charing0628的個人專頁

平時經過都大排長龍， 今次特登早一星期係openrice訂定位。點都要試下係咪真係咁好食。。餐廳每一位員工都好有善，好細心，認真真係好難得， 佢地d服務態度分分鐘仲好過酒店。明太子虎蝦意粉， 蝦大大隻， 汁醬適中， 唔會感覺好膩。正呀日本63c温泉蛋卡邦尼意粉，意粉汁較得好好，食到尾都仲有d 汁，唔會好似其他餐廳攪兩攪就傑哂。BBq豬肋骨配薯條， 豬肋骨啖啖肉d肉仲好juicy.重頭戲在後。。抹茶紅豆麻薯卷蛋。。 抹茶係用高質日本抹茶粉，濃濃既抹茶味之餘又唔會有苦澀味。加埋中間舊麻薯真係不得了巴斯克芝士麻薯蛋糕。以為芝士蛋糕應該會好膩，出奇地唔膩之如又唔甜呢餐真係由頭盤滿足到甜品好開心…查看更多

行行下加連威老道，有得到開咗間樓上鋪既西餐廳，其實本身都係淨係想上去睇下咩環境。。但係上到去餐廳職員工好nice咁介紹有咩推介同有咩好食，本身諗住淨係睇下既我，我都忍唔住留底食飯特別要推介係 48hrs whole bone in beef ribs ..慢煮牛肋骨d肉好淋。D醬肉汁完全入喵入d牛肉裡面。。。正！必食頭盤： fresh avocado & chilled crabmeat roll，呢個牛油果+蟹呢個配合真係絕配，真係好正一d都唔膩，因為旁邊有d 好似raspberry醬既汁。。有松露薯條同炸蕃薯條。。。d薯條放耐咗都仲係脆嫁要提一提。。Roy Sze & Sandy佢地既服務態度非常好！令我對酒店以外既餐廳有另一番既睇法。。…查看更多

今日行過原本係想食西餐一心以為有意大利雲吞食，點知冇。。又見茶木冇咩人排隊咁咪去！坐底之後睇下個menu ! 好開心！原來茶木update menu 多咗好多新菜式！我叫咗個花枝墨汁手作面。。。雖然要等20 mins 都值得嫁，墨汁唔會好似其他地方d 汁希到灰色咁。。用料十足，花枝片，其實係將墨魚滑煎咗一片片。我諗我以後黎食茶木唔會淨係黎食lunch! 下次我會考慮下黎食dinner, 我想試下佢地個鴨！ 服務生。態度真係。。。同佢講菜名一句彈埋黎"講number"...←冇尾音。。。我呆咗，由於本人有數字障礙，唯有指俾佢慢慢抄。。。…查看更多

我同我男朋友最唔鐘意等位，好彩呢度可以訂位！去到我見到超多人係度等緊因為得90mins用膳！所以我快快手手叫咗先香酥燒雞，d皮係脆嫁！冇好厚既粉槳，加上又薄又脆既雞皮，裡面仲有少少係好少既咖喱味。。。好惹味。甜辣雞，燒雞配甜辣醬，簡直係絕配蛋卷，真係冇咩特別，藍色飲品，味道好似日本梳打水加檸檬既沙冰總括黎講！我鐘意食燒雞多過炸雞，都係果句感覺上冇咁肥，實際上真係少好多油既…查看更多

平時經過成日都好長龍！好彩今次唔駛點等就有位！侍應落單唔望人，又唔覆單。語氣好差又悔氣。家陣爭你錢咩!帶子墨魚汁意粉，正所謂既墨魚汁係冇墨魚汁味，用忌廉溝開。。個汁好水。。。。帶子煎到好乾。。巴馬火腿pizza還可以，但係鐘意食脆薄pizza底，咁就唔啱你地！因為呢道pizza底係好似面包咁既厚同質感軟殼蟹沙津呢個真係不得了，沙津汁酸酸甜甜，好清新好開胃，軟殼又唔會炸到太油！窩夫雪糕可以一試。。。有三個雪糕球…查看更多

記得上次黎食都係10 年前既事。。10 年後呢道多d菜式都與時俱進，好多新菜式豆腐芝士伊麵豆腐有d玉子豆腐，肉碎之類既野又唔會好膩。厚厚既芝士汁加埋伊麵。正ar!! 好似食緊龍蝦伊麵咁！南乳豬手，南乳汁都唔差既。，但係下次會試下南乳雞翼多d !黄金蝦 ,唔夠蛋黄。。唔講以為係炸蝦椒鹽鮮魷 不過不失，但係炸得唔夠乾身龍鳳球！呢個真係不得了！龍鳳球係雞肉加龍利柳！加上到層好似桃味既汁。。。簡直絕配ar…查看更多

