YuenLin's Profile

見啲分店comment話好濃茶底味講到好好飲咁 ,行過經過熱潮已過又無乜人排隊 ,咁我對呢杯嘢有一定嘅期待 心諗應該唔差嘅。嗌咗杯: 深培烏龍歐蕾-少冰 微糖。我唔知係咪staff求其沖定點 ,飲落好淡好淡嘅奶水味 ,一啲茶味都唔覺 ,伏咗..🥲…Read More

兩個都無同我落乾刁草喺面頭，爭咁啲香味 好失望，成舊好似食緊普通芝士味咁------------------------------但睇返人哋post嗰個係有香草喺面頭!↓…Read More

真係未食過咁難食嘅燒肉..嗌咗個$153「安格斯」牛肩胛、牛小排set 200g+$28由白飯upgrade和牛肉燥飯 ,上到嚟釣梨腦母 全部都係肥膏點食呀 ,伏L到pk🙂 呢幾舊嘢懷疑200g都唔知有無 ,扑你個乖切埋切埋啲肥膏濫竽充數! 個和牛肉燥飯同台灣麵食嗰啲肉燥無分別..建議大家唔洗嘥錢🙂 剪完啲肥膏燒完嗰雞碎咁多肉食晒成個餐都好似無嘢落過肚咁黐孖筋..埋單收加一$199Dllm成餐食到谷鬼氣未食過嘅自己睇路!!…Read More

見勁多like就心諗實無死一定好食咁啦..無睇劣評係我大意咗😢🤧 嗌咗個辣芝士八爪魚同有骨半半炸雞：辣醬味同乳酪粉味炸雞 (辣芝士八爪魚無影相 因為staff撈完之後已經成pat嘢咁唔靚..所以無影到 ,好彩身件白色衫無俾啲辣汁彈到😞 彈到張枱有啲啲咁) 重點嚟了 ,個辣芝士八爪魚勁難食..啲芝士唔明點解俾咁多大蔥落去 ,搞到芝士同蔥味Mix埋一齊勁唔match..食落去真係以為啲芝士壞x咗變x咗質咁..😨 好似食緊腐爛味嘅一pat嘔吐物咁完全唔知食緊乜..好彩啲急凍八爪魚完全唔入味 就揀_晒啲🦑出嚟食埋佢算⑨數🙂 啲辣芝士浸味真係搞不_掂🤧 試咗一啖仔即放棄😷💀 餐廳啲出品唔試味就亂咁嚟就咁賣俾個客都有??🤧 咁我真係祝你生意興隆🙂炸雞賣相望落好似幾咁好呀可🙂 唔好被佢呃到!🆘上嚟得6-7舊咁大把 ,啲肉質又乾又鞋 嗰吓仲以為自己食緊M記啲雞..咩事呀大佬🤧 夠膽死索價$208🤧💀 咁嘅價錢俾啲咁嘅質素我..不如將啲quota拎去食隔離M記唔好? 無下次!!🤬 未食過嘅自己睇路🥲🤧…Read More

今次嗌咗個未試過嘅櫻之花 ,上枱好夠熱 面頭好多芝士(啲芝士多到滿瀉好足料😭勁良心 好滾動呀媽咪)同埋仲有三文魚、魷魚仔、蟹柳咬落去真係好軟熟🥹 個邊係脆嘅 ,食到最後個邊都仲好脆 ,芝士同千島醬最夾!! cp值嚟講絕對抵食過pizza Hut ,質素仲要唔差佢有好多隻味 ,星期1-5外賣大批先$98 ,而家出面閒閒哋一個大批無$160-$180都搞唔掂 ,仲有$47意粉/焗飯套餐配多個小食同湯 ,豐儉由人🤣 題外話:炸雞都唔差㗎😋 好味過K記🤪…Read More

