WHOISHFC's Profile

話Fridge係中環區嘅一個hidden gem絕對唔係誇張. 呢間餐廳主打生蠔. 雖然筆者唔食生蠔, 不過同行嘅朋友一致認同呢度啲生蠔非常新鮮. (聽老闆講有啲住中環/半山嘅朋友會直接喺Fridge訂嚟開party). 呢度嘅磨菇湯夾集住濃濃嘅鮮磨菇同黑松露香味, 一試愛上! 芝士火腿拼盤亦份量充足, 喺而家百物騰貴嘅香港有咁慷慨嘅份量實屬難得, 啱晒一枱四五個朋友一齊分享.Fridge嘅旁邊正正係一間以牛扒作主打嘅餐廳, 但係無論肉嘅質素, 廚師嘅烹飪技巧, 到擺盤心思及附送嘅薯條, Fridge呢間小店都贏九條街. 最後我哋仲order咗一個看似簡單, 但係要做得好並唔容易嘅橄欖油蒜片意粉. 意粉剛剛al dente, 再加上濃濃嘅蒜香味, 好食到停唔到口. Overall, Fridge係一間同區少數高質素而且value for money嘅餐廳. Highly recommend it, 同期待喺不久嘅將來再嚟試埋佢哋其他菜式!…Read More

今日去黃埔探朋友, 順道一齊去紅磡嘅呢間1仔冰室食晚飯. 星期日嘅6:15pm, 餐廳已經半滿. 可見呢間新餐廳喺呢一區都已經有一班捧場客. 職員有禮, 亦好主動介紹當日嘅是日晚餐. 加分!!!我哋三人叫咗三個小菜跟白飯及餐飲. 韮王叉燒炒蛋非常出色. 炒蛋嘅生熟程度控制得剛剛好. 順滑得嚟又唔會太油. Perfect! 啫啫馬拉盞通菜煲雖然略有些少普通,  不過勝在夠大碟, 足夠我哋三人分享! 最後就係桂花蜜雞中翼. 雞翼夠大隻. 炸到脆一脆非常香口惹味. 再配上一層清甜嘅桂花蜜, 正到下次一定要encore! ! ! 三個人食咗二佰幾蚊. 雖然唔係特別平, 不過有咁嘅食物水準份量嘅一個新裝修冰室, 絕對係物超所值! ! ! …Read More