係新世紀揾野食好容易，揾到食物有水準同服務一流既好難！今日黎食晏唔駛等已經有位，門口個戴眼鏡肥肥地個黑衫好有禮貌，帶我地埋枱，因為男朋友係外國人，佢都好主動用英文介紹，心諗"王家沙wo..竟然有如此服務，顧及每一個客人既感受，呢份尊重我男朋友感到好開心:):)小籠包- 皮超薄得黎，夾起又唔會容易穿。正！上海粗炒 - 唔會好油膩，好多菜同配料。京醬肉絲- 好好食，最特別既係跟埋 北京填鴨皮，咁樣更加另你想食多d, 晚餐送飯一流！…查看更多

見到唔駛等位，所以就試下干扁四季豆- d豆唔會太乾，有d西芹粒幾特別大排擔擔麵 - 個豬扒又乾又硬！又冇麻醬味，淨係用到辣味。小籠包-皮唔夠厚，薑味重到好似食緊薑咁生煎包- 食生煎包我有一個習慣，鐘意將生煎包放係紙巾上面索油，竟然呢間索唔到油出黎！包底好脆！讚埋單其實有錢找，我都諗住唔要，但係冇同佢地講過，但當我起身著衫，我見個收銀即刻倒哂d tips入個tips box度。, 我心諗咩事先，你係都拎番d 錢過黎，我話唔要一件事！而家咁樣同屈有咩分別？到我行到收錢面前，扮傻扮睇我唔到。。一句多謝都冇句。…查看更多

由於唔接受即日訂位，所以我地唯有去碰下運氣walk in睇下有冇位，點知又有！限時兩個鐘！一黎到緊係叫 黄金芝士雞煲$12x係2-3人份量芝士雞煲：有好多雞，雞肉好滑，加埋好傑好多既芝士汁，簡直係絕配！芝士汁雖然唔係好濃芝士味，食落有d似白汁芝士，就係因為咁樣，我地食多d都唔會覺得膩！我地再叫咗個魚歡喜。心諗牛歡喜我就聽過。。魚歡喜真係第一次聽，原來係墨魚滑$78 ,墨魚滑冇加得太多水同粉，所以好彈牙，好有墨魚味響玲ok $38 份量好多..應該就係攞貨既唔係自家制，唔太油！…查看更多

難得放假去所以去咖啡弄排隊，好彩今日落雨唔係咁多人排隊，加上我地肯share table所以特別快，正所謂share table係一張長木枱坐14-16 人，d位仲窄過飲茶搭枱。。因為我地鐘意快，所以對空間感冇咩要求。本身我想叫 總匯三文治，因為有Doritos粟米片,但係侍應話"冇哂 Doritos粟米片問我介唔介意？"，我話"咁可唔可以加多d蛋沙津？"侍應話"唔得！因為唔可以改menu design. "聽完之後無言。。。。。心諗咁冇Doritos 粟米片都唔係menu design 一部份咁冇你地又賣既？。。。。"Bbq豬扒三文治正所謂既bbq豬扒其實係厚切煙火腿。又話係豬扒黎既冇咩特別，唯一好食既係個蛋沙津。雞肉pizza 雞肉pizza有意大利肉腸，蕃茄醬，雞肉，汁醬的確好"野"味好食，但係pizza其實係用厚面包做底，由於厚面包唔夠脆同硬身，加上厚厚既汁醬變得成件厚面包好似一塊軟方面濕咗咁。食落去糊口。。。。。:(野莓沙冰好新鮮同埋好多野莓，絕對唔馬虎！加上又唔會好甜，值得一試焦糖鬆餅平時食士多啤梨鬆餅，因為次次食士多啤梨都好酸，所以今次試下焦糖，以為焦糖淨係淋上面，原來另上咗一杯仔焦糖！好正arr 好似食緊拖肥鬆餅咁！鬆餅同我地係台灣食水準差唔多！…查看更多

新世紀廣場啱啱裝修完，商店全部都係新開，見到呢間餐廳係商場open area 裝修又好特別，咁啱見到條龍唔係咁長就排下啦，排咗20mins到我地啦好好彩我地安排坐係個大木圓圈裡面。。每個餐都包餐湯同蜜桃茶是日餐湯佢地冇提過係咩湯，我諗應該係蝦頭洋葱湯，雖然係跟餐既餐湯！d 湯都唔會好似溝咗水！因為好濃既蝦味，d湯又唔會好希。。足料！香草3小時慢燒雞半隻$128好有意大利香草風味，雞皮薄燒到好脆，一切落去好多雞汁流出,雞肉好滑，就連平時雞胸位都係滑，拌碟既沙津都好有心機加埋d 酸酸甜甜既沙津汁，唔會太heavy.泡菜漢堡$112冇咩特別，漢堡既麵包食落好似嘉頓漢堡包，真係冇驚喜唯一係漢堡扒牛肉唔錯，但係泡菜真係好少。餐茶蜜桃茶。。清清地唔太甜，好香蜜桃味…查看更多