薯條好香松露鹽味 ,但呢間嘢既然主打食牛 ,睇賣相正正常常 ,一入口已經心知不妙 ,一啲牛味都無 我心諗我喺度食緊what..塊牛嘅質素真係仲渣過你平時出街食茶餐廳嗰啲鐵板雜扒餐嗰啲牛..完全無分別..無味無道😨 完全唔知𡁻緊what..有啲位仲要𡁻極𡁻唔爛嗰隻🫠 薯條仲好食過舊扒咩料..😓懷疑薯條先係呢間嘢嘅招牌菜先至啱🤧🫠😢 藜麥菠菜湯 ,唔啱口味..淡茂茂 ,個蟹肉沙律仲大劑 ,完全唔新鮮一上枱聞到一浸異味..唔講仲以為加咗啲鹹魚落去 成浸鹹魚味咁🫠呢日仲要係聖誕節 ,晏晝1點到 ,入去得一枱客食緊..仲心諗點解聖誕節都咁少人嚟食 ,而家知咩事了🙂 咁多like..知咩事. 成間餐廳根本無心做咁嘅價錢勸未食過嘅無謂入去嘥quota🙂(小妹已以身試伏..…Read More

嗰日嗌咗三碗滷水麵 ,一碗揀咗米粉.講真個湯底第一啖飲落去已經出晒事 ,心諗點解會係酸嘅 ,我仲以為自己碗嘢係咪啲豬大腸豬肚餿咗變質搞到碗湯酸晒 ,跟住飲咗第二啖的確係酸嘅. 唔死心又去試埋屋企人另外嗰兩碗 ,_你滷味 真係酸㗎喎.我係咁同屋企人_晒鬼咁:乜滷水係酸嘅咩??無理由㗎喎..如果台式嘢整嘅滷水麵湯底係真係要酸先至正宗咁我無嘢好講 我只能講唔識欣賞😓 仲有 豬大腸有少少味.食前對佢有一定期望諗住帶埋屋企人嚟食實無死 ,點知大失所望,無下次.…Read More

真係唔係講笑 勁難食 ,平時少寫食評但真係難食到忍唔住要出嚟講句😓 提醒吓未食過嘅真係要睇路 ,唔知食評嗰啲係多打**手定點 定係水準已經差嗮小妹自認對嘢食味道要求唔高但最基本要合格 ,呢碗嘢係：豬軟骨炸醬酸辣薯粉（微辣,走韭菜）一上到嚟 睇個賣相正正常常好似實無死 ,咁本身睇食評又講到好好味咁我都有啲期待嘅 ,先飲啖湯 點知！瀨嗮嘢個湯浸味難聽啲講 真係好似垃圾站嗰啲腐爛味.. 係飲落先聞到 ,湯底完全無味 得個死甜 ,喂大佬 酸辣喎 酸都唔酸吓喎 搞錯呀.. 直頭貨不對板講真咁嘅價錢質素 我寧願食返川味心理仲平衡啲！豬軟骨無醃過味夠腍正正常常啦 !估唔到一間米線鋪個湯底可以做到咁差.. 想回味酸辣我都係去返石蔭嗰間穩陣啲😓 呢間嘢真係被米線關注組昆咗…Read More

想平平地食餐 呢度啲嘢幾平、聽講水餃係主打 ,即刻入去坐吓先E餐四川擔擔麵+拍青瓜同雞亦+兩粒無味精水餃🥟 拍青瓜食落爽口仲有啲蒜蓉味好清爽 天時熱食啱嗮水餃個餡好味 不虧係招牌炸雞翼唔脆都預咗 呢個價錢唔可以要求太高😂 個麵就正正常常啦 小辣程度 ,如果下次再嚟我會嗌返淨水餃個餐/或者試吓炸醬麵、牛肉麵因為我鐘意周圍去試酸辣米線 所以嗌咗個酸辣紅薯粉 ,呢個比擔擔麵仲要辣啲 唔太食得辣唔建議嗌 ,湯唔酸無咩味 ,唔係幾鐘意有蒜頭出現喺酸辣湯裡面 好似有啲格格不入咁😅 味道擔擔麵比呢個好啲…Read More

