sukisukiii's Profile

我同朋友係5月27日星期一晚上8:45幫襯呢間牛涮鍋分店。我地叫左$208果個價錢，牛肉質素一般，我個人覺得樓上大xx火鍋店既肥牛都滑過佢。我地有碌熟晒啲肉、變晒色先食，蔬菜又係碌到熟晒林晒先食，但最後都係難逃腸胃炎既命運。我同朋友兩個係當晚凌晨開始不斷肚痛肚屙，而我係5月28日朝早命仲開始低燒，食極藥都去到29號先開始退燒。我朋友屙到手軟腳軟要睇醫生。27號到今日岩岩好一個星期，我地兩個食足一個星期藥，我都仲肚痛肚屙緊，我朋友個胃都仲係唔舒服緊，都唔知仲要唔舒服多幾多日。去過咁多地方包括街邊大排檔打邊爐都未試過屙到咁，貴店既衛生情況，本人真係不敢恭維。…Read More

6月4號晚上經過呢間舖頭，門口貼左張紙見到呢幾句我同朋友即刻安心地入左去坐低叫野食。我叫左個海鮮魚片辣湯，跟個飯。我就唔太中意食韓國野，所以我每次要同朋友去食韓國野都會叫海鮮辣湯，算係我唯一中意食既韓國菜式。但我食過咁多間韓國餐廳其中包括朗豪x food court果間、肚餓韓國人既海鮮辣湯，都未食過咁難食既海鮮辣湯，完全係超出我認知...🙂首先，海鮮辣湯既顏色應該同豆腐辣湯既色差唔多。然後，我唔太食得辣都唔覺得呢個湯辣，真係一啲辣味都冇，我同朋友都一致認為個味似豉油溝水🤓。跟住，我真係想問啲貢丸魚蛋墨丸牛丸係咩玩法？？？😃我見到呢幾粒野真係呆左，唔知以為自己去左茶記😅仲要收我$98再加一，真係燥左！當晚我真係食到懷疑人生，最後食左一半都冇就走左...然後去左食m記🙂…Read More

星期日下午4點多坐低加落單 如圖片所示 係冇乜客既情況下 我朋友果份都食完 湯又飲埋 5份鐘後我份意粉先黎 同經理吹單態度又差 比錢買難受 貼錢比我都唔會再黎朋友個西班牙飯仲要完全冇味 我個意粉都係勁淡😑😑中伏中到傻…Read More

今日公公生日，一行十人本身諗住食隔離鍋心，點知原來唔記得左卜位，廢事兩個老人家企咁耐既情況下就去左呢間小菜館食！啲野食好有水準，唔貴，一定會再黎！仲有其他餸冇影相，有個最印象深刻係個油鹽水蜆，大大碗都係$78，師傅應該係加左啲魚湯落去，又有粉絲好足料，啲湯都比人清晒，正！侍應行過聽到老人家話凍，仲主動即刻幫我地較細個風口，好抵讚宜家係街真係好難搵到咁平又有水準既食肆，一定會介紹朋友黎食…Read More

今次主講牛肉面第一二次黎(半年至一年前)食果時覺得好好食，麵質彈牙滑稽，係一試難忘。今日黎到再次食，麵質口感非常難，唔識點形容，似浸左好耐，但又唔係林啤啤。至於醉雞翼，根本就冇調味就直接用酒醃制，似飲緊成支紹興酒咁....自己番去買支李錦記花雕醉雞汁醃黎食好過。總括黎講，質素每況愈下，宜家間間分店整出黎既味道都非常不一樣，失望！唔怪之得星期五晚食飯時間都可以有咁多空位。仲有，啲阿姐好似趕收工咁(果時8點半) 啲野都未食完 明顯仲有大半淨 只係放低左對筷子傾個計都即刻埋黎收野，如果唔係叫住佢，真係成大半碗面比佢收走左！…Read More