kenny129's Profile

呢間小店好有驚喜:) 因為d炸物真係好正，所以我一定要打返個好評 比呢到既食物 環境 同埋店員 ,首先我地需要去到櫃面叫野食 店員十分友善 ,好好笑容，落完單之後就等叫number ,我地坐低左發現一個細心位 有我free charge ,勁貼心，可以比電話無電既人係食野期間差下電見到呢到環境都好特色 地方雖小，但枱同枱之間隔左足夠空位 , 原先念住堂食 ,點知原來叫左外賣叫外賣會用戶戶送既紙袋 哈哈呢個鰻魚飯好味，份量亦多，鰻魚汁好多，成個飯都會有，鰻魚好滑 ..再黎我地叫左南瓜芝士餅 ,超出色，平時日本放題都會有類似呢款既炸物出現，但係呢到真係好吾同 ,炸粉吾厚 ,但非常脆口 南瓜味同芝士味好夾，芝士仲要係流心，一個份量有手掌咁大 ,真係好正我地仲食左雞翼同埋炸雞件 ,炸野同樣出色好驚喜，因為炸粉外脆吾膩，雞肉仲有好多汁必出黎 好正最後流心蛋一隻 ,我load 落個飯一齊食 ,成個飯變得好有蛋香味 .勁推介呢間小店 大家快d 去試下喇…Read More

未去過觀塘果間Return Coffee，成日都經過荃灣果間，於是決定入去試下，點知原來Dirty係咁好味道，香濃既啡味，奶既口感加埋暖暖地咁，真係一試難忘。收我45？真係抵到爛，可惜係有啲人不懂得欣賞。咁嘅質素，以後要日日黎！————————我是分隔線————————利申，我只係路過…Read More

Marka house係虹橋已經開咗好耐，今次已經係第二次黎食野，1年前黎食過生蠔同鵝肝都重好難忘。而且虹橋好多泊車嘅地方好方便，閑日夜晚8:00嚟到唔係好多客。Set Dinner都幾多選擇，我同朋友叫左羅勒番茄鱈魚意大利麵同露絲瑪利法式半烤雞，有包湯🥣同沙律🥗虎蝦好新鮮，咬落好爽口，調味啱啱好唔會太咸，帶有少少蒜香味，下面有幾款雜菜，艽牙、紅毛菜等等，淋左少少油醋係面，幾清新開胃:)湯唔係水水地果種，而且會feel到有粟米打碎左既口感好甜同有啲煙肉咬口，每啖都好Rich前菜試咗呢隻有少少似韓式嘅雞翼，雞翼非常香脆，熱辣辣，辣度亦都好適中，唔係好食得辣嘅人都可以試吓，份量都好多，每隻雞翼都有開左一半用刀叉食都容易。極度推介一試烤雞既出品非常高，外皮帶少少脆，一啲都唔油，Rosemary同Black paper既味幾重，肉質鮮嫩而且保留到肉汁。配菜薯條亦都不容忽視，表面極脆、裏面軟熟，100分—————————我係分隔線—————————我朋友就試左鱈魚意大利麵，鱈魚好大塊，面頭有少少蟹子，意大利麵係蕃茄味好開胃，酸度亦適中，係好開胃同好香嘅配搭，整體唔錯。西餐來講呢到係好好品質，店員會好照顧客人，好有禮貌，餐面樓底好高坐落好舒服好有空間感，而且俾人感覺好優雅，坐耐啲食耐啲都唔會覺得唔舒服。另外食物整體質素好高，唔係求其整出嚟，真係有有啲細緻位係你食落就感受到，如果比呢個價錢絕對值得，出邊好難係呢個價錢可以食到咁嘅出品，絕對值得一試嘅餐廳。…Read More