平時甚少嚟炮台山北角呢邊 ,今日有嘢做就順便睇吓附近有咩食 就睇啱咗呢間多like價錢相宜又抵食嘅餐廳.嗌咗個下午茶set：鹹蛋黃炸髀、配熱奶茶一上枱 ,嘩 真係估你唔到 咁大份😂 對面枱都望埋過嚟😂 炸髀好大隻、啲皮卜卜脆、切開啲肉汁流嗮出嚟 可見有幾咁juice👍🏻 得雞皮有味入面啲肉無醃所以無味 ,炸薯條份量好慷慨👍🏻亦好夠脆 最鐘意點茄汁慢慢嗒沙律菜都好新鮮爽口成碟嘢浄望個份量都已經開心嗮😋我鐘意奶茶唔落糖 ,好濃好香好好飲🥺整體嚟講35蚊咁嘅質素仲包埋嘢食去邊度搵🤣 cp值高 ,經過炮台山嘅一定要嚟試吓…Read More

平時甚少嚟北角呢邊 今日有嘢做就順便睇吓附近有咩食 ,網上見到呢間嘅靚靚拉花同黑松露意大利飯幾吸引就專程嚟試吓.見menu上面無咗芝士黑松露飯有啲失望 ,咁唔緊要la 就嗌咗個海鮮墨汁意大利飯試吓 ,墨汁係夠嘅、啲飯有咬口 ,但食食吓食到有舊墨魚仔有沙😐 成個飯未至於話去到好好食 好普通 ,有啲失望😔Matcha latte果然無介紹錯 ,好多抹茶粉 飲到好香嘅抹茶味👍🏻 好好飲一定滿足到啲抹茶控👍🏻😋 個獨角獸拉花好靚😍…Read More

平時甚少嚟北角炮台山呢邊 ,今日有嘢做 順便搵吓呢度有咩食 ,見到ig介紹咗呢間瑞士菜 睇啲相擺盤又幾靚唔錯咁 就一於嚟試吓.先講吓主菜先 ,揀咗香草烤羊架 ,調味得啱啱好、肉質軟腍、無羶味 ,好味👍🏻 個餐湯就唔太啱口味 無影到 ,係綠豆蓉菠菜湯嚟失望嘅係無咗個是日甜品蘋果玫瑰花tim😔 明白餐廳會有時轉menu個餐包意外好食 ,係羅宋湯味同蒜蓉味整體嚟講ok la ,唔洗專登上嚟 如果經過嘅話可以試吓服務分搭救 ,值得一讚嘅係餐廳幾細心 見我坐近窗位太陽好曬 主動幫我落簾🤣 侍應哥哥仔謙遜有禮👍🏻 晏晝點半鐘上到去得兩枱客 全場得一個侍應哥哥仔負責帶位落單、上菜執枱、收銀 ,menu有唔明嘅地方都主動解答咗同有講「請慢用」「多謝嗮」…Read More

放假行吓西九龍,諗唔到食咩,睇吓現場有咁多間食店選擇困難症發作😂我揀咗個吉列豬扒咖喱滑蛋包飯,以呢個價錢仲包埋嘢飲😂👍🏻咖喱香濃好好味,夠送嗮啲飯,滑蛋好滑,豬扒又夠脆隔離仲有啲沙律都好好食。成碟又大份,抵食又好味 下次要再嚟…Read More

裡面嘅環境都裝修得幾有feel喔首先上嚟嘅係一杯熱Mocha，跟餐+18蚊.又幾好飲喔，好香咖啡味，甜度啱啱好期待嘅全日早餐上檯啦 好豐富，啲薯條同薯餅炸得好脆 還仲熱嘅，多士甜甜地好脆個牛扒無得輸!!好正啊!好有牛味，而且軟腍度啱啱好，切開係微微粉紅色嘅，好有食慾 我好鐘意佢個調味 下次我要再嚟試下佢其它扒先個沙律好開胃解膩，酸酸地嘅香醋汁最後臨走前梗係影返張打卡先～粉紅色店面+霓虹燈、木長凳 夠曬少女心…Read More

烘底馳名蛋牛治—果然名副其實，不負所望👍🏻😋 點解呢，上到黎熱辣辣，個包好鬆軟，蛋同牛肉口感超鬆化🤤，食到陣陣牛味，聽講用新鮮牛肉整。趁熱我用左唔洗五分鐘時間就消滅曬成碟 😂😂😂…Read More