總之有綠茶既野呢 ! 我就最鐘意7:00 到唔駛等，座位好舒服，唔會好迫我地叫咗一杯紅豆綠茶latte，好好飲，好夠奶味加埋d綠茶，又唔會太甜，紅豆又唔會好甜。韓式炸雞温泉蛋飯：係日本餐廳食韓國炸雞，當然唔會有韓式風味，但係最值得讚係雞塊炸得好好，唔會好乾！d雞塊留有肉汁！加埋個温泉蛋感覺上好似冇咁熱氣！辛辣汁豚肉拉面(加量) ：話到明加量當然係多d拉面啦。但係又唔覺得有幾加量，所以如果食lunch就夠飽。塊豚肉。係超級肥豚肉。。夠哂滑啦，但係我真係唔識欣賞。拉面，飯都送一個湯：個湯淡到好似溝咗好多水咁。。最期待既綠茶Tiramisu, 出場啦 :真正既Triamisu 成日食，但一下之就食唔到太多，有一層厚厚既綠茶粉係面，綠茶粉多但唔會有苦味，加超香滑既牛奶cream同蛋糕，我食完一個忍唔住再叫多個食。。…查看更多

放牛牛，見到magazine有買，見到又咁靚咁得意，一諗住心黎試下。。諗住叫火牛牛因為貪佢有個棉花糖係上面。。但係因為火牛牛個雪糕筒賣哂， 跟住我就問我要水牛牛既雪糕筒配火牛牛既雪糕配料？店員話"唔得嫁，呢d 雪糕係公司設計唔可以亂咁轉！估唔到呢間小店都有佢地售賣既宗旨最後我叫咗風牛牛 同 水牛牛風牛牛 係薰衣草雪糕，菊花威化，窩夫，菠蘿首先薰衣草雪糕。。食落去。。好似厠所d香精加咗落去咁.窩夫一d 都唔軟，乾到呢。d 菠蘿一食落去就知係罐頭菠蘿。。水牛牛。係牛奶鹽雪糕，藍莓，朱古力餅，有塊藍色糖塊插係上面，拎完雪糕，未行出門口，藍莓同朱古力餅已經唔係多仲要跌咗幾粒落地下，男朋友個樣好無奈，笑咗。。係牛奶鹽雪糕幾特別，鹹味適中兩杯雪糕都真係麻麻地，唯一係雪糕筒好食好似d 曲奇餅咁好厚好有口感！但係食到一半發現已經冇哂雪糕。原來雪糕筒中間係朱古力脆脆米。。鐘意食既人可能會覺得好驚喜，但係我唔知點解覺得好似俾人呃咗咁既我d 雪糕呢？？。。。。…查看更多

放牛牛，見到magazine有買，見到又咁靚咁得意，一諗住心黎試下。。諗住叫火牛牛因為貪佢有個棉花糖係上面。。但係因為火牛牛個雪糕筒賣哂， 跟住我就問我要水牛牛既雪糕筒配火牛牛既雪糕配料？店員話"唔得嫁，呢d 雪糕係公司設計唔可以亂咁轉！估唔到呢間小店都有佢地售賣既宗旨最後我叫咗風牛牛 同 水牛牛風牛牛 係薰衣草雪糕，菊花威化，窩夫，菠蘿首先薰衣草雪糕。。食落去。。好似厠所d香精加咗落去咁.窩夫一d 都唔軟，乾到呢。d 菠蘿一食落去就知係罐頭菠蘿。。水牛牛。係牛奶鹽雪糕，藍莓，朱古力餅，有塊藍色糖塊插係上面，拎完雪糕，未行出門口，藍莓同朱古力餅已經唔係多仲要跌咗幾粒落地下，男朋友個樣好無奈，笑咗。。係牛奶鹽雪糕幾特別，鹹味適中兩杯雪糕都真係麻麻地，唯一係雪糕筒好食好似d 曲奇餅咁好厚好有口感！但係食到一半發現已經冇哂雪糕。原來雪糕筒中間係朱古力脆脆米。。鐘意食既人可能會覺得好驚喜，但係我唔知點解覺得好似俾人呃咗咁既我d 雪糕呢？？。。。。…查看更多

又係睇到openrice.見到呢間雪糕店男朋最鐘意食雪糕。。我最鐘意食棉花糖。。我當然叫咗個棉花糖雪糕$29,棉花糖有幾種顏面簡，我簡咗藍色個棉花糖，其實見到個雪糕藍色一定係加咗好多色素同添加劑，但係食落又唔係wo! d 雪糕好有牛奶味好香好滑，個雪糕裝到底。。所以勁大杯男朋友叫咗杯焦糖雪糕$29，雪糕筒好脆同埋好厚，個雪糕超靚又好睇都好大杯。。抵食ar. 我會再黎！！…查看更多