徳國餐廳大家都應該會熟悉，重要如果你中意食徳國咸豬手應該冇可能未去過，我都好耐冇食，今日突然好想食所以同朋友去左建新到食，之前唔係哩到，依家搬左黎，輕鐵落車都幾方便行5至10分鐘就到，商場既地鋪。裏面環境不錯，好舒適，都好有德國風格既裝修。除左環境服務都唔錯，店主好nice，會成日留意客人需要，岩岩好見到一枱可能就係德國人店主同佢地有講有笑又幫佢地影相好親切 啲野都好整齊同乾淨之後我地叫左2杯野飲，分別係蜂蜜綠茶同雪梨蜂蜜，杯都係凍冰冰，所以唔洗落好多冰都好好飲，配芝士奶蓋既茶真係無得頂！然後我地每人叫左一樣主菜，必食德國咸豬手、美式燒排骨豬手炸到超熱超脆口！好香，感覺好似燒肉嘅皮，但味道當然唔同，帶少少煙燻味同焦脆，肉好軟淋，咸香味一流！佢有on side German mustard，睇你中唔中意食果隻味，可點可唔點，我自己覺得有少少似wasabi既辣。仲有薯蓉同埋配菜，啖啖肉咁樣食真係好滿足。———————我係分隔線————————之後就到美式燒，好大份有成差唔多10枝骨重有啲薯條係下面。哩個排骨啲肉好嫩，水準幾好，腌料都好香，燒到岩岩好，唔會overcook，一啲都唔似出面有幾間大店都整到好柴。而且肥瘦都好均勻，中意食Pork ribs都可以叫黎食，但一個人未必食到咁多野，Share比較好！我地2個人食咁多野真係好飽好飽，所以都叫唔到咁多其他野食，最好就一班friend黎食叫幾樣野share！係到坐下傾下計不錯之選。…Read More

今日同朋友約左係大埔食飯，放是上網揾到呢間noc noc，見到食評不錯就簡左呢到呢度係一間bar有酒賣 亦係西餐廳，環境比我感覺好舒服 ，枱同枱之間好闊落，同朋友傾計時吾會有壓迫感，店裹面燈光較暗，加上播住抒情音樂，係到坐低感覺真係好chill,番完工黎呢到放鬆一下真係好正，我地大約10點半左右到餐廳，一個好好笑容同好熱情既店員比水我地同埋提我地食物就黎last order，我地要快啲落單，我地簡左美國豬鞍扒配芥末子($198)先黎個扒份量大，肉汁鮮甜又多汁 配左芥末子味道好夾，煎既時間岩岩好，吾會un,同埋扒面都係香脆既，真係吾錯擺盤亦都好靚，豬鞍配上薯角同埋雜菜，整體都好滿足，好正同難忘第二樣我地叫左雞翼三重奏，我極力推介（$88）6隻有三種口味，各有特式，水牛城雞翼辣得好惹味，個醬係好夾呢隻雞翼，牛油雞翼係勁多汁同勁香，咬落個蒜味都幾重，蜜糖芥末雞翼，感覺芥末既味係超過蜜糖，風味十足，3種吾同味既雞翼都係好好味，極力推啊然後到大啡菇芝士牛肉漢堡（$118）首先要賺既係好大舊同埋係好足料，我食到一半已經飽緊，牛既味道好香同埋會有好多肉汁必出黎芝士有拉絲！！勁正 真係勁多料 係咁係我手上面漏出黎炸魚手指（$68）炸得幾脆！白提子沙冰！飲落好清新，真提子味食得咁飽同膩既飲呢個一流～最後最需要讚賞既係店入面員工，睇到你地對美食同飲品既執著，亦重視對客服務同工作熱誠，所以今晚我渡過左好愉快同輕鬆既一個晚上…Read More

今日放假見新墟開左間Cafe就黎坐下休息下，原本樂啡開係葵涌既工業大廈到，哩家搬左過黎屯門。假日生意都幾好，經常都滿坐，野食好多都已經sold out。晏就3至4點黎有啲日落陽光照住幾舒服同光線都幾靚。咖啡都幾好飲，我見好多客人都飲cold brew應該唔錯，杯係有小小傳統中式感覺。試左all day breakfast同pasta味道都okay，份量略嫌有啲少。———————————————————————音樂同環境應該係哩到主要想帶比客人既野，但小弟我不懂音響。另外老闆都好親切同街坊客人關係都好好，整體係到嘆個Tea都幾舒適。…Read More

