話好多，不過佢地話其實無限任添！最特別係配柚子醋啫喱，佢飯唔係壽司飯，自行試味落適量既啫喱，柚子醋啫喱配上飯上既碎海鮮，鮮甜開胃！吞拿魚蓉飯個人覺得佢個魚蓉既汁本身偏咸，鐘意海宝丼多Ｄ佢地可能開業唔算耐，見到有幾檯客（包括我地）都出現錯單，雖然侍應都即刻道歉而且立即重新再送上正確既柯打，而且侍應都姊有禮貌，長遠都有需栗改善錯單情況應乎更多既客人。…Read More

之前係見有人去食，睇落幾吸引，所以去試，可能算早（７點前到，等左１５分鐘就有位），裝修走中國古典風，桌椅餐具都是主要用木質，睇得出裝修有落心機。一坐底就有蝦片，後來至知原來老闆娘婆婆係印尼華僑。十三幺，個名好得意，其實是以雞肉為主的雞湯麵，但雞湯味不夠明顯。由於我係重口味既人，個人略嫌湯底淡而無味。雞叉燒亦無太大驚喜。手撕雞伴雞油飯，但唔覺有好濃既香油味。總括黎講，環境舒適，待應有禮，食物賣相亦相當討好同ark like，但味道普普通通，沒有太大感覺，回頭率不高。…Read More

I went here for Saturday brunch as part of my bday celebration. The restaurant is located in the basement of the hotel, spacious and there are plenty of spaces in between tables. There were not many customers that day and we could sit at a corner to enjoy our brunch. The food is overall satisfactory and I enjoy the salad bar and the seafood tower. However, some of the smoked salmon are too salty. I went a bit too full forgetting about the mains courses being served to the table and end up stuffing myself too much from the starter buffet. Service was variable. Some staff were friendly and helpful, some were cocky and in particular, when we were wondering why only one small pot of paella served to us (seeing that other tables served with one for each person),  the waitress impatiently and rudely told us that we could only order for an extra if we request so and in a near-threatening manner asking if we would want to have an extra one. Nonetheless, the staff serving at the salad bar is very professional and sincere. It is just disappointing to have one waitress ruining my whole dining experience. …Read More

本地人推薦，話皇都酒店有一間葡國菜，3-course lunch set （連六、日）只係$168皇都酒店既shuttle 只係半個鐘一班，其實附近其他酒店行過黎都好近！我地星期六去，１點差唔多全full，相信大部分都係澳門本地人。唔理好唔好味，只係個環境已經一絕！佢既湯、麵包同potato mash都好好味，應該係佢地既奶製類做得好出色，馬介休沙律都好好味，好開胃（雖然我食唔到馬介休味ＸＤ）可惜其餘既主菜同甜品，我只可以講我唔鐘意食葡國菜．．．其實多人既話散叫都唔錯，見到隔離檯散叫份量都好大，而且價錢唔貴，又有更多選擇！…Read More

又到同好姊妹慶生日，今次揀黎Clipper Lounge 食brunch，佢既價錢同質素比起其他酒店高。一開始食佢既刺身同海鮮，老實講好失望，普通過普通，點知好野係最後，佢既蛋糕係佢出名既餅店都有賣，重比起餅店有更多既選擇！重有見到佢睇落平平無奇既海南雞飯，雞肉好鮮嫩，好入味，油飯亦都調得恰到好處，我雖然好飽，但真係好好味，食左兩轉！相比之下，佢主菜既鵝肝就無咩特別，不過不失。我覺得下次再黎，我會skip佢既海鮮同刺身，留胃食熱食同甜品！…Read More

香港人無論春夏秋冬都喜歡打邊爐，我都唔例外，其實一班人最開心一齊打邊爐，可以邊傾計邊等食，好暢快！「打邊爐」除左打邊爐，其實重有得叫刺身！佢地有比出面更多選擇既火鍋調味配料上檯，比我地自己自由配搭。點菜係用電子平板點，有好多唔同既食材揀，多到有Ｄ花多眼亂ＸＤ我地揀左藥膳醉雞鍋同沙嗲鍋做鴛鴦湯底，藥膳醉雞鍋有半隻雞，雞唔肥而且有好足料既藥膳，湯底好鮮甜！食林絕無令人失望，牛肉好新鮮，而手打墨魚丸好彈牙無粉味，絕對物超所值，而且服務態度好好。後來見佢地９點後好多人黎，至知宵夜時段有折，值得再去！…Read More

如果你係中環返工，相信呢間日本餐廳你都有聽過身邊朋友同事講過。佢位於soho區，舖頭細細，雖然有兩層，但上層感覺似係閣仔多Ｄ，不過佢都唔會有壓逼感，坐得非常舒服！我今次叫左自選壽司（２０件），只係＄４００，而且有前菜、沙律、味噌湯同甜品。自選壽司特別之處係好多魚類係香港都好少食到，雖然侍應好細心同我地每樣介紹，我地好多種類都聽都未聽過ＸＤ一定要提既係，個度既侍應服務態度可以媲美五星級酒店餐廳既水準，佢地見我決定唔到，主動推薦幾款叫我地可以試，見我地對各種魚類毫無頭緒，又努力形容味道比我地，等我地有個概念。一餐好食既飯除左食物同環境，好既服務態度都好影響食慾！佢地既魚生絕對可以同真。omakasae 既水準比較！無一款壽司令我失望，最驚喜係佢既海膽壽司，非常鮮甜，佢既甜味食完仍有淡淡留係我嘴入面，回味無窮…Read More

一直都好想食omakasae，但始終價錢不菲，於是我就襯生日比藉口自己去食呢一間有朋友介紹，話價錢合理質素高，所以一於試下。去到時已有４個客人食緊，我個位變左係面璧位，有Ｄ唔太舒服。:(野食方面，佢比都出面既omakasae set ，有多好幾種set選擇，而侍應都好適心解釋比我地聽。佢所有食材都好新鮮，而且保證食到飽飽（廚師都有因為我既食量嚇親，話一般女生食到一般已經要求壽司要少飯），唯一少少失望就係佢既海膽壽司個日來貨唔係太新鮮.，但總括黎講，我都覺得係好食，值得再去既…Read More

Nobu 作為全球知名的日本餐廳，估唔到佢既Afternoon Tea Set 比其他普通級數酒店既價錢差唔多（＄５４８ for two），所以決定同好姊妹黎慶祝生日！環境方面，個人覺得裝橫有Ｄ舊同埋檯與檯之間好逼，可能樓底矮既關係，整個餐廳好嘈，不過佢既海境真係無得輸佢下午茶其實都主要係以綠茶為主打，有別於一般afternoon tea只有茶或咖啡，佢地有好多特色抹茶飲品！所有既茶點都好好食，乎合五星級酒店既水準佢地既lunch set 價錢其實都好合理，會再去。…Read More