今日同朋有行朗豪坊，見到間歐日風既cafe，睇到好多雪糕、甜品、蛋糕，都整得好靚主打應該做甜品，不過有啲肚於是就去試下晚餐得Dinner set，好多都係新出，下次先試甜點。Dinner set主要有啲意粉、日式飯同Wrap果啲係店頭落左Order先，之後自己揾位坐底會有店員送餐過黎，我地Order左大蝦長通粉同埋意大利紫薯雲呑伴忌廉菠菜凍檸檬紅茶是日沙律亦可以選擇餐湯店員送到黎就見到有杯裝飾用嘅花，真花黎，都幾靚，望住食都會覺得幾有feel哩個main真係幾有驚喜，雲呑皮好軟熟好新鮮，入面餡料係紫薯都幾有創意特別，意大利crossover日本既菜式，再加埋忌廉菠菜配意大利雲吞幾好食。面頭重有啲沙律菜同松子仁，增加左口感整體黎講環境都好舒適，燈光都好靚，我地旁晚黎食天已經黑黑地，加埋啲燈光同埋裝修係商場入邊都幾突出，有小小Classic同日系mix既感覺。…Read More

今日夜晚經過天水圍，所以決定試吓朋友推介嘅餐廳，新界區比較好食嘅日本餐的確唔多，朋友推介就嘗試嚟呢度試吓，點知驚喜處處！鋪頭格局好有日本風情，地方都幾大，枱都好多張，而且仲有卡位，坐落都幾舒服，牆上壁畫都好有日本小店嘅感覺冇諗過喺天水圍會有呢種餐廳既然嚟到梗係要試吓啲特別嘅嘢啦！如果講新界區嘅日本餐廳，有燒雞泡魚干，而且整得好食真係唔多！除咗燒之外，外面仲有搽咗蜜糖，有少少焦脆，食落口感有少少似燒魷魚鬚嘅感覺，而且甜甜地幾開胃，做前菜真係唔錯。手工玉子燒睇落細細份，但係食落真係幾高質，棉滑得黎甜度亦適中，唔錯。呢個算係我食過香港最好食既火炙左口魚裙邊壽司，裙邊切得有厚度，燒出嚟嘅油脂非常多，剛燒好熱辣辣送上，隻碟都仲係熱既，應該岩岩火槍燒完，絕對新鮮！因為我對左口魚裙邊其實有情意結，要食到好食嘅真係唔容易！呢碟絕對高質！鍾意左口魚嘅一定要試蒲燒鰻魚燒得非常好，鰻魚嘅肉質非常嫩滑，外面層皮係脆卜卜既，面頭有啲芝麻加落去，可以點小小佢比既孜然粉，估唔到都幾夾，味道都好特別！好食牛脷切得好厚，Juicy得黎又爽口，啖啖肉！佢哋推薦既丼之一，材料好多，鍾意食多種類魚生既人一定覺得CP值好高，仲要有螢光魷魚🦑幾有特色。每款刺身都好新鮮，尤其係海膽，真係無得輸整體來講成間鋪頭每樣野都有驚喜，估唔到啲嘢食咁高質，價錢絕對係物超所值，CP值好高，仲要係天水圍入邊真係唔簡單，絕對值得來一試。而且佢哋好多材料都係日本直送，非常新鮮，師傅煮每一道餸都拿捏得幾好，冇一款菜式食完係我覺得求其，全部都有心思，認真，新界區有咁樣嘅日本菜已經唔多了，仲要包含咁多款式，但亦都兼顧得到，一定仲會再返嚟食。…Read More

黑糖珍珠鮮奶近排係香港真係太受歡迎啦，周圍都開好多台灣飲品店，老虎堂早已係香港，九龍好出面，終於都屯門都有，位於屯門v city,記得佢開張無耐，條隊打哂蛇餅，依加終於見少d人就去左試下喇 ～今次叫左黑糖厚鮮鮮奶（$30）真係幾好飲，本來佢係好多黑糖，但我自己搞左幾下先影相，所以杯野無咁多虎紋，但係黑糖同鮮奶好夾同埋啲奶十分香大家記得飲之要搞10下左右！會更好飲…Read More

琴晚去左位於屯門虹橋既赤橋拉麵食野，其實呢間拉麵店係屯門人眾所週知係勁好食既，鋪頭係小店經營！仲要係日本人經營，但係佢地都識聽廣東話既，今次我地食既係兩個拉麵我地食既係海老豚骨（$85）湯底超濃，但吾會太重口味，而且仲好有蝦味，叉燒肥美，拉麵硬到剛剛口好有口感同咬口，流心蛋都係煮得岩岩好！荀既數量都吾少 ，總結85蚊黎講呢個味道都好值！！！！但由於都好多人黎食野，所以要等耐啲先入到去坐但，建議早啲黎排隊食…Read More

位於屯門碼頭新樓既mx，開左吾係好耐，位置同兆禧輕鐵站好近，但我都係第一次試食，成個商場得返依間mx同惠康，好易搵到位置，入到去環境好新淨同好有時尚感既快餐店今次我買左外賣返去屋企食 ，買完票之後可以黎到等候區坐低等叫號碼超貼心既安排超快就有野食！呢到既員工非常熱情同有禮，今次買野食既體會好好黎到食物既重點！！！今次買左sir滑雞超級有驚喜首先成個餐只賣$53,但係有好多野，首先有無骨既海南雞！之後有芝麻醬沙律，仲有湯 同一個油飯，醬都好齊全！呢個餐真係好抵 ！因為雞好滑好好食 ，油飯非常香 ，湯係佛手瓜湯 好入味真係超愛呢個餐！take eat easy!!…Read More

今日係旺角念住買少少野食，臨上小巴見到間十八座狗仔粉，於是就走左去買黎食，點知真係好好食粉既硬度適中 好有咬口配菜方面仲有蔥，菜鋪，豬油渣，豬油渣入口即溶 好掂！推介大家經過可以試下…Read More

位於葵芳廣場既小食店真係好多，所以好想去食番個tea~今次叫左真•蟹子章魚燒！($32)睇個樣都勁吸引呀，橙色係普通蟹子，但綠色既蟹子就係有wasabe味既！成碟仲佈滿木魚同蟹子，小丸子既皮夠薄，吾會食到成口粉，涵都夠多，食到一粒粒既章魚…Read More

依間位於屯門蝴蝶村商場既pizza hut真係好抵，因為佢吾同出面大城市既pizza hut，呢度既野食係特別平！呢種平民版pizzahut係香港吾多間 得觀察既都係屋村商場至會有環境同裝修同平時既pizzahut都係一樣吾同既係食物價錢！呢個午餐manu只限堂食 外賣拎走就吾係依個價架喇～我叫左個a1餐燴葡汁雞皇飯+凍0茶（$44）凍飲吾洗加錢，另外再加配左一個忌廉磨菇雞湯（$12）先係櫃面落down，付款後店員會比個感應器我，簡好座位後放係枱既感應器位置，食物就會自己送上！因為呢間係平民版，所以餐具等等都要親自封到自助bar到拎，bar上面仲有熱水可以拎，加更吾少得係有調味料，有tabasco,芝士粉，黑胡椒粉我拎好餐具之後埋到坐位，店員隨即送上雞皇飯葡汁既關係，所以成碟都好黃，但係葡汁十分之甜，好好味，主菜係雞，雞件好滑份量多，配菜有洋蔥，經椒同青椒磨菇湯非常creamy,一d都吾會水，裹面有好多細細舊雞肉，亦有磨菇，呢個湯豐富！埋單$56，平日食午餐人吾多，我自己坐係四人卡位，好舒服，仲有好多空既位置！今次午餐體驗吾錯，下次會再食！…Read More

屯門咖喱屋位於屯門置樂附近，呢間餐廳係印度人開既，佢地都識講少少廣東話，所以溝通吾成問題！店內燈光偏暗，坐位簡陋，環境不過不失啦，都有種似係印度當地食野feel,我order左咖哩魚，個碟大到呢。。同朋友一齊食，兩個碟加埋長度仲大過張枱，而食物份量好多，有飯有薯條，有印度薄餅，有湯，咖啡魚配薯仔，份量真係比個like味度方面，咖哩都偏辣，一路食要一路飲野去解辣，但味道好正宗，真係好正，所以非常滿意今餐